خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 13, 2008

كلام عن التحرش

مناقشة تدوينية حول التحرش

لما كتبت الموضوع ده
"إزاى لما حد يتحرش بيكى.. تعجنية؟
كان الهدف من السخرية مش انى اقول لبنات انهم يقلبوها مجزرة
زى ما بعض الناس فهمت .. لأ
وانما أولا هو لفت نظر لخطورة الموضوع
وان البنت المصرية أصبحت مطالبة بالدفاع عن نفسها فى الشارع
لانعدام الشهامة او لقلتها
أهالينا بيحكولنا.. إن زمااااااااان
لما كانت بنت تمشى لوحدها فى الشارع
فى وقت متأخر شوية كان اول حد يشوفها
ياخدها يوصلها للبيت او حتى عسكرى الدورية
وده رغم ان ما كنش فى حجاب زى دلوقت وكان فى ميكروجيب ومينى جيب

عصفور المدينة اوجز الهدف ده فى جزء من تعليقه لما قال
البوست مبنى على افتراض حقيقي إن المجتمع أصبح سلبي
لدرجة أن الفتاة لا تجد من يدافع عنها ضد المتحرشين السفهاء

وملكة قالت نفس المعنى

مع احترامي للناس المحترمين بتوع المجلة دي
بس هما ميعرفوش ان عندنا في مصر بالصلاة ع النبي نوع تاني من التحرشات
أصل الرجالة المعفنين اللي مش رجالة اساسا
بيعملوا كدة عندنا من الضهر مش من الوش
تماما زي الجبناء اللي لما بيضربوا حد بيضربوه في ضهره
وهو مش واخد باله مش في وشه بكل جرأة وشجاعة
حتى لو الضرب في حد ذاته بلطجة ولامؤاخذة!
ثم هما برضو نسيوا حاجة في منتهى الأهمية الحقيقة
إن الحيوان المتحرش ده هيلاقي ألف مين يدافع عنه في الشارع
ويخلصوه من بين ايدين المسكينة المتحرش بها
وهتلاقي الف الف واحد بيقول خلاص يا آنسة مفيش داعي ده راجل كبارة
عيب تعملي فيه كدة معلش المسامح كريم وسيبيه علين
ا بينما هما بيخلصوه من بين ايدين الست اياها
عشان يجري ابن ال... وهما يبقوا عملوا اللي عليهم
شوف انت بقى لما واحدة تفضح واحد في الشارع او في الاتوبيس
وتقول انه كان بيتحرش بيها كام واحد هيعبرها؟؟
ها؟
قول كام؟
ولا واحد يا مؤمن
وحياة النبي الغالي عليه الصلاة والسلام ولا نفر هيعبرها
حتى لو هي الست الوحيدة والباقيين كلهم رجالة
كله هيحط خلقته في اي داهية بعيد
وهيعتبر نفسه أصم أبكم لم يعد يرى ومأسوف على شبابه
وابقى قابلني لو حد خد لها حقها ولا رحمها من الحيوان اياه...
صحيح..الرجالة ماتوا في الحرب

حنان الشريف
قطة الصحراء قالت ان المتحرشين اجبن من كدة
وانهم بمجرد ما ما بيشوفوا بوادر رد فعل بيطلعوا يجروا
بتحكى عن شخص متحرش - بتقول فى جزء من تعليقها
قولت له حاااااضر ولسه بقلع اللى فى رجلى
لاقيته بيجرى قدامى
اقسم بالله لو الشرطة بتطارده ما هيجرى بالطريقة دى
انا قولت هو الواد شافنى مطلعه الفرفر؟؟ ده انا بقلع الجزمة بس

سومة
قدمت نماذج لحلول لتقويم سلوكيات المجتمع
والمفاجأه انها قالت ان ممكن البنت تحرش بالولد ..طب ازاى ؟
سومة قالت
البنت ممكن تتحرش بولد بس عن طريق لبسها الخارج
طبعا هو مش مبرر للولد انه يعاكس ويضايق البنات
بس حاليا الوضع صعب فى انفتاح رهيب فى الاعلام
ثم ان الشباب والله معزور
على الرغم من انه مدان.. ولا مبرر لاى خطا

لكن المفروض فى الوقت العصيب دا كل واحده كالاتى
تمشى زيها زى الراجل فى الشارع
حتقولى ازاى حقولك يعنى تمشى محترمه متتهزش يمين ولا شمال
عسكرى يعنى
.كلامى مبالغ فيه بس هو دا للى المفروض نعمله
فى ظل ازمه الاخلاق وظل ازمه العنوسه

وبلاش الضحكه المجلجله اللى تهز الشارع
ثانيا تحاول مدام ماشيه لوحدها لبسها ميكونش ملفت
يعنى بصراحه بتبقى لابسه عبايه
والعبايه عليها ملفته اكتر من البنطلون والبلوزه وللاسف هى متعمده تعمل كدا
وبتبقى لابسه جييبه وعليها رسمه فى حته ناقص تشيها وتكتب انظر هنا..؟؟

طبعا مش بتكلم عن الحجاب
لان فى غير محجبات محترمات فى اللبس والتعامل
واخلاقهم برقبه محجبات ماشيين باستوميك والبناطيل اللويست
اللى مفيش تفصيله مش باينه منها

انا نفسى كبنت غصب عنى بلتفت لها فما بالك الولاد؟؟
يعنى المفروض البنت تحترم نفسها فى اللبس
سواء بحجاب او منغيره
ميكونش بيوبرق وملفت بزياده ومغرى لدرجه انه احيانا بيشبه بدل الرقص..؟

من الناحيه الاخرى نبادر فى حل ازمه العنوسه نقلل المهور والشبك والمتطلبات
ونزود ثقه الاهالى فينا كشباب
عن طريق اننا نبين اننا مسؤلين مش شويه عيال
وتطلع مشاريع بناء وحدات سكنيه زى بيوت اليبانيين
غرفه وصاله صغير وحمام ومطبخ ..ايه المانع؟؟

من ناحيه تانيه الاهل انتشر بينهم عاده الاستهتار
والفرحه بان الولد ليه صحاب ع الموبايل وفى الكليه وعادى
اما ابنى يمشى مع خمس بنات يشتغلهم وافرح بيه واقول عليه راجل
ما فى الاخر مردوده لى فى بنتى او بنت اختى او بنت اخويا او حفيدتى او زوجتى او اختى

لازم نوعى الشباب والاهل بطريقه صح
ويكون فى حزم من الاهل شويه بدل التسيب اللى ماشى دلوقت
ونشر ثقافه ان البنت زى الولد
فى ان عيب البنت تمشى مع ولد ملهاش صله رسميه ولا دينيه بيه
وعيب الولد يمشى هو كمان ويصاحب ميت بنت

انت فاهم طبعا انا قصدى ايه بكلمه يصاحب
مش نبهدل الدنيا ونيجى نشتكى
ونقول بناتنا ....كانوا فين بناتكم يوم ما ابنك كان بيشتغل عشره على التليفون
وياريته حب زى بتاع زمان دا تسليه وقله ادب ومسخره


نيجار بنت القاضى أكدت كلامى
عن ان التحرش مش مرتبط بلبس لائق او غير لائق
لكنه مرتبط بأخلاقيات مجتمع


نيجار قالت
أنا هقولك على حاجه يمكن البنات عندكم في مصر
بيشجعوا بلبسهم على التحرش
وانا والله في شهر زمضان لما كنت في مصر وبالأخص لما كنت في ستي ستارز
شفت العجب العجاب في اللبس
والبنات لابسه ومش لابسه
وده غير العدد المهول للمفطرين في رمضان
طبعاً الكلام ده ف رمضان فما بالك بعده أكيد أنئح

المهم قولي بنات مصر بلبسهم يستاهلوا اللي بيحصل
بس لاحظ برضه ان في فمصر محجبات وبنات لبسهم محترم
ومنقبات بيحصل لهم كده
طب احنا اللي في الصعيد الجواني
محجبات وبنلبس عبايات
ومن غير ميكب
وبنمشي في الشارع زي الغفر

يبقى ليه عندنا تحرش ؟؟
لأ والجديد اللي راكب عجله بيبقى معاه جنزير
طب احنا ايه؟؟


وحفصة اعترضت على اعتبار البنت اللى لابسة ضيق انها تستحق التحرش
وقالت كلام قوى جدا

بوستك مهم اوي
ولازم يتاخد بشكل جاد جدا

لكن للاسف .. تم التالي
1
بعض مدونين/ات مستضعفين البنات و بيقولوا هما مش حيعملوا كدا
و حيخافوا
يعني زرع لشك ثقة نفس البنت في قدراتها
و ده غلط جدا و غير حقيقي
و الواحده اذا اتمرنت حتقدر تكسره هو و عشرة زيه
فلازم تدريب عن نفسي لو انا في حالة دفاع عن النفس ببقى شرسة جدا
و معرفش بيجيلي قوة من فين .. ربنا القوي
2
للاسف الاشد ان بعض المدونين الذكور
شايفين ان البنت تستاهل نوعا ما من اللي حصلها

عشان هي لابسه لبس ضيق او ابصر مش عارف مين
مع ان الحجاب و النقاب و الاسدالات بقت اكتر من كدا مافيش
و زي ما انت قلت برضو بيتم التحرش بيهم
3
للاسف المصيبي الشديد الحزييييييييين ان بعض المدونين من غير ذكر اسامي
قالولك ايه يا عم اللي انت كاتبه ده
دي البنت نفسها بتبقى هي اللي عاوزة يتحرش بيها الشباب
و بهذا قد انزل من منزلة البنت لمستوى العاهرة
التي تبحث عن عمل او تشوفلها شغلانة

فطبيعي لما تكون دي وجهة النظر
مؤكد الشارع حيبقى مليان بعدد مهول من المتحرشين
بما انهم شايفينه حق طبيعي ليهم و رغبة دفينة عند البنت
فشكرا لكل ادم فكره بالمنظر ده
على صعيد اخر
موضوع التحرش ده فعلا لازم ياخد حيز التنفيذ
و بشكل تنظيمي شعبي
يعني منستناش لما الحكومة او غيرها من اي المجموعات الاجتماعية
هما اللي يدربونا
لازم احنا البنات نعمل حاجة
اول شئ يجيي في بالي هو منال و اقتراحها الالمعي
باننا نكون مسلحين بابر التريكوا
وفور قيام المتحرش باي حركة او لفظ يتم غزه
بالشكل المناسب في المكان المناسب
سواء مناطق تؤدي لفقدانه القدرة عن الخلفة
او في عنيه
او في اي مكان متاح قدامك
طبعا حيخش حد يقلي بس القسم حيلبسوها هي المشكلة و الغلط معلش ساعتها نقوم الدنيا
و مرة على مرة المجتمع حيتغير
مش من مرة واحدة
هي الحكاية بتم يعني
لازم نتعب شويتين
ممكن حل تاني
و ده بيكون لما تضطري تتواجدي في مكان
وفي كمية من المتحرشين دول
اولا لو واقفة في طابور سينما او عيش ايا كان اقفي وايديك في وسطك
عشان ميجيش اي حيوان من دول
و يعملك حركة مش ظريفة
وعقبال ما تستوعبي
يكون فر هاربا
و انتي غرقانة في خضتك
لو بتتمشي حطي شنطك تحت باطك
بس تكون راجعة لورا لتحقيق نفس الهدف

و ان كانت مش حتنفع مع البنات ذوات الشنط الفسفس

لكن ادينا بندي حلول لكل الفئات العمرية
لو وزنك تقيل شوية مؤكد دايما بتخرجي و معاكي شنطتك
بس يقرب منك ارزعيه بالشنطة او عضيه في رقبته
لو قريب منك
معلش حيكون عرقان و ريحته وحشة
بس ديتها معجون سنان و خلاص حركة تانية ظريفة اوي
بعملها كتير لما بكون مضطرة انزل نص البلد
او اي مكان زحمة
او لو حتى واحد سخيف شغال يبص عليا و مبحلق

ببص في وشه و بعلو حسي بقوله ايوة في حاجة؟؟
بتبص عليا ليه او اشاورله علامة انه مجنون و اعلي صوتي
كمان
لغاية ما يتجرس في الشارع اي نعم مافيش حد بيساعدني فى حاجة
بس دي كفيلة انه يهرب لاني اتفق مع قطة الصحرا انهم جبنا و خوافين
في كمان طرق تانية كتيرة
لكن عزيزاتي المتحرش بهن اهم شئ انك متجبنيش و متخافيش او تقعدي تحسبي ردة الفعل
و مين حيقول ايه
احنا بنبقى في عرض لحظة
متخافيييييييييييييش اتجراي و ميهمكيش و متخافيش على انوثتك
حتفضل متصانة في الحفظ و الصون
بالعكس حتشعري بيها اكتر من اي وقت الستات تحملهم للالم اقوى بكتير من الراجل
و مظنش فيه راجل واحد يقدر يستحمل يحمل و يولد و يخلف
و لو مرة واحدة
حيموت بعد نص ساعة فقط
اخيرا
مقولة حكيمة جدا اعتقد اللي قالها سعد زغلول بس مش متاكده ميموتش حق وراه مطالب
فيا عزيزتي
لو معتقدة انه من حقك تردي الصاع صاعين
او من حقك تخرجي براحتك
او من حقك تارمي اللي اتحرش بيكي
و مافيش حد يقدر يقولك بم
اذن متتنازليش عن حقك و خليكي وراه
اكل العيش مر فما بالكم بالحرية؟


قطاعة ورق
رأى عمر فى الموضوع كان لذيذ أوى
وأنا صغير كنت دايماً ألاقي في شنطة أختي مطوة
أيام ما كانت طالبة في الجامعة ومكونتش عارف ايه دي
ولما كنت أسألها إيه دي؟
كانت تقولي دي قطاعة ورق واحدة صاحبتي إديتهالي هدية

قولتلها أنا بأعرف أقطع الورق بالمقص المقص أسهل
بس بعد مالعمر جري شوية لقيت المطوة بتقطع الورق أحسن
فعلاً
لقيت إن المفروض فعلاً كل واحدة تمشي بقطاعة ورق
وفي الغالب شخصية المتحرش بتكون شخصية ورق
وسهل تتشرخ وتتقطع وتترمي في الزبالة كمان

هاتوا قطاعة ورق

13 comments:

Miss. Sosa said...

انا ماكنتش شوفت البوست الاولاني فاتني بصراحة رجعت شوفته بس فظيع ربنا يديها الصحة يارب البنت اللي بتوصفها ديه .. لو احنا عندنا صحة جامدة اوي كدا زي مابتوصف وهنعجنه كدا ماكنش حد هوب نحيتنا لكن للاسف الدنيا مش زي ما وصفت ومعلومة علمية عظام الست اخف وزن من عظام الرجل فاي خبطة جامدة من اللي بتوصفهم دول اعتقد اننا هنتكسر و نكوم ع الارض

---
اما مشكلة التحرش ربنا يعافينا بقي المشكلة ان المجتمع اخلاقيا ودينيا بينهار .. ازاي نقوَم اخلاق وسلوكيات المجتمع ده ؟!

البنت اللي بتروح الجامعة ولا الشغل زي مايكون رايحة فرح ولابسة اصفر واخضر وترتر و محزق وملزق وفول مايك اب علشان تصطاد بوي فريند

والولد اللي ماشي يتفحص في اجساد الناس بعينيه وبحاجات تانية احيانا
ومصاحب مية بنت وبيبع ويشتروا فيهم

لا هي تعرف يعني ايه حجاب ولا هو يعرف يعني ايه غض بصر وثقافة البوي فريند ده مش بتاعتنا

للاسف انفتاحنا علي الغرب خلانا ناخد سلبياته وشهوانيته بس .. مااخدناش حاجة تانية وده اللي دمر اخلاقيتنا ودينا وعادتنا

اما ندافع عن نفسنا ازاي في ظل القوة الجسمانية اللي علي ادنا

الحق طول عمره قوي وصوته عالي والباطل طول عمره ضعيف وجبان .. هي بس تجمد قلبها وتبلعلها حبيتين خالتي فرنسا وتبصله نظرة من بتوع عادل ادهم وتستلمه تهزيء بصوت عالي وتفرج عليه خلقه اعتقد هيتحرج ويبعد والافضل تتجنب اماكن الزحام والقلق .

اشكرك علي الموضوع المهم واسفة علي الاطالة

بنت مصريه said...

صدقنى يابنى والله احسن حل هو السيلف ديفنس
ههههههههههههههههه

Romancia said...

انا قريت الموضوعات من اول لما كنت فى العيد وعلقت هناك بجد شكرا لطرح الموضوع المهم فعلا
انا كنت بسمع كتير بس لما شوفت المنظر قدامى والله كرهت الدنيا وحست ان اد ايه بيتنا اجمل بقه على ظهر الكره الارضيه وانى نفسى افضل فى علطول ومخرجش منه ابدا شىء مؤسف لما تحس ان مبقاش فى رجاله فيكى يا مصر وكأنهم ماتو فى الحرب
اه هما فعلا ماتو فى الحرب متبقاش غير رجاله بالبطاقة فقط انا بقيت بكره كل راجل فى طريقى سواء فى موصلات او شارع والله واضح كدة انى اتعقدت من موقف واحد بجد شىء غبى اول حاجة قررتها انى لازم العب كاراتيه وبجد مش هزار يعنى ولا كلام حماسى
والى نفسى فى واتمنى اشوفه فى البلد دى قانون يوقف الناس دى عند حدها ويتنفذ مش يقف بتوع الامن يتفرجو الاول وبعديين يتحركو
حسبنا الله ونعم الوكيل فى البلد الى ضاعت هى وناسها
انا لله وانا اليه راجعون

GiGi said...

بصراحه بوست رائع جدااااااااااااااااااااااااااااااااااااااااااااااا
لكن هنقول ايه هي دي الامه اللى حقها مسلوب اللى مش لاقيه تاكل
لكن هنقول ايه كله بيوصل على بعضه
ماهو الازمه الاقتصاديه اللى خلت الشباب كده وبرده الازمه الاقتصاديه اللى خلت مفيش رقابه وبالتالى مفيش دين
لسه في ايه تاني يامصر
لسه ايه

Mona said...

أنا بس عندى ملحوظة لموضوع أنفتاحنا على الغرب: أنا أعيش فى إحدى الدول الأوروبية و من الملاحظ أن الرجال لا بيبصوا ذى عندنا و لا يفكروا لا من بعيد و لا من قريب أن يتحرشوا بفتاة أو سيدة و ما نراه أو نسمعه ما هو إلا حالات فردية نادرة و لماذا؟ لأن الرجل فى الغرب نشاء و تربى على فكر أن الأنسان سواء كان رجل أو مرأة متساويين فى الحقوق و الوجبات فكل واحد بيلبس ما بداله و يعمل ما بداله و لكن بدون أن يعتدى على حدود و حرية الآخر و هذا ما ينقص فى تربية أولادنا أحترام المرأة و القضاء على فكرة أن المرأة وعاء للرجل بل هى ند و كل شىء يبدأو ينتهى عند التربية

Miss. Sosa said...

الغرب مش محتاج يتحرش لان الناحية الجنسية مشبعة بشتى الطرق شرعية او غير
لكن الشعوب العربية شعوب مكبوتة فيبقي مشاهدتها للعري اللي بيبثه الغرب لنا في الستالايت والانترنت خطر جدا علينا

Anonymous said...

Haѵe yоu ever consіdereԁ abοut inсluԁіng
a little bit mοre than ϳust уour artiсlеs?
I mean, whаt you say is іmpοrtant аnd everything.
Neverthelesѕ thinκ about if уou aԁded sоme great
photοs oг video clіps to give your posts more,
"pop"! Your сontent іs еxcellent but with pіcs and vіԁеο clips, this sіte
could definitely be one of thе best in itѕ niche.
Fantastic blog!

My web page - how to get bigger Boobs Naturally

Anonymous said...

Gгеetings! This iѕ my 1st comment here so Ι just wanted
to give а quick shout out and tell you I truly enjoy reading through your аrticleѕ.
Сan you reсοmmend any otheг blogs/webѕites/forums that go ovеr the sаme subjects?
Thank уоu!

Нere is my web blog: how to get taller naturally

Anonymous said...

Superb blog you hаve heгe but I was curious about if yοu kneω of any disсussіon bоarԁs thаt
coѵeг the ѕame tоpicѕ dіѕcuѕsed in this
artіcle? I'd really love to be a part of group where I can get opinions from other experienced individuals that share the same interest. If you have any recommendations, please let me know. Cheers!

My web blog: fastest way to lose belly fat

Anonymous said...

I'm curious to find out what blog platform you are utilizing? I'm
having some minor ѕecurity pгoblems ωith my latest ωebsite and I would
like to find ѕomething more sаfеguarded. Do
уou hаve аny ѕolutions?

my wеb pаge - natural breast enlargement

Anonymous said...

I аm cuгious to fіnd οut what blοg syѕtem
уou have been using? I'm having some small security problems with my latest blog and I'd like to find sοmething morе safeguarded.
Do you have any recommendations?

Сheck оut my weblog - natural yeast infection treatment

Anonymous said...

Ηi eѵеrуbody, hеre eνеry
рeгsοn іs sharing these knoωlеdgе, thuѕ it's fastidious to read this website, and I used to pay a quick visit this blog every day.

Feel free to visit my page: spa in birmingham

Akhadiwi Rajie said...

Oh my goodness! an amazing article dude. Thank you However I am experiencing issue with ur rss . Don’t know why Unable to subscribe to it. Is there anyone getting identical rss problem? Anyone who knows kindly respond. Thnkx
Lijit.com
Community.intuit.com
Pixarcarsdiecast.com