خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 4, 2008

وكمان حريقة فى المحلة.. الدنيا بقت حر

لما تلات حرايق فى تلات مصانع مش جنب بعض يحصلوا فى وقت واحد
هيبقى ماس كهربى بردو ؟؟
لما اربع حرايق فى شهر واحد تقريبا يحصلوا
حريقة مجلس الشورى
وحريقة المسرح القومى
وحريقة مصنع كبير فى العاشر من رمضان
وتلات حرايق فى تلات مصانع تابعين لشركة مصر للغزل والنسيج بالمحلة الكبرى
طب ألحق أنا ازور المتحف المصرى والقلعة وجنينة الحيوانات والبرج وأخش سينيما
ياعالم هنلحق نشوفهم ولا الحاج ماس الكهربائى هيعدى عليهم

أخبار الحريقة الجديدة
فى جريدة البديل
وعلى إيلاف
كتائب الشهيد ماس الكهربائى على اسلام اونلاين
وعلى اخبار مصر


15 comments:

محمد الكومي said...

و ازال مشروع التدفئة العامة مستمرامع الاهتمام بمحروقي الدخل و الدم و توصيل الحرق لمستحقيه

Soul.o0o.Whisper said...

أحجز و بعدين أرد

Soul.o0o.Whisper said...

يووووووووووه
طلعت التانية

مش مشكلة
ههههههههههههههه

بجد حاجة فعلا مش معقولة
ايه حكاية الحرايق دى

و طبعا هيروح اللى ماهمش ذنب فى الرجلين
اعتقد يا خالو انهم عاملين تعاقد مع الماس الكهربى

بس يا ترى ليه نسبة كام؟؟؟




بجد حاجة تحير
لو عرفت حاجة هابقى أقولك
بس لو رزحت الاماكن دى ابئا صورها للذكرى
عشان أبئا أوريها لأولادى ان شاء الله
<< لما ييجو يعنى

يعنى حاجة من ريحة الحبايب
هههههههههههههههههههههه

mahasen saber said...

اعتقد ان سوق اغنية سعد الصغير
ولعت ياله .. هيصحا تانى
والاغنيه هتنتشر انتشار الحرايق فى مصر واعتقد ان سعد واغانيه الواقعيه هيعيش وهتعيش زى اغانى حليم الوطنيه
واروح اتخمد بقه
سلام ..انا حاسه انى بقيت فى جهنم بس هخلى بالى ومش هلبس هدوم فيها مواد قابله للاشتعال ...
الشارع مبقاش يتضمن اليومين دول يااخويا...

بطوط حبوب said...

ازيك يا عم احمد ليك وحشه بجد وكل سنه وانت طيب

والحرايق دى مش زى ما انت فاهم خالص
دى عشان الحكومه عرفت ان الشتا هيجى برد فبتعمل حسابها
فى ولعه كام مصنع على كام مسرح

فهمت؟؟

عاشقه الفردوس said...

طب ألحق أنا ازور المتحف المصرى والقلعة وجنينة الحيوانات والبرج وأخش سينيما
ياعالم هنلحق نشوفهم ولا الحاج ماس الكهربائى هيعدى عليهم



:))))))))))))))))))))))))))


والله هم يضحك وهم يبكي

كل عام وانت بخير وسعاده وطاعه اللهم امين

همس said...

ياخوفى يجى يوم

وابن الهبل دا يولع فينا واحدواحد

ولا هو يولع فى البلد

وابنو يولع فينا

الله يحرقهم

mohamed ghalia said...

أنا برده بقول نلحق نشوف بقيت الأماكن قبل ما الراجل ماس ده يروح يزورهم
يلا قوم عشان نلحق.
تقبل تحياتى
كل سنة وحضرتك بخير

قلم رصاص said...

هههههههههههههههه

تبسم ياخالو فأنت في أيدي أمينة
لالالالالالالالالالالالا أقصد في أيدي حكومة نضيفة

ههههههههههههههههههه

انا بصراحة خايف لحسن يهدو الهرم بحجة انه مبني على أرض زراعية
مجتش على الحرايق ووقفت يعني

دي حكومة ذكيييييية جدا ونضيييييييفه
ههههههههههههههه

كل سنة وانت طيب

تقبل مروري

حنين.. said...

والله انا بدات اخاف
هههههههههههههه
واطفى النور كله واقعد فى الضلمه علطول
انا بتهيقلى ان اللى بيعمل الحرايق دى ناس, حد مساندها بقى او مش حد وبعيدا عن الحد دا
المهم ان فى رساله من الحرايق دى
هى ايه
ولمين
ربنا يستر
دمت سالم

حنين.. said...
This comment has been removed by the author.
عاقلة علي ارض الجنون said...

مش عارفه !!

بس بجد حاجه تقلق

هو الحاج إهمال مش بيظهر ليه ؟
أو الحاج فساد
اللي هما محاججوش أصلا و بيقولوا عليهم حجاج

حسبي الله و نعم الوكيل

أعتقد ربنا كفايه علي كل دول و احنا نروح نلحق نزور المتحف زي ما انت قولت

بجد مش عارفه اقول ايه !!

¨¨¨°~*§¦§ Appyplanet §¦§*~°¨¨¨ said...

هههههههههه فاكر اعلان ولسه ولسه
مش عارفه بقى دول مستنين ايه ما يولعوا فيها مره واحده ويخلصونا ايه التنقيط ده اديهم يا ابنى بنزين وولاعه يمكن مش معاهم

اهو ده عيبه said...

بسم الله الرحمن الرحيم
الاجابه/ فار السبتية
ولا يمكن نيرون زى بتاع روما بس المرة دى من مصر
عايز يعيد حريق القاهرة بس بالقطاعى
ربنا يستر ويرحمنا برحمته ونموت موته ربنا لا مشويين ولا غرقانيين
سلام

FreeKiller said...

انا عملت اللي عليا
وزرت قاعه المؤتمرات ف جامعه القاهرة
قبل ما تولع هيا كمان