خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 17, 2008

النموذج الاسلامى فى .. ما تيجى ننجح

النموذج الناجح قد يكون نموذج محلى وقد يكون نموذج عالمى
إحنا فى مصر عندنا نماذج محلية ناجحة ورائعة أدباء وأطباء ومهندسين ورجال أعمال
ومحامين ومدرسين وأباء وأمهات وصنايعية وعمال
ناجحين فى حياتهم وأفادوا انفسهم واسرهم ومجتمعهم
ولكن النموذج العالمى شئ أخر
النموذج الذى يذكره التاريخ وتذكرة البشرية بالعرفان
النموذج العالمى المخترع والمبتكر والعبقرى
مثل العالم المسلم القديم الذى أبدع فى الطب والفلك والهندسة والفلسفة فى نفس ذات الوقت
واخترع البوصلة ووضع اسس الدواء والهندسة ووضع النظريات الفلكية
مثل مخترع التليفزيون والمنطاد والتليفون والطائرة
هو ده النموذج العالمى
تعالو نتفق إن النجاح درجات .. ممكن يكون نجاح على مستوى الدراسة ، وممكن يكون نجاح على مستوى الحياة العملية أو الزوجية أو الاسرية
وإن ما فصدتة فى مقالى بعنوان
 "النموذج الإسلامى الناجح .. راح فين ؟؟"
من إختفاء النموذج الاسلامى الناجح لا يعنى عدم وجود أى مسلم ناجح .. إطلاقا
أحمد زويل العالم المسلم صاحب نوبل
محمد عبد السلام المسلم أيضا صاحب نوبل
مظفر شكور أول رائد فضاء ماليزى مسلم
سميرة موسى أول عالمة ذرة مصرية
أحمد مستجير عالم الزراعة والهندسة الوراثية وتربية الحيوان
عبد الحليم مومند رائد الفضاء الأفغانى
وغيرهم الكثير
لكن ما قصدتة هو تراجع النموذج الاسلامى العالمى كثيرا عن الامس

تعالوا نقرا شوية فى كتاب ماتيجى ننجح للكاتب الشاب مصطفى فتحى
ونشوف ازاى الكاتب وضح الفرق ده
فمصطفى خصص جزءا من كتابة
ليضرب أمثلة لشباب مصريين حاليين ناجحين نجاحا باهرا
راجع كتاب ما تيجى ننجح ابتداء من صفحة 51
بالصدفة كانوا كلهم مسلمين وبالصدفة بعض من النماذج اللى ذكرها المؤلف هم أصدقاء شخصيين ليا وأعرفهم عن قرب
بالفعل احنا عندنا النواه لنماذج إسلامية عالمية
لكن أحيانا بيتوقف دور الفرد عند حدود يضعها له المجتمع بتخلفة وتراجعة
وتلعب الانظمة الحاكمة دورها فى إنهاء مشوار النجاح الى العالمية ليكتفى بنجاحة المحلى
من خلال اهمال التعليم والمعامل وقلة الامكانيات واهدار الموارد العامة
والمطلوب مننا كشباب القيام بدورنا الفردى على أكمل وجه
وما نتحججش بتخلف المجتمع
كل واحد مننا له دور تجاه نفسة
تثقيف نفسة
خلق الحلم والطموح ورعايتة
السعى المتواصل لتحقيق الحلم
رفض اليأس والإحباط لمحبيهم
دعوة لقراءة كتاب ما تيجى ننجح
هتاخدوا منه شحنة إيجابية جميلة كلنا محتاجينها

5 comments:

هويدا صالح / عشق البنات said...

تصدق يا أحمد
إحنا فعلا محتاجين قوي نقول للشباب إن الشخصية المصرية لسه تقدر تنجح
وتقدر تبقى بخير
وتقدر تخرج من الكبوة الصعبة دي
لأن الروح السايدة اليومين دول
والأفكار اللي بيحاول أعداء مصر بثها إن الشخصية المصرية ضاعت ملامحها
إن الشعب المصري شعب انهزامي
إن مفيش فايدة
إن وإن
ومصر فعلا محتاجة لقومة وصحوة ووقفة بس من الشباب
لأن مش هينصلح حال النظام غير لما الشعب يبقى عنده وعي حقيقي
باللي بيحصل
....

مهندس مصري said...

طيب و انا اقرأ الكتاب ده ازاي ؟

Soul.o0o.Whisper said...

السلام عليكم و رحمة الله و بركاته

أنا قرأت البوستين دول يا خالو




تقدر تقول كدا ان الروح السائدة هى روح الاحباط
دا مش تقدر تقول
دا الاكيد انها روح تيأيس و تحبيط

لكن دا مايمنعش أبدا ان فى ناس لسه بتحاول تسبح ضد التيار

و صدقنى أنا كمان عندى نماذج لشباب (من الجنسين)ناجح جدا
سواء فى تغلبه على ظروف اجتماعية
او فى مجالات علمية
و غيره

لكن حتى النماذج العالمية المسلمة
حاليا و حتى القدماء
ماحدش من الشباب عنده المام و علم بيها


ليه؟؟؟
عشان ...ياعم هو احنا لاقيين لقمة العيش لما ناخد شحنة أمل اننا ممكن نعمل حاجة

و على النقيض
تلاقى شباب كتير ماسك سوسو وتوتو و نونو

و سايب الناس دى مش حاططها فى دماغه اصلا



بوست رائع
تسلم ايدك



خالص تحياتى

مصطفى فتحي said...

احمد الصباغ

شكرا

شكرا

على كل شئ
بجد اول مرة احس اني مش عارف اعبر لحد عن مشاعري تجاهه

اشكرك يا صديقي الجميل الرائع
:)

حياة said...

بارك الله فيك
ألف شكر على المواضيع المميزة والهادفة

فيه في مصر نماذج كتير ناجحة في كل المجلات بس المشكلة في الي يديهم الفرصة
وللأسف بتبقى فرصة للدول الغربية أنها تستقطبها وتستفاد من علمها لكن أحنا بالكتير نديهم تأشيرة بالرفض على أي بحث
ونحبط من عزيمتهم ويسافرون بلا عودة .

أطيب تحية