خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 20, 2008

سر صورة حمدى بالالا على علبة السجاير

حمدى بالالا .. الراجل اللى سكن جنب قلوب المصريين

ببساطة لان صورتة على كل علبه سجاير

سواق الميكروباص اللى قال انه بيعشق التدخين

وبيقول ان عمره ما تعب منه

واللى اتعمل له جروب لمحبيه على الفيس بوك

والعملية بقت مسخرة والناس بقت تضحك على وزارة الصحة

وواخيرا .. النتيجة كانت مفاجأة فى مصراوى أهى


مفعول صورة حمدي بلالا على علبة السجائر .. صفر
خاص - مصراوي - اكد احدث تقرير صادر عن الجهاز المركزي للتعبئة والإحصاء أن وضع صورة مريض الصدر على علبة السجائر لم يؤثر على حجم المبيعات وأرباح شركات إنتاج السجائر مضيفا ان أكثر من 5 ? من دخل الأسرة المصرية يتم إنفاقه على التدخين مقابل 2? إنفاقاً على الصحة والعلاج. وأشار التقرير إلى أن الدول النامية تنفق 2000 مليار دولار على التدخين سنويا وأن الشباب أقل من 35 عاماً يمثلون 67 % من المدخنين

الحكومة المصرية حتى فى العبط ما بتعرفش تبقى عبيطة بضمير

رغم ان مكافحة التدخين لها أصول وأساسيات متبعة فى كل دول العالم

ألف باء مكافحة تدخين يعنى منع التدخين فى الامكان العامة

ووضع قانون وعقوبة صارمة حقيقية ومنفذة على الكبير والصغير

انما ده عمره ما بيحصل فى مصر

طيب بلاش قوانين واساسيات وكلام كبير

خلينا فى صورة بالالا

حتى دى الحكومة مش عارفه تعملها

مش عارفة تجيب واحد عيان بجد وتحط صورتة على علب السجاير

وتجيبة فى التليفزيون يحكى عن تجربتة الاليمة مع التدخين

رايحين يصوروا صورة اى كلام

والراجل زى الحصان وصوره فى كل حتة

وهو بيدخن وماسك علبة سجاير

بالالا فى عربيتة


بالالا .. مشهور رغم انفه

بالالا فى وسط أصحابة


بالالا بيرفع علامة النصر .. للتدخين



بالالا ومعجبية


السر الحقيقى لصورة بالالا على علب السجاير

متهيألى وزارة الصحة كان قصدها الحقيقى من حملة بالالا مش منع التدخين .. ولكن قصدها كان ده

58 comments:

مهندس مصري said...

هههههههههههههههههههههههههههههههههه
ممكن يكون ده قصدهم بجد
:)

egyboy said...

هههههههههههه
حمدى بالا والسيجارة أكيد الوزارة كان قصدها تروج للسجاير فغيرت شكلها

موناليزا said...

حسبى الله ونعم الوكيل
لا والجديد بيوزعوا جراب مع العلبة عشان تغطى الصورة لو حد مضايق منها

عصفور المدينة said...

الحكومة تعتمد طريقة الاصطمبات الجاهزة مفيش تفكير

خمسة فضفضة said...

السلام عليكم ورحمة الله وبركاته

ههههههههه

طبعا وبغض النظر عن اساليب الحكومه اللي لا بتودي ولا بتجيب في معالجة اي مشكله تواجهها وحتي ابسط المشاكل

بس ليا استفسار هو فعلا الراجل ده اللي صورته علي العلبه ولا مجرد تشابه ويخلق من الشبه اربعين ؟؟

والله باسال بجد مش باهزر
بجد هو ولا لأ؟؟؟؟

يا مراكبي said...

ههههههه

أنا عاجبني إسمه قوي .. أكتر من الجرسة اللي فيها الحكومة دلوقت

ياترى هيحطوا صور مين على الشيشة؟

StEElBeaUtY said...

طب الاهم من الساجئر الدرجز والخمور

انا اعرف ناس شرين جراب لعلبة السجائر بخمسين قرش وعلية صورة تامر حسنى وهو معمول مخصوص لكدة

اقولكم ع حل يغلوا علبة السجائر الضعف وبكدة كتير هيبطلوها من الطبقة النامية والمتوسطة اما الطبقات الفوق متوسطة فدول ملهمش حل

بذرة امل said...

انا شوفت حمدى بالالا فى البيت بيتك واستغربت جدا
من حركة الوزارة دى وكأنها بتتعامل مع أطفال صغيرين

Geddo Iskandar said...

عزيزى - دي حكومة متنيلة على عين أمها حافظة مش فاهمة

أي هبل والسلام

بطوط حبوب said...

هههههههههههههههههههه

اما الحكومه دى عليها حركات
بس الى يفهمها

زهرة الياسمين said...

واضح ان ده كان قصدهم فعلا
او انهم فاكرين انهم بيتعاملوا مع اطفال

اهو ده عيبه said...

بجد قمه الغباء وقلة القيمه
يعنى صحيح من قله مرضى الصدر والسرطان فى البلد رايحين يجيبوا الراجل الغريب ده
وبعدين مال شكله على العلبة احلى من الحقيقة كده
مصيبة ليكونوا عاملينله رتوش ولا مظبطين الصورة علشان يطلع وسيم وحليوة
فعلا بقت بالالا على الاخر
سلام

تخاريف خاصه! said...

هههههههههههه

الصورة اصلا مالهاش اى لازمه!!!

انا حره said...

مانابهم من الموضوع الا انهم عملو دوشه كدا عالعلبه بمنظر عبيط قال يعنى المدخنين مش عارفين خطوره التدخين

وبعدين هما مالهم اساسا ماكل واحد عقله فراسه يعرف خلاصه هيقولك بيدفعو اد كدا على علاجهم هقولهم بلا نيله هوا فى اساسا مستشفيات يتقال عليها مستشفيات ولا بتقدم خدمه فالبلد دى

حياة said...

لووزارة الصحة حقيقي خايفة على صحة الناس
كانت المفروض تختار إنسان عنده وعي يعني إيه مرض خطير مش بالالا ..
والمفروض انه لما صرح عن نفسه إنه بيشرب سجاير وزي الفل
كان صدر قرار رسمي بضبطه وتطبيق أقصى عقوبه عليه لأنه مافهمش يعني إيه إنقاذ حياة بشر

أطيب تحية

عاقلة علي ارض الجنون said...

لووووووول
هههههههههه
مش قادره ابطل ضحك
بجد بجد بجد

فظيع

و اللهم نو كومنت :)

خالد فوده said...

هههههههههههههههه
ههههههههههههه
عجبتني اوي صوره علامه النصر دي
واللي بيطمن فيها شعبه
ههههههههههههه
غصب عن الحكوومه
والله حاجه جميله اوي

GiGi said...

ايه رايك باه اننا تعبانه نفسيا من الصوره جدا والمشكله ان الى متاثر منها حنا لاانا شعب نضيف طبعا وبنرمى العلب على الارض للاسف
وبيقولوا الصين عملت زي طفر للعلبه
فاللى بيتاثر احنا مش اللي بيشرب
حاجع تقرف
انت كمان مش تصوره بطل الابطال ده مخلى الواحد تعبان بجد نفسيا كل ماينزل الشارع

بنت الاسلام said...

عم بالالا بقي اشهر من النار علي العلم

طيب ياخد حق دعاية بقي من شركات

السجاير ويعالج نفسه

لعله يشفي

واهي الشركات حتي تكسب فيه ثواب بدل

الذنوب اللي نازلة ترف عليها

تحياتي

نعكشة said...

:D

هوه الفكرة متبعة في كتير من البلدان لما دورت عالانترنت لاقيت علب السجاير في بلاد تانية عليها صور ناس مرضي

بس الفكرة في الاختيار للناس المرضي

عندنا في قسم طب المجتمع السنة اللي فاتت كانو بيوزعوا صور للتدخين بجد بجد الحمد لله علي نعمة الصحة
صور لو انت مبتدخنش تخاف تقرب من حتة دخن فيها حد قبل كدة

بس سر اختيار بلالا معرفش

ممكن نعمل قصص فلاش و سماش عن سر اختيار بالالا للحملة :D

......

بمناسبة منع التدخين في الاماكن العامة

في مستشفى الباطنة مكتوب علي الباب ممنوع التدخين و غرامة عشرة جنية
الحارس اللي واقف عالباب بيشرب سجاير و فية ناس كتير جوة بتشرب سجاير
و هيصة


........

يا سيدي

خلي الشعب يموت
قصدي خلي الشعب يعيش

سلام عليك

طالب ثانوى said...

ههههههههههة ممكن يكون دة قصدهم

انت على فكرة بتقرى الافكار

كنت بفكر اكتب موضوع عن النو نيمس لقيتك كتبت عنة وفكرت اكتب عن بلالة لقيتك كتبت عنة

والله مبهزرش

همس said...

هههههههههههههه

طب تصدق على الصورة شكلو احلى من هو على الحقيقه

وبعدين دى حكومة هبله والله

انا بيتهيئلى لو حطو صورت مبارك

كانت نجحت الحكومة دى

بس هقول ايه

عالم هبله

أحمد سعيد بسيوني said...

هههههههههه
منك لله يا بالالا

Soul.o0o.Whisper said...

تصدق يا خالو

أنا كنت باشوف علب السجاير مرمية على الارض
و من فترة كدا لاحظت ان فى صورة راجل عليها
كنت بأموت و عاوزة أشوف واحدة منها ايه اللى عليها دا

أصل ماكنش شكل واحد تعبان خالص
كنت باقول يمكن دى دعاية للتدخين
و حاطين واحد بيقولك شجع المنتج الوطنى


بس بعد كدا فى مرة لقيت واحد داخل الصيدلية و معاه علبة السجاير و حطها على البار

ياااااااااااه كنت مبسوطة قلت الحمد لله هاعرف مين دا


بابص لقيت مكتوب التدخين ضار و يسبب الوفاة
و حسيت ان الراجل بيضحك بخبث كدا


فطست على نفسى من الضحك والله

قلت عجايب والله
و لسه


هههههههههههههههههههههههههههههههه





بجد البوست تحفة


خالص تحياتى

wafaa said...

مش عارفة هما كانو فاكرين ان الاطفال هيا اللى بتدخن ولا ايه

Rasa said...

ههههههههههههه قال و بابا كان بيغطى صورته بالورقة الفضى اللى بتشيلها اول ما بتفتح علبة السجاير !!!! انا حوريله البوست ده اسهل :)

محمد الكومي said...

انا حسيت انهم عملوا دعاية غير مباشرة للتدخين

اذا كان فشلوا في حملة ضد التدخين طيب هيكافحوا الحشيش ازاي

داحنا هنكسب دهب

ربنا يكرمنا وز ينزلوا حملة ضد الحشيش و يكون بالالة غطسان في غرقانة ولا كنشة و لا مقضيها معالق

ولا حتى يتصور جنب كوباية عشان يمشيلنا السوق

šσяšαяαα said...

انا شفت موضوع التصاوير دا فين يابووووى
فين يابووووووووى
مافاكرش

بس فعلا بيقولو عاملين جروب لمعجبى هذا البنى ادم اللى مايجوزش عليه غير الرحمة

والقرع لما استوى قال للخيار يا ايييييييييه

يابالالا.... هع هع

nona said...

هههههههههههههههه
حلوة قوى صورة و هو رافع علامة النصر للتدخين
هما تقريبا حطين الصورة عشان يرفعوا نسبة المبيعات و يقسموا بالنص بعد كدة

nour shahen said...

هههههههههههههههههه
يا نهار أبيض علي المهازل اللي بتحصل في بلادنا
انا شوفت الصوره الاخيره وكنت بضحك والله كنت معتقده ان حكومتنا العزيزه اتجننت وحطت تشجيع للمدخنين

معلش اعزر جهلى منا مبشربش سجاير ولا بشتريها ههههههههههههههه

يلا خير خير

اهو بلالا اشتهر على حساب الحكومه
أظن كانت صورة الرئه بس على العلبه أفيد من صورة بلالا في الانعاش

وبعيداً عن الأحصائيات كان فى ناس لما بتشوف صورة الرئه بتبتعد عن شراء العلب دى
وتجرب نوع تانى ههههههههههههه

والله مهزله
يلا اللي مش عايز صحته يعمل ما بداله
هو احنا اللي هنتحاسب
على الصحه دى ولا هما
ربنا يهدى الجميع

خالص تحياتى ليك

ست البيت said...

بلا لا يا خالو؟
طب تصدق اني من زمااااااااااان
أيام ما كان ابويا عليه رحمه الله
بيدخن
كنت بتعجب جدا من أن مكتوب على علبة السجاير التدخين ضار جدا بالصحة...
طب بتبيعوة ليه

ومش جديدة على بلدنا
الحملات المضروبة
افكرك بصفر المونديال ؟
ولا بحملة ضلمتوا مصر اللي كلها باللغة العربية
وعامية كمان
ولا افرك بالست يسرا وهي تتدلل وتقول انت نورت اجمل مكان في الدونيا
انت نورت مصر
؟
بلد بتاعة حملات صحيح

أحلى حياة said...

يحرمهاش منه :S

قلم رصاص said...

هههههههههههههههههه

أما حكومة ذكية صحيح زي القرية الذكية
ههههههههههههههههههه

وبتجيب أفكار نضيفه .. نضيييييفه جدا
ههههههههههههههههههه

شكرا ياخالو

تقبل مروري

وومن said...

نياهاهاهاهاهاهاهاهاهاهاها
هع هع هع هع هع هع هع هع هع

هي دي وزارة الصحة يا مصر

هي دي مصر

طب والله هم يبكي وهم يضحك

حاسة اننا بقينا ماشيين بقفانا

ـ-ـ- أحمد عبد العدل-ـ-ـ said...

المفروض يكتبوا على علم مصر "عادى بقى"
وممكن كمان يشيلوا النسر ويحطوا صورة بالالا
أو الحاج أحمد الصباح بالطربوش ... عادى بقى

لأ بس بجد ملكش حق ياخال تغلط فى الصفر حضرتك ما تعرفش انه من معالم مصر الحضارية
يعنى فى ناس برعت فى حصد الميداليات الذهبية وناس تانية برعت فى حصد الأصفار

الخطوة اللى جاية بعملوا كود مصر تلات أصفار وملهاش داعى الاتنين

ربنا كبير
تحياتى

sebofy7alo said...

والله واضح أن الناس مش مقطنعة بأي حاجة الحكومة تعملها وبيحسوا أن دة كلة تمثيل في تمثيل زي مسلسلات رمضان
جايبين ممثل

حمدي بالالا في البالالا

دعاء مواجهات said...

ايه ياعم انت ماشى ورا

بالالا

بالكام بتاعتك ولا ايه

؟؟؟؟؟؟؟؟؟؟

بدراوى said...

أنا اول ما شفت العلبة كنت راكب التاكسى
السواق قالى اشرب اشرب يا عم
و الله لو عملوا ايه
برده حنشرب

كل ده قبل ما حمدى بالا لا
يطلع شخص طبيعى

--------
على فكرة انا غير مدخن و الحمد لله
و من يومين كنت مسنى واحد صاحبى
فى الشارع

لقيت واحد معدى قالى معاك كبريت

قلتله مشربش سجاير أصلاَ
قالى ليه مبتشربش سجاير

ده الكل الناس بتشرب
و بعدها قالى كويس ريحت نفسك

بنوتة مصرية said...

وبقئيت تلعب بوكر وبيتشرب جامووووكر


كوكوكوكوكوكوكوكو

Medicine Break said...

ههههههههه
جامد جدا

بت خيخة وأى كلام said...

أنينيموسنا ضرب أنينيموسكم قام أنينيموسهم قال لأنينيموسنا خلى بالك من أنينيموساية أنينيموسكم


أنينيموسنا ضرب أنينيموسكم قام أنينيموسهم قال لأنينيموسنا خلى بالك من أنينيموساية أنينيموسكم




أنينيموسنا ضرب أنينيموسكم قام أنينيموسهم قال لأنينيموسنا خلى بالك من أنينيموساية أنينيموسكم




ادينى اهه كررتها تلات مرات ومتلغبطش فيها


بجد يا احمد الجملة دى فطستنى على روحى من الضحك


سلام
اختك خيخة

SKOBL- Little Lazy Me said...

عاجباني مشهور رغم أنفه دي ... بس بجد لو الراجل عمل الصورة معاه بجنيه حيكسب

و لك كل التحيات

meshmesha said...

البوست ده جامد موت، انا مسخسخة م الضحك
اسلوبك تحفة والصورة تجنن
يا خيبة الحكومة

مختار الجندى said...

فكرة وضع مثل هذه الصوره على علب السجائر مبادره جميله من وزارة الصحه وانها فكره تسويقيه جيده لمنع التدخين فعلا الا عداد لها كان خاطأ ولكن هى ناجحه جدا ولذلك كان لها كل هذا الضجيج فقد لاحظت ذلك لامتلاكى محل بقاله وايضا ابيع به سجائر توقف مبيعات السجائر تماما لمدة يومين وانقطاع البعض عن التدخين وكنت اشجع ذلك لانى كنت مكرها على بيعها وحتى ثالث يوم اصبح البعض يشترى نصف ماكان يشتريه سابقا وظلا كذلك حتى ظهر بالالا واعلم ان من نقب على بالالا هو شركات السجائر نفسها ضمنا للمزيج التسويق وتغير الراى العام الذى ظهر تجاه التدخين ولكنها كانت مبادره جيده للغايه وتتيح للوزاره بالتدخل اكثيرا ولربما قدمت الافضل بعد ذلك

نهله said...

حكومة عجيبة غريبة رهيبة

مش بعيد الحكومة تكون عاملة اتفاقية توزيع مع الشركات المنتجة للسجاير مقابل نسبة من الارباح

ههههههه

بس عجبتنى أوى جملة :
الحكومة المصرية حتى فى العبط ما بتعرفش تبقى عبيطة بضمير

ههههههههه

tshandny said...

مساء الخير خالو احمد الصباغ
انا طبعا دلوقتي في بيتي مفيش مدخنين
يعني بلالا ده مدخلش بيتنا
بس بشوفوا في شغلي في ا ي مكان موجود
بس بدل ما نتكلم عن بلالا
تعالى نتكلم شركة الشرقية بتاعت الدخان دي بتاعت مين
دي شركة قطاع عام
بتعمل دخل لمصر يصنف رقم اتنين بعد قناة السويس
لو نتخيل مع بعض علبة السجاير بتكاليفها كلها
على الشركة 25 قرش
باقي تمنها يعتبر ضرائب للحكومة
حتى الاجنبي من السجاير دي
بيدخل يتم تعبئته جوة مصر وتكلفته بتزيد شوية
يعني اجنبي يعني العلبة اللي بتتباع ب 8 جنيه بتتكلف على الشركة 85 قرش والباقي لمصر
يعني لولا الشرقية للدخان كان زمان حالنا حال
فطبيعي يجيبوا حمدي بلالا وكمان يقولوا التدخين يؤدي لحياة افضل
ده اقتصاد بلد
يضيع يعني
يرضيك يا خالو
ده حتى يبقى حرام

ahmed said...

حمدى بالا والسيجارة أكيد الوزارة كان قصدها تروج للسجاير فغيرت شكلها

ali said...

فكرة وضع مثل هذه الصوره على علب السجائر مبادره جميله من وزارة الصحه وانها فكره تسويقيه جيده لمنع التدخين فعلا الا عداد لها كان خاطأ ولكن هى ناجحه جدا ولذلك كان لها كل هذا الضجيج فقد لاحظت ذلك لامتلاكى محل بقاله وايضا ابيع به سجائر توقف مبيعات السجائر تماما لمدة يومين وانقطاع البعض عن التدخين وكنت اشجع ذلك لانى كنت مكرها على بيعها وحتى ثالث يوم اصبح البعض يشترى نصف ماكان يشتريه سابقا وظلا كذلك حتى ظهر بالالا واعلم ان من نقب على بالالا هو شركات السجائر نفسها ضمنا للمزيج التسويق وتغير الراى العام الذى ظهر تجاه التدخين ولكنها كانت مبادره جيده للغايه وتتيح للوزاره بالتدخل اكثيرا ولربما قدمت الافضل بعد ذلك

zaid said...

المفروض يكتبوا على علم مصر "عادى بقى"
وممكن كمان يشيلوا النسر ويحطوا صورة بالالا
أو الحاج أحمد الصباح بالطربوش ... عادى بقى

لأ بس بجد ملكش حق ياخال تغلط فى الصفر حضرتك ما تعرفش انه من معالم مصر الحضارية
يعنى فى ناس برعت فى حصد الميداليات الذهبية وناس تانية برعت فى حصد الأصفار

الخطوة اللى جاية بعملوا كود مصر تلات أصفار وملهاش داعى الاتنين

Anonymous said...

tаntric mаssage is ofttimes all the іnсontrovertible vigour you
pauperіsm sеcret seаѕide vіlla with a Outѕtanding viѕta аnd close tο
null. quick To rеceive the push, because she couldn't feel it today. sage Used in anxiousness, lightsome abound. For good example, soul with an dissymmetry in is the dominant fictitious character, in the mo her sister Hi'iaka has sham that attіtude.


Have a look at my web blog; web site

Anonymous said...

Hi theгe exсellent wеbsite! Doеѕ
running a blog ѕimilаr tο this take a laгge amount of
wоrκ? Ι haѵe viгtually nο undeгstanding οf computer ρгogгamming but I waѕ hoping to start my οωn blog in the near future.

Anywaу, should you have any ideas оr tipѕ
for nеw blog οwnеrs pleasе share.
I know this iѕ off topic but I simρly ωanted to ask.
Appreciate it!

Heгe is my ωeb blog - bigger breasts

Anonymous said...

Pleasе let mе know if you're looking for a writer for your weblog. You have some really good articles and I believe I would be a good asset. If you ever want to take some of the load off, I'd really like to
write somе material for your blοg in exchange for
a lіnk back to mine. Ρleaѕe send me an email if
іntereѕtеd. Cheerѕ!

Feel fгee to ѕurf tо my hοmepagе: how to get taller

Anonymous said...

It's a shame you don't have а donate button!

ӏ'd definitely donate to this superb blog! I guess for now i'll settle for book-markіng and adding
your RSS feеԁ to my Google account.

Ι looκ forωard to fгеsh updatеs
and will talk about this blog with my Faceboοk gгoup.
Tаlk soon!

Here is my blog: fast way to lose belly fat

Anonymous said...

Wow that was оdd. I just wrote an very long comment but аfter I clickеd submіt my comment didn't appear. Grrrr... well I'm not
ωгiting аll thаt oνeг again.

Rеgarԁless, just wanted to sаy wonԁerful blog!


Also visіt mу blog: cure heartburn fast

Anonymous said...

Does your sitе have a cοntact page?
Ι'm having a tough time locating it but, I'd like
tо shoot you an еmail. I've got some recommendations for your blog you might be interested in hearing. Either way, great site and I look forward to seeing it expand over time.

my web site natural breast enlargement story

Anonymous said...

Ι don't know whether it's juѕt me or if evеryone еlse encountering
issues with yоur blog. It appears as though some of the
text in your poѕts are running off the screen.
Can somebody else please prοvide feedback and let me κnow if this is happening to them as well?
This could be a issue with mу browsеr because I've had this happen previously. Appreciate it

Here is my weblog :: natural yeast treatment

Anonymous said...

Hi, thіs weekend іs niсe in faνor of
me, since this ocсasion i am reading this fantastic infoгmative post here at my houѕe.


Ϻy homepage ... birmingham spa days

Jaya Liga said...

This is a fantastic website and I can not recommend you guys enough. Full of useful resource and great layout very easy on the eyes. Please do keep up this great work...
Jayaliga.com
www.jayaliga.com
Jaya Liga
Jayaliga.com