خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 22, 2008

إلى أصحاب الوثيقة التأسيسية للمدونين الحلوين

شوف الوثيقة دى واسمح لى أقول رأيى

لو استبعدنا غير المسلمين من التدوين
واكتفينا بما يسمى التدوين حسب الشريعة الاسلامية
واكتفينا بالـــ مبادئ الاسلامية الحنيفة فى التدوين
واستبعدنا المثليين والشواذ والملحدين
واستبعدنا الكتابات الانهزامية
وبعدنا عن المصلحة الشخصية فى التدوين
واستبعدنا المجاملات
واستبعدنا البذاءات
واستبعدنا التقليعات الغربية
زى ما انتو بتقولوا

يبقى التدوين مالوش لازمة
ونروح احسن نقرا كتب وجرايد

ده رأيى الشخصى



-------
ملحوظة : الوثيقة فيها اخطاء لغوية و إملائية وده عيب فى حقكم . صح ولا لأ ؟

49 comments:

Ahmed Al-Sabbagh said...

دى عناصر الوثيقة التأسيسية للمدونين


1 - عدم المساس بأي دين أو مذهب بالتجريح وعدم نشر العداوة بين المذاهب المختلفة


2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام

3- البعد عن المصلحه والأطماع الشخصية وجعل التدوين نزيه وله هدف سامي

4- المحافظة علي شرف التدوين ومحاولة الأرتقاء به لأعلي الدرجات

5 - البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار

6- نشر روح المحبه والأخوه بين الناس


7- البعد عن الأفكار الهدامه والتمسك بالقيم والمبادئ الإسلاميه الحنيفه


8- عدم التخلي عن التدوين قدر المستطاع ومحاولة التواصل حتي ولو علي فترات متباعده

9- مساعدات أخوننا المدونين علي قدر المستطاع ونشر الخير بينهم

10- عدم التعرض بالآساءة أو الألفاظ الجارحه لمن يقوم بالرد علي مدوناتنا



11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات

12- متابعة تعليقات من نقوم بالرد في مدونتهم لكي يتم الاستفاده من هذا النقاش

13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم

14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم

15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية

محمد الكومي said...

و رقصني يا جدع

و بعدين انا و هشام علاء نطالب بان تنبثق عن اللجنة التاسيسية دي

لجان تكون منبثقة بطبعها

و كل لجنة تنبثق عشان تتابع بند

و شخصيا اطالب بلجنة 14

عشان برضه الشباب تعبان

و سمعني مقولة ابو الليل الشهيرة

ياخي لأه

australia said...

على فكرة يا أحمد أحسن حاجة لرسومات على علبة السجاير أمراض حقيقية من أثر التدخين زي الدول ألي برة الدول الأجنبية بجد صور مرعبه .
فيه بعض المدخنين صحيح لسة بيدخنوا بس وقت ما يشتري علبة سجاير عليها رسمة بجد بشعة المنظر بيغير ها تاني معنت كدة إن فيه تاثير ممكن يجي منه في المستقبل .

Gannah said...

احمد
شفت تعليقك عند مهندس مصرى وحاسة انك واخد الموضوع بعصبية قوى
الناس اجتهدت ولو لينا رأى مخالف نقوله ..ما فيش مشكلة
لو موافق على الفكرة من الاساس قول البديل لكل نقطة ولو مش موافق فانت قلت النقط اللى معترض عليها
وموضوع الاخطاء الاملائية بتحصل فى احسن المدونات انا ساعات بضايق منها ...لكنها واردة وزى ما قلتلك الموضوع محاولة
انا على فكرة مش من المجموعة بس هما اجتهدوا ونواياهم تدوين افضل مش الحد من حرية حد
والله أعلم
تحياتى

Ahmed Al-Sabbagh said...

جنة
انا مش واخد الفكرة بعصبية ولا حاجة
ناس وكتب حاجة وده حقهم
وانا بقول رأيى وده حقى
موضوع الاخطاء الاملائية وراد وكلنا بنغلط وانا بغلط لكن لما اعمل بيان واسميه بيان تأسيسى للمدونين ويكون عاملة اكتر من شخص يبقى عيب لما يبقى فى ده
كان ممكن يبقى نصايح مقترحة
او سياسة المدونة
لكن ده بيان تأسيسى للمدونين
للمدونييييين

بنوته مصرية said...

بصراحه يا احمد انا عجبني جداا رائ مهندس مصري في النقاط اللي قال عليها

وانا عن نفسي مش بحب المؤسسات ولا الاتحاد المداونين اللي كانو عملينه ده

احب اكون تبع نفسي واكتب واعمل اللي بمزاجي

ده عن نفسي معرفش غيري بيحب ايه عموما كل واحد حر

المهم اني المداونه وحشيتني اووي
انا جيت اسلم عليك

لك كل التحية يا خالو

نهله said...

بصراحة هيا الفكرة هدفها حلو لكن محتاجة تعديل كتيررررررررر , و ياريت يلغوا موضوع اتحاد او مؤسسة التدوين

ورد و تحليل مهندس مصرى على الوثيقة
كافى و وافى

على فكرة الأخطاء اللغوية و الاملائية مش عيب فى حق المدونين على أد ما هيا عيب فى حق كاتبها

سلالالالالالالالالالالام

عاقلة علي ارض الجنون said...

ههههههههههههه

عاوزه أفهم يعني بأي شكل ؟؟

ده كان ردي:

مش عارفه كلامي إيه وقعه ..

بس عموما .. انا هقول رأيي

التدوين عمره ما كان قيد شروط أو وثائق

و كل إنسان بيتعامل بطبيعته .. يعني اللي متعود يجامل مثلا .. من الطبيعي انه هيجامل حتي لو ماضي علي مليون وثيقه ..

حاجه تانيه ..

*التقليعات الغريبة*

انتي ممكن تبقي شايفاها غريبه لكن صاحبها شايف انها عاديه جدا

*شرف التدوين*

سوري مع إحترامي الشديد بس مين قال ان التدوين أصلا ليه علاقه بالشرف ؟؟ .. أنا مش بتباهي إني بدون و لا اللي مش بيدون عنده نقص لما هو مش بيدون

*البعد عن المصلحه والأطماع الشخصية وجعل التدوين نزيه وله هدف سامي *

مش عارفه بصراحه أعبر عن اللي عاوزه أقوله .. مصلحه شخصيه إزاي يعني ؟؟ .. عدد تعليقات أكتر مثلا ؟؟ و لا إيه بالظبط ؟؟؟

*النقض*
علي فكره إسمها نقد

*النقد البناء الذي يهدف إلي تصحيح المفاهيم والتقريب بين الأفكار*

علي فكره لو هو ده النقد البناء .. أومال فين الاختلاف ؟؟ .. ده الدين و العبادات فيها إختلاف .. و قبول الآخر موجود من زمان .. منين أصحح فكرة واحد من خلال وجهة نظري أنا و أنا بشر زيي زيه ؟؟ .. عاوزه أفهم بس إزاي نصحح يعني مفاهيم الناس؟ و من أي ناحيه؟

*الأفكار الهدامه والتمسك بالقيم والمبادئ الإسلاميه الحنيفه *
برضه عاوزه أفهم .. أقولك علي حاجه .. أنا ف مره واحد دخل علي مدونتي اللي انتي حاطاها ف السايدبار يعني بتتابعيها أو علي الأقل معجبه بيها "أرض الأحزان" و إلا مكنتيش حطتيها .. قعد يقوللي الحزن من الشيطان و كلام كتييييييير .. علي أساس اني أقفل البلوج و أفتح مقلة لب و أكتب علي يافطتها هذا من فضل ربي أحسنلي عشان ربنا يرضي عني و مبقاش ناقمه علي رحمة ربنا .. تفتكري بقي حتي لو كان كلامه صحيح ان انا مينفعش أكتب عن الحزن و ده رأيه انا إن شاء الله أقوله عندك حق و أفكارك صح ؟؟

الأفكار عموما عامله زي مكعب كل واحد شايفه من واجهه .. و اللي شايفه من واجهة مش شايف الواجهة التانيه .. عشان كده انتوا شايفين انكوا عندكم حق..

سؤال يعني معلش علي النقطه دي *قاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم*

إذا كانت الرحمة مفتوحه للجميع و التوبه باب لا يغلق إلي يوم القيامه منين حضرتك تقفليه ف وشهم ..

أنا بكل ثقه و حزم مش معاكم .. لأني أؤمن بالحريه .. و اللي بتقولوه يمكن فيه كتير أنا ممكن أكون بعمله من غير قصد لكن مش شرط إن واحد بيعمل كده أو مجموعة ناس بتعمل ده يبقي لازم ده يتعمل ..

و السلام عليكم و رحمة الله و بركاته

Gannah said...

أحمد
طبعا من حقك تقول رأيك
محدش يقدر يقول حاجة
انا كل هدفى ان الموضوع ميتحولش الى معركة بدون داعى وممكن ترجع لتعليقى عند مهندس مصرى
انا قلتلك انى انا شخصيا بحب اللغة السليمة ولكن اللى وضعه فى النهاية شخص يمكن مراجعته وهو اساسا المشاركين لا يمثلوا الا انفسهم حتى هذه اللحظة
وانت عارف
الافضل انت التدوين يظل عمل حر بدون وصاية لا من فرد ولا من جماعة انما هما وضعوا بعض المبادىء اللى كل واحد فينا ممكن يقبلها او يرفضها بدون اى اجبار وممكن كمان تكون له مبادىء تانية تبعا لتوجهه
انا شخصيا لى ملاحظات عليه وكتبتها عند مهندس مصرى ومع ذلك هى بالنسبة لى ليست ملزمة
متحولوش الموضوع لشىء يخلى فيه انقسام بين الناس
ده هدفى
تحياتى

t3ban said...

لو اتحط قيد واحد علي التدوين يبقي ملهوش لازمة
حلاوتة في انه مترجم لأحساس اي المدون
و الا حنكون دخلنا مرحلة جديدة لأخبار اليوم و الأهرام
و يبقي مدونة صفراء و مدونة حمراء
و الخ

سومه...مجنونه فى بلد عاقل said...

هو القضيه مش استبعاد الاشياء دى القضيه مين حيحدد ان دا كويس ودا وحش ممكن موضوع ميعجبكش فتقول على اللى قدامك مش كويس وممكن تظلمه وحنبقى بقانون اللى مش معانا يبقى ضدنا مفيش مانع ان يكون فى قوانين احترام بينا ما بين بعض لكن كمان مينفعش نستبعد مثلا لو حد مسيحى من التدوين لاننا مجتمع فيه طرفين لا يجوز التبرا من الطرف الاخر ولازم نتعلم نحتك معاهم ونتعامل معاهم ...اما مثلا الطوائف الاخرى اللى بنشعر انها ضاربه فالواحد من تلقاء نفسه مبيتناقش معاهم
اعتقد ان لازم يكون فى اجماع من الكل لو فى قوانين حتتحط وتناسب المدونين كلهم والا حنبقى زى المجتمع احزاب وننقسم تانى

أبو أسامة - مدونة كباية شاي said...

بصراحة أنا كمان شايفك شادد على الناس دي ومع ذلك أنا كمان متفقف معك أن هناك الكثير من الاعتراضات على هذه الوثيقة .

لكن فكرة اتحاد للمدونين أو نقابة للمدونين أعتقد أنها فكرة جيدة
جزاكم الله خيرا

kochia said...

هم عندهم هدف كويس
هو الاحترام المتبادل للاخرين وللاديان

المبدا والفكرة مقبولة
لكن يمكن الموضوع محتاج تعديلات

مهندس مصري said...

أنت عارف إني كتبت إعتراضاتي بالتفصيل على الوثيقة في آخر بوست عندي
بس انا بافترض فيهم حسن النية

و آدي البوست بتاعي أعيد نشره هنا

الأربعاء، أكتوبر 22، 2008
رأيي فيما يسمى بالوثيقة التأسيسية للمدونين
تحديث
انا يا جماعة بأحب و بأحترم كل اللي أعرفهم من الموقعين على الوثيقة بل و بأعتبرهم أصدقاء
و مش معنى إني أبديت رأيي بصراحة في الموضوع ده إنهم يزعلوا مني
أنا مش معترض غير على حاجات محددة لكن موافق على اغلب النقاط
الصراحة ما تزعلش و الإختلاف في الرأي لا يفسد للود قضية وأنا مش بأهاجم حد انا بأقول رأيي بكل صراحة و بدون تجريح في حد و إن ما كنتش أقول رأيي في مدونتي حأقوله فين
و أديني بأوضح أهوه لإني حسيت من تعليق كيارا إنها فهمتني غلط رغم إني بأعتز بمعرفتها تدوينياً

أنا مرضيتش اعلق في الاول على الموضوع ده
عناصر الوثيقة التأسيسية للمدونين
في كذا مدونة من اللي اعرفهم و ناشرينه
بس انا حاسس اني لازم اقول رايي

أنا متفق مع المجمل العام للوثيقة بس مختلف معاها في كذا نقطة

في النقطة رقم 1 أنا مش حاقدر ألتزم بيها لإن لما الاقي واحد شيعي او بهائي او حتى من حملات التنصير و الهجوم على الإسلام بيقول معلومات مغلوطة مش حأقدر افضل ساكت لازم ارد بالحقائق حتى لو اتصنف الرد على إنه عدائي

في النقطة رقم 5 في غلطة إملائية
إسمه النقد مش النقض
:)
و انا شايف انه مفيش مانع من بعض المجاملة احياناً لكن متكونش كل التعليقات مجاملة و الا حتبقى مهزلة و مش حنستفيد حاجة من تعليقات الناس
المجاملة ليها حدود يحكمها كل واحد في حدود رؤيته و في حدود الأدب و الذوق

النقطة رقم 7 فيها حجر على أراء أصحاب الديانات الأخرى و محتاجة إعادة صياغة

النقطة رقم 11 حنتضامن إزاي ؟
مش فاهمها دي و محتاجة توضيح

النقطة رقم 14 أنا موافق على مقاطعة المدونات القذرة دي بس ده مش رأي كل الناس للأسف
بس انا معترض على تعريف مدوناتهم للناس لإننا كده حنشهرهم
الحل الافضل من وجهة نظري مقاطعتهم و مسح تعليقاتهم و تجاهلهم

و موافق على باقي النقط و شايفها منطقية جداً
:)

بس في شوية أسئلة

مين هما اللجنة التأسيسية للمدونين ؟
و هل بيعبروا عن حد اكتر من نفسهم ؟

معلش يا جماعة انا شايف إن اغلب الناس إن لم يكن كلهم جداد في التدوين و ده ما يعيبهمش لكن احب اعرفهم إن السنة اللي فاتت حصلت كذا محاولة لتكوين اتحادات للمدونين تتكلم بإسمهم و البعض إنضم ليها لكن الأكتر ما إنضموش
ليه ؟
لإننا حسينا انها حتحول التدوين لحاجة زي الحزب الوطني كده و حتقيد حرية كل واحد في مدونته و حيبقى الواحد ملزم بكلام هو ما قالوش لكن قاله رئيس اللجنة او أعضاء اللجنة الممثلة للإتحاد
و ده حصل فعلاً

الواحد معندوش مشكلة في الإلتزام بمجموعة مبادئ عامة بدون تشكيل لجان و هياكل تنظيمية مقيدة للحرية
زي السنة اللي فاتت كان في حملة من اجل تدوين نظيف و بدون بذاءات و في مدونات إلتزمت بيها و قابلتها كرد عليها حملة مدونات ترحب بالبذاءات و برضه مدونات تانية إلتزمت بما تعتقده حق من حقوقها و يدخل في ضمن حريتها
و الواحد ليه مطلق الحرية يدخل المدونة اللي تعجبه و يكتب اللي يعجبه ما دام مقتنع بيه
و مفيش حد بيضرب حد على إيده علشان يقرأ مدونته
:)
ده رأيي مع تقديري و إحترامي الكامل لكل الموقعين على الوثيقة دي

محمد عبد القوى said...

ليا صديق مدون عامل للتدوين تعريف بسيط عجبنى انا شخصيا بشكل مبالغ فيه وانا عارف كدة كويس ، والتعريف دهع بيضرب بالوثيقة دي عرض الحائط وطوله وأرتفاعه كمان
التعريق بيقول انك تقعد قدام الكيبورد وتفتح البلوج وتكتب اللى فى نفسك .. والناس تعلق باللى فى نفسها
بس
ومن كتر ماهو مؤمن بالتعريف ده كتب مواضيع على مدونته محدش فهم منها حاجة ، وانا سألته ايه الهبل ده ، فرد وقال: بكلم روحى ..انتوا مالكوا

كـــيــــــــارا said...

السلام عليكم ورحمه الله وبركاته

اولا هسالك سوال

لو انا غلطت في اي شي والمفروض اننا اخوات في التدوين وكده

مش هتقولي لا ياكيارا انتي غلط والصح من وجهه نظري كذا كذا

وتوجهني بالنصح مش باسلوب المهاجمه ده

وتناقشني باسلوب المدون المحاور

وتفهمني غلطي مش تهاجم الهجوم ده


طيب بص يااحمد عشان اتكلم في الموضوع اولا

مجنون طرح موضوع نحو تدوين افضل واتناقشنا فيه ونزل وثيقه وبصراحه عجبتني اتكتب فيها كل الاسماء اللي شاركت في البوست بتاع نحو تدوين افضل

جميل لحد كده وكتب اننا نشرها

مع النشر طبعا كان لازم ناس تعارض

وده اكيد لازم يتم

ومن النقد قولنا نعمل مدونه نتناقش فيها عن مشاكل التدوين اللي بنتعرض لها واللي ممكن تخلينا نسيبه

اعتقد الهدف كويس مش وحش

فوجئت اننا بيتقال عينا تافهين وبنستخف بالعقول وبنقيد حريه و.و...........

واتبهدلنا علي الفيس بوك

ليه كل ده وهو احنا اعداء ولا دخلاء ومش فاهمين حاجه

ياريت نتتكلم بصراحه بس بليز بلاش تجريح

احنا مش قولنا لازم المدونين كلهم يوافقوا

الموضوع مش اجباري

تحياتي

كيارا

Ahmed Al-Sabbagh said...

محمد الكومى

الموضوع مش موضوع سخرية
انا بوضح مفهومى على التدوين
ان احلى حاجة فيه عشوائيتة واختلافات الثقافات اللى فيه
بس

Ahmed Al-Sabbagh said...

بنوتة مصرية

انا مش مصدق نفسى يا لمبى قصدى يارودى
اخيرا رجعتى واللة انتى اللى وحشتى المدونة مش هيا اللى وحشتك
حمدلله على السلامة

Ahmed Al-Sabbagh said...

نهلة

اشارتى للاخطاء اللغوية مش تصيد للاخطاء لكن تنبيه بس وخاصة ان الموضوع واضح ان كاتبة اكتر من شخص

Ahmed Al-Sabbagh said...

عاقلة على ارض الجنون

ياسمين انا كمان الموضوع محيرنى عشان كدة طرحت الموضوع ده

متفق مع كلامك

Ahmed Al-Sabbagh said...

جنة

بصى يا جنة انا طبعا مش بحجر على حرية حد انه يكتب اللى هو عايزة
مثلا مرة نوارة نجم كتبت مرة بوست اسمه سياسة المدونة
بتكتب فيها الاسس اللى حططها لنفسها فى كتابتها وكمان الخطوط الحمرا للتعليقات
ودى كانت حاجة جميلة اوى
وماحدش يقدر يتعرض لانها ببساطة بتتكلم عن مدونتها ونفسها
لكن انا لما اعمل ميثاق شرف للتدوين
يبقى من حق الاخرين انهم ينتقدوا ويقولوا رأيهم
وانا من حقى اخد بالرأى ده او اتركة
انا ما رفعتش سلاح يعنى على صاحب الوثيقة
انا والله ما اعرف مين صاحب الوثيقة بشخصة
وممكن يطلع واحد صاحبى وساكن جانبى كمان

Ahmed Al-Sabbagh said...

t3ban

تمام
وزى ما قولت ان التدوين وجبة متكاملة فيها كل الثقافات وفيها الابيض والاسود وما عليهوش رقابة

Ahmed Al-Sabbagh said...

سومه...مجنونه فى بلد عاقل

تمام
اصلا قضايا الحياه كل واحد له فيها رأى
ومفيش حاجة واحدة فى الدنيا دى كلها محسومة

Ahmed Al-Sabbagh said...

أبو أسامة

ياحبيبى انا مش شادد على ناس
والله انا ما اعرف اشخاص
وممكن يطلعوا اصحابى اصلا

Ahmed Al-Sabbagh said...

kochia

انا مش عارف ايه النقطة فى الوثيقة اللى بتوضح كلامك
لكن هما بيطالبوا بتطبيق الشريعة الاسلامية فى التدوين
وانا ما فهمتش ازاى
ياريت لو فاهمة تفهمينى

Ahmed Al-Sabbagh said...

مهندس مصري

لأ يا محمد انت بتغالط نفسك
ازاى متفق مع الوثيقة بصفة عامة
ومختلف مع كل نقطة فيها على حدة
ما تجيش
وبعدين ياريس احنا مش بنهاجم اشخاص
وعمرى ما بهاجم شخص فى مدونتة مهما كتب
فهمنى ازاى العملية تمشى بدون مجاملة
وبدون مصلحة شخصية
وبدون اديان اخرى
وبدون افكار هدامة
وفهمنى يعنى افكار هدامة
يعنى لما انتقد احوال البلد تبقى افكار هدامة ؟؟
يعنى لما اسخط من وضع مش عاجبنى تبقى افكار هدامة ؟؟
لازم اقول ان كل حاجة وردى وحلوة وجميلة ؟؟
الله ده يبقى التدوين حلو اوى

Ahmed Al-Sabbagh said...

محمد عبد القوى

الله عليك وعلى كلام صاحبك

انك تقعد قدام الكيبورد وتفتح البلوج وتكتب اللى فى نفسك .. والناس تعلق باللى فى نفسها

عجبنى اوى التعريق ده

Ahmed Al-Sabbagh said...

كيارا

اولا : انا ما اعرفش اصحاب الوثيقة فما تشخصنيش الموضوع
ثانيا : انتى ما غلطتيش فى حاجة شخصية عشان اكلمك او انصحك على جنب
ثالثا : كلامى اللى انا قولتة مش منزل من السما ده يحتمل الصواب والخطأ
رابعا : انا مش فاهم هجوم ايه .. انا ما استخدمتش اى الفاظ غير لائقة او اشرت لشخص بعينة او سفهت من اصحاب الوثيقة وهما فعلا زملاء واخوات فى التدوين
وحتى اللى اللينك اللى حطيتة اخترتة لزميلة وصديقة معرفة يعنى عشان ماحدش يقول انى بتكلم عليها هى بشخصها

خامسا : البهدلة على الفيس بوك عادى مش كل الناس بتتكلم بموضوعية وانا نفسى ياما اتبهدلت على افكار او نشاطات عامة طرحتها مش معنى كدة ان الناس دى وحشين لأ .. انا باخد من كلامى اللى يفيدنى واللى احس انه اساءة اسيبة وده شئ متوقعة طول ما الواحد عايش
واكيد اللى اتكلموا على الفيس بوك ما اتكلموش على اشخاص وده يعنى انكم مش ابدا اعداء او وحشين لأ

وزى ما قولت لك طالما انا طرحت موضوع يخص الجميع يبقى استحمل النقد بدون شتايم وده مقبول فى كل المجتمعات مش المجتمع التدوينى بس

اشكرك

مهندس مصري said...

و لا بأغالط و لا حاجة
هما ذكروا 15 نقطة
أنا موافق على 11 نقطة منهم و معترض على 4 نقط
لكن معترض على مبدأ الوثيقة نفسها
لإن التدوين حرية شخصية
و مش محتاج لا و ثيقة و لا قسم و لا حاجة من دي خالص
:)
و انا قلتها عندي في تعليقات الموضوع ده
كل واحد عقله في راسه يعرف خلاصه
و إحنا مش مفروض نمشي الناس على مزاجنا و كل واحد حر
و المبدأ القديم بيقول انت حر ما لم تضر
:)
فهمتني

وومن said...

بص يا خالو

انا في رأي الشخصي جدا ان الوثيقة دي مش المفروض تبقي موجودة

طبعا انا بنفترض حسن النية في كتابها وجهدهم مشكور بس كدة احنا بنفرغ التدوين من معناه

وعلي حسب ما قريت وفهمت عن التدوين قبل ما اعمل مدونة ان كلمة تدوين هي يوميات بتكتبها عنك وبقي ليك الحق في نشرها

يعني لا بيحكمها قواعد ولا شرف دي صورة مني انا من جوا عقلي وروحي
ولا الناس تقبلني زي ما انا وتحبني لا تكرهني وتهاجمني
لا تبقي لا مع ولا ضد

انما اقول علشان تبقي مدون لازم تعمل واحد واتنين وتلاتة مش ينفع

طبعا الوثيقة فيها حاجات كتير كويسة ودي نقدر نقول عليها مبادئ كل المدونين لازم يحترموها

اما فيما يخص الباقي انا معترضة علية كدا هانبقي قالب واحد كلنا شبهه بعضنا

تحياتي

طالب ثانوى said...

بص ياخالو انا حصل عندى خناقة فى المدونة بسبب التعليقات بس انا فى النهاية اقتنعت تماما بوجهة نظر مهندس مصرى وحفصة وانت وانا ضد الوثيقة من اساسها لان التدوين دة حرية شخصية

نهله said...

انا عارفة انك ما تعمدت ذكر الأخطاء الاملائية كتصيد لأخطائهم , لكن أنا تعمدت أقول انها عيب فى حقهم .

و واضح فعلا انهم مجموعة , و ياريت يشهروا نفسهم مع عناصر الوثيقة

7و حتى لو حصل تعديل على العناصر 1-5-11-14- اللى اعترض عليهم مهندس مصرى فبرضو فكرة الوثيقة مش مهضومة لأن التدوين حرية شخصية و مش محتاج لوثيقة أو حزب

ابو النجوم said...

أحمد
اولا انا احيى الاخوه الذين قدموا الوثيقه مع انى لااعرف احد منهم وهذا ذنبى لاذنبهم وعموما انا أعارضك فى مجمل ماكتبت لانك فى الاساس ترفض الفكره من مبدأ انها تقيد الحريه وانه تسيطر على الفكر وتوجهه الى اتجاه ضد رغبه المدون . لكن الفكره ومجرد المحاوله هو شرف لمن قدموها وكما عارضتها انت بشده فهناك من أيدها بشده وهذا هو المقصود . تعدد الاراء فى الفعل الواحد وأنا ياسيدى كنت ومازلت لى تجربه فى تكوين هيكل يحتوى كل المدونين بأختلاف اتجاهتهم وشروطه بسيطه جدا
اولا ان تكون مدون وهذا شرط متوفر فى الجميع ثانيا ان تكون مصرى واظن هذا الشرط متوفر ايضا وثالثا هو احترام فكر الاخرين وهذا لاينفى محاورتهم ومناقشتهم ورابعا احترام الاديان السماويه جميعا وهذا مبدأ لايختلف عليه اثنان وأضن هذه الافكار رغم بساطتها تحوى كل الاتجاهات الا الشواذ منها فكريا وهؤلاء لايمثلون الا نفر قليل لايعد على اصابع اليدين والاتحاد الذى نسعى لأنشاءه ليس من أجل وضوع قيود على الحريه او الكتابه بطريقه معينه بل من أجل أن نساند بعضنا البعض لو تعرض احدنا لمتاعب بسبب تعبيره عن رأى او كلام نشره فى مدونته وهنا سيف الجميع صفا واحدا رغم اختلاف الاتجاهات والافكار سيقف الشيوعى بجوار الاخوان والشيعى مع السنى والمسيحى مع المسلم وكما قال أحد الفلاسفه : اننى اموت حتى أعبر عن رأيي وأموت ايضا حتى تعبر عن رأيك المخالف لى .واتمنى أن تكون من الداعين او العاملين على صياغه الكيان الذى يضم كل المدونين ويحفظ حقوقهم

ـ-ـ- أحمد عبد العدل-ـ-ـ said...

سلام عليكم
أول مرة أشوفك متنرفز يا خال
طبعاً الوثيقة فعلاً محتاجة لكتير من التطوير والاقتراحات
وأنا عن نفسى موافق على كلام مهندس مصرى
بس فى نفس الوقت المبادرة طيبة النية ومفيش داعى للنرفزة اللى واضحة فى البوست
أنا باقترح انهم يغيروا الاسم لحاجة لا تشمل كل المدونين ويعملوا بنودهم ويعملوا لوجو لما يكون موجود على المدونة معناه ان المدونة ملتزمة بالبنود دى
ويبقى مقيدوش حد وفى نفس الوقت اللى عاوز يستفيد من فكرتهم ينفذها
تحياتى

عمر said...

أه

موافق

طبعاً

حأقول إيه

تحياتي

عمر said...

أنا بجد موش عارف أقول إيه

أه

عرفت

"إحنا في مصر"

خالص أسفي

wafaa said...

ليه عايزين نقيد عالمنا الخيالى بقيود عالمنا الحقيقى ؟؟
سيبوا التدوين ف حاله , الى عايز يكتب اى حاجة يكتبها
الواحد بيكتب عشان يفضفض اللى جواه يروحو يخلو الفضفضة مقيدة بوثيقة ؟؟
الوثيقة دى تكبيل وتوثيق لافكار عقول عايزة تتكلم

أحمد منتصر said...

يا كبير الإنسان مميز بالعقل ذي التفكير المنطقي

لما ناس بقى تقيد عقولها هما حرين

المهم ميفرضوش الوثيقة على بقية المدونين

Che Ahmad said...

احمد باشا

انا مش متابع بصراحة

بس مرة لقيت حاجة زي كدا قبل كدا وعلقت تعليقي اتمسح قولت بداية القصيدة .....

المهم
التدوين من ساعة ما انا بدأت اعرف عنه ومن قبل ما ابدأ ادون اسمه حرية شخصية يعني كل واحد يعمل اللى هو عايزه ومش من حق اي حد يتكلم باسم المدونين ولا يعملوا منظمات بقي ولا جمعيات ولا اي افشخنات

التدوين هو كل علي ليلاه ..... يغني ..،

سلاماتي ومحبتي

دعاء مواجهات said...

وبعد كثير من الجدل والنقاش

البناء فعلا

الذى لا يخلو من التعصب الفكرى

وهو امر طبيعى

بالمناسبه

.....

اقوول رايى بقى

من رايى

ان الوثيقه اتعملت

عملها ناس مقتنعين بيها

عادى

ناس تانيه مش مقتنعين

عادى

ناس تالته مقتنعين ولكن لهم بعض

التحفظات

بااردو عادى

يبقى فين الزعل بقى

مفيش طبعا

المقتنع ينضم والغير مقتنع لاينضم

ومن حق الجميع المناقشة طبعا

بس خلاص الحكايه خلصت

======================
محدش هيجبر حد انو يشترك فى حاجه مش

مقتنع بيها

وبييييس خاالص

ست البيت said...

ايه دا؟
دا الموضوع كبيييييييير قوي أنا لسه مشرببتش شاي ولا يحزنون
ولما الناس تحترم نفسها على المدونات
أمال أنا اقل ادبي فين في الشغل ؟
وبعدين احنا اتفقنا قبل كده ان محدش يمد ايده على مذكراتي وعلى اجندتي
أنا كنت زمان بضطر اخبيها في درجي او شنطتي ودا كان عرضه للدعبسة
قول لما ربنا يفتح علينا نعمل لائحة
فين أحمد مكي
يرد
احنا شعب فقري لما ربنا يفتح علينا نقول نعمل بيان
طب ما تفتحوا فرع حزب وطني هنا
ونخصخص موقع بلوجسبوت

بنوتة مصرية said...
This comment has been removed by the author.
عاقلة علي ارض الجنون said...

ههههههههههههه
انا مع ست البيت جدا ..

بجد بجد فعلا .. هو ده الرد الطبيعي

ahmed said...

الناس اجتهدت ولو لينا رأى مخالف نقوله ..ما فيش مشكلة
لو موافق على الفكرة من الاساس قول البديل لكل نقطة ولو مش موافق فانت قلت النقط اللى معترض عليها
وموضوع الاخطاء الاملائية بتحصل فى احسن المدونات انا ساعات بضايق منها ...لكنها واردة وزى ما قلتلك الموضوع محاولة
انا على فكرة مش من المجموعة بس هما اجتهدوا ونواياهم تدوين افضل مش الحد من حرية حد
والله أعلم
تحياتى

ali said...

المهم
التدوين من ساعة ما انا بدأت اعرف عنه ومن قبل ما ابدأ ادون اسمه حرية شخصية يعني كل واحد يعمل اللى هو عايزه ومش من حق اي حد يتكلم باسم المدونين ولا يعملوا منظمات بقي ولا جمعيات ولا اي افشخنات

التدوين هو كل علي ليلاه ..... يغني

zaid said...

دا الموضوع كبيييييييير قوي أنا لسه مشرببتش شاي ولا يحزنون
ولما الناس تحترم نفسها على المدونات
أمال أنا اقل ادبي فين في الشغل ؟
وبعدين احنا اتفقنا قبل كده ان محدش يمد ايده على مذكراتي وعلى اجندتي
أنا كنت زمان بضطر اخبيها في درجي او شنطتي ودا كان عرضه للدعبسة
قول لما ربنا يفتح علينا نعمل لائحة
فين أحمد مكي

Anonymous said...

Ηello! Somеone іn my Faceboοκ grоup shareԁ thіѕ websitе with uѕ so I сame to cheсk it out.
I'm definitely loving the information. I'm book-maгκing and
ωill be tweeting this tо my fοllοwers!
Great blοg and brillіant ԁeѕіgn and style.


my weblog get bigger naturally

Anonymous said...

Cuгrently it seemѕ lіκe BlogEngine iѕ the
bеst blogging platfoгm available right now.
(frоm what І've read) Is that what you'rе uѕing on
your blog?

Look into my hοmеpage cheap natural yeast infection treatment

Anonymous said...

Greetіngs from Coloradο! I'm bored to tears at work so I decided to check out your blog on my iphone during lunch break. I love the info you present here and can't
wаіt to take a look ωhеn I get hоme.
I'm amazed at how fast your blog loaded on my phone .. I'm not
even uѕing WIFI, just 3G .. Anyhow, wondeгful ѕіte!



Feеl free to visit mу web site - similar site