خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 30, 2008

نهى رشدى إسرائيلية ؟؟؟؟ وجروب فيسبوكى ضدها .. وصورة عريانة متفبركة

تابعوا التحديثات أخر البوست


كانت المدعية - وهي مخرجة أفلام تسجيلية - قد اتهمت الشاب شريف رجب جبريل، بالتحرش بها في يونيو الماضي، حيث ألقي القبض عليه وأحيل للنيابة، وعاقبته محكمة الجنايات بالسجن ٣ سنوات .
وقالت نجلاء لـ «المصري اليوم»، إنها توصلت لمعلومات عن المدعية، جعلتها تقرر التخلي عنها بعد ٣ أيام من صدور الحكم، هي أن «نهي» من عرب ٤٨ ومولودة في يافا شمالي تل أبيب وتحمل جواز سفر إسرائيلياً،
كما سبق أن اتهمت ضابطاً فرنسياً بالتحرش بها أثناء وجودها في فرنسا قبل عام ونصف، وحصلت منه علي تعويض. وأوضحت المحامية تفاصيل معرفتها بهذه المعلومات،
وقالت إنها كانت معها في مقابلة تليفزيونية علي قناة M.b.c وأن المذيع قال لنهي: «حالات التحرش دي مابتحصلش حتي في إسرائيل»، فردت عليه الفتاة: «إسرائيل دي دولة محترمة»،
وأنها - أي نجلاء - بحثت عن معلومات وأوراق خاصة بالفتاة، وعرفت أنها ولدت في يافا، وأضافت أنها منذ ذلك الوقت قررت استئناف الحكم لصالح المتهم والدفاع عنه


بس مال ده .. بقضية التحرش
يعنى لو كولالامبورية .. إيه علاقة ده بإن واحد يتحرش بواحدة فى الشارع؟
بس موضوع ده اسرائيلية مفاجأة غريبة كدة ..مش كدة ؟
وياترى المتجرش ده .. كان من أنهى كتائب ؟؟
هنتابع وهنشوف



تحديث1
تعليق مهندس مصرى على الموضوع

اصل الخبر اللي انت حاطه بيقول ايه ؟
هي أن «نهي» من عرب ٤٨ ومولودة في يافا شمالي تل أبيب وتحمل جواز سفر إسرائيلياً،
عرب 48 هما الفلسطينين اللي ما سابوش فلسطين سنة 48 و تمسكوا بأرضهم رغم المذابح وقتها و لما تم اعلان دولة اسرائيل منحهم اليهود الجنسية الإسرائيلية لإنهم مش بيعترفوا بحاجة إسمها فلسطين اصلاً
بس بيتعاملوا جوه إسرائيل كخطر على اليهود و عدو داخلي و مواطنين من الدرجة التانية و كان لسه في مشاكل في مدينة عكا و إضطهاد من اليهود لهم في ارضهم و احياؤهم السكنية و شغب ضدهم و حرق بيوت و محلات
يعني كونها من فلسطينين 48 مش مشكلة لإنها مجبرة على الجنسية الإسرائيلية و ملهاش غيرها ما دام اتولدت داخل فلسطين المحتلة عام 1948
دي مش مشكلة في رأيي
المشكلة هنا
كما سبق أن اتهمت ضابطاً فرنسياً بالتحرش بها أثناء وجودها في فرنسا قبل عام ونصف
هي مطرح ما بتروح بيتحرشوا بيها و لا ايه ؟
لا و الحتة دي
إنها كانت معها في مقابلة تليفزيونية علي قناة M.b.c وأن المذيع قال لنهي: «حالات التحرش دي مابتحصلش حتي في إسرائيل»، فردت عليه الفتاة: «إسرائيل دي دولة محترمة»،
اسرائيل دولة محترمة !!!!!!!!!!!!!!!!!!
و عجبي :(



تحديث2
واضح ان فى حملة ضد نهى رشدى .. مش شخص نهى رشدى .. ولكن شخص كل بنت هتدافع عن نفسها ضد التحرش وأول مظاهر الحملة كليب نزل على اليوتيوب فيه صورة متفبركة لنهى رشدى وهى لابسة قصير .. حاجة أخر عبط .. والصورة باين أوى انها متفبركة .. يعنى متآمر وأهبل ؟

تحديث3

جروبين على الفيس بوك ضد نهى رشدى

جروب : معا ضد نهى رشدى الاسرائيلية ونطالب باستئناف الحكم وبراءة شريف جبريل
جروب : لا نهى رشدى

وأنا لازلت أفيسر فى جروب كلنا نهى رشدى


تحديث 4
تعليق آبى على الموضوع
يا بشمهندس ما هي حاجه مش تدعو للفخر يعنى انها اتحرش بيها قبل كده وهى عارفه مصر ولا بتحترم قانون ولا بنت ولا راجل
غير كده بقى وايه المشكله ان اتحرش بيها يعنى ما قولنا البنت حلو هو ذنب اهلها يعنى
غير كده معلش انا مشوفتش انها قالت او مقلتش انها اتحرش بيها وعلى فكره كونها اخدت حقها مره فده اللى شحعها انها تعمل كده فى مصر وتفوق الناس لانها قالت انها عارفه قانون وةقاهمه حقوقها يبقى ده جالها من الموضوع اللى حصل فى فرنسا ولو استغربت فمش فاهمه ليه وهناقش من منطق انها خبره يعنى وممكن تكون عاوزه تعمل فرقعه او تاخد فلوس زي ما البعض لمح لموضوع انها خدت تعويض طيب ده ظابط فى بلد ومعاه فلوس انما ان شاء الله هتاخد ايه من سواق عربيه يعنى مش فاهمه ايه عاوزه يتجوزها
كونها بتلبس قصيررررررررررررر للمره الالف ومش ليك لناس كتير قولنا دي طبقات فى المجتمع مش معناه انها مش محترمه هما حياتهم كده يا جدعاااااااان انا بلبس قصير مش معنا انى منحله ولا انى ماشيه للشارع يتحرش بيه ولا بقول لحد اعمل كده انا البس اللى عوزاه روحوا بقى حاسبوا الناس البيئه اللى بتلبس كده علشان تصطاد زباين يا جدعان روحوا حاسبوا اللى بيقلدوا تقليد اعمي فى اللبس انما مش بيقلدوا الناس فى الاخلاق ولا فى الاحترام
اى واحد بيتحرش بواحده مش بيهمه لابسه ايه
ما فيه بنات محجبات وبيتحرش بيهم خيخه لما خصل لها موضوع وا عشرينتاه كانت عملت ايه يعنى ما هي محجبه اهي وبتلبس محترم سواق التاكسي قليل الادب عمل معاها كده ليه قولوا بقى
كونها قالت على اسارئيل محترمه انا مسمعتهاش اللى يشوه صوره بنت يبقى ايه انتم ليه مش بتفكروا ولا يعنى يوم نهي حلوه تبقى حلوه يوم وحشه تبقى وحشه احنا معندناش دماغ نشوف الجزء الكويس والمحاميه مش شافت بطاقتها البنت مصريه يا جدعان
ما تحاسبوا بقى اللى بيقتلوا المصريين فى سينا ولا دولتنا اللى بتتعامل مع الاسرائلين ولا المصانع اللى بتاخد خامات منهم دول اولى بحملات الهبل اللى بتحصل
كلامي موجهه للكل انا مسحه بكرامه واحده اسرائيله البلوج عندي فى بوست انا بكره اسرائيل الاغبيا
عموما قالت برضه او مقلتش مصر مليانه بلاوي افضل والكلب اللى عمل معاه ومع اى بنت كده لازم كان يتعلق فى التحرير ويا ريت نبطل نبقى مهللتيه ومطبلتيه من غير تفكير

تحديث5
لقطات فيديو من العاشرة مساءاً

الفيديو الأول
الفيديو الثانى
الفيديو الثالث
تحديث6


سؤال خطر ببالى
أيهما أفضل : لجوء نهى رشدى التى تحمل جواز سفر إسرائيلى للقضاء المصرى ليأخذ لها حقها من المتحرش ؟
ام لوجؤها إلى اسرائيل أو منظمات حقوق إنسان دولية بدعوى انتشار التحرش بمصر - راجع اتهام مصر باضطهاد الإقباط - او فرض قانون تحرش جديد لتطبيقة فى مصر ؟
سؤال برئ والله
ياريت حد يجاوبنى

تحديث7
رد نهى رشدي على المحامية
أسامة عبد العال جاب لى الرد ده من الجروب :
فوجئت بالسيدة نجلاء الإمام، تكيل لي الاتهامات الباطلة ببرنامج 90 دقيقة مساء الأربعاء 29/10/2008، كما قرأت بجريدة المصري اليوم، بعددها الصادر بتاريخ 30/10/2008 أقولاً منسوبة لذات السيدة، وقد جاء بها العديد من المغالطات التي أريد أن أوضحها وهي:
أولاً: تعرفت على السيدة/ نجلاء لأول مرة أثناء حضورنا كضيوف في حلقة من برنامج 90 دقيقة، قبل جلسة محاكمة المتهم بأربعة أيام، وطلبت مني بعد الحلقة قبول حضورها للتضامن معي في الجلسة، ولم أعطها توكيلاً للحضور به، ولكنها أثبتت حضورها مع أربع محاميين أخرين من مراكز حقوقية مختلفة أثبتوا حضورهم في الجلسة للتضامن ليس إلا.
ثانياً: بتاريخ 21/10/2008 وبعد صدور الحكم فوجئت بالسيدة/ نجلاء تتصل بي هي وأحد معدي برنامج 90 دقيقة، لتطلب مني الظهور معها إعلامياً باعتبارها محاميتي، وهو ما رفضته، لأنها ليست محاميتي التي قامت بالدفاع في القضية ولكنها صاحبة أحد مركز حقوق الإنسان، حضرت للتضامن مثل محامين آخرين أثبتوا حضورهم في الجلسة للتضامن، ورأيت وقتها أن ظهوري معها يمكن أن يمثل دعاية للمركز الذي ترأسه وهو مالم أكن راغبة فيه.
ثالثا: جاء بأقوال المذكورة أنني ولدت بيافا، والحقيقة أنني ولدت بتاريخ 5/9/1981 بطرابلس، بدولة ليبيا (مرفق صورة شهادة ميلادي)، حيث كان يعمل والدي ، وانتقل قبل أن أتم أعوامي الأربعة لأعيش مع أسرتي بمصر.
رابعاً: جاء بأقوال المذكورة أنني أحمل جواز سفر إسرائيلي، والحقيقة أنني مولودة لأم مصرية، وأب فلسطيني ـ لم يتمكن من زيارة فلسطين منذ ميلاده ـ حاصل هو وجدي على حق اللجوء بجمهورية مصر العربية ومقيمين بمصر منذ ما يزيد على الستين عاماً (مرفق صورة جواز سفري)، وقد درست بالمدارس والجامعات المصرية حتى تخرجت من كلية الحقوق، جامعة القاهرة عام 2005.
خامساً: جاء بأقوال السيدة/ نجلاء أنها ستستأنف الحكم الصادر ضد المتهم، والحقيقة التي يعلمها أي دارس بكلية الحقوق هي أن الأحكام الصادرة في مواد الجنايات لا يجوز استئنافها، ولا يجوز الطعن عليها إلا بطريق الطعن بالنقض.
سادساً: جاءت أقوال السيدة/ نجلاء متضاربة حيث أوردت بأقوالها أنني موكلتها بتوكيل لم تظهره عندما سؤلت عنه، وفي ذات الوقت قالت أنها ستقوم بالطعن على الحكم لصالح خصمي، وهو ما يمثل تمثيل مصالح متعارضة طبقاً للمادة 80 من قانون المحاماة، وهو ما يعرض السيدة/ نجلاء لعقوبة تصل إلى المنع من مزاولة المهنة ومحو الإسم نهائياً من جدول المحامين طبقاً لنص المادة 98 من ذات القانون.
سابعاً: تعلمنا من دراستنا بكلية الحقوق أن "الحكم القضائي هو عنوان الحقيقة"، والحكم الصادر على المتهم جاء بناءاً على اعترافه أمام سلطات التحقيق بالواقعة، وشهادة الشهود الذين أقر المتهم بحضورهم الواقعة، وتحريات المباحث التي أكدت حدوث الواقعة، أصبح الحكم حقيقة لا يمكن أن يغيرها إلا بموجب حكم صادر من محكمة النقض، ومن المعلوم لدى كل دارس للقانون أن النيابة العامة هي التي تمثل المتهم والمجتمع في الادعاء الجنائي، وهي التي أكدت حدوث الواقعة بتحقيقاتها مع المتهم.
ثامناً: أحتفظ بحقي كاملاً في اتخاذ الإجراءات القانونية ضد ما سبق وارتكبته السيدة/ نجلاء ضدي من أفعال، وهي الأفعال التي تشكل جريمة السب والقذف المعاقب عليها بنص المادة 302 من قانون العقوبات بعقوبة تصل إلى الحبس لمدة سنة، كما شكلت أفعالها أيضاً تمثيل مصالح متعارضة طبقاً للمادة 80 من قانون المحاماة، والتي تصل العقوبة فيها إلى حد المنع من مزاولة مهنة المحاماة، ومحو الإسم نهائياً من جدول المحامين طبقاً لنص المادة 98 من ذات القانون.
وفي النهاية وبعد أن تبين بالمستندات عدم صحة كل ما جاء على لسان السيدة/ نجلاء، وجدت أن هناك مالا يستحق عناء الرد مثل مثل الادعاء بأقوال منسوبة إلي في قناة فضائية، وليس هناك أدل على عدم صحة هذا الادعاء من أن البرنامج المذكور أذيع على الهواء وليس به أي من الأقوال المنسوبة إلي، وكنت أنتظر من صحفيي المصري اليوم أن يقوموا بواجبهم الصحفي ويحاولوا تقصي حقيقة مثل الواقعة قبل نشرها

.
تحديث8
التعليق ده جالى من مختار الجندى .. وأنا يهمنى اوى اسمع رأيى واحد متدين وأثق فيه زى مختار فى الموضوع ده


مالكم كيف تحكمون
اخر ما كنت اتوقعه فى مجتمعنا الاسلامى هو البحث عن مبررات للتحرش فبدأنا بالقول بان الملابس المثيره او الاسلوب المستهتر بالقيم هو السبب بل حاولنا بكل الوسائل تبرأة الجناه ولو كان بيدنا الحكم لحكمنا على الضحيه،اتسائل اليكم امن تعاليمنا الاسلاميه ان الفتاه المتبرجه يجب التحرش بها ،بل هل هذا من تعاليم اى دين؟ ،الشرع وجب عليها العفه وعدم التبرج لحماية نفسها من اللئام اما انها لم تأخذ بكلام ربها فهذا لا يسمح لنا ابدا ان نطعن بها بل يكون لها من الحقوق مثلها مثل غيرها .
اما بالنسبة لقضية نهى رشدى ،عموما القضاء قد حسمه مع حق الاستئناف،وتعالوا معى اخوتى بعينى العدل والرحمه اولا ارى ان المحاميه هى التى تلاعبت جيدا والله اعلم بما ورائها فهل هى لم تعرف جنسية من تدافع عنها وبهويتها او لم تطلع على محل ولادتها حتى اصدار الحكم ؟ ام ارادت ان تستعرض قوتها على الراى العام والمحكمه بتغير التعاطف مع القضيه الى هجوم عنيف عليها ،أم ارادت اثبات قدرتها بالتلاعب فى اكبر حكم صدر تجاه متحرش الى تبرئته ،أريد القول بانها الكثر تلاعبا فى هذه القضيه والاحق باستنفار الناس هى تلك المحاميه فلو كانت بحق ترى ان دفاعها كان فى غير محله (بغض الطرف عن تبريراتها الغير مقنعه) وجب عليها ان توضح ذلك للرأى العام وان تترك هذه القضيه لا ان تستأنف للجانى .
تعالو معى ايضا للادله الغير مقنعه بالمره
اولا /عرب 48 الحمد لله انهم عرب ومنهم المسلمون ويكفينا اتيان الناس بالباطل واتهامهم بالخيانه والتواطؤ مع اسرائيل فاغلبهم مجبرون على هوية اسرائيليه ليس لهم العيش او السفر او حتى الغذاء الا بسواها ومارايناك انت امددتهم بشئ لتحظر عليهم اللجوء لعدوهم الذى سلبهم ارضهم ،ومنهم من يحاول جاهدا ازلة الكيان الغاصب فليس عرب 48 مسبه ولكنهم فخر قوم ارضهم كانت سبيلهم ولم يتخلو عنها وذهبوا للملاجئ ،وهذا ايضا عن جواز سفرها الاسرائيلى والذى دهشت به المحاميه وفوجئت به بعد انتهاء القضيه( فيالعجب) واما عن قولها بان اسرائيل دوله محترمه فلم كل هذا الهجوم عليها وهى كلمه معتاده من القاده والساسه العرب عن اسرائيل ولم ارى كل هذا الانتقاد عند قبلات القاده والرؤساء العرب لاولمرت وهذه المؤتمرات واللقاءات السريه والعلنيه فى داخل اسرائيل بكل الحب والخيبه ،ولعلنا لو احسنا الظن انها كانت تقصد النظام الداخلى الاجتماعى فى اسرائيل من عدم انتشار التحرش لهذه الدرجه او ان الحكم هناك مشددا ومطبقا الى درجة تحد من ظهور مثل هذه القضايا وتفاقمها ، اما عن التحرش السابق بها فهذا لا يغير من الموضوع فى شئ واعجبنىاحد التعليقات بانه هل هناك عددا معين مسمحوح للفتاه ليتحرش بها ،اعرف ان سلكت طريق الدفاع عن نهى رشدى واحسنت الظن بكل افعالها فهذا هو الواجب حسن الظن بالناس حتى يتبن غير ذلك وهذا لكون انها تعرضت فعلا للتحرش، والا لكانت هناك عداوه او دافع اخر بينها وبين الساق الذى اظن انها لم تقابله من قبل واعجبنى الضاحك الذى يقول لربما اعجبتها السياره النصف نقل وحلمت بان تكون تعويضا لها ،اظنكم الان متيقنين بان هناك جريمة تحرش حدثت فلماذا نجد المبررات للجانى ،لماذا تغيرنا مثل هذه الادعاءات وحتى وان صدقت وكانت نهى رشدى من اصل يهوى واسرائيلة الدم وتعشق الصهيونيه فهذا لايعطينا اى حق فى اغتصابها او التحرش بها ويكفى ومنذ دخولها الاراضى المصريه فهذا تعهد من الحكومه المصريه بحمايتها ،اخيرا الموضوع بيد القضاء وبالتأكيد قراره هو الصائب باذن الله ،اخيرا انت الذى تتحرش بفتاه لمجرد انها سمحت لنفسها بارتداء ملابس غير لائقه ومع كونها نفس الملابس التى ترتديها اختك او قريبة منك دون ان تمنعها من ذلك او هى تلك الملابس التى احضرتها لزوجتك ، وندائى الاخير ارجو منكم الوقوف ضد هذه الظواهر الاجتماعيه الدخيله التى انتشرت وبحق وتفزعنى كثيرا لانها بحق ستداهم منازلنا ان نجحت فى اقتحام مجتمعاتنا فهناك غير التحرش .. زنا المحارم –التحرش بالاطفال _الشذوذ الذى انتشر واضحا فى مجتمعات عربيه اخرى


تحديث9
مفاجأة جديدة .. المحامى الاصلى بتاع نهى رشدى يتحدث لشبكة الاعلام العربية




لمحامي الأصلي في قضية التحرش الجنسي : موكلتي ليست إسرائيلية
صرح زياد العليمى محامي نهي رشدي اول فتاة تقاوم التحرش لشبكة الاعلام العربية " محيط " بأن ما إثارته نجلاء الإمام المحامية بالنقض ونشرته جريدة " المصري اليوم " والتي قالت إنها توصلت لمعلومات عن المدعية، جعلتها تقرر التخلي عنها بعد 3 أيام من صدور الحكم، هي أن نهي من عرب 48 ومولودة في يافا شمالي تل أبيب وتحمل جواز سفر إسرائيلي ، ان هذا الكلام غير صحيح بالمرة وقال :" الأستاذة نجلاء ليست محامية نهي من الأساس وانني احمل توكيلا من نهي في القضية ، كما ان نهي ابنه لام مصرية واب مصري وأن جدها يحمل حق اللجوء الفلسطيني في مصر وان ابوها لم يدخل فلسطين قط " .

ويتابع قائلا " من المعروف أن الجامعات المصرية لا يدخلها الإسرائيليين ونهي خريجة جامعة القاهرة كلية الحقوق عام 2005 فكيف اذا انها إسرائيلية


وعن قصة تعارف نهى على المحامية نجلاء
والحقيقة كما جاءت علي لسان زياد "ان نهي تقابلت مع الأستاذة نجلاء عقب برنامج 90 دقيقة وتعرفت عليها وعرضت مساعدتها عليها تضامنا معها كما كان موقف ثلاثه محاميات اخريات وهم المحامية صفاء حلمي من المنظمة المصرية لحقوق الإنسان والمحامية أمل من المركز المصري لحقوق المرأة ، والأستاذة نجلاء كانت من منظمة بريق .

ويكمل " لكن المشكلة حدثت عندما طلبت الأستاذة نجلاء من نهي أن تظهر معها بعد الحكم في برنامج 90 دقيقة أيضا وتعلن انها محاميتها كنوع من الدعاية لها ولكن نهي رفضت وكانت من هنا المشكلة بين نجلاء ونهي ويشهد علي ذلك معد برنامج 90 دقيقة أستاذ ممدوح ويمكنكم أن ترجعوا له فهو كان شاهد علي هذه المشكلة


وعن حكاية إن نهى رشدى قالت إسرائيل دولة محترمة


وعن ظهور نهي في برنامج علي قناة " ام بي سي " قال : " نهي فعلا ظهرت في برنامج أذيع علي القناة ولكن شرائط البرنامج موجودة ويمكننا الرجوع إليها ولكن لم تقل أن "إسرائيل دولة محترمة " ولم يقل المذيع إن حوادث التحرش لا تحدث في إسرائيل " ولا كل ما ذكر على لسان الأستاذة نجلاء ".

" وقعت الأستاذة نجلاء في الفخ الذي نصبته لنهي هكذا علق زياد علي كلامها قائلا :" يعتبر كلام أستاذة نجلاء للمصري اليوم جريمة سب وقذف علانية وهذه جريمة اقل حكم فيها سنة كما أن هناك بعض الثغرات في كلام استاذة نجلاء تلفت نظرا أي شخص دارس قانون وهي أنها قالت أنها سوف تستأنف الحكم ضد المتهم الرئيسي ومعروف انه في نوعيه قضايا الجنايات لا تستأنف وإنما يطعن بالنقض " ، كما أن المادة 80 من القانون ينص انه يحق لنقابة المحامين ان تفصل محاميا تخلي عن موكله لصالح المتهم " .

وأكد زياد ان نهي تحمل وثيقة لجوء سياسي ولذلك لا يسعها ان تحمل باسبورا اخر

لسه هنشوف نتايج اللقاءات اللى اجريتها نهى رشدى
ورد فعل المحامية نجلاء الامام على الكلام المنشور ده
تابعونا


تحديث10
و ....بلاغ للنائب العام ضد نهى رشدى

نبيه الوحش: " نهى" إسرائيلية احترفت قضايا التحرش


قدم المحامى نبيه الوحش ببلاغ ضد الفتاة نهى صلاح رشدى (مخرجة أفلام تسجيلية)، الحاصلة على حكم لصالحها فى قضية التحرش الجنسى الشهيرة، وطالب فى بلاغه النائب العام بإصدار قرار بوقف تنفيذ عقوبة السجن ثلاث سنوات على المتهم، لحين النظر فى طعنه أمام النقض، وطالب أيضاً بسرعة إصدار قرار من النيابة العامة بضبط الفتاة،  وأن يتم التحقيق معها باتهامات البلاغ الكاذب والإضرار بالمصالح القومية للبلاد

والله أنا سمعت عند إدمان الحشيش .. إدمان الخمرة .. إدمان التدخين .. إدمان الجوافة
لكن عمرى ما سمعت عن إدمان تحرير قضايا التحرش الجنسى
يعنى لو قعدت كدة شوية من غير تحرش .. يجى لها صداع وزغللة ؟؟؟
كلام غريب أوى من محامى كبير

58 comments:

مهندس مصري said...

حأكرر اللي قلته عند أسامة عبد العال


اصل الخبر اللي انت حاطه بيقول ايه ؟

هي أن «نهي» من عرب ٤٨ ومولودة في يافا شمالي تل أبيب وتحمل جواز سفر إسرائيلياً،


عرب 48 هما الفلسطينين اللي ما سابوش فلسطين سنة 48 و تمسكوا بأرضهم رغم المذابح وقتها و لما تم اعلان دولة اسرائيل منحهم اليهود الجنسية الإسرائيلية لإنهم مش بيعترفوا بحاجة إسمها فلسطين اصلاً
بس بيتعاملوا جوه إسرائيل كخطر على اليهود و عدو داخلي و مواطنين من الدرجة التانية و كان لسه في مشاكل في مدينة عكا و إضطهاد من اليهود لهم في ارضهم و احياؤهم السكنية و شغب ضدهم و حرق بيوت و محلات

يعني كونها من فلسطينين 48 مش مشكلة لإنها مجبرة على الجنسية الإسرائيلية و ملهاش غيرها ما دام اتولدت داخل فلسطين المحتلة عام 1948

دي مش مشكلة في رأيي

المشكلة هنا

كما سبق أن اتهمت ضابطاً فرنسياً بالتحرش بها أثناء وجودها في فرنسا قبل عام ونصف


هي مطرح ما بتروح بيتحرشوا بيها و لا ايه ؟

لا و الحتة دي

إنها كانت معها في مقابلة تليفزيونية علي قناة M.b.c وأن المذيع قال لنهي: «حالات التحرش دي مابتحصلش حتي في إسرائيل»، فردت عليه الفتاة: «إسرائيل دي دولة محترمة»،

اسرائيل دولة محترمة !!!!!!!!!!!!!!!!!!

و عجبي :(

A.SAMIR said...

نفسي الاخوة اللي كانوا بينادوا باعدام المتحرش يرجعوا في رأيهم بعد موضوع اسرائيل دة؟
ساعتها هتبقى بجد قمة الهزل
الهزل بمعنى الكلمة
تحياتي

كـــيــــــــارا said...

ايوه انا شفت اللقاء اللي كان بينها وبين نجلاء

ونجلاء بتقول ان ليها كليب متصور بالموبايل

وعلي النت

وحاجات كتير اوي

الايام الجايه اكيد هتكشف كل حاجه

نهله said...

عرب 48 مجبورين على الجنسية الاسرائيلية , و دا مش معناه انهم اسرائيلين ,, للأسف عرب 48 منبوذين من فلسطين نفسها بس محدش يقدر ينكر أنهم بيكرهوا الاسرائيلين و شايفينهم عدوهم


بس جملة ان اسرائيل دوله محترمة .. بجد جملة تحرق الدم


و لسا ياما هنشوف

~*§¦§ Appy §¦§*~ said...

معلش يا احمد فين بقى اللقاء اللى على الم بى سى ده ان شاء الله
وفين الجمله دى تبقى توريه لنا
معلش موضوع اتحرش بيها
الفرنساوى ده
اولا ايه المشكله هو البنت حكر عليها يتحرش بيها مره واحده
فيه ايه يا جدعان ما كل يوم بننزل فى الشارع وبيطلع عين اللى خلفونا
يعنى انا لو جيت دلوقتى قولت لك انا واحد عكسنى واتحرش بيه
وجيت كمان اسبوع قولت لك الكلمه يبقى انا كنت بكدب ولا ايه
مش نعقل شويه
وعموما يا ريت يا بشمهندس مصرى تقولنا مسموح لنا يتحرش بينا كام مرة والمفروض نعمل يافطه على قفانا نقول عفوا انا استنفذت مرات التحرش بى دول على واحده غيرى
بجد حاجه تطير العقل
اه ياااااااااا جدعان لما تكون البنت حلو يتحرش بيها خمسة الاف مرررررررررررررة
والنبى اسالوا اسله طبيعيه بس
معلش يا احمد جت فيك بقى

اسامه عبدالعال said...

المفروض الجلسه الجايه فى الاستئناف ان القاضي يطلع المتحرش براءه وانه يحط نهى فى السجن لانها اسرائيليه وطبعا نسئهم حلال لنا المحاميه دي زباله وبتدور على الشهره وخلاص ولو نهى مومس وعامله افلام بورنو وبتعبد الاصنام برده انا ضد ان حد يتحرش بها ويمسك جسمها فى الشارع لو البيه تعبان قوى يبقي يروح يدفعلها وينام معاها ده اسمه كلام فارغ الراجل مسك جسمها فى الشارع فارقه ايه بقي هيا منين ولو مكنتش عملت كده مهو هيروح يمسك غيرها حتى فى القضيه اللى حسست الناس ان فى حاجه صح تطلع لينا محاميه زباله تصحينا من النوم

اسف على الانفعال بس انا فعلا منترفز

رئيس التحرير: said...

معلهش يا جماعه
البنت المحترمه تجبر اكبر كبير علي احترامها كأنثي .
ولو ما تعرفش تعمل كده تستتر بقي.
وبعدين اسمها ايه دي؟
متربيه في اسرائل
كل حته تروحها .....بيها ليه؟
مافيش غيرها
كل القضايا المثاره في الاعلام العام فبركه..لشغل الناس ..هي الناس فاضيه يا ناس

ضحكــــاينا said...

ينهر اسووود

يعني انا ليسه شايفه الموضوع ده كلو النهارده الصبح وكل المدونات كاتبه عنها , من ناحيه ان عرب 48 فهما عرب يظلو فلسطنيون يكرهون الاسرائليون وان كان معاهم الجنسيه بس انا اتصدمت بجد لما قالت اسرائيل ديت دوله محترمه
عموما الايام الجايه كتير وهنشوف الحقيقه فين .يمكن اشاعات جايز بردو
خلينا مستنين الايام الجايه

اما حكايه اتحرش بيها بفرنسا ديت وانت بتقول هو بيتحرش بيها كام مره
انت كده تعتبر غلطان اوووي
مالحيوانات لمواخذه عاللفظ في كل مكان يعني مش حكايه تعملوها

بت خيخة وأى كلام said...

وايه المشكلة لما تلبس قصير

ده برضه مايديش الحق لاى حيوان انه يتحرش بيها

التحرش ده نتيجة انعدام اخلاق وانعدام تحضر


انا بكره اسرائيل
بس هل معنى كدة ان لو حتى نهى رشدى اسرائلية هل ده معناه ان مسموح التحرش بيها

انا مش فاهمة حاجة خالص
هو ليه كل قضية فى مصر نحس ان الحمد الله عدت على خير وفى صالح العدالة لازم فى الاخر يطلع لها مهموز متعرفش جاى منين

هو مافبش حاجة تعدى بالساهل كدة؟
لازم يقرفونا فى اخر لحظة؟

سلام
اختك خيخة

زوج مخنوق said...

اولا حتى لو مش اسرائيلية لو من بلاد الواق الواق
برضه التحرش غلط و كان لازم يتعمل قضية
و كان لازم ياخد حكم

انما الغريب فعلا هو موضوع انها اسرائيلية ده و ازاي المحامية ما عرفتش ده؟؟
ازاي عملتلها توكيل مثلا؟؟
ما هي معهاش بطاقة
يبقى استعملت الباسبور

حد يفهمني دي اولا

و ثاني حاجة موضوع الضابط الفرنسي
ايه هي مفيش غيرها
ثم تحرش في فرنسا؟؟؟؟
ده الستات هناك اساسا ماشيين زلط ملط و محدش بيتحرش بيهم
امال ايه الموضوع بقى؟؟
مش عارف حاسس ان الموضوع فعلا فيه ان

يا خبر النهاردة ب موني بكرة يبقى فري

مهندس مصري said...

يا آبي انا ما قلتش انها كدابة
و مش انا اللي اقول و مش من حقي
القاضي بتاع الإستئناف هو اللي يقول

انا بس بألمح لإن كده الموضوع غريب شوية

ليه هي ما قالتش قبل كده
ليه لما اتكلمت قبل كده قالت انها تعرضت لتحرش قبل كده في مصر من زمان و خافت تبلغ و المرة دي اول مرة تتشجع و تبلغ
ليه ما قالتش إنها بلغت قبل كده في فرنسا و انها خدت حقها هناك و ده اللي شجعها تطالب بحقها هنا
اللي باسأله ليه ما قالتش كده قبل كده لو كان ده حصل فعلاً

عموماً ادينا حنشوف و نعرف هل ده حصل فعلاً و لا تأليف
و هل هي كدبت و لا لأ
و يا خبر بفلوس بكرة يبقى بلاش

و ده مش معناه ان المتحرش يعفى من العقاب
لأ المتحرش لازم يآخد عقوبته القانونية


فإفهمي معنى الكلام الأول قبل ما تحدفي القلل

مهندس مصري said...

لا دا بعد التحديثات دي
الموضوع بقى مقرف لأي واحد محترم
مين الناس الزبالة اللي عاملين جروبات ضدها
و مين اللي مفبركين صور ضدها و فيديوهات
دي ناس وسخة

المفروض دي قضية و تمشي في مسارها الطبيعي
مش تتملأ وساخة كده

اسامه عبدالعال said...

روق ياهندسه مهو اصلا النت عندنا والفيس بوك 90% منه صيع وعاملين فيها ثورجيه ومثقفين واصحاب راي وهما اصلا من غير مبدأ

اسامه عبدالعال said...

كان اولى بيهم يعملوا جروب ضد المحاميه لانها انتهازيه ومنافقه

ضحكــــاينا said...

انا راي ان المحاميه دي بتلفق كلام عادي يعني عشان تتشهر ويبقي سيرتها علي كل لسان
وعلي راي المثل الفاضي يعمل قاضي وهيا عملت هبله ولبست العمه وهيا بتعملها التوكيل ودلوقتي قلعتها عشان كده اكتشفت ان نهي اسرائليه
والله العظيم عالم فاضيه صحيح الناس ديه

micheal said...

http://strugglingmichealitoo.blogspot.com/2008/10/blog-post_30.html
ده ردي ع الموضوع
وكلنا معاها يا أبو المخاليل حتي لو كانت اسمها نهي ايهود أولمرت
تحياتي

مواطن مصرى نايم said...

عاجبنى تعليق ابى جداااااااا

بس برضوا يا ابى نهى رشدى بتنكر واقعة التحرش اللى فى فرنسا
ليييييييييه ؟؟

~*§¦§ Appy §¦§*~ said...

يا بشمهندس ما هي حاجه مش تدعو للفخر يعنى انها اتحرش بيها قبل كده وهى عارفه مصر ولا بتحترم قانون ولا بنت ولا راجل
غير كده بقى وايه المشكله ان اتحرش بيها يعنى ما قولنا البنت حلو هو ذنب اهلها يعنى
غير كده معلش انا مشوفتش انها قالت او مقلتش انها اتحرش بيها وعلى فكره كونها اخدت حقها مره فده اللى شحعها انها تعمل كده فى مصر وتفوق الناس لانها قالت انها عارفه قانون وةقاهمه حقوقها يبقى ده جالها من الموضوع اللى حصل فى فرنسا ولو استغربت فمش فاهمه ليه وهناقش من منطق انها خبره يعنى وممكن تكون عاوزه تعمل فرقعه او تاخد فلوس زي ما البعض لمح لموضوع انها خدت تعويض طيب ده ظابط فى بلد ومعاه فلوس انما ان شاء الله هتاخد ايه من سواق عربيه يعنى مش فاهمه ايه عاوزه يتجوزها
كونها بتلبس قصيررررررررررررر للمره الالف ومش ليك لناس كتير قولنا دي طبقات فى المجتمع مش معناه انها مش محترمه هما حياتهم كده يا جدعاااااااان انا بلبس قصير مش معنا انى منحله ولا انى ماشيه للشارع يتحرش بيه ولا بقول لحد اعمل كده انا البس اللى عوزاه روحوا بقى حاسبوا الناس البيئه اللى بتلبس كده علشان تصطاد زباين يا جدعان روحوا حاسبوا اللى بيقلدوا تقليد اعمي فى اللبس انما مش بيقلدوا الناس فى الاخلاق ولا فى الاحترام
اى واحد بيتحرش بواحده مش بيهمه لابسه ايه
ما فيه بنات محجبات وبيتحرش بيهم خيخه لما خصل لها موضوع وا عشرينتاه كانت عملت ايه يعنى ما هي محجبه اهي وبتلبس محترم سواق التاكسي قليل الادب عمل معاها كده ليه قولوا بقى
كونها قالت على اسارئيل محترمه انا مسمعتهاش اللى يشوه صوره بنت يبقى ايه انتم ليه مش بتفكروا ولا يعنى يوم نهي حلوه تبقى حلوه يوم وحشه تبقى وحشه احنا معندناش دماغ نشوف الجزء الكويس والمحاميه مش شافت بطاقتها البنت مصريه يا جدعان
ما تحاسبوا بقى اللى بيقتلوا المصريين فى سينا ولا دولتنا اللى بتتعامل مع الاسرائلين ولا المصانع اللى بتاخد خامات منهم دول اولى بحملات الهبل اللى بتحصل
كلامي موجهه للكل انا مسحه بكرامه واحده اسرائيله البلوج عندي فى بوست انا بكره اسرائيل الاغبيا
عموما قالت برضه او مقلتش مصر مليانه بلاوي افضل والكلب اللى عمل معاه ومع اى بنت كده لازم كان يتعلق فى التحرير ويا ريت نبطل نبقى مهللتيه ومطبلتيه من غير تفكير
بس بقى يا صباغ بطل تستفز فيه علشان فرامل لسانى باظت خالص

محمد عبد القوى said...

ياجماعة احنا لية مش قادرين نكون موضعيين أكتر شوية ، الحكاية من بدايتها مكنش لها دخل لا باسرائيل ولا فلسطين ولا بنهى رشدي ذات نفسها ، الحكاية كلها ان فى موقف لازم تاخده كل بنت فى مصر ضد التحرش وده اللى عملته نهى - بغض النظر بقى عن شخصيتها واخلاقها ومدى صدقها فى الموقف اللى خدته - واللى هو موقف صح رغم كل شيء
ثم كمان ظهور المعلومات دي دلوقت غريب جدا ، زي مايكون اللى نشرها عايز يكسب تعاطف لمتهم مايستحقش اى نوع من التعاطف ، والجروب اللى بيطلب برائته ع الفيس بوك ..هما بيطلبوا البرأة على اساس اية ؟؟ انه بطل قومي وان الموساد الأسرائيلى عمل الخطة دي عشان يشوه سمعته ويخلص منه ، ولا على اساس انه كان يعرف انها اسرائيلة وعمل كده من باب الوطنية والمفروض اننا نعمل زيه مع كل اسرائيلية تدخل مصر
وعلى راى مهندس مصرى
وعجبى

Ahmed Al-Sabbagh said...

احنا لازم نفرق بين نهى رشدى الشخص
وبين نهى رشدى القضية
الشخص اسرائيلى دى مش مشكلتنا
هو اسرائيلى يبقى نتحرش بيه ؟؟؟؟؟؟
نهى رشدى القضية
مالهاش دعوة باسرائيلية او مصرية

موسوعة الجمال -steelbeauty said...

الرسول صلى كان بيعطى الحق لاصحابة بخلاف ديانتهم

ولكن بمما اننا لانحب اسرائيل
فكلمة اسرائيل دى دولة محترمة هتثير الجدل حولها ولكن هل هذا حصل فعلا ؟

هى كما قرات انها فلسطينة
وحصلة ع الجنسية الاسرئلية غصب عنها واعتقد ان الحصول على الجنسية المصرية صعب جدا فمعندهاش بديل


وبالنسيبة لصور اعتقد انها حرة فى لبسها مادام لبسها متعدش على حريتنا

ـــــــــــــــــ

اية رائيك ياخالو

فى اسم مدونتى الجديد

أميرة ويلز said...

مش فاهمة فين المشكلة يعني المحامية دي عبيطة والا حاجة ؟؟
وبعدين كونها رفعت قضية برده على الفرنسي دة لأنها مش بتسيب حقها في اي مكان واسأل كدة اي بنت مصرية بتمشي فى الشارع كم مرة حصل معاها مواقف مشابهة مش مسألة انها مطرح مابتروح بيتحرشوا بيها دة بيحصل فى كل مكان وبأشكال كتير في المواصلات وفي الشارع لابسة كويس لابسة وحش محجبة معرية جسمها مافيش حاجة بتمنع الحكاية انها بنت مابتسكتش على حقها وخدت موقف جدع جدا
ايه المؤامرة في الموضوع انها بموقفها عايزة البنات ماتسكتش عن حقها ؟؟
انها بتبين صورة وحشة عن مصر مثلا انهم بيتحرشوا بالبنات؟؟
ويعني هو دة مابيحصلش كل يوم ؟
كونها من عرب 48 لا يدينها في شيء
الشيء الوحيد اللي يدينها ومستنية فيه اثبات هو انها قالت ان اسرائيل دولة محترمة

رامز عباس said...

يا جمــــــــــــــــــاعة

السلام عليكم
الفت نظركم للاتي اولا اسرائيلة ولا هولندية ليه اخلاق واحد مسلم تنفلت ويعتدى عليها ملوش اهل يربوه



ثانيا ده اهدار لحق المرأه في نيل الاحترام وهناخد وقت علي بال منبقي نقدر نحترمها

لاننا لو احترمنها هنصونها

المحامية دى بتاخد شهرة مزدوجة الاولي

علي حساب قضية التحرش واخدت حكم لموكلتها وقضيه تضخمت والتانية هتعمل فيها مناضلة يمكن التيارات المعاديه للصهاينه تتبنها وتقدرها واهو كله بزنس


الي المحامون انتم لستم شرفاء خالص انتم مجرد نصابون ولكن ما باليد حيله اغثنا الله منكم

اسامه عبدالعال said...

على مسؤليه جروبك ياصباغ

رد نهى رشدي على المحامبه

فوجئت بالسيدة نجلاء الإمام، تكيل لي الاتهامات الباطلة ببرنامج 90 دقيقة مساء الأربعاء 29/10/2008، كما قرأت بجريدة المصري اليوم، بعددها الصادر بتاريخ 30/10/2008 أقولاً منسوبة لذات السيدة، وقد جاء بها العديد من المغالطات التي أريد أن أوضحها وهي:
أولاً: تعرفت على السيدة/ نجلاء لأول مرة أثناء حضورنا كضيوف في حلقة من برنامج 90 دقيقة، قبل جلسة محاكمة المتهم بأربعة أيام، وطلبت مني بعد الحلقة قبول حضورها للتضامن معي في الجلسة، ولم أعطها توكيلاً للحضور به، ولكنها أثبتت حضورها مع أربع محاميين أخرين من مراكز حقوقية مختلفة أثبتوا حضورهم في الجلسة للتضامن ليس إلا.
ثانياً: بتاريخ 21/10/2008 وبعد صدور الحكم فوجئت بالسيدة/ نجلاء تتصل بي هي وأحد معدي برنامج 90 دقيقة، لتطلب مني الظهور معها إعلامياً باعتبارها محاميتي، وهو ما رفضته، لأنها ليست محاميتي التي قامت بالدفاع في القضية ولكنها صاحبة أحد مركز حقوق الإنسان، حضرت للتضامن مثل محامين آخرين أثبتوا حضورهم في الجلسة للتضامن، ورأيت وقتها أن ظهوري معها يمكن أن يمثل دعاية للمركز الذي ترأسه وهو مالم أكن راغبة فيه.
ثالثا: جاء بأقوال المذكورة أنني ولدت بيافا، والحقيقة أنني ولدت بتاريخ 5/9/1981 بطرابلس، بدولة ليبيا (مرفق صورة شهادة ميلادي)، حيث كان يعمل والدي ، وانتقل قبل أن أتم أعوامي الأربعة لأعيش مع أسرتي بمصر.
رابعاً: جاء بأقوال المذكورة أنني أحمل جواز سفر إسرائيلي، والحقيقة أنني مولودة لأم مصرية، وأب فلسطيني ـ لم يتمكن من زيارة فلسطين منذ ميلاده ـ حاصل هو وجدي على حق اللجوء بجمهورية مصر العربية ومقيمين بمصر منذ ما يزيد على الستين عاماً (مرفق صورة جواز سفري)، وقد درست بالمدارس والجامعات المصرية حتى تخرجت من كلية الحقوق، جامعة القاهرة عام 2005.
خامساً: جاء بأقوال السيدة/ نجلاء أنها ستستأنف الحكم الصادر ضد المتهم، والحقيقة التي يعلمها أي دارس بكلية الحقوق هي أن الأحكام الصادرة في مواد الجنايات لا يجوز استئنافها، ولا يجوز الطعن عليها إلا بطريق الطعن بالنقض.
سادساً: جاءت أقوال السيدة/ نجلاء متضاربة حيث أوردت بأقوالها أنني موكلتها بتوكيل لم تظهره عندما سؤلت عنه، وفي ذات الوقت قالت أنها ستقوم بالطعن على الحكم لصالح خصمي، وهو ما يمثل تمثيل مصالح متعارضة طبقاً للمادة 80 من قانون المحاماة، وهو ما يعرض السيدة/ نجلاء لعقوبة تصل إلى المنع من مزاولة المهنة ومحو الإسم نهائياً من جدول المحامين طبقاً لنص المادة 98 من ذات القانون.
سابعاً: تعلمنا من دراستنا بكلية الحقوق أن "الحكم القضائي هو عنوان الحقيقة"، والحكم الصادر على المتهم جاء بناءاً على اعترافه أمام سلطات التحقيق بالواقعة، وشهادة الشهود الذين أقر المتهم بحضورهم الواقعة، وتحريات المباحث التي أكدت حدوث الواقعة، أصبح الحكم حقيقة لا يمكن أن يغيرها إلا بموجب حكم صادر من محكمة النقض، ومن المعلوم لدى كل دارس للقانون أن النيابة العامة هي التي تمثل المتهم والمجتمع في الادعاء الجنائي، وهي التي أكدت حدوث الواقعة بتحقيقاتها مع المتهم.
ثامناً: أحتفظ بحقي كاملاً في اتخاذ الإجراءات القانونية ضد ما سبق وارتكبته السيدة/ نجلاء ضدي من أفعال، وهي الأفعال التي تشكل جريمة السب والقذف المعاقب عليها بنص المادة 302 من قانون العقوبات بعقوبة تصل إلى الحبس لمدة سنة، كما شكلت أفعالها أيضاً تمثيل مصالح متعارضة طبقاً للمادة 80 من قانون المحاماة، والتي تصل العقوبة فيها إلى حد المنع من مزاولة مهنة المحاماة، ومحو الإسم نهائياً من جدول المحامين طبقاً لنص المادة 98 من ذات القانون.
وفي النهاية وبعد أن تبين بالمستندات عدم صحة كل ما جاء على لسان السيدة/ نجلاء، وجدت أن هناك مالا يستحق عناء الرد مثل مثل الادعاء بأقوال منسوبة إلي في قناة فضائية، وليس هناك أدل على عدم صحة هذا الادعاء من أن البرنامج المذكور أذيع على الهواء وليس به أي من الأقوال المنسوبة إلي، وكنت أنتظر من صحفيي المصري اليوم أن يقوموا بواجبهم الصحفي ويحاولوا تقصي حقيقة مثل الواقعة قبل نشرها.

مختار الجندى said...

"مالكم كيف تحكمون "
اخر ما كنت اتوقعه فى مجتمعنا الاسلامى هو البحث عن مبررات للتحرش فبدأنا بالقول بان الملابس المثيره او الاسلوب المستهتر بالقيم هو السبب بل حاولنا بكل الوسائل تبرأة الجناه ولو كان بيدنا الحكم لحكمنا على الضحيه،اتسائل اليكم امن تعاليمنا الاسلاميه ان الفتاه المتبرجه يجب التحرش بها ،بل هل هذا من تعاليم اى دين؟ ،الشرع وجب عليها العفه وعدم التبرج لحماية نفسها من اللئام اما انها لم تأخذ بكلام ربها فهذا لا يسمح لنا ابدا ان نطعن بها بل يكون لها من الحقوق مثلها مثل غيرها .
اما بالنسبة لقضية نهى رشدى ،عموما القضاء قد حسمه مع حق الاستئناف،وتعالوا معى اخوتى بعينى العدل والرحمه اولا ارى ان المحاميه هى التى تلاعبت جيدا والله اعلم بما ورائها فهل هى لم تعرف جنسية من تدافع عنها وبهويتها او لم تطلع على محل ولادتها حتى اصدار الحكم ؟ ام ارادت ان تستعرض قوتها على الراى العام والمحكمه بتغير التعاطف مع القضيه الى هجوم عنيف عليها ،أم ارادت اثبات قدرتها بالتلاعب فى اكبر حكم صدر تجاه متحرش الى تبرئته ،أريد القول بانها الكثر تلاعبا فى هذه القضيه والاحق باستنفار الناس هى تلك المحاميه فلو كانت بحق ترى ان دفاعها كان فى غير محله (بغض الطرف عن تبريراتها الغير مقنعه) وجب عليها ان توضح ذلك للرأى العام وان تترك هذه القضيه لا ان تستأنف للجانى .
تعالو معىايضا للادله الغير مقنعه بالمره
اولا /عرب 48 الحمد لله انهم عرب ومنهم المسلمون ويكفينا اتيان الناس بالباطل واتهامهم بالخيانه والتواطؤ مع اسرائيل فاغلبهم مجبرون على هوية اسرائيليه ليس لهم العيش او السفر او حتى الغذاء الا بسواها ومارايناك انت امددتهم بشئ لتحظر عليهم اللجوء لعدوهم الذى سلبهم ارضهم ،ومنهم من يحاول جاهدا ازلة الكيان الغاصب فليس عرب 48 مسبه ولكنهم فخر قوم ارضهم كانت سبيلهم ولم يتخلو عنها وذهبوا للملاجئ ،وهذا ايضا عن جواز سفرها الاسرائيلى والذى دهشت به المحاميه وفوجئت به بعد انتهاء القضيه( فيالعجب) واما عن قولها بان اسرائيل دوله محترمه فلم كل هذا الهجوم عليها وهى كلمه معتاده من القاده والساسه العرب عن اسرائيل ولم ارى كل هذا الانتقاد عند قبلات القاده والرؤساء العرب لاولمرت وهذه المؤتمرات واللقاءات السريه والعلنيه فى داخل اسرائيل بكل الحب والخيبه ،ولعلنا لو احسنا الظن انها كانت تقصد النظام الداخلى الاجتماعى فى اسرائيل من عدم انتشار التحرش لهذه الدرجه او ان الحكم هناك مشددا ومطبقا الى درجة تحد من ظهور مثل هذه القضايا وتفاقمها ، اما عن التحرش السابق بها فهذا لا يغير من الموضوع فى شئ واعجبنىاحد التعليقات بانه هل هناك عددا معين مسمحوح للفتاه ليتحرش بها ،اعرف ان سلكت طريق الدفاع عن نهى رشدى واحسنت الظن بكل افعالها فهذا هو الواجب حسن الظن بالناس حتى يتبن غير ذلك وهذا لكون انها تعرضت فعلا للتحرش، والا لكانت هناك عداوه او دافع اخر بينها وبين الساق الذى اظن انها لم تقابله من قبل واعجبنى الضاحك الذى يقول لربما اعجبتها السياره النصف نقل وحلمت بان تكون تعويضا لها ،اظنكم الان متيقنين بان هناك جريمة تحرش حدثت فلماذا نجد المبررات للجانى ،لماذا تغيرنا مثل هذه الادعاءات وحتى وان صدقت وكانت نهى رشدى من اصل يهوى واسرائيلة الدم وتعشق الصهيونيه فهذا لايعطينا اى حق فى اغتصابها او التحرش بها ويكفى ومنذ دخولها الاراضى المصريه فهذا تعهد من الحكومه المصريه بحمايتها ،اخيرا الموضوع بيد القضاء وبالتأكيد قراره هو الصائب باذن الله ،اخيرا انت الذى تتحرش بفتاه لمجرد انها سمحت لنفسها بارتداء ملابس غير لائقه ومع كونها نفس الملابس التى ترتديها اختك او قريبة منك دون ان تمنعها من ذلك او هى تلك الملابس التى احضرتها لزوجتك ، وندائى الاخير ارجو منكم الوقوف ضد هذه الظواهر الاجتماعيه الدخيله التى انتشرت وبحق وتفزعنى كثيرا لانها بحق ستداهم منازلنا ان نجحت فى اقتحام مجتمعاتنا فهناك غير التحرش
(زنا المحارم –التحرش بالاطفال _الشذوذ الذى انتشر واضحا فى مجتمعات عربيه اخرى )
الرجاء زيارة هذه الروابط فى شبكة اسلام اون لاين والتى قدمها لى اخى احمد عبد العزيز فبها من الموضوعات والحلول ببعض الكواث الاجتماعيه التى احلت بمجتمعاتنا العربيه وقراءات جاده واطروحات جيده لحلو ل فعاله
http://www.islamonline.net/Arabic/in_depth/Cyber_Counselor/sexual_molestation/ind
ex.shtml

Anonymous said...

اكيد اسرائيل دولة محترمة داخل ارضها
على الاقل مش بنشوف حفلات التحرش فى اعيادهم

اسامه عبدالعال said...

كاجابه على التحديث رقم 6
اكيد تروح اسرائيل وتجيب حقها من بره ياناس نشغل دماغنا ياناس كفايه جهل حرام بقي

ياصديقي انتا بتدن فى مالطا

هويدا صالح / عشق البنات said...
This comment has been removed by the author.
Sarah el eskafy said...

ضحكن على كلام وكلام تانى حرق دمى
هتقول يمين هيقولولك شمال
من الاخر يا صباغ احنا بقينا شعب بيحفظ وبيصم قليلين اللى بيفكروا يفهموا
وعلى راى ابى بيحبوا يبقوا مهللاتية
انا رايى من راى ابى
الرسول قال "كل راع مسئول عن رعيته" مهما اتكلمنا فى موضوع التحرش ده هتلاقى الناس مصممة على افكار غريبة انقرضت من ايام الستينات فى فكرة التحرش
هتقول موضوع نهى هتلاقى ناس برضه بتتكلم وخلاص معاهم معاهم عليهم عليهم
انا اكره ماعلى قلبى التشهير
وهو معنى ان حد يشهر بواحدة اننا نصدق ونجرى وراه من غير تفكير
وبعدين ايه علاقى القضية بهويتها
اعتقد كمان انها لو كانت اسرائيلية كان اتحكم على السواق ده بالاعدام لان الناس دى اغلى مننا فى بلدنا مش 3 سنين عمى

ضحكــــاينا said...

حسبي الله ونعم الوكيل

الظاهر ان المحاميه دي اجننت في دماغها وحد دفعلها كام ارنب كده حلوين تمشي بيهم حالها

المحاميه دي لا تستحق لقب اسم محاميه لانها فشت اسرار موكلتها اللي استأمنت عليها
وانا اضم راي للراي الناس اللي فوق ديت وبقول القضيه مش قضيه اسرائليه القضيه قضيه نهي رشدي البنت اللي الي تم التحرش بيها فقط لا غير

صوماليه ارهابيه بقي امريكانيه يهويديه كل ده مش مهم

سهر الليالي said...

واذا حكمتم بين الناس فاحكموا بالعدل
كون ان نهي رشدي اسرائيليه او مصريه او فلسطينيه او اي جنسيه تانيه
دا مش مبرر عشان يبقي اي حد في الكون ليه الحق انه يتحرش بيها
قضيتنا مش نهي رشدي الشخصيه
قضيتنا هي ظاهره التحرش
وان واحده قررت تاخد حقها ومش سكتت زي غيرها
وحده زي دي بقي نلومها عشان هي اسرائيليه او عشان راي قالته في دوله اسرائيل
ولا نقف معاها عشان نعالج حاجه بتسئ لمجتمعنا
وعلي العموم ربنا هيظهر الحق مهما طال عليه الزمن

ـ-ـ- أحمد عبد العدل-ـ-ـ said...

أستاذ أحمد
أولاً ربنا يكرم حضرتك..ولو كل صحفى عمل اللى عليه وغطى الموضوع بالشكل ده مكانش بقى ده حال صحافتنا

ثانياً المحامية دى حاجة من اتنين يا تثبت كلامها يا تكون نهى رشدى غلطانة لو مسجنتهاش .. علشان الناس تعرف اننا زهقنا من التمثيل بجد

ثالثاً موضوع فرنسا لو صحيح ..يبقى بجد برافو على نهى رشدى

رابعا أنا بقول معاك .. نهى رشدى (أى حاجة)ايه علاقته بالموضوع

تسلم ايدك يا خال

أبو أسامة - مدونة كباية شاي said...

بص يا عم أحمد أنا عايز أقول حاجة :

1- المفروض إنه غلطان علشان اتحرش بأنثى ... أيا كانت جنسيتها .

2- بيتهيألي احنا قلنا من زمان إن ممكن تكون البنت لبسها غلط لكن أكيد ده مش مبرر إن أي حد يتحرش بيها في الشارع .

3- كونها من عرب فلسطين 48 ده مصدر فخر لها ولكل اللى زيها ومهواش عيبة في حقها خالص ... أنا عايز الناس تروح تدور على النت على الشيخ رائد صلاح .
أصل هو كمان معاه الجنسية الإسرائيلية .

على فكرة أنا كتبت تدوينة عندي عن نفس الموضوع وباعت الناس كلها على هنا عندك

سلام يا خال

ابو اعصار said...

سيدي حتى لو يهودية او اسرائيليه بنت .... الحق لا يعرف الهويات الحق يعرف الحق
اما انو اسرائيل محترمه ده ان صح يبقى رايها الخاص ولا يؤثر بقضيتها شي
الله يجعل نجيب عبره لكل متحرش

هويدا صالح / عشق البنات said...

مساء الخير أحمد الصباغ
مساء الخير زهرة الجنة
أوجه لكما الحديث معا لسبب بسيط أن زهرة الجنة حينما قرأت الخبر على المصري اليوم كانت في حالة دهشة واستياء ، وكأنما ضربها أحد على رأسها ـ بحسب تعبيرها ـ وأرسلت لي ، وقلت أرد عليها مساء حتى أقرأ مقال المصري اليوم وأحيط بالقضية بشكل متكامل لأنني لا أحب تغيير المواقف بسهولة .. وأحمد الصباغ لأنني كنت أتحدث معه في لحظة نشره للبوست في بدايته ، قبل أن يبذل هذا الجهد الخرافي؛ ليحيط بالموضوع بشكل موسوعي، قلت سأرد على البوستين مساء بعد أن أفطر لأنني صائمة وذهني مشتت ..
المهم بالهناء والشفاء لي .. وصوما مقبولا وإفطارا مع النبي محمد في الجنة الذي كان يقدر المرأة ، ويقدر الإنسان في عمومه بعيدا عن جنسيته وجنسه ... وبعد :
أولا هل يعني أنها معها جواز سفر إسرائيلي أن يتم التحرش بها ؟ ولو كانت مسيحية أمريكية أو فرنسية أو يهودية روسية أو حتى يهودية إسرائيلية أليس من حقها أن تصرخ حينما يتم التحرش بها ؟!
أي عدل يا ناس تطالبون به وأي عدالة تنفون عنها لأن معها جواز سفر إسرائيلي ؟!
الله هو العدل ... العدل هو اسم الله الذي ورد في صيغة المصدر وليس اسم الفاعل أو صيغة المبالغة ، فالله هو مصدر العدل .. فكيف ننفيه ونمنحه هكذا دون تثبت ودون روية ؟!
مهما اختلفت هويتها ،فقد تمّ التحرش بها وهي على أرض مصر ومن حقها اللجوء للقضاء المصري حتى لو لم تكن مواطنة مصرية .
ثانيا هل مظهرها هو الذي دفع ذلك المتحرش البرئ الغلبان الضعيف الذي لا يقدر أن يمنع نفسه من أن يمسك بثدي امرأة ويجرها منه وكأنها دابة أو بقرة أو حيوان فوقه كل أعجم ؟ !
أتخيل نفسي وأحدهم يجرني من ثديي وكأنني حيوان لا أكثر .. أموت قهرا على مجرد الخيال ، فما بالنا بمن حدث لها هكذا ؟!
منتهى القسوة والظلم واللانسانية .
ثالثا تطلب تعويضا ؟! ممن ؟! من سائق سيارة يعمل لصالح شركة ؟! أي عقل يقول أن امرأة خريجة جامعات، وتسافر للخارج حتما لعمل . وتسكن مناطق مصر الراقية أن تفكر في تعويضا من رجل مثل هذا ؟! تبقى عبيطة والله !
وإذا كانت ترغب في التعويض وما شابه لماذا لم تبحث لها عن رجل أعمال أو ابن رجل غني ، وهم كُثر ( قال حبيبك قالت أيهم فهم كُثر ) أي تفكير سخيف هذا ؟!
رابعا تلك المحامية العظيمة أين كانت حين تحتم عليها أن تتثبت من هوية موكلتها ، ألم تر هويتها لتعرف مصرية أم نصف مصرية ، أم إسرائيلية ؟!
خامسا كنت أتحدث منذ أيام مع صديق عن إسرائيل وكيف أنها بلد صغير وتتميز عنا نحن ـ العرب ، في نقطتين في غاية الأهمية ، تتميز بالليبرالية والقدرة على محاكمة الفاسدين ، وتتميز كذلك بالاهتمام بالعلم والترجمة وأن ما ينفق من ميزانيتها على العلم والترجمة يفوق الدول العربية مجتمعة ..
هل يحولني ذلك إلى تغيير ولائي نحو إسرائيل ؟! هل يشكك هذا في وطنيتي ؟! هل يحولني هذا إلى مطبعة ؟!
هلا تعقلون يا من تتحمسون لتغيير مواقفكم ببساطة وتهاجمون اليوم ما كنتم تنحازون له أمس ؟!
محبة لأحمد الصباغ
ومحبة لزهرة الجنة
اسمح لي أحمد أن أضع كوبي من هذا التعليق عندها لأنها طلبت رأأي

FreeKiller said...

حتى و لو كانت إسرائيلية
إسرائيلية إسرائيلية يعني
مش من عرب 48 بس
فكان لازم تاخد حقها
الرسول كان بيحكم المدينة بالمسلمين و اليهود و كان بيدي كل واحد حقه
إيه المشكلة بقى
بنكبر الموضوع ليه و نشغل نفسنا بحاجة مالهاش أي لازمة و لا المفروض تعمل فرق؟؟

عم مينا said...

مش عارف أقول ايه بجد

خلاص علشان واحدة قالت كلمتين في برنامج
بقي المجني عليها هي المتهمة و المتحرش بقي لازم يطلع براءة!!!

يعني مش بس شعب متعصب و لا كمان شعب أهبل

~*§¦§ Appy §¦§*~ said...

شوفت كلام نهي فى الرد النبى انا مكشوف عنى الحجاب وعلى راي نواره هلبس زعبوط وسبحه واقعد على باب المدونات ههههههههههههههههه

عاقلة علي ارض الجنون said...

لا تعليق ..

ناس عاوزه جنازةو يشبعوا فيها لطم

بالنسبه لتساؤلك البريء .. انا و الله كنت بتساءل نفس السؤال ..

و لا تعليق بجد

تحياتي للبوست الجامد جدا

انا كنت هكتب بس بصراحه فضلت أنوه عن البوست المميز

واخد بالك انت ؟؟

انا شايفاه بوست مميز لكن انا مش شايفه الموضوع أصلا ليه أهميه عندي بصراحه إلا إني بصراحه جالي إحباط زياده

يخرب بيت الجهل

اللهم نو كومنت

Ahmed Al-Sabbagh said...

هههه ماشى يا آبى يا أم سبحة

عاقلة علي ارض الجنون said...

حاولت أتكلم :

جت ف بالي جملة ف فيلم السفارة ف العماره

"شريف خيري الخاين العميل.."

الله !!.. هو مش كان بطل من شويه ؟؟

و بعدين هو اللي يطالب بحقه ف بلد الناس حقوقها فيها متاكله بقي بطل ؟؟

و ليه الناس ما بتصدق أي إشاعه؟؟

ناس عاوزه جنازة و يشبعوا فيها لطم ؟!!

المحاميه كانت عاوزه شهره ..

ده رأيي


حسبي الله و نعم الوكيل .. و لو كان الجهل رجلا لقتلته

الموضوع اللي كنت عاوزه أتكلم عنه .. بصراحه لقيت خالو أحمد الصباغ بيتكلم عنه أحسن بكتير

أو مش أحسن .. بس أنا فقدت القدره علي الكلام .. خصوصا ف الموضوع ده

عشان دخلت ف نقاشات مع ناس كتير يمكن الفكره الرئيسيه و هي وجود رادع مؤمنين بيها
بس للأسف منهم اللي بيحمل البنات برضو جزء من الغلط .. و الغريب ان منهم اللي ميعرفش أي شيء عن حوادث التحرش و عددها
و بيقول ان الاعلام هو اللي عاملها هاله من الرعب ..
و فيه كمان اللي قال بنسوء سمعة مصر

و اللهم لا تعليق

هنــــــــا بوست أحمد الصباغ عن الموضوع اللي كنت عاوزه أكتب فيه

و هنــــــا : المشاده اللي كانت بين نهي رشدي و المحاميه التي تدعي انها من هيئة الدفاع

تابعوا التحديثات علي مدونة الصباغ
============
اللهم نو كومنت

بسنت said...

لا حول ولا قوه الا بالله يعنى علشان البنت خدت حكم واشتهرت الكل عايز يظهر زى - المذكوره نجلاء
علشان اكيد تشتهر بردوا
ما هى الشهره الايام دى موضه وبرستيج ولا ايه بالظبط
انا ان كان عن نفسى لا تهمنى نهى من انهى دوله المهم انها اتعرضت لحادث وخدت حقها
ودا يشجع البنات فى البلد دى على الاقل انها تاخد حقها وما تخفش
وتطالب بيه مهما كان الفاعل
وربنا معاكى يا نهى لانه واضح ان كتير عايزين يظهروا على حسابك

ـ-ـ- أحمد عبد العدل-ـ-ـ said...

سلام عليكم
والله حاجة تحرق الدم
ده تسجيل من المحور بين المحامية نجلاء ونهى رشدى
http://www.youtube.com/watch?v=XTR_ieTRfMU&eurl=http://www.elbashayer.com/?page=tv&tid=441/
أعتقد انه بيوضح الحقيقة
المفروض المحامية دى تثبت الكلام اللى بتقوله أو تتحاكم بدون حتى ما نهى تقاضيها
تحياتى

شباب روش طحن said...

يعني ببساطه كده هو معني إنها إسرائلية وجاسوسة كمان وست مش مظبوطه وليها أفلام منافيه للأداب إنها لو تعرضت لحاله تحرش في مصر يبقي نسيب الجاني أو نخليه يطلع براءة
لأ طبعا لو فرضنا صحة كل ألي نسب إليها برغم أن الدلائل تؤكد عدم صحته يبقي برضه ده مش معناه إننا ندافع عن الجاني ولازم ياخد جزاءه ويتعاقب ويحيا العدل وياريت كل واحدة أتعرضت لأي حادثة تحرش تروح تبلغ وإحنا كلنا معاها ياتري حيقولوا علي كل المصريين إسرائليين بقي

ألي انا مش فاهمه هو المحامية نجلاء دي حتستفاد إيه من فبركه حكاية زي دي بالرغم من أن أدلتها ضعيفة للدرجة دي أعتقد أن الموضوع لسه في أسرار حتتضح مع الوقت

وبس كده

وجه جديد د.أحمد عثمان said...

بفرض أنها اسرائيلية
صهيونية
معادية لكل ما هو عربي
ما علاقة هذا بالتحرش
أعتقد أن ما يحدث
هو تحرش بحكم التحرش
تحرش بعقولنا

لماذا نغتال
كل ما هو جميل

Ihab Omar said...

مساء الخير يا احمد
بقالي فترة مردتش هنا و بسم الله ما شاء الله المدونة في تألق
عموما انا كتبت تدوية بخصوص الامر , يا ريت تفوت عليها انت و كل مهتم بالموضوع
http://ihabomar.blogspot.com/2008/10/blog-post_2176.html

عاقلة علي ارض الجنون said...

ده البورنو كليب اللي الناس بتتكلم عنه ..

http://www.youtube.com/watch?v=iLmZnprKEb0

ربنا يحمينا من الجهل ..

ده حاجه نهي إشتغلتها ..

ده اللي بتصوره و واضح لبسها عامل إزاي

سلام

عاقلة علي ارض الجنون said...

الفيلم عن الإيدز عشان الناس بس تفهم الموضوع صح

لا تعليق بجد

بنوته مصرية said...

هو فييييييييييه اييييييه

انتم لو شوفتو وحده ياهودية واحد بيغتصبها في الشارع قدامكم

هتغطوها وتمشو علشان دي مش مصرية ويهودية فين النخوه بتاعت ولاد البلد

الصراحه دمي اتحرق البنت بتقول اني الناس كانو بيمشو الحيوان اللي اتحرش بيها ومش عاوزين يوده للقسم

وبعدين يهودية ولا مصرية
دي بنت وحصل بيها كدا محنا منبقاش سلبين للدرجه دي

وبعدين الصورة دي شكلها كانت في بيتها وبتتكلم وباين اووي انها متفبركه ثم لو دي صورتها ايه المشكلة دي مش عريانه اووي لبسة قصير ايه المشكلة

Mohamed Hamdy said...

اقرا الموضوع ده حالا

http://demaghy.blogspot.com/2008/10/blog-post_31.html

بدراوى said...

جميع فيديوهات حلقة

الحياة اليوم مع نهى رشدى

http://ta3melboyout.blogspot.com/2008/10/1_8511.html

http://ta3melboyout.blogspot.com/2008/10/2.html


http://ta3melboyout.blogspot.com/2008/10/3.html

نهر الحب said...

احمد
بص هى يهودية ابا واما وجد وكل حاجة او هندوسية هل دا سبب للتحرش بها فى الشوارع او ان تغتصب ؟؟
بس السؤال بقى يا ترى رجب جبريل الرجل الشهم الوطنى المسلم او المسيحى المؤمن عرف فجأة وبقدرة قادر انها عميلة وبنت 000000
فدبت فيه روح الوطنية والشهامة فتحرش بيها ؟؟
والله كلام لا عقل فيه ولا منطق سوا انهم يقولون ان لا حق لاى منتهك واى محاولة للوقوف ضد الانحراف بأشكاله يبقى النتيجة انك عميل او ملحد او مش عارفة اية
المسأله هنا مش هى جنسيتها اية وان كانوا عرب اسرائيل هم اخوة لنا ومسلمين ومسيحين عرب لا هم يهود ولا شئ لكن المسألة ان لا صوت يعلوا غير صوت الوقاحة وقلة الادب والانحراف

احترامى لك احمد

صبرني يارب said...

اولا يا صباخ باحييك من كل قلبي على المتابعه الرائعه والاكثر من رائعه للاحداث

انا متابعه من امبارح بس على ما
قدرت ارد كان سبقنى الاخ مختار الجندي فتح الله عليه بجد
قال كل الى نفسي فيه

3 نقط
التحرش مرفوض ومالوش اي مبرر

تلبس قصير ما تلبسش هدوم اصلااااااا مش من حقك تتحرش بها(امرنا بالحجاب وامرتم بغض البصر وحفظ الحرمات ده مبدأي يعنى )

التحرش جريمه ويعد جريمه لو ارتكب مع اي حد ان كان
مسلم او غير مسلم حتى لو كان على غير مله خالص
مصري او اسرائيلي
اي انسان ممنوع ارتكاب الجرائم فى حقه

الحاجه الى غايظاااااني اوي

يعنى ايه عرب اسرائيل ؟؟؟؟
هى بقت تهمه ؟؟؟
يا نهار اسود على الجهل المتقع الى احنا عايشين فيه
هو عشان اسمهم اسرائلين يبقى تبع البعبع ؟؟؟

ناس قعدوا وقالوا مش خارجين من بلدنا وشافوا الويل
وفرض عليهم الامر فرضا
ولا عشان طلع كام واحد اهبل وقال ان فى ناس من عرب فلسطين جواسيس ومش عارف ايه
ماهو لازم حضرتك ما المصريين في منهم جواسيس هانهرج ؟؟؟
ودول هناك فى بؤرة الاحداث
وبقوا كام جيل هناك فوق بعض والبركه فينا وفى ضعفنا وطناشنا ؟؟؟؟!!!!!

ولاحكاية ظابط فرنسي دي
على راي آبي تقريبا البت حلوه تعملكم ايه ؟؟؟!!!

واي واحده تقدر تقولكم هى ممكن تكون اتعرضت لرزالات اد ايه وكام واقعه منهم تقدر تعدها تحرش مش مره ولا اثنين ممكن اكثر
خصوصا لو ظروفها مخليها محتكه كتير بالناس وكده

والاخت كانت فى فرنسا وخدت حقها من الى اتحرش بها
وده يمكن خلاها تقوى على انها بعد كده تقول ما اسيبش حقي

الموضوع لا يخرج عن كونها محاميه غير شريفه مهنيا وحبت تشتهل على حس الموضوع ولما رفضت نها اتغاظت وكلت فى نفسها وافتكرت ان كل من مسك ميكرفون حط ايده على رقبة الناس

وللاسف لقت الى يهللها ويقول اااااااااه اسرائليييييييه
طب خلاص طلعوه بقى ده غلبان مش مشكله ياريته كان ااغتصبها حتى مش مشكله

وايه المحامي بتاعه الشاذج الى مشي وراها ده

ربنا يحرمهم من العبط

اسفه على الاطاله يا صباغ
وتحياتي لك تااااااني

صبرني يارب said...
This comment has been removed by the author.
Tshandny said...

والله الموضوع ده بقي يقلق اي بنت ماشية في الشارع محجبة او مش محجبةوكل الكلام اللي اتقال في البوست ده جميل ورائع وماشاء الله علينا
بنعرف نجيب نتائج هايلة
ومبررات كمان لوعايزين
ماشاء الله معاهم معاهم عليهم عليهم
اللي يدفع اكتر انا معاه واللي ياكل معقلي حلاوة انا معاه

بس انا لي وجهة نظر تانية خالص
الموضوع ده طبيعي يحصل من المحاميين مع بعضهم
بس الليمش طبيعي ان موضوع زي ده ياخد اشكال كتير في الاعلام
اكيد في حاجة تانية مستخبية تحت الترابيزة
مش عايزين المصريين يعرفوها
يعني يمكن بيغطوا على احنا فين من الازمة الامريكية
او مثلا نفاجأ بعد المشكلة دي وتطفاقمها
ان الدعماتلغى
او ان مثلا مبقاش تعليم مجاني في مصر بحجة ان الازمة قضت علينا

مهندس مصري said...

انا النت كان فاصل عندي لمدة يومين تقريباً
دلوقتي حلقة نهى في قناة الحياة قطعت الشك باليقين
و حطت جواز السفر بتاعها في عين الكل و اللي بيوضح انها لاجئة فلسطينية من اب فلسطيني و ام مصرية و من مواليد ليبيا
و طلعت المحامية كدابة
و محصلش اي حاجة في فرنسا اصلاً
و نهى رشدي تبقى غلطانة لو ما سجنتش نجلاء دي هي و نبيه
لإن المفروض اتهام الناس و رميهم بالباطل ما يمرش بالساهل كده

مصري said...

شباب .....

باختصار ... انا تابعت التعليقات .. وان كانت بصراحه في بعضها يدل علي مأساه الشعب ىالمسكين الي واضح انه مغيب ... وده بأرته هو ! مش بأراده اي حد تاني !!!

وبلاش كلام فاضي عن الحكومه هيا السبب .. والفقر ... والمجاعه... ومثللكم الهند والصين ؟
ها ... فكرين الهند من كام سنه نضحك ونقول فيلم هندي .. والان نقف احترام للهندي !

القضيه ... قضيه ايمان ودين واخلاق ...طيب الشباب الي بيدفعو عن الشاب .علشان البنت اسرائيليه ( وان كانت فعلا )
ده ميدش الحق لاي (حيوان ) يتحرش بيها لانه مسالت اخلاق وحضاره...
وعلي فكره انامصري وعربي ولكن ده ميمنعش اني اققول في سلبيات عندنا ... مش عند اي بلد كفره متحضره بيحترمو الادميه ...

كفايه جهل .... وشوفو صورتكم بره شكلها ايه ؟؟

وفين كانو الشباب في قضيه عماد الكبير من الاستنكار والجعجعه في النت !!
اسمحولي ... شباب تافه .... ولو حصل ده مع اختك او امك او مراتك ؟؟ حتسأل اذاكان الشاب مصري (تخليه) ولوكان يهودي (تعترض) ؟؟
يخساره ... ياشباب ... يامتحضر .

انا اعيش في دوله .... البنات فيها بتمشي عريانه .. مفيش اي كلب يقدر يتحرش بيها ... اشمعني !!!!!!

واشمعني عندكو في مصر (محجبه ... غير محجبه ) بيتحرششو بيها ؟

الاجابه ... الرجوله مش كده ..
الرجوله بجد اخلاق !

وهل انعدمت الاخلاق من شباب مصر ؟

البنت مصريه ... اسرائيليه ... يهوديه .. انا بطالب بتعديل القانون ..ب

يخيروا المتحرش .. اما يتحرش باخته امامه بنفس الشكل الي اتحرش بيه علي خلق الله .. او امه ..او زوجتها

اما الاعدام ..

وكلهم في مكان عام

شكرا ...

Akhadiwi Rajie said...

There are certainly a lot of details like that to take into consideration. That is a great point to bring up. I offer the thoughts above as general inspiration but clearly there are questions like the one you bring up where the most important thing will be working in honest good faith. I don?t know if best practices have emerged around things like that, but I am sure that your job is clearly identified as a fair game. Both boys and girls feel the impact of just a moment’s pleasure, for the rest of their lives.
Ccoc.cmes.tn.edu.tw
My.sitemark.com
Photozou.jp