خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 5, 2008

Re: لقاء تدوينى .. وكرم شرقاوى

انهارده كان ميعادنا مع ملتقى مدونى الشرقية
ايوة .. دول اللى عزموا القطار
وانهاردة عرفت سبب المقولة .. الكرم
كرم الطباع والاخلاق والروح العالية
كان لقاء جميل ومثمر ومفيد
تجلت الروح اللى خلقها التدوين بينا فى أجمل صورها
أنا شخصيا استفدت من الكلام اللى دار جدا
ومهما وصفت السعادة اللى حسينا بيها انا ومهنى وسلامة واحنا راجعين من الزقازيق مش هقدر أعبر عنها كما ينبغى
اللقاء تضمن تعارف .. ودردشة . . وإلقاء شعر
كمان تضمن نقاش ونقد بناء حول فكرة وكتاب مدونات مصرية للجيب
ومهنى طلع بملاحظات كويسة على العدد التانى


ألقى مجموعة من المدونين قصائد اكثر من رائعة امتعتنا كثيرا
منهم أيمن جاهين

وكمان سمر إمام صاحبة مدونة كرانيش قالت قصيدة رائعة

بعنوان .. بابا نويل

ولإنك بتداوى جراح البني آدمين بشويش
وبتنزل ببساطك الاخضر
ومعاك البؤجه اياها
بترمّى على الناس النرجس والــ .........
ولإنك كان شعرك ابيض دايما
مدخلتش ف دماغ ست الحسن
وعجبها الواد اللـ ـسه شباب
وبرغم كده...
لساك بتحب تجيلها وتديها الممنوع
رغم انها رفضاك ؟؟
بتوصى بنات الحته عليها ميجرحوهاش
عمناول
جيتلها من غير البدله الحمرا
وصبغت الشعر الشايب جدا
ومسحت عنيك من اى دموع
قررت تمثل دور الواد النونو اللى بيسمع فيروز زييها
وبيرقص تانجو على الاحلام
ويحط الورده الحمرا ف جيب البدله
وبيعشق بالفن السريالى
وبدأت تقارن ف مرايتك بين ملامحكم
معقوله؟؟
تشبهله تمام
قدامها
مقدرتش تمسك نفسك ومتبكيش
لما لقيتها ف حضن الواد اللـــسه شباب
قررت كمان انك متجيش
لكن السنادى
جيت ومعاك البؤجه اياها
على وشك نفس الضحكه اياها
بتهادى عيال الشارع بلالين
وتطيّر باقى البلالين فى سماها
وبترجع على نفس بساطك الاخضر
ولا مين شافك
ولا مين أصلا كان هيفكر

القصيدة هنا عند سمر



وأسيبكم مع بعض اللقطات التذكارية

أثناء اللقاء

جانب من اللقاء


مهنى والعيال البلوجرية

اسلام ديو

مع نهال فرى كيلر

مع ومحمد رضا

مع أسماء جمعة

ألبوم كامل للقاء على الفيس بوك
أضغط هنا



قـــائمة الحــاضرين

مدونة قصاقيص حبيبة
أسماء جمعة – مدونة بنت الشمس
محاسن صابر – عايزة اتطلق و
نهال جمال – فرى كيلر
رضوى عادل – قلب ينبض لله
غادة وروفيدة – مدونة غادة وروفيدا
نور – مدونة كلمات الصمت
نسمة الوكيل - مدونة بذرة أمل
رامى سعيد – مدونة حينما تكلمت قولت
احمد شاكر – مدونة ميديسن بريك
احمد سلامة – مدونة مستر كوفيه
أحمد مهنى – مدونة مزاج
راجى رجب – مدونة قد قلت ما عندى
علاء – عايش ولكن
محمد الجوهرى – كل يوم فى جديد
إسلام ديو – مدونة إصحى يا مصر
احمد فهمى – مدونة رومانسى
احمد ابراهيم – تشى
محمد رضا – شخصية عامة
سمر إمام – مدونة كرانيش
بسمة مسلم – مدونة همسات شاعرة
رغداء عبد المجيد
لميس خاطر – مدونة زوايا السحاب
سمر – مدونة واحدة شبهى



طرائف على الـــــــهامش

هامش أول
أول ما نزلت الزقازيق لقيت محل ضخم كبير مكتوب عليه

يعنى مش بس محل الصباغ للصرافة اللى قال عليه مهندس مصرى ده

واضح ان ممتلكاتى الصباغية بقت أوول أوفر ذاورلد

هامش تانى
اتضح ان الزقازيقة عندهم بورصة بردو زى قهوة البورصة بتاعتنا
بس بورصتهم اسمها بورصة أبو غنيم


هامش تالت
محاسن وابنها العسوول بووودى أول من قابلنا فى مكان اللقاء واسمه المصرية بكابوظا ( لأ .. اسمه المصرية بلازا بس بنساه دايما فمشيها بكابوظا ) ، والجوهرى الجميل كان ملخوم بنقل اللقاء من مكان لمكان لكن نظم اللقاء حلو ... وإسلام استقبلنا.. وضايفنا .. ووصلنا .. وركبنا الباص .. واتصل بينا لما وصلنا البيت يتطمن علينا .. والله مش لاقى كلمات أعلق بيها أو أشكره ازاى

بجد أشكركم يا شرقاوية التدوين


آخرون كتبوا عن اللقاء
عند أحمد مهنى

أحمد الصباغ

32 comments:

Summar said...

:)
كان وقت مميز فعلا
واتعرفنا على بعض ودى اجمل حاجة بجد
لو مكنش المكان اتنقل كان ممكن ناس تانية كمان تيجي
:D
لازم نعملها تانى بجد...عندنا او عندكو
:)

ضــى القمــر said...

تانى تعليق فى مدونة الصباغ ..

لأ بجد انا اتحسد :).. هههههه
لقاء واضح انه كان اكثر من رائع ..
وواضح أن الجوهرى تعب فيه جداا
الله يزيد اللقاءات بينكم يارب دايما ..
والله يوفقنا فى يوم ونقدر نلحق اجتماعتكم دى .. :)
أدعولى بس أحضر ولو حتى اجتماع واحد :(
شكرا لك على النقل المتميز منك يا احمد
دمت بكل ود يا اخى

نور said...

السلام عليكم

شكرا يافندم على تغطية اليوم

بس احنا مشينا بدري ومحضرناش حاجات كتير

ياريت بس تغير السم في قائمة المدونات اللي حضرت .. من اسلام لنور

وده لينك المدونة

http://www.kalemat-alsamt.blogspot.com/

Soul.o0o.Whisper said...

أو عندنا يا سمر

أصل أبويا مش هيخلينى أسافر لوحدى
و طبعا مش لاقية حد أسافر معاه

فالحل الوحيد إنى أشوفكم هنا
:)

خالو عاوزة أقولك كلمة سر
<< ممكن تعرفنى على مدونين المنصورة
عشان ماعرفش حد فيهم
وش مكسوف
ما علينا

احم احم
اه كنا بنقول ايه؟؟
اه صح ....بجد إن شاء الله هأشوف الموضوع دا

بس الظاهر فعلا كان اللقاء رائع
و لما أرجع من الشغل إن شاء الله أشوف الفيس بوك


ياللا سلام

عايزه اتطلق و said...

كان بالنسبه ليا يوم حافل انا وابنى
يعنى زى ما انتا عارف من الشغل عليكوا بس شوفت محدش استمتع قد عبد الرحمن ....
بس انتا ايه النشاط ده كله يا ابنى انا من ساعة ما روحت ونمت انا وابنى كما اهل الكهف ولسه حالا بفتح الماسينجر لقيتك انتا وحبيبه وعلاء وناس كتير باعتينلى
قولت ده واضح ان انا البندا الوحيده اليى فيهم
كسوله يعنى....
كان يوم جميل والمهم كمان انى شفتك وشفت شراقوه مدونيين عمرى ما كنت شفتهم خالص قبل كده...
حاجه جميله فعلا...

Dr. Mohammed Reda said...

شكرا شكرا

انا منور الصور اهوه

بس حلو اوي المحل اللي على اسمك ده

حقيقي سعدت بالناس الحلوه دي كلها

اسلام ومهنى وسمر ومحاسن وانت ومش فاكر مش فاكر

يخرب بيت النسيان

انا ايه اللي جابني هنا

هي المدونه دي عن ايه

حد يفكرني


اه اه

مكتوب لقاء

شكرا يا لقاء على الموضوع ده

هههههههههههههه


معلش يا ابو الاصباغ

انا لاسع النهارده شويه

تحياتي

جاي تاني

FreeKiller said...

امممممممممم
يا ريتني بت ف الزقازيق بقى على كده
شكلكوا عشتوا حياتكو بعد ما مشينا
ههههههههههههه

يللا
خيرها ف غيرها
ملحوقة

بس بجد بجد الواحد اتبسط فعلا انه اتعرف عليكم

و سامحوني لو كنت صدعتكم
اصل انا عارفه نفسي
مكنه صناعه صداع تمشي على قدمين

FreeKiller said...

اه بالحق يا سنسن
مش انتي بس اللي نمتي انتي و بودي
انا كمان نمت زي القتيل
كان يوم طويل قووووي بالنسبة لي
اتختم بفرح ابن عم بابا


يوم حافل حافل يعني

FreeKiller said...

1

FreeKiller said...

لسه برضه مش مقتنعه
ازااااي محدش يوديكم بورصه السنترال

دي البيج بورص بتاع البورصات

nona said...

كدة هنحقد عليكم عشان اليوم الجميل دة بس يلا هنعمل اية محظوظين يا ولاد الاية
المهم انكم انبسطتوا باليوم و كان جميل فعلا
بس هى كانت مشكلة كبيرة لناس كتير منها السفر و طول المشوار و كمان الميعاد كان متاخر و طبعا اكيد خالو احمد رجع بعد نص الليل هو و الاى معة
المرة الجاية عندنا احنا عشان نوريكم كرم اهل القاهرة باة

Dr.Mohammed Gohary said...

يا صباااااااااغ
سعدنا بزيارتكم
بجد والله الشرقية نورت

بكابوظاااااااا قال

يا وااااااد
دا المكااااااان توحفة

هههههههههههههههههههه

خالص تقديري
واستني بوستي يا معلم
ههههههههههههههه
فيه كووووول التفاصيل

Oss said...

عااااااااااااااااااااااااااااااااا
الكمبيوتر كان بايظ من يوم الخميس ولسه متصلح النهارده
ودعوة الفيس بوك ماشوفتهاش دلوقتى
عااااااااااااااااااااااااااااااا

والله يا صباغ انا لو اعرف كان زمانى جيت
بس والله الكمبيوتر كان بايظ

:(
وعلى فكره المحل الكبير ده انا قايللك عليه قبل كده فى كومنت
بس انت مش فاكر

والله انا اسف كان نفسى آجى بس ماعرفتش
والشرقيه كانت منوره
:)

العسكري عتريس said...

كان نفسي اكون موجود بس للاسف كان عندي شغل ومش عرفت استأذن واجي

مهندس مصري said...

و أحلى سلام على طول السلام لمدونين الشرقية الكرام
:)
دا إنت الضرايب حتُجزرك يا صباغ
:)
شكله فعلاً كان لقاء حلو

مهندس مصري said...
This comment has been removed by the author.
د / مصطفي النجار said...

الصديق العزيز
احمد الصباغ
تمثل لكثير من المدونين قيمة انسانية عالية
بجهدك وتواصلك الذي لا يتوقف
تحياتي اليك
وبارك الله في جهدك
واسعدنا بك دوما

Romantic said...

يا بختكم
يا ريتني كنت معاكم
المرة الجاية اعملوها في المنصورة
وانا آجي ليكم

habiba said...

انتوا نورتوا الشرقيه ياصباغ
بس كد بقى تنسى اسمى فى مدونات اللى حضروا ؟:(

ماشى ياصباغ لن انسى لك هذا الموقف
عموما المرة الجايه نتقابل ويكون اللقاء احسن واحضره كله ان شاء الله

Ahmed Al-Sabbagh said...

حبيبة
انا عملت ورقة لكتابة اسماء الحاضرين وقعدت اهلل واقول مين مكتبش
وانتى ما كتبتبش فمش ذنبى
وبالليل هصصح اللينكات اللى ناقصة واحدث البوست

عاشقة الوطن said...

السلام عليكم

ازيك يااحمد
بجد كان نفسي اكون معاكم وكنت فعلا جاية بس حصل ظروف الحمدلله
وللاسف معرفتش اجى
بس ان شاء الله تتعوض مرة تانية

وبجد الشرقية كلها كانت منورة

ويارب دايما كل اللقاءات تبقي مثمرة وبفايدة

تحياتى ليك ولكل المدوينن اللى حضروا اللقاء

عاشقة الوطن

Ahmed Al-Sabbagh said...

حبيبة

سووورى دايما تلاقينى لمض على الفاضى
فعلا مدونتك مكتوبة
بس انا اللى اعمش

on light said...
This comment has been removed by a blog administrator.
مؤمنه said...

السلام عليكم ورحمة الله وبركاته
بالتوفيق والى الامام دوما
والسلام عليكم ورجمة الله وبركاته

اصحى يا مصر : اسلام ديو said...

ياما كان نفسى تقعدوا معايا ولله
بس انا زعلان يا خالو انك مجبتش الصور بتاعت قبل المغادرة

يارب الواد جوهرى ميفضحش الدنيا ههههههههههه
الحمد لله كان يوم جميل واسعدت بلقاء كل الناس

Dr. Mohammed Reda said...

الروابط عاوزه مهندس كمبيوتر عشان الواحد يدخلها

لازم نحذف النص الاول


تحياتي تاني

mohammed alsha3r said...

خالو

عندي لك صورة

الصباغ للموبيلا

يعنى دهب

وفول طعميه
وموبيلا


عاوز ايه تاني

عاقلة علي ارض الجنون said...

طب تصدق بقي و الله العظيم فيه محل ف روكسي بتاع جزم اسمه الصباغ
ههههههههه و كان جمبه محل شنط اسمه جوبا بجد اما شوفتهم مكنتش قادره أبطل ضحك و ماما تقوللي بتضحكي علي ايه اقولها اصل المحلات .. و أضحك .. بابا يقوللي أصل المحلات إيه و انا اضحك و إلي الآن أصبح لغزا محيرا موضوع ضحك عاقله ف روكسي أمام محلات الصباغ

:)

هحاول أدور علي الصوره اللي صورتها للمحل و ارفعها و أبعتلك لينكها :)

ياسمين

habiba said...

ياخبر ياصباغ انا مش زعلانه خالص
ده كان تهريج بس
وبعدين اسمى مش اتكتب فى الورقه لانى مشيت بدرى انا واسماء

بس حصل خير ومش زعلانه صدقنى
ويكفينى معرفه حضرتك
تحياتى

اصحى يا مصر : اسلام ديو said...

يا جماعة احب اضيف فى جراج ومحل كشرى اسمهم الصباغ
للعلم والاحاطة

Medicine Break said...

نورت الشرقية يا صباغ وبجد استمتعنا فى اليوم ده وان شاء الله هايكرر
بالنسبة لممتلكاتك اعتقد انها يمكن كمان اكتر من كده

Akhadiwi Rajie said...

This is the right blog for anyone who wants to find out about this topic. You realize so much its almost hard to argue with you (not that I actually would want…HaHa). You definitely put a new spin on a topic thats been written about for years. Great stuff, just great!
Visual-paradigm.com
Inmethod.com
Qubeshub.org