خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 4, 2008

بابا أبو خالد راح فين؟

بدخل على مدونتة لقيتة بيقولى
معذرة، تمت إزالة المدونة الموجودة في
abukhaled8.blogspot.com
لم يعد هذا العنوان متاحًا لمدونات جديدة.
وهمس المفروسة أند متغاظة ودعاء مواجهات قالولى
ان الناس بقالها كذا يوم مش لاقية المدونة
اتصلت به الموبايل مقفول
كاتب على الفيس بوك
إلي كل من تسببت له في لحظة ألم سامحني أكرمك الله
ياريت يا اخونا حد من بتوع بورسعيد يسأل عنه ويطمننا
سألت الناس اللى تعرف موضوع الغاء المدونة
قالوا انه بقالة يومين وهو كان باعت رسالة فيس بوك يوم واحد اكتوبر
ياريت اللى يعرف حاجة يطمننا

9 comments:

ojg said...

والله يا أحمد الموضوع مقلق جدا
صعب أوي ان بابا أبو خالد بالذات يختفي فجأة كده
مش عارفة
يمكن يكون محتاج فترة مع نفسه؟؟
يمكن يكون حاجة حصلت؟؟
بس اللي مافيهوش احتمالات يعني ان حد لازم يحاول يوصله ويطمنا عليه
لعله خير

mostafa rayan said...

على فكرة الموضوع دة بقاله فترة
والأمر بالفعل محير

Gannah said...

صباغ
شكرا على طرحك للموضوع
انا فعلا قلقانه جداااا وخاصة انى بعيدة ومش قادرة اعمل حاجة ولا اعرف ايه اللى حصل
انا بعتله ميل بس مردش عليا
حاسة ان حاجة حصلت مش عايز يقولها
يمكن تعليق سخيف
مش عارفة
من مدونتك انا بوجهلوا التحية وبقوله لو حصلت حاجة من شخص غير مسؤول احنا كلنا آسفين
وياريت ترجع لنا تانى
شكرا يا صباغ
تحياتى

مهندس مصري said...

إزاي إتحذفت يعني
انا الراجل ده رغم إني ما اعرفوش شخصياً بس مفيش حد عرفه غير و أحبه
أنا فاكر من أيام ما كان بيعلق أنونيمس
كان تعليقه بيفرح كل مدون يعلق عنده

دا أنا حبيته من غير ما أعرفه و لا أكلمه
إزاي يختفي كده
عايزين نطمئن عليه
ياريت مدونين بورسعيد يطمنونا
بسرعة
أي حد منهم يعرف بيته ياريت يروح له و يطمنا بسرعة

همس said...

فعلا يا احمد

حاجه تقلق

بالرغم انى كنت مكلماه قبلها بيومين وكان صوتو طبيعى

الا مش عارفه حصل ايه

يارب يرجع بالف سلامه

وحشنا والله

mahasen saber said...

مش قلتلك يا صباغ
انا حاولت ادخلها كتير لانى قرفته وازعجته بزياراتى انا خوفى يكون قفلها بسببى....
بابا ابو خالد ارجع ارجوك ربنا يصلح حالك والله على الحب ده كله مننا
المدونه دى هتكون سبب فى دخولك الجنه
ان شاء الله
ويا رب مكنش دايقتك فى حاجه ولاا انا اكون اتسببت فى ازعاج..
ارجوك ارجوك
ولو حصل منى حاجه الاب بيسامح بنته
فارجو انى مكنش سببت لحضرتك الا السعاده...والعقوق لا

ست البيت said...

فيه ايه يا خالو ؟ انت اخبارك بقت ظلام كده ليه اليومين دول؟
يعني ايه بابا أبو خالد راح فين ؟ محدش معاه عنوانة في بورسعيد
؟
طب تليفونه تليفون حد يعرفه في بورسعيد ؟
ما انا بقالي سنة بنبح في صورتي يكون لنا داتا عشان كده
يعني بالعربي نكون نعرف عنواوين بعض وتليفوناتنا ياسيدي مقلتش الناس دي كلها حتقدر توصل لبعض
بيس ما ينفعش ما نبقاش عارفين اي حاجة عن بابا ابو خالد
حزينة جدا لهذا الخبر يا ريت اول ما تعرف عنه حاجة تكلمني
ربنا يرجعه لنا بالسلامة ويكون خير إن شاء الله

اهو ده عيبه said...

ازيك يا صباغ
بص انا مش عارفه ابو خالد ماله بس اكيد فيه حاجه كبيرة او حد زعله بكلمة
انا كنت مقابلاه فى رمضان كان كويس وكمان اتفقنا كلنا حنتقابل تالت يوم العيد
وللاسف بعدها مكلمش حد وقفل المدونة ومجاش يقابلنا
احنا جبنا رقم بيته واتصلنا
مكنش موجود وقالوا ان شريحه تليفونه اتحرقت بس الحقيقه انه حيغير رقمه كمان
ورافض يرد على حد
انا خايفه يكون حد قاله حاجه زعلته او علق عنده تعليق بايخ
عموما لو عرفت اى حاجه حبقى اقولك
سلام

L.G. said...

نعم يجب الاطمئنان على اي مدون يختفي فجأة وبدون مقدمات وفكرة ان المدونين يجب أن يكون لهم داتا مهمة عشان لو حد لا قدر الله الحكومة استضافته نعرف مصيره ونقدر نساعده

لم أزر مدونة ابو خالد من قبل ولكن الاطمئنان عليه مهم

رجاء يا صباغ نشر اي تحديث فيما يخص ذلك الموضوع