خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 17, 2008

لا لغلاء البيبسي من جنية لجنية وربع

الشباب المصرى بيثبت انه أصيل فى المواقف الصعبة المصيرية
وانه ازاى مش بيسكت على الظلم والغلاء
مجموعة من الشباب المصرى المناضل
ساب ازمة الرغيف وازمة المواصلات وازمة المرور والانجليز والمماليك
والازمات الهايفة دى
وتضامن من اجل عدم غلاء البيبس
فى جروب فيسبوكى يحمل اسم
لا لغلاء البيبسي من جنية لجنية وربع
طبعا
يعيش الانسان ازاى من غير بيبس
ده حتى البيبس ده غذاء الروح
مع إن كل الحاجات الاساسية فى حياتنا غليت أربع أضعاف فى غمضة عين
لكن لأ .. البيبس حاجة تانية

مش بس كدة لأ وهذا الشباب البيبساوى له نظرية بديعة فى اسباب الاعتراض على غلاء البيبس
مش عشان البيبس يعنى غذاء الروح وبتاع .. لأ
شوف بيقولوا ايه فى الجروب

يا جدعان البيبسي غلى كان بجنية ودلوقتى بجنية وربع
انتوا اية رايكوا
افرض انك ماعكش الا جنية وعايز تشرب بيبسي تعمل اية او افرد انك معاك صاحبتك وماعكش الا اتنين جنية تعمل اية تروح تستلف خمسين قرش عشان تشرب انت وصاحبتك ؟؟ او تشحت؟؟
فلازم نعمل واقفة ونرجع البيبسي بجنية
!!!!!!!!!

22 comments:

مهندس مصري said...

ما بلاش تضطرني اقول كلمة خارجة
العيال دي هبل و لا ايه ؟

Ahmed Al-Sabbagh said...

اللهم دبر لنا مصاريف البيبس يارب

عصفور المدينة said...

الموضوع ده يجيب فوران دم

خالد فوده said...

البيبس غلت
الشباب دوول مش عايشين ولا ايه
فعلا عيال تنقط
وتجيب فوران دم

بذرة امل said...

على فكرة ياجماعة خالو عنده حق
فى ناس كدة كتيييييييير عندهم البيسبى حاجة لا تقل اهمية عن العيش
انا طبعا مش منهم
اللهم لك الحمد
مقاطعين البيبسى من زمااااان

احساس لسه حى said...

عزيزى

اللى كان بيشربها بجنيه يشربها بقه دلوقتى

ماله عصير القصب ولا الخروب ولا البحر لو مش عاجب حد

تحياتى
سلام

طالب ثانوى said...

انا دخلت الجروب ياليبرالى

اكتبلنا بوست كدة عن الليبرالية

ماما أمولة said...

شباب ضايع ربنا يهديهم

خمسة فضفضة said...

هييييييييه ....وما الدنياالا علبة بيبسي كبيره
من الحجم العائلي ابو خمسة جنيه

الا هو بقي بكام دلوقتي
:))))))))

عاشقة القمر said...

انا بحب البيس جدا بدعي ربتا انو ترك البيس لان ميضر بالصحه
يارب كمان يغلا عدنا كمان

ياريت انا اقاطع البيسي عشان نشرب العصير المفيد

مؤمنه said...

السلام عليكم ورحمة الله وبركاته

لا عندهم حق مشكله فعلا بس ازاى ما عملوش تجمهر كده قدام مجلس الشعب والشورى او البيت الابيض كانت اصواتهم ممن يؤخذ بيها فعلا

طول عمرى بقول مصر بخير

تحياتى

والسلام عليكم ورحمة الله وبركاته

amr said...

انا مع راي الاستاذة مؤمنة انه لازم كل الشعب يقوم وعمل مظاهرات للغلاء الفظيع لاهم سلعه في حياتنا الا وهي البيسبس
ازاي هنعيش يوم من غير بيسبسي
وربنا يستر علينا من غلا الكرانشي وعمار يا مصر
وشكرا

Soul.o0o.Whisper said...

يا خالو

انتو ليه بتحجروا على رأى الشباب دول؟؟

كل واحد و قضيته اللى هوا شايل همها
و بعدين صحيح افرض معاه صاحبته؟؟؟

كدا تحرجوه قدامها
طب مش عيب عليك؟؟

فعلا القضية شائكة و تحتاج الى مجلس امن




بس هأرجع اقول ان الشباب فعلا فاقد الهوية
فاقد القدوة
فاقد الهدف

ربنا يهدينا جميعا

زوج مخنوق said...

بصراحة
مفيش احسن من الصورة اللي ختمت بيها البوست كتعليق على العيال دي

فكروني بالضبط زي الهبل التانيين اللى عاملين برضه جروب على الفيس بوك علشان يرجعوا القرد بتاع اعلانات موبينيل من البلد اللى خدتوا
لا و اللي يغيظك ان اعضاء الجروب عاملين حوالي 8 الاف عضو

بجد
شباب مستفزة

nona said...

ههههههههههههههههههه
يعنى معهم حق طب قول لو بياكل سندوتش همبرجر و الا شاورما هيبلع ازاى يعنى
ما انت ماتقوليش ناس فاضية زاى دول و هما البيبسى غلى و الا لا هيكونوا بياكلوا زينا فول و طعمية
اللهم اصلح حال شباب المسلمين

حياة said...

جنيه وربع

أنا عندي خطة تخلي الشركة تبيع الزجاجة بربع جنية وتعمل عليها عرض مجاني زجاجتين مجانا
ورحله لشرم الشيخ لكل مواطن هديه علشان يشتري

وفي الآخر الشركة حتبيع درة مشوي بدل البيبسي

أطيب تحية

بنت مصريه said...

ايه دا ايه العيال دى
بتشرب من قزايز عاديه
مابتجيبش كانز
ياااى دول سوفاج

مهه شلل بشلل بقى

هبة النيــل said...

يا جماعة مالكم جايين عليهم كدا ليه

العيال دي ببساطة

مش بتشتري "لنفسها" غير البيبس

أما باقي الحجات فتلاقي "مامي بتجيبهاله

عادي يعني

أحمد باشا الصباغ

صباح السعادة

نهله said...

يمكن لو نجحوا فى المظاهرة دى , يفكروا بعدها يعملوا مظاهرات ليها فايدة



فعلا شباب يحرق الدم

عاقلة علي ارض الجنون said...

خالو .. بلاش بجد لحسن تاخد عني فكره وحشه بس انا عاوزه أقول : ايه العيال الهابله دي !!

ربنا يشفي

و ربنا يرحمنا بجد

طب و ليه مفكرش لو فكر يجيبلها رغيف عيش مثلا مش ممكن يجوعوا

حسبي الله و نعم الوكيل ..

مش عارفه الاقي تعليق من حرقة دمي

هطق

سلام

عاقلة علي ارض الجنون said...

نسيت أقولك انا أصلا بكره البيبسي و الكولا و المشروبات الغازيه .. ماليش فيها .. و لو ليا فيها كان زماني كرهتها

:S

يع بجد

هو فيه ناس كده يا خالو ؟؟

une miracle said...

انا فرحانة بروح الاعتراض يعني هو ابتدي يعترض بحاجه حاسس بيها ,مش هنبقي سلبيين زييه ونتريق عليه بس ممكن نقوله علي الحاجات التانيه اللي غليت ,يمكن البيبسي هو اللي اتعرض ليه والحاجات التانيه مش بيحتك بيها.

انا اللي استفزني لو عايز تشرب ومش معاك غير جنيه وانت وصاحبك والجو ده ...بس ممكن دي تكون روح الدعابة المصرية المتأصلة