خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 14, 2008

النموذج الإسلامى الناجح .. راح فين ؟؟

كنت فى مناقشة كتاب ما تيجى ننجح
لما سأل أحد الحاضرين المؤلف مصطفى فتحى
عن عدم استشهادة بنموذج إسلامى ناجح مثلما استشهد بنماذج أجنبية عالمية مثل مبتكر شخصية توم وجيرى وآخرون
سرحت شوية
وافتكرت ابن النفيس مكتشف الدورة الدموية
والطبرى واضع الاسس العامة للطب وعلم السموم
والرازى مبتكر خيوط الجراحة اللى بيستخدمها العالم كله لحد الأن وأول من صنع المراهم
وأبن سينا الشيخ الرئيس وأمير الأطباء وصاحب القانون فى الطب
ومؤلف 450 مؤلف فى شتى العلوم من كيمياء وفلسفة ورياضيات وفلك وغيرة
والبيرونى بطليموس العرب
والإدريسى مؤسس علم الجغرافيا
وابن البيطار أعظم عالم نباتى فى العصور الوسطى
وابن رشد القاضى والفقيه والطبيب والفيلسوف والمترجم والفلكى
راح فين النموذج الاسلامى الناجح ؟؟
ليه بقى لما تحب تضرب مثال بالنجاح لحد يبقى لازم بل جيتس وجرهام بل واييسون ونيوتن واينشتاين

فوقت من سرحانى على صوت مصطفى يجيب : إنه فضّل الاستشهاد بنماذج حديثة حتى يقترب من القارئ وألا يكون الموضوع مجرد دعوة للإعتزاز بتاريخ راح وانتهى
وبالتالى لم يجد سوى نماذج أجنبية

سكت
وسألت نفسى
هو النموذج الإسلامى الناجح .. راح فين ؟؟
:(

17 comments:

عاشــــــ النقاب ـقــــة"نونو" said...

موجود والحمد لله
بيتهيالي احمد زويل مسلم
وبيتهيألي برضه زغلول النجار مسلم
البروفيسور محمد عبدالسلام )

أول عالم مسلم ينال جائزة نوبل في الفيزياء
· و لد محمد عبدالسلام عام 1926 في بلدة " جاهانج " إحدى قرى البنجاب و توفي في 21 نوفمبر 1996 .

فيه بقى عالم اخترع نطام لمحاربة الهاكرز
اسمه فوزي الفارسي من مكة المكرمة و مبتكر نظام درع الفيروساته

ولسة فيه امبارح يادوب على الحياة العالم اللي اخترع حاجة خاصة بالسرطان
الحمد لله النماذج الاسلامية كتيرة
الاهم من دة المسلمين بقى بيقفوا جنبهم ويدعموهم اصلا
بص اكيد انت عارف وبتسمع عن مستوى البحث العلمي بقى في بلدنا واغلب دول المسلمين والعرب
مفيش دعم ولا اهتمام كافي بالغم من وجود حاجات تستاهل فللاسف بيلجاوا لبرة وهما بيدعموهم وياخدوا اختراعاتهم واللي بيعملوه وبالطبع بيتحرم علينا
احنا فينا كتير ناجح ويشرف
والنماذج الحديثة كتيرة جدا
وفيها اللي معروف وفيها اللي مش عارف يلاقي فرصته
يا ترى احنا عاوزين نشوف نفسنا كويسين
وفينا ناجحين ولا دايما قتلانا عقدة الخواجة وهما بيعملوا كل حاجة واحنا قاعدين نستنى
مع ان الحقيقة اننا برضه فينا احسن منهم بس هما مش سامحين لنا بدة
وعاوز مثال قريب جدا هعمله تدوينة مثال لان الغرب ما بيسمحش لاي تكنولوجيا متطورة يعملها العرب
اما احنا بقى اغلبنا مش عاوز يشوف في المسلمين اللي هو برضه منهم غير السلبيات وبس طيب ما فيه ايجابيات ولا كله ضرب ضرب
وفي نفس الوقت عامي عينيه عن سلبيات وبلاوي الغرب المتقدم الناجح ما يذكروش مثلا مثلا
فرويد
بعد كل النظريات والاختبارات وما اعرفش ايه
ايه حصل له في الاخر؟؟؟؟
اتجنن وانتحر وكان ملحد اظن
وغيره وغيره من اللي ذكرتهم في تدوينتك دول
ساعات الجموح بالفكربدعوى دي حرية فكر ونبوغ وضرب المباديء وتفجير السقف بيلقي بصاحبه لبئر سحيق
يمكن ساعات ما يعرفش يطلع منه
ودة حصل مع اغلب العلما ء اللي قلتهم
اتمنى اكون قدرت اوصلك اللي عاوزة اقوله
تحياتي

عاشــــــ النقاب ـقــــة"نونو" said...

اعتذار عن الاطالة

احمد اشرف said...

العلماء المسلمين موجودين وان كانو قله بس مش موجودين على الساحه الاسلاميه والعربيه لانهم مبيخدموش العالم الاسلامى لكن الغرب وهما معذورين لانهم مبيجدوش الرعايه والتمويل من العرب فيتطر يروح للغرب
تقبل تحيــــــــــــــاتــــــى

صانعة الحرية said...

ااااااااااااه
جيت على الوجيعه
دخلت منتدى اجنبى اسمه mohammed cartoons
اى الرسوم الكاريكاتيريه لمحمد
صلى الله عليه وسلم
هو موقع غربى يسب فى الاسلام وفى الحبيب صلى الله عليه وسلم
وتناقشت معهم فى عده امور منها هذا الامر
قال لى احدهم
اين انتم يا مسلمون من ايام الرازى والبيرونى
وذكر لى اسماء بعض العلماء القدامى
لم استطع ان اجيب
فنحن عار على الاسلام

m5m said...

أحمد
....

أضم صوتى لصوت عاشقة النقاب فمن ذكرتهم بالفعل نماذج أكثر من مشرفة...ولكن مشكلة د.زويل و د.عبدالسلام أنهم ربما لم يعكسوا هويتهم الدينية على عملهم حتى لا يتهموا بالتعصب أو العنصرية فبالتالى يتم التعامل معهم على أنهم مواطنين أمريكيين أو أوروبيين...صدقنى لو أحس الغرب باسلام هؤلاء ما كانوا وصلوا الى مكانتهم فالعنصرية سائدة بشكل رهيب فى الخارج

وطبعا رأى أستاذ مصطفى صحيح فى الاعتماد على النماذج الحديثة..سيبنا بقى من الرازى وابن سينا وابن النفيس وكل هذه القوالب الجاهزة فهى تذكرنى دائما باخواننا ساكنى عشش الصفيح وهم يغنون لبناة الأهرام فى سالف الدهر
.
.
.
تحياتى

وجه جديد د.أحمد عثمان said...

النموذج الاسلامي
شبه مختفي
فهو مازال يرقد في صدور ابنائه
اما عن الحالات المسلمة التي برزت في سماء العالم
فهي ليست وليدة حضارة اسلامية
بل هي حضارة غربية خالصة
اما عن ميلاد نظام اسلامي للمستقبل
فهو مرهون
بفهم المسلمين للمفهوم الحقيقي للاسلام
و اقلهم فاعلون


كل التحية للبوست القيم

مصــــري said...

يا خــــــــال

في ملايين العلماء المسلمين ولكننا لا نري الا ما علي السطح مثل بيل جيتس وأديسون.

لعلمك الخاص أديسون كان يكره العبقري تسلا وسرق منه بعض أبحاثه.
ونيوتن حرض علي قتل رئيسه في الجامعة.

لكل عبقري من النماذج الأجنبية جانب أسود لا نراه الا حين يصل الينا بكل صدق.

أشكر عاشقة النقاب علي المعلومات القيمة عن العلماء المسلمين.

تحياتي
أسامة

كباريه said...

راح في خبر كان

عمر said...

يا عزيزي نحن أمة تاريخها أنقاض

نحن أمة تنعى الأطلال

نحن أمة تفخر باللبن المسكوب

ولا تسأم من القيل والقال

وآآآآآآه

حِكم

عمر said...

"صانعة الحرية"

أُصوت معك

نحن عار على الإسلام

أبو أسامة - مدونة كباية شاي said...

السلام عليكم ورحمة الله وبركاته

1- النماذج موجودة ولكنها تحتاج إلى مزيد من الدعم الذي لا يمكن أن يتواجد في بلادنا " الديموقراطية " .
إن كنتم نسيتم فأنا أذكركم بقضية سلسبيل : شركة البرمجيات المصرية التي تم القضاء عليها .

2- لا نريد من الناس أن يتقنوا جلد الذات بعيدا عن محاولة التغيير .
تقولون أنكم عار على الإسلام
فماذا فعلتم لتمسحوا هذا العار عنه
على الأقل على المستوى الشخصي .

3- أخيرا ... تاريخنا فخر لنا لا ينبغي أن نتبرأ منه بل ينبغي أن نتعلم منه
قال الله عز وجل : " لقد كان في قصصهم عبرة لأولى الألباب "

جزاكم الله خيرا يا أستاذ أحمد على طرح هذا الموضوع فهو أهم بالتأكيد من المخضروات :)

تحياتي
والسلام عليكم ورحمة الله وبركاته

عاقلة علي ارض الجنون said...

للأسف حتي لو فيه كمان حد ممكن يبقي حاجه .. بيلاقي إحباط .. و عدم إهتمام مطلقا ..

إحنا بنقتل المواهب .. العلميه و الإصلاحيه .. و ما شاء الله أكتر من 20 برنامج لصناعة نجم غناء ..


الأكل الوحيد في قاعدة المرتفعات .. بين كل واد و الآخر من المؤكد يوجد مرتفع كجبل أو هضبه ..

تحياتي لكلامك يا خالو .. فعلا كلام سليم جدا جدا

تحياتي

عاقلة علي ارض الجنون said...

سوري الأمل * الوحيد

خطأ إملائي

زهرة الجنة said...

النماذج الأسلامية موجودة طبعا
لكن للأسف تسليط الضوء عليها قليل جدا
ان لم يكن معدوم
اما انماذج الأسلامية الا اتسلط عليها الضوء كان بسبب انهم اتعرفوا من قبل وسائل الأعلام وبالتالي اتسلط عليهم الضوء بعد كده
زي دكتور /احمد زويل والبروفيسور محمد عبد السلام
وفي نماذج ناجحة جدا عندنا لكن للأسف محدش يسمع عنهم شيء
زي نمودج ذكرة مصطفي فتحي لشاب بيشتغل في شركة كمبيوتر في مصر الشاب اخد شهادة تقدير من بيل جيتس
لكن للأسف محدش سمع عته اي شيء
وطبعا في نماذج كتير جدا زي الشاب ده
اتمني يكون العيب في قلة امكانيتنا ومش فينا احنا

انا حره said...

موجودين بس مش هنا فالجول اللى بتقدرهم وتحترم علمهم

خالد فوده said...

موجودييين كتير بس
للاسف مش بيلاقو اللي يدعم العلم والعلماء زي عندنا في المحروسه

Miss. Sosa said...

لا موجود هو مش كتير لكنه موجود ونماذج ماشاء الله ربنا يزيدها علم واخلاق وصلاح
لكن للاسف الاعلام بتاعنا مش بيهتم غير بالبدع الشبابية وعلشان كدا الشباب بيطبقوا قاعدة خالف تعرف

لكن قاعدة من طلب العلا سهر الليالي ولا قاعدة من سار علي الدرب وصل

لا لا الجيل الحالي جيل متسلق و سرعان مابيقع علي جدور رقبته