خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 31, 2008

أعظــــم ليـــلى فـى حـيـــاتى

ولدت فى أسرة فقيرة منذ أكثر من نصف قرن
أبوها مات وهى فى عامها الأول .. ولم ترهُ بعينيها
لم تنل الكثير من التعليم المدرسى
لكنها نالت من دروس الحياه مالم تنالة الكثيرات من ليلى
ورأت من ليالى الزمن الكثير من أسودها واليسير من أبيضها
عملت كأخواتها منذ الطفولة لتستطيع الاسرة الحياه والانفاق

وعندما خطت بأقدامها الأيام الأولى فى عمر الزواج
جاء الرجل الأول فى حياتها .. والرجل الأخير
العريس الذى تنتظره كل الفتيات
وتحلم به كل أنثى
جاء فتى الأحلام
لكنه لم يكن راكباً حصاناً أبيضاً

 كان مريضا بداءٍ فى القلب
لكن كان هذا القلب المصاب أوسع وأحن وأرقى من قلوب كثيره سليمة لكنها تمتلئ بالحقد والكراهية
وأبيض من الحصان الطائر

كان هذا القلب عامر دائما بالايمان بالله
وبحب الناس والتسامح والرضى والقناعة

وقبلت الصفقة
القلب المريض .. الرائع
وتزوجت من هذا الرجل الأول فى حياتها
وبدأت معه رحلة كفاح طويلة
أثمرت عن ثلاثة بنات ... وولد طويل وبنضارة
وبعد أن فرغت يدها من إنجاب أخر اولادها الطويل أبو نضارة مباشرة
مات الحبيب والزوج والرجل الأول .. والأخير
مات الحنان والحب والصدق والرضى والقناعة
التى كانت تملأ البيت من حولها
ومن حول الأربع كتاكيت
لكن هذة الــ ليلى كانت من نوع فريد من النساء
نوع لن تجده كثير بعيداً عن ضفاف النيل
ذلك النوع الذى يقف وحيدا أمام الفقر والزحام والدموع والرجل المتحرش وقسوة الأيام وضيق الوقت والوحدة ومشاكل الاولاد ومصاريف المدارس الباهظة وجواز العيال
وبدون رجل
لكنها وقفت كألف رجل
لم تمتلك يوما العربية .. ولم تمتلك لاب توب .. ولم تجلس على الانترنت .. ولم تجد دقيقة واحدة لتقرأ كتاباُ أو جريدة
لم يكن لديها يوماُ حسابا فى الفيس بوك .. أو على الياهوو ..
ولم تذهب لدريم بارك .. أو مارينا .. أو الساحل الشمالى .. ولم تمتلك شاليه فى الغردقة .. او العريش
لكنها واصلت مشوارها مع الأربع أبناء الى أن تخرجوا جميعا من الجامعة
وتزوجت البنات
وكانت دائما لحظة لقاءها بالمخاليل .. من أسعد اللحظات لديها
ولدى المخاليل .. ولدى العائلة كلها

ويظل إنجابها للأبن الأخير
الطويل أبو نضارة
ربما هو الخطأ الأكبر الذى فعلتة فى حياتها


------
رسالة إليها : يارب ما يحرمنى منك أبدا
ويارب تكونى راضية عنى
أحمد الصباغ

57 comments:

Soul.o0o.Whisper said...

اول تعليق


حجز بسرعة

Soul.o0o.Whisper said...

يااااااااااااااه

الحمد لله
بقالى زمان ماحجزتش



أحمدك يارب

ياللا
كمان تأكيد حجز

Soul.o0o.Whisper said...

بجد بجد بجد

ما شاء الله
ربنا يبارك فى والدتك يارب يا خالو


تعرف والله مافى أحلى من ليلات زمان
ليلات الزمن الابيض
الزمن الجميل

اللى كانوا عايشين
بيقدموا رسالة

مش باصين للى فوق و اللى تحت
و اللى راح و اللى جه


برغم أن تضحيتهم وتفانيهم ماكنش هدف نصب أعينهم
يعنى حاجة هما حطينا كدا و يسعوا ليها

لا دا كان طبيعة و فطرة
بالظبط زى اللبن اللى رضعوه من أمهاتهم

لكنهم صدقوا
و قدموا أحلى ثمر
و من غير انتظار للأخذ

هما دول أحلى ليلات

يارب فعلا نقدر نوفيهم حقهم




و بأعتذر لك عن غيابى عن المدونة الفترة اللى فاتت

بس فاتنى التعليق بس
انما قرأت البوستات
و ربما اعود للتعليق عليهم




خالص تحياتى

Soul.o0o.Whisper said...

ايه دا ؟؟؟؟

اول و تانى و تالت و رابع تعليق كمان




هما فين الناس يا جدعان

لسه ماصحوش؟؟؟



حظوظ بئا
ههههههههههههههههههههه

هويدا صالح / عشق البنات said...

هذه أهم النماذج التي قدمتها يا أحمد
كثيرات وكثيرات من المصريات لديهن قصص كفاح ونجاح مثل هذه
مصر مليئة بالنماذج المشرفة
محبة يا أحمد قد السما والأرض

الطائر الحزين said...

رزقك الله برها
ورضاها

(أم البنين) said...

الأخ الكريم
بارك الله في والدتك
الآن بدأت تتحدث عن (ليلى)التي كنت أنتظر أن أقرأ عنها بمدونتك
ولا زال هناك من الليالي من لم تذكرهن
ترى هل بجعبتك (ليلات)أخريات
لا زلنا نتابع...

خالد فوده said...

خالو
ربنا يبارك لك في والدتك يارب وتنال رضاها عنك

مـحـمـد مـفـيـد said...

ربنا يبرك لك فيها وميحرمكش منها ابداً
ويخلي لها ابنها الطويل اوي ابو نضاره

زهرة الجنة said...

الي الطويل ابو انظارة (:

كلامك حلو جدا يا أحمد
والبوست كله هايل
ربنا يخليك والدتك
وتكون راضية عليك
وسعيدة بيك
وربنا يكرمك وتعوضها عن كل اللي فات

بت خيخة وأى كلام said...

طب هو ليه الرسالة اللى انت بعتهالها بخط صغنووووووووووووون ومش باين

المفروض الرسالة دى تكون بفنط عريض

ربنا يخلهالك يا احمد

بس ربنا مش هيسامحها ابدا على العملة اللى عملتها
انها جابتلنا واحد طويل وكمان بنضارة
يعنى مش كفاية انه طويل
لا ده اللى زود الطينة بلة حكاية النضارة دى


محدش شاف النضارة بتاعتى؟


سلام
اختك خيخة

بت خيخة وأى كلام said...

سؤال عايزاك تجاوب عليه

لو كانت مامتك اتجوزت واحد تانى بعد وفاة باباك
هل ده كان هينتقص من عظمتها كأم؟

وياترى انتوا رد فعلكم كان هيبقى عامل ازاى؟

اسامه عبدالعال said...

ربنا يخليهالك ويباركلها فيك

الفاتح الجعفري said...

اخي احمد
ربنا يجعلك برا بوالديك
ويبارك لك في والدتك
ويجعلها راضية عنك ,واسأل الله ان يرضي عنكم جميعا
وجزاكم الله كل خير

صبرني يارب said...

والله يا صباخ يعنى عسى ان تكرهوا شيئا

يعنى اذا كان على الطويل ابو نظاره اهي برضه اكيد خدت فيه ثواب يعنى
هههههههههههههههههه

ربنا يخليها لك يارب وما يحرمك منها ويرضيها ويراضيها وترضى عليك امين يارب

هى وكل ام مؤمنه ومكافحه زيها
على كافة الاشكال والصور من الكفاح

تحيات لك ولاعظم ليلى

عاقلة علي ارض الجنون said...

ربنا يخليهالك يا خالو :)

حلو أوي بجد :)

حياة said...

الله يبارك لك فيها ويخليها ليك
وتنول دايما رضاها
هي ديه ليلى الحقيقية

أطيب تحية

A.SAMIR said...

ربنا يخليها لكم ويخليكم لها يا احمد
عارف اجمل شعور في الدنيا ايه؟
شعور والدتك لما تشوفكم قدامها وتسترجع سنوات العمر والكفاح
ياله من شعور اكثر من رائع
تحياتي

آلام وآمال said...

ربنا يخليهالك ويرزقك رضاها يا احمد يا طويل يابو نضارة
:D

Jana said...

حفظها لكم ..وبارك لها فيكم

ليلى قوية ..وأم عظيمة
بكرة تفرح بولاد ابو نضارة ان شاء الله
فتقر عينها بكم وبأولادكم

رحم الله والدك رحمة واسعة ونفعه بدعائكم له

تحياتى
تدوينة جميلة يا خالو

انا حره said...

اربع كتاكيت؟؟؟؟؟؟؟؟؟

فين دول

اه هما 3 بنات كتاكيت مين الرابع بقى سيادتك

الطويل ابو نضاره؟؟؟؟؟

دا تقول عليه عفريت شيطان حاجه كدا مش كتكوت

ههههههههه بوست جامد ياصباغ وربنا يخليهالك يارب وتفرح بيك انت كمان وبمخاليلك عن قريب

ذو النون المصري said...

ربنا يخليها راضيه عنك طول العمر و تدخل الجنه برضاها

همس الاحباب said...

ربنا يبارك فيها
ويخليكوا لبعض
هى ام من الزمن الجميل
زمن نكران الذات
والتضحية والايثار
ربنا يكرمه فيكوا وتفرح بيك
يا طويل يا ابو نظارة
تحياتى وتقديرى

المستنصر بالله said...

ربنا يباركلك فى والدتك ويخليهالك اللهم امين

مخبر قمل دولة said...

ليلات النوع ده اعظم ليالي ف حياتنا كلنا

وبالمقياس ده لليلى فيمكنك اعتبار ان ليلى كائن مهدد بالانقراض ... الا من رحم ربك بقا

بس الاستاذ الطويل ابو نضارة دا من اكبر نعم ربنا عليها

ع الاقل مكنش هيبقى في خالو للمخاليل
ولا في حد طان هيكتب عنها الكلمتين الحلوين دول
صعب اوي البلوجر من غير خالو احمد الصباغ اصلا :D

اهي صبرت - عليه - ونالت

Desert cat said...

ربنا يخليها لك يا احمد

ماما أمولة said...

ربنا يبارك لك في والدتك يارب

الطالبة عفو الله said...

ما شاء الله

ربنا يبارك في والدتك يا اخي

و يجعلك قرة عين لها

تقبل مروري

دمت في حفظ الله

نهله said...

الله يحفظها و يخليهالك و تكون راضية عليك على طول

مهندس مصري said...

شافت كتير يا احمد
بس ربنا عوض صبرها خير
و لسه لما تتجوز و عيالك يتنططوا حواليها
حتبقى ايام فُل
:)

nona said...

ربنا يبارك فى والدتك يا خالو و يبارك فى اخواتك و المخاليل كلهم
هى الام المصرية كدة ديما بتشيل الهم و بتبقا زاى الجبل و مهما يحصل تفضل قوية عشان خاطر اولادها
و مين قالك انك خطا يا خالو دة انت اخير العنقود يعنى سكر معقود هههههههههه
ربنا يبارك فيها و يديها الصحة يا رب

Gannah said...

ما شاء الله يا صباغ
دى مامتك ست عظيمة جداااا
ربنا يباركلها فى اولادها واحفادها ويهديلها الطويل ابو نضارة
شوف
البوست ده من برك لأمك وأجر البر عند الله عظيم جدااا فهو يزيد فى العمر والرزق وانا ازددت احتراما لك بقرائتى للبوست ده
اللى يعرف فضل امه يبقى انسان كله خير نورت مدونتى يا صباغ
تحياتى وخالص احترامى وتقديرى للست أم أحمد ودعواتى لها بان يبارك الله لها فى صحتها
وديتها عمرة ولا لسه؟؟؟
ربنا يعينك على برها كمان وكمان
تحياتى

4all said...

اللهم يا ذا الجلال و الإكرام
يا حي يا قيوم
ندعوك باسمك الأعظم الذي إذا دعيت به أجبت
أن تغفر لوالدي ووالدتي والمؤمنين والمؤمنات
الأحياء منهم والأموات ‏
اللهم لا تجعل لهما ذنبا إلا غفرته
‏اللهم ارزقهما الجنة
وباعد بينهما وبين النار
‏اللهم آمين

بذرة امل said...

انا على فكرة اتأثرت أوى لما قرأت البوست ده
يمكن لانه طالع بجد من قلبك
عشان كدة وصل لينا كلنا

تسمحلى اقولك ان والدتك فعلا ست عظيمة
لانها اكيد اتحملت كتير اوى
ووقفت صامدة زى الجبل وحققت رسالتها فى الحياه على اتم وجه

بس انا معترضة على حاجة
هى اكيد عمرها ما ندمت لحظة ان حضرتك ابنها
بالعكس تماما
اكيد بتفتخر بيك ادام الناس كلها

وفاء بركات said...

إزيك ياخالو أحمد
يارب أشوف حفيدى أحمد زيك كده بار بوالديه ...وإحنا بنشكر ربنا سبحانه وتعالي أنه منح هذه الأم العظيمه أبنا مثلك يكون قرة أعين لها ومصدر للسعاده لنا ...ربنا يخليها ليك وزى مشافت ولاد إخواتك تشوف وتشيل ولادك بس أمانه عليك إعزمني
لك مني كل تقدير وإحترام ..مستنيه زيارتك

سهر الليالي said...

الله يحميها لك واسكن قلبها الرضي الكامل عنك طول العمر
التي انجبت شخصاً مثلك هي ام عظيمه
عجزت بالكلمات عن وصف احساسك الرقيق هنا
اعزرني
تحياتي
للام الحنونه

Brownie said...

Ameen for ur prayers :)

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونك والبنر موجود علي مدونتي

ابو اعصار said...

الله يحفظ والدتك
ويظل إنجابها للأبن الأخير
الطويل أبو نضارة
ربما هو الخطأ الأكبر الذى فعلتة فى حياتها

بالعكس تماما على فكرة انا مش بثبتك اهنيها بالسكر الطويل ابو نضاره
ربنا يعينك على برها

محمد الكومي said...

ربنا يخليكم لبعض و يباركلك فيها

دنيتى الجميله said...

من اول ما قرأت الواد الطويل ابو نضاره عرفت انها والدة حضرتك
هما دول احلى الليلات فى حياتنا
بارك الله لك فيها وفى صحتها وعمرها
وجعلك قرة عين لها
واسعدها بالمخاليل
ورزقها برك وطاعتك
ورحم والدك رحمة واسعة
اللهم امين

ojg said...

ربنا يخليهالك
عرفت بقى ان في ليلات عظيمة؟
:)

هانى زينهم said...

ربنا ما يحرمك منها ابد يا احمد ولا يحرمنا من امهاتنا اللى بجد هم ليلى الاولى والاخيرة وصدقنى امك نموذج حقيقى لكل ام مصرية عايشة على ضفاف النيل زى ما قلت كدة بالظبط . اول زيارة ليا للمدونة واكيد ان شاء الله مش هتكون الاخيرة . تقبل تحياتى

Anonymous said...

اهلا يا طويل يابو نظاره
ربنا يخليها لك ويحفظها لك من كل شر وسوء بس اكيد اكيد انت تعبتها اوى
عارف لنا قصة متشابهه انا وانت وليلى
ربنا يخلهم لنا يارب
المكرونة بالباشميل فى انتظارك
عرفت انا مين ؟
كان معكم الشيف نسمة من مطبخ الاحلام

نهر الحب said...

انا جيت
ازيك يا احمد
بصراحة قصة ليلى بتاعتكك تتشابهة مع ليليتى فى الكثير من الاشياء لكن ليلتى مازالت تعمل وتكافح من اجل ثمارها ربنا يارب يبارك فى امهاتنا جميعا
وحى لى ليلتك لانها مثال طيب وعظيم للام المصرية
ربنا يبارك فيها
تحياتى لك

مواطن مصرى نايم said...

ربنا يبارك لك
و يخليها ليك يا ابو حميد
و ان شاء الله تربيتها ليكوا فى ميزان حسناتها
و يخلى لها الابن الطويل ابو نضارة لانه حد جدع جداااا

تحياتى

اسلام

رئـــــيسـة حزب الأحلام said...

ربنا يخلي لك مامتك
ويسعدها بيكم
واحلى حاجة للام ان تشوف اولادها فى احسن حال
تحياتى

كراكيب said...

ماما يا حلوة يا اجمل غنوة
عايشة في قلبي وجوا كيااااتي

خالو احمد الطويل ابو نضارة
أعظم ليلى اكيد فخوزة اوي انها عندها ابن طويل مثقف محترم ومحبوب وحبوب ولابس نضارة ويختيييييي دي تلاقيها فرحانة بيك فرحة
اسكت اسكت ده انت ولا عارف حاجة
اسألني انا

miro el niro kwaniro

Miss. Sosa said...

نصدق يا خالو ده اجمل بوست اقرأه عندك !!
يمكن علشان صادق وطالع من قلبك
او لجمال الشخصية الرائعة اللي بتتكلم عنها فانعكس جمالها ع البوست

ربنا يباركلك فيها يارب ويرزقك رضاها وبرها

غمض عينيك said...

ربنا يخليهالك يا احمد وترضى عنك دايما

بوست جميل اوي

تحياتي
محمد سمير

بسمة ولكن.. said...

وهى الاعظم لدى كل منا

ست الستــــــات said...

وهتفضل الاعظم

بس مش المفروض الرساله اللي تكون موجهه ليها تكون اكبر من كده ياخالو

دعاء مواجهات said...

ربنا يهديهولها

ويفرحها بيه

...........

ست البيت said...

بص يا أحمد من الآخر عنيا دمعت
بجد وواضح أني حعيط وابقى فرجة للي في الشغل

جزاها الله خيرا عنكم
واسكن الله حبيبها الفردوس الأعلى

ورزقها بأحفادها المخاليل بهجة لا تزول
ورزقها الله القبول
واسكنها هي وأمي الجنة مع الرسول -صلى الله عليه وسلم-
عارف أن أمك فيها شبه كبير من امي نفس الطيبة ونفس الحب لولادها نفس شقاها عليهو وتعبها نفس القسوة من الأيام والبهجة
بجد من قبل ما تتكلم عنها النهاردة وانا عارفة أنها غاليه قوي
بس أول مرة اعرف أن حبيبها مش هنا
عقبال ي رب ما تفرح بيك قريب اللهم آمين
تدوينة حلوة قوي يا أحمد
وعجبتني قوي لأني في مدونة أنا مش ليلى أتكلمت عن امي برضه
واضح أن في علاقة قوية بين التدوين والكلام عن الأمهات

بحب يا أمي يا ست الكل
بارك الله لك في أمك وبارك لها فيك وجعلك لها خير خلف لخير سلف

Anonymous said...

ليلى يا لها من حروف تتراقص اضوائها بين سطور من نور فتجذبنا اليها بصوتها الحنون ويديها التى تزيل الهموم عندما تمسح برأسى حينما تقتلنى الارق والشجون ليلى يا ليلى ما اجملنى عندما اعود طفلا بين يديك ابكى من الحنيين واطير اليك عندما اراك من بعيد واحتضنك بقوة تحطم الشوق الكبير حتى تغفل عيونى واستيقظ لابحث عنك من جديد يا ليلى العمر يا ليلتى وحدى اناااااااااااااااااا\\بسمة مسلم

Anonymous said...

بجد يا قيس قصدى يا خالو تستحق ان تكون مجنونها ربنا يحفظكوا لبعض سلاااااااااااااااامى\\بسمة مسلم

bos bos said...

والله العظيم كلامك خلانى دمعت وعيطت بجد
لأنى أفتكرت أمى وخيرها عليا واللى مغرقنى لحد دلوقتى
ربنا يخليلك والدتك ويخلى ليا والدتى