خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 5, 2008

أوباما .. سفاح أمريكى جديد؟

 مبروك للأمريكا والعالم .. والعرب خصوصاً قدوم سفاح أمريكى جديد إلى البيت الأبيض

بعض العرب والمسلمين موهومين ان اصول اوباما الافريقية

هتخليه يغير سياسة امريكا تجاه العرب وتجاه القضية الفلسطينة

وتجاه المسلمين

يا حبببببببة عينى

وأحب اقول من مزنقى المتواضع هذا

ان الرئيس الامريكى - كوظيفة - لا يمثل اكثر

من جزء صغير من سياسة التلميع الامريكية المعروفة فى كل المجالات

لكنه لا يمثل اى شئ فى السياسة الامريكية العامة

جه بوش

جه كلينتون

جه اوباما

جه عبد المجيد

اسامة بن لادن حتى

اى حد بقى رئيس امريكا مش هيغير فى امريكا شئ

يعنى هو الاربعة والاربعين امريكى اللى جم

ما فيهومش واحد بيحب

.. ليه كل فترة رئاسة امريكية وليه كل رئيس امريكى له جرائمة المميزة

اللى فيتنام

واللى هيروشيما

واللى نجازاكى

واللى افغانستان

واللى العراق واللى السودان

يعنى باختصار القصة مش قصة رئيس امريكى

والهيصة اللى حاصلة فى العالم دى لا تتعدى جزء من نشر الهيمنة الامريكية



ده جزء من بوست كنت نشرتة قبل كدة

اسمه .. الجــــرائم الأمريكية

كنت كتبت فيه نبذة أن أشهر جرائم أمريكا عبر التاريخ





لما تقرا فى تاريخ امريكا هتلاقى فى كل يوم جريمة جديدة

وأى يوم يصلح يكون ذكرى

وعلى طول افتكرت اللى عملوه الامريكان فى الاماكن المنكوبة

رغم ان الامريكان مش فقرا

ومش ناقصهم اكل ولا شرب عشان يعملو كدة فى خلق الله الغلابة

اللى عايشين بيحلمو بلقمة عيش ومتوى

محارق جماعية

ادوات وغرف تعذيب

انتهاك اعراض

اطفال بأجسام محروقة ومتشوهة

اسر فقد عائلها واتشردت واتشتت بلا مأوى

تلوث بيئى ومبانى متدمرة ورعب

هى خلاصة جولتى فى عالم الجرائم الامريكية

"لرؤية الصور واضحة برجاء الضغط عليها"



هيروشــيما ونجــازاكى


فى صباح اليوم السادس من اغسطس 1945 م

وكنهاية للحرب العالمية الثانية

اللى مات فيها 60 مليون نفس بشرية

القت امريكا القنبلة الذرية الاولى فى التاريخ

وتزن 4500 كيلو جرام

وبعد 60 ثانية من التفجير

كان 66000 بنى ادم قد قتلوا

و69000بنى ادم قد جرحوا

بواسطة التفجير المتكون من 10 كيلو طن

ورغم اصلا ان الخبراء

بيقولوا ان اليابان كانت مستسلمة

الا ان بعدها بتلات ايام وفى يوم 9 اغسطس

رمت امريكا القنبلة التانية على ناكاساكى

وفى خلال ثوانى كان 39000 نفس بشرية كانت ازهقت

وكمية الدمار والهلاك الناتجة والخسائر البشرية الفادحة انهت الحرب

وكانت دى بداية الجرائم الامريكية الكبرى
سحابة مشروم بإرتفاع 18 كم ناتجة عن الانفجار النووى على مدينة ناكاساكى باليابان

بتاريخ 9 أغسطس 1945م


الطائرة بعد ألقاء القنبلة ويبدو أسفل المنظر الرهيب للأنفجار
بشرا صاروا هياكل عظمية فى ثوانى
أسر من جرحى ومشردين


المبنى الباقى بعد القاء القنبلة
وده البنى ادم الباقى بعد القاء القنبلة







حرب فيتنام

وهى احدى الحروب التى توضح حب امريكا للسيطرة والتدخل فى شئون البلاد والعباد مخلفة الدمار والهلاك والرعب وحرق للزرع والنسل

وكانت فيتنام الجنوبية متحالفة مع امريكا ضد فيتنام الشمالية

ومن اشهرها مجزرة ماى لاى اللى الامريكان حرقوها بساكنها ومبانيها


اعدام الأطفال ممارسة أمريكية قديمة






عدد القتلى: أكثر من 1250000 (من فيتنام الجنوبية)، 58226 (من الولايات المتحدة) عدد الجرحى: 153303 (من الولايات المتحدة) عدد القتلى: 1100000 (من فيتنام) عدد الجرحى: 600000 مجموع عدد الضحايا: حوالي 2 إلى 4 مليون





أفغانستان

وطبعا كلنا عارفين الفيلم كله

من احداث حداشر سبتمبر لغاية الحرب على تنظيم القاعدة

ألسنة لهب وسحب دخان


أفغانيون يدفنون أقاربهم الذين قتلوا أثناء الهجوم الأميركي








حرب العــراق



واكتر حاجة تضحك هى التبريرات اللى قالوها سبب الغزو

البترول العراقى ؟؟؟ ماهو تحت السيطرة اصلا

اسقاط نظام صدام ؟؟ ما هو كل اللى عملو كان تحت عينك يا امريكا

اسلحة الدمار الشامل ؟؟؟ هى فين دى ؟؟ وما اكثرها عند امريكا وما اكثر ما اذت العالم بها

السبب الحقيقى

هو تقسيم العراق وتدمير البنية التحتية له
انظرو ما يفعلة أدعياء الحضارة بالأطفال


أبو غريب



ومين منا ما شافش اهرامات الجثث

ومين ما شفش السحل والضرب والكهربة

والله ده خزى وعار على امريكا


جوانتانامو


وهو معتقل اجرتة امريكا من كوبا عام 1903 فى عهد روزفلت

----------


ياريت ما تتفاءلوش أوى بـ أوباما

26 comments:

جبهة التهييس الشعبية said...

الا صحيح يا احمد
هو اوباما جاب سيرة جوانتانمو؟
اصلي ياخويا من كتر بلاويهم نسيته في الزحمة

اسكت يا احمد انا ح يجرا لي حاجة
انت جات لك الرسايل اللي جاتلي على الموبايل؟

ده فيه ناس بتقول على انتصار اوباما نصر للاسلام
!!!!!!!!!
غطيني وصوتي ياما

Ahmed Al-Sabbagh said...

نصر للاسلام ؟؟؟
يالهوى
بجد عالم موهمين وهم كبييير
الفاتح أوباما بأمر الله

sebofy7alo said...

هو الراجل لحق يعمل حاجة
دة لسة مستلم شقة البيت الأبيض ومدينلة المفتاح
و ملحقش الراجل يريح جثتة من تعب اللف اللي لفة ورى السيد كاهين

نهله said...

فعلا أوباما ما هيكون غير سفاح امريكى جديد

لأن السياسة الخارجية للولايات المتحدة
الأمريكية واحدة لا تختلف أو تتغير سواء كان الرئيس أوباما أو ماكين او اى حد تانى ، البند الأول في دستورهم الولاء للاحتلال الصهيوني

كـــيــــــــارا said...

السياسه هتفضل هي هي ولو فكر ولا حاول يخرج هيلاقي بلاوي هو ممكن يزود علي اللي قبله لكن يقلل

يالهووووووووووووووووووووووووووووووووي

بنوتة مصرية said...

احمد حتى لو كدة
سيبلنا شوية امل
مش مرة واحدةنشوف هو ناوى على اية

Soul.o0o.Whisper said...

تصدق بالله
نفس الكلام اللى لسه قايلاه لوالدتى
أصلها قعدت تقولى و عملوا احتفالات فى الشغل
و مش عارفة ايه

حتى صاحب الصيدلية شربنا حاجة ساقعة احتفالا بيه
والله فعلا وهم


بس تصدق بالله بردوا
أنا لسه صاحية من النوم
قمت على البوست و الصور اللى فيه
جاتلى حالة نفسية

ربنا يسامحك




خالص تحياتى

فركشاوي ..ناوي said...

أشكرك علي تشجيعك لي ..وتنويرك لمدوني ..زورنا و نورنا اكتر و اكتر

Soooo said...

ياخي ده انت غريب غربنه

ياعمنا اسمه باراك
يعني تحوير لاسم موباراك
عايزه يطلع لمين يعني
!!!!!!!!!!
افهموها بقى




سلامووووووووووز

مختار الجندى said...

لربما كان ماكين افضل

لا اود التحدث عن اوباما ولكن يكفى قول الشيخ القرضاوى فى انه يتمنى فوز ماكين لانه عدوا صريحا، ولكن قد خالف الحظ شيخى وفاز اوباما الذى يتميز بقوة التأثير و كاريزما المتميزه ستساعده كثيرا فى ضم الكثير من العملاء الامريكيين قريبا وستساعده ايضا فى تشكيل افضل سيايات الخداع الاستراتيجى الامريكى، وما اعجبنى من اوباما هو تفكيره الادارى والتسويقى والمتميز لحملته فمع التأييد الكبير من طبقة الاغنياء ورجال الاعمال الى ماكين والذى كان سيثتمر فى سياسة بوش الاقتصاديه فى تخفيض الضرائب عن رجال الاعمال حتى يحققوا النهضه الاقتصاديه وهذا ماخالفه اوباما فيه لان %1 فقط من طبقة رجال الاعمال استطاعت ان تجمع القدر الاكبر من الثروه الامريكيه وكانت رؤية اوبما هذه هى السبب فى حرمانه من اموال الدعم من كبار رجال الاعمال الامريكين ولكن استطاع اوباما فى طريقة مستحدثه لجمع الاموال من صغار الناخبين والداعمين له من تحقيق ارقاما تفوق وبكثير تلك التى حققها ماكيين.
احذركم اخيرا من هذا العدو الواعى والقوى ولربما كان الاحمق مثل بوش او ماكين افضل.....

هويدا صالح / عشق البنات said...

أولا أحمد مجموعة الصور مفزعة
حرام عليك بجد
أصابني صداع شديد من وطئتها على نفسي ....
ثانيا يا صديقي وأخي
يأتي أوباما
يأتي محمد بوش
يأتي حسين كلينتون
أيا من يأتي يا عزيزي الجميع سوف ينفذون سياسة النظام الأمريكي
لن تفرق معنا كثيرا
ولن نفرح أو نهلل مثل الهبل والعبط الذي حدث بعد أحداث الحادي عشر من سبتمبر
يجب على العرب أن يمثلوا قوة ضغط لا أن يأملوا خيرا في رجل سوف ينفذ مخطط نظامه ودولته
ربما الفرح الوحيد لفوز أوباما أنه من المهمشين مثلنا نحن العرب
ونحن كضعفاء نفرح لانتصار الضعفاء ليس إلا
الخوف بقى يا عزيزي
أن يغالي أوباما ويزايد ضد العرب والمسلمين ليتخلص من عقدة أصوله الإسلامية
فنجد الأمر ازداد سوءا بالنسبة لنا

لورنس العرب said...

ولله يا خالو انا لسه قايل موضوع مشابه عندي في التوك توك
اصلي فتحت موقع العربية امبارح بعد الانتخابات ولقيت ان فيه حالة تفاؤل من الناس بفوز اوباما
تقلش اوباما خلفهم ونسيهم؟
وسمعنا عن ان ايمن نور بيطلب منه واسطه عشان يخرجه من السجن من فتره
ووعود بإرساء الديمقراطيه في الشرق الأوسط
والمعارضين قالوا بس- الفرصه جت لغاية عندنا وده اللي هايخلينا نكبس على السلطه

طيب بالذمه كه واحد زي ده هايعمل لمصلحتنا احنا بتاع ايه؟
قرايبه؟
نسايبه؟
كنا بناكل مع بعض في طبق واحد؟
عالم تجنن يا خالو

ضــى القمــر said...

أحمد بوست مهم .. وجه فى وقته
واعتقد ان الجميع خلاص معدش بيحلم بالسلام والكلام الكبير ده .
لأن السلام محدش بيضيعه غيرنا احنا وبس
هبقى هنستنى واحد امريكى يجى يقدمه لينا على طبق من ذهب
مليون مستحيل
..
بس قوليلى يا جبهة ..
هو اوباما نصر الأسلام فى ايه ..
والله ناس غريبه ؟؟
شكرا لك يا احمد
هذا المقال الهام كثيرا
تحيتى لك

مخبر قمل دولة said...

انت فليتو الراجل خلاص
انت ونوارة ماسبتوش حاجة لبقية الناس تكتبها بجد

اهو ده عيبه said...

والله عندك حق يااحمد
عمر السياسة الامريكية ما حتتغر وكل رئيس بييجى ما هو الا اداة جديدة لتطبيقها
والعالم اللى بتقول نصر للعرب او الاسلام فالراجل متبرأ من كل اصوله من الاول وبيفخر انه مسيحى معمد
وحتى لو الفكرة انه اول رئيس اسود وانتصار للديمقراطية
فعار عليهم ان الديمقراطية عندهم تبقى لناس ناس وحق ليهم وحرام على غيرهم

عموما غدا لناظره قريب واوباما قدامه ملفات كتير لازم يحاول يقفلها وحنشوف حيتصرف ازاى

مهندس مصري said...

انا مش فرحان بأوباما و مش زعلان
ادينا حنستنى و نشوف
هو موقفه واضح جداً في دعم اسرائيل
و حينسحب من العراق علشان يركز على ضرب افغانستان و باكستان
الراجل واضح و ما وعدناش بحاجة بل حدد و قال حيضرب مين و حيسيب مين
فيه وضوح اكتر من كده ؟
اللي فرحانين بيه يتوكسوا بلا خيبة

نهر الحب said...

صح صح صح
اى كان الرئيس الامريكى فهو يمضى طبقا
لنهج معين وخطة مسبقة
كمان ان سياسات امريكا العدائية معروفة وواحدة ولا تتغير ابدا
دول ناس مخططين مش اى كلام
يكفى ما دفعه خلال فترة انتخاباته
لنفى تهمة الاسلام عنه عاجبنى تفكيرك يا احمد
تحياتى لك

Hassnaa said...

الصور بتوجع اوي بجد

أخصائي إجتماعي تحت التمرين said...

اوووووووووووووف.... بجد انا اول ما شوفت الموضوع ده الدم غلي في عروقي

احنا مش بنقول ان اوباما هيبقي كويس

بس بنقول يممممممكن عشان من اصول مسلمه يبقي عنده رأفه بحال العرب شويه

اهو يمكن يحس علي دمه وخلاص

حاجات عيال said...
This comment has been removed by the author.
حاجات عيال said...

قرأت البوست مرة ولم أنتبه إلى هذه الصور الإجرامية
لكني لما رأيتها فار رأسي بالدماء وازددت كرها نقما لهم
اللهم أهلك الأمريكان وأهلك أعوانهم

عبوووووووود said...

أنا لا أنكر إني فرحت لما أوباما فاز على ماكين
بس مش عاشن هو هيغير العالم ولا كل الكلام اللي مالوش أي معنى ولا أي أساس من الصحة
أنا فرحت لأن هو كان عنده حلم والفرصة كانت ضعيفة لكن هو أصر لحد ما وصل
حسيت إن فعلا ممكن البني آدم يوصل للي هو عايزه لو صبر
يعني تقدر تقول اداني أمل في الحياة
أما الهبل بتاع إنه هيتعاطف معانا والقصص دي كلها فده أنا مش مقتنع بيه
وإن كنت مقتنع إنه ربما يكون أحسن من بوش
تحياتي

ميدو الفار said...

اللهم جمغ اليهود فى الارض المقدسة
واجعل الامريكان ينساقوا وراء اغرضهم العرقيةوتحين اللحظة لدكهم جميعا ان شاء الله

Anonymous said...

Ηеу there! I'm at work browsing your blog from my new iphone 4! Just wanted to say I love reading your blog and look forward to all your posts! Carry on the fantastic work!

Also visit my blog post: get bigger naturally

Anonymous said...

Fiгst οf all I wаnt to sаy aωesome blоg!

Ӏ hаd a quiсk queѕtіon whісh I'd like to ask if you do not mind. I was interested to find out how you center yourself and clear your thoughts before writing. I've had trouble clеarіng my mind in gettіng mу thoughts out.

I ԁo еnjoy writіng hοωеѵer it just ѕееms like
the fігst 10 tо 15 mіnutes are uѕually loѕt simрlу
just trуing to figure оut how to bеgin.
Any іԁeas oг hints? Thanks!


Hаѵe а looκ at mу blοg post - get bigger boobs

Anonymous said...

Currently it sounds lіκe Drupаl iѕ the best
blogging рlаtfοгm out there right
now. (fгоm what I've read) Is that what you're using on yοur blog?



Look іnto my homерage: natural breast enlargement pills