خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 13, 2008

تعمل ايه لو خبطت فى وطن وانت ماشى ؟

لو انت ماشى ف حالك وفجاءة رحت خابط فى وطن من غير ما تاخد بالك
او وطن رشق فى رجلك
أو حد حدف عليك وطن وجه ف عنيك
أو كنت سارح فى السما الصافية ورحت واقع فى وطن
أو وطن وقع عليك من بلكونة فى منطقة شعبية
هتعمل ايه فيه ؟ هتاخدة ولا هتسيبه مكانة وتدعى عاللى حدفك بالوطن فى نافوخك؟
غالبا .. بعد نزف الكثير من الدماء هيختلط دمك الطاهر بالوطن ويعوصه
والوطن هيبقى متلغوص من دمك
وبعد شوية هتحس بالحنين للوطن ده وتاخدة معاك البيت
وتشيلة فى مكان امين على أمل انك تلاقى صاحبه
فى يوم من الأيام

بعدين ترعى الوطن ده وتنضفة كل يوم
وتسقيه وتحط له سماد وتعمل له الرضعة و و و
وبعدين لما الوطن يكبر ويتقل
هيقع على رجلك
وبردة يعورك ورجلك تنزف دم
بس بردة هتفضل تحب الوطن
---------
من تهييسات مواطن دخل فى عينه وطن
أحمد الصباغ

38 comments:

ماما أمولة said...

ويعمل ايه اللي دخل في قلبه وطن ؟

كـــيــــــــارا said...

بس الوطن مش مسئول

الوطن ارض روح حنين ذكري

انا حره said...

امممممممم

دا اكيد تأثير عصير قصب بايت

وومن said...

هههههههههههههههههه حلوة قوي وقع فوق دماغك وطن

طب بس حد يحدفني بيه وبوريني طريقة حد يلاقي وطن ويقوله لا

ياراجل بلاش افتري بقي

وفاء بركات said...

تعمل آيه لو أنت تايه ووطن لقاك ؟
فاكر مسلسل الأطفال كوكي كاك ..اما كان كوكي بيغني ويقول يعني آيه كلمة وطن؟
أنا عن نفسي راح أحمد ربنا إني لقيت حاجه أتلهي فيها بدل الهم اللي

الواحد شايله وأهه كله بثوابه
تحياتي ليك يا خالو أديني متابعه ومتواجده وانت ولا انت هنا

دعاء مواجهات said...

بجد يااحمد انت زى العسل

لااااااااااا

العسل هو اللى زيك

مفيش اكتر من كدة تعليق

دا انت عليك افكار ياددع

ههههههههههههه

GiGi said...

بحبك ياوطنى ياحبيبى
بحبك يامصر والله العظيم وهما كنت مفروض عليا احلى فرض اتفرض عليا بس يارب اوفيك حق واعمل كل حاجه انت عايزها منى
تحياتى ورائع كالعاده

صباح الصباح said...

عجبنى اوى التسبية

وكل واحد فينا لة دورة اللى المفروض بية يساعد وطنة انة يكون ذو شان

بس للاسف اللى نايس بتبنية

ناس تانية بتهدة

سها السباعي said...

المشلة ان الوطن استقر داخل الجسم خلاص
وبدا يكبر ويتشعب
وتتزايد خلاياه الوطنية
حتى اصبح من المستحيل استئصاله
ولا بد من ان نتعايش معاه

Soul.o0o.Whisper said...

مش عارفة بصراحة اعلق

الموضوع مش كدا خاااااااالص
و بردوا مش العكس

لأن كدا بننكره
والعكس نكون عايشين فى أحلام الوطنية

فى حاجة مفقودة فى النص
و أتمنى إننا نوصل لها



خالص تحياتى

رئـــــيسـة حزب الأحلام said...

دة وطن دة ولا طوبة
الوطن هو الارض اللى احنا عايشين فيها
الوطن هو الالم اللى فى قلوبنا
الوطن هو المصير
الوطن هو دمعة مخنوقة جوة كل واحد فينا
الوطن هو الوطن

كرانيش said...

يعنى ايه كلمه وطن؟؟؟

t3ban said...

ده لو كان وطن
و لا انت متأكد انه وطن

كباريه said...

ايوه انا حا افضل أحب الوطن وحا افضل أحب مصر مهما حصل لي منها وفيها

esraa said...

بس بردة هتفضل تحب الوطن

جبت من الاخر انت

قلب مصرى said...

أنا عن نفسى بحب وطنى قوى ومش مستعد احب وطن تانى غيره

مؤمنه said...

السلام عليكم ورحمة الله وبركاته

الوطن مش حكومة ولا قوانين
الوطن مش بنى ادمين

الوطن هو الحنين والذكرى والاحلام والامانى

الوطن هو كل المعانى الروحية الى غرسها جوايا

ساعتها لن ابالى بالنزيق فدمائى فداه
دومت طيبا
موضوع جميل جدا جدا جدا

والسلام عليكم ورحمة الله وبركاته

نهر الحب said...

يبقى السؤال
يعنى اية وطن ؟؟

رحــــيـل said...

اها

ياخبر على فكره انا ضايع منى وطن
وانت كنت فين لما وقع عليك

شكلك كنت حدانا فى المنصوره
هههههههههههههههه

نيهاهاهاهاهاه انا مش نزلت الصور
نيهيهيههيهيهيههيهيهيهيهي
طبعا انا شريرة واخد بتار كل المدونين


بجد سعيده جدا انى اتعرفت عليك ياحمد فى لقاء بورسعيد انت وكل الجروب اللى كان موجود

شوكت said...

تدوينة جميلة

و شوكت كاظم السلحدار

يدعوكم الى حضور

مصطبة شوكت

يايت تشرفونا
http://shawkat85.blogspot.com/

fashkool said...

أنا مش موافق على كلام سها السباعى ..حب الوطن ليس فرض على ولا افديه بروحى وعنيى .. لازم اشوف من الوطن حاجه حلوه .. آه احنا جيل 73 وعملنا اللى علينا فى اكتوبر .. خدنا ايه .. خدنا بمبه.. هو انا حاحبك ليه يا استاذ احمد اللى لما اشوف منك حاجه حلوه .. مش معقول احبك مجانى وانا .. يووووه أنا حاخرف واهيس

fashkool said...

يا ريت الاقى وطن زى الاوطان الاوربيه الحلوه دى .. تصور يا استاذ احمد كنت فى مطار القاهره من فتره وشفت فيه كل جنسيات الدنيا وهما بيتفسحوا .. فقلت فى نفسى هنيئا لكم باوطانكم وتعسا لنا احنا لو حوشنا قرشين ورحنا نصيف فى اسكندريه نبقى عملنا فتح مبين وعملنا فيها يعنى بنى ادمين .. يا راجل بس فين الوطن اللى يقع على وحتى اقع انا عليه ويرضى بي
.. تحياتى

يا مراكبي said...

أبوسه وأركنه جنب الحيط

احمد الجيزاوى said...

ايه يا احمد اسيبك شهر اتجوز فيه ارجع القيك كدة
ههههههههههه
سلامتك
تحياتى
يا وحشنى
احمد الجيزاوى

سومه...مجنونه فى بلد عاقل said...

وتعمل ايه اذا لاقيت الوطن بتاع ناس ميستهلوش وبعد ما تعبت فيه جايين ياخدوه منك وكانك ملكش حتى 10 فى الميه منه عشان لاقيته ؟؟

هويدا صالح / عشق البنات said...

واد يا أحمد
قريت البوست ده كتير جدا
وكل مرة أستمتع مش أحزن
بحب الوطن ده اللي فيه عيال جدعة زيك
ومش مكبرين ولا تافهين
وعايلين هم الوطن
مرة واحد صاحبي قالي عارفة يا هويدا أنا بحبك ليه ؟
فكنت منتظرة إجابة في ذهني وسيناريو ما كده وحودايت
لقيته قالي لأنك شبه مصر
فيها كل متناقضات العالم ومفيش حل غير إننا نحبها
من يومها حبيت هويدا مش لأنها هويدا اللي أنا جزء منها
لا
لأن فيها حتة من مصر
لو كل الأوطان اللي ممكن تنحدف علينا زي مصر كده يا أهلا بالحدف والضرب والعض كمان
هنستحملها
ونحبها
ونطبطب عليها
ونغرسها في قلوبنا قبل أرواحنا
طول ما أنا بقرأ البوست بتاعك تتردد في ذهني صوت شادية البنت المصرية الجدعة اللي شبه مصر هي كمان
يا حبيبتي يا مصر يا مصر يا حبيبتي يا مصر
إن شالله يا رب يخلي لك الوطن ويصلح حاله .. ومش يقع على راسك ولا يدوس على رجلك ولا يخليك تقول آي أبدا يا صباغ يا ابن وطني

حاجات جوايا said...

ههههههههههههه
لو خبطت فى وطن وانا ماشية ؟؟؟

ممممممممم
هشمه الأول .. أشوف ريحة الفساد طالعة منه ولا نظيف ؟؟؟؟؟

لو فاسد هرميه فى الباسكيت
ولو نظيف هحطه فى عينى


سالى

ست البيت said...

صباح الخير
وردا على كرانيش
يعني أرض حدود مكان يعني حلة من الشجن
يعني لما في يوم تسافر تفتكر أرضك هنا
وتعيش حياة الغربة صعبة
والحنين يشدك لنا

أما لو خبطت في وطن وانا ماشي
مش عارفة يمكن حعمل زي م قلت بس اخاف إن مات أموت معاه

كيكى said...

اية ياحمد البوست دة؟
فكرته حلوة اوى اوى
***********************
اقولك انا هعمل اية هقولة
ماما(الحكومة) زمانها جاية جاية بعد شوية تخرب فيك وتبهدلك وتمرمطك وتبيعك ويخصوصوك ويفصوصك
وهقولة يارتنى مالقيتك يا وطن
!1!111!@!
لانى بهدلتك واحنا فى زمن فى الناس مش حاسة بقيمتك
سلاااااااااااام ياوطن
********************
تسلم يا احمد بجد بجد
5و5 يابنى عليك
هههههههههههههههههه
سلام يا كبير
عوووووووووووووووووووووووووو

دعاء مواجهات said...

أين انت ياصباغ

؟؟؟؟؟؟؟؟؟؟؟؟؟؟

بنسأل مش زى نااااااس

Hossam said...

ازيك يا احمد يا صباغ يا منفضلى اخر حاجة واضح ان احنا مبقناش فى مستواك عشان حتى تسال علينا
عل العموم جاى اقولك على اخر score انا وصلتله 1560 ادعيلى بقى يا حبى
سلام

بسمة ولكن.. said...

لو خبطت ف وطن......؟
.
.
هقول أى

سمـــــــــــا said...

والله انا الموضوع عجبنى جداااا

ولما جيت أرد ملقيتش وطن اكتب بيه ولا وطن اكتب عليه

يمكن لما انام احلم بوطن جميل واصحى الاقى الحلم اتحقق


تحياتى يا خالو

MAKSOFA said...

كلاكيت تاني مره برضه حا احب الوطن

فيه أغنية لمطرب شعبي عراقي من زمان بيقول فيها



الي مضيع ذهب يمكن في السوق يلقاه

واللي مضيع حبيب يمكن سنه واتنين يلقاه



لكن اللي مضيع وطن وين يلقاه



تحياتي ياأبو حميد

SAYED SAAD said...

احمد الصباغ
الصديق العزيز :
***************
نَعِيْـبُ زَمَانَنَـا وَالعَيْـبَ فِينَـا


وَمَـا لِزَمَانِنَـا عَيْـبٌ سِـوَانَا

وَنَهْجُـوا ذَا الزَّمَانِ بِغَيرِ ذَنْـبٍ

وَلَوْ نَطَـقَ الزَّمَـانُ لَنَا هَجَـانَا

وَلَيْـسَ الذِّئْبُ يَأْكُلُ لَحْمَ ذِئْـبٍ

وَيَأْكُـلُ بَعْضُـنَا بَعْضـاً عَيَـانَا

**************
هذا ما يدعية البعض علي الزمن وايضا هذا الرد عليهم
فما بالك لو وضعنا بدل من كلمة الزمن الوطن
الاثنين واحد يا صديقي
الوطن موجود ونحن آفته كما الزمن موجود ونحن آفتة أنه مجرد اسقاط لا أكثر ولا أقل
اتمنى ان نغير ما بانفسنا بحق حتى لا ندعى على الوطن مثلما ادعينا على الزمن
----
ممكن تقولي بقي ان فينك مش باين لية بقالك فتره
احترامي
صاحب المكسرات
سيد سعد

أحسن تـستاهـل said...

تصدق مش عارفة ارد؟؟

منه لله الوطن ده بأه

كاللو في النافوخ

مها ميهوووو

د / مصطفي النجار said...

طب هات لي بس وطن

meshmesha said...

خالو احمد
شكرا لزيارتك
رأيى انى لو خبطت فى وطن مش ممكن افكر انى اخده لسبب بسيط انى اصلا عندى وطن مش شرط الوطن يكون البلد اللى انت عايش فيها بس ممكن يكون العيله اللى بالحنين و الحب تبنيها ممكن يكون الصحاب اللى يغنوا فى بعض الاوقات عن الاحباب ممكن يكون الاحباب اللى مالهومش فى القلب غير باب مكتوب عليه وطن الاحباب
و مش هاخد وطن على حساب وطن
اما لو ماعنديش وطن برده مش هاخده لأنى اخاف انه يطلع وطن غدار قاسى انتهازى او وطن مالوش عزيز يستنفد كل طاقتى اليوم و بكره يدينى ظهره و يمشى

يبقى احسن اعيش بذكرى وطن
و بصراحه