خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 24, 2008

خوازيق المحــبة

القط بيحب خنّــاقة .. ومفيش حـــلاوة من غير نار
أمثال شعبية قالوها أجدادنا  الذين أستوعبوا جيداً أن للحب "خوازيق" مصاحبة له .. فلا حب بدون "خوازيق" ولا صدق مشاعر بدون " ذمبئة " فالمحب الشرقى دائماً يفترض أنه قد إشترى محبوبه "لوكشة واحدة " أشترى قلبة وعقلة وجسمة وأفكارة وحريتة وأشياءه واهلة واللى جابوه

وبالتالى لا يقبل المحب الشرقى أن تقوم " سلعته" التى إشتراها مقابل "الحب" بفعل ما لا يتوافق مع هواه .. وأن يرى "بضاعته" التى دفع فيها "دم قلبه" تحدّث زبوناً آخر أو تعتنق "سلعته" أفكارً مخالفة لإفكاره

وفى بلادى .. عندما تولد أولى لحظات الحب فى أول لقاءات العيون تولد معها "العكننة" وتكون من النوع "الرضيع" وتظهر فى صورة ضيق إذا تكلمت المحبوبة مع شاب أخر .. أو إذا وقف المحبوب مع بنت اخرى  .. ثم تنمو "العكننة" و تكبر شيئاً فشيئاً حتى تصير مع أول أيام الزواج .. كائناً مكتملا يستطيع أن يمارس عمله بنجاح

و " للخوازيق العاطفية" صوراً وأمثلة كثيره ربما لا تحصى أو تعد .. فالمعاكسة التليفونية التى يقوم بها المحبوب ليختبر إن كانت حبيبته تتحدث مع أغراب أم لا .. هى " خازوق عاطفى " من النوع الخفيف .. والفستان التى تطلب المحبوبة شراءه رغم عدم إحتياجها له هو أيضا " خازوق غرامى" لإختبار مدى قوة الحب والطاعة

ويمثل الأهل دائماً فى مشوار الحب " خازوق محبة من النوع المحترم" فما أن يصل الحب إلى منطقة النور ويعلم أهل كلٍ من الطرفين بوجودة حتى تبدأ مرحلة " تبادل الخوازيق" .. وتحدث عملية " تراشق بالخوازيق" فيطلب هؤلاء مهراً ضخماً .. ويطلب أولئك عفشاً باهظاً .. وشبكة غاليه .. وشقة فخمة .. وقائمة منقولات .. الخ الخ

وعندما تناقش المُحب فى نظرية " الخوزقة" يتنحنح ويعتدل فى جلستة وبرد عليك بثقة مؤكداُ إنه يفعل ذلك كدلالة على حبه الشديد لمحبوبتة وإنه لا يستطيع أن يحيا بدونها يوماً واحداً .. وإن صمودها أمام "خوازيقة المتكررة" تعنى أنه غالٍ وثمين لديها .. اى ان خوازيقة لا تتعدى كوْنها "خوازيق صديقة" فقط

وتلعب "نظرية المؤامرة" الدور الأكبر فى "إستراتيجية الخوزقة" فالظن السئ هو دائماً الصديق الصدوق للحب .. وكل حركة ولفتة وكلمة يقوم بها المحب الشرقى تعنى بالتأكيد إنه "عامل عاملة" وإنه بيدارى أمر ما .. ولابد من كشفة عن طريق " خازوق عالماشى" فتبدأ المحبوبة بالتفكير العميق فى "العكننة" عليه .. أو بالاتفاق مع صديقتها عمل خطة مضادة لكشف نواياه .. أو بالرجوع الى "المرجع الخوازيقى الأعظم" اللى هى أمها فتنظر الأم فى هدوء ولا مبالاه وتقول من الكلام ما قل ودل .. فتنفجر المحبوبة من السعادة من نصائح أمها وتجرى لتنفذها فوراً

أما الحب فى بلاد الشمال .. بلاد الرياح الباردة والثلح .. فى أوروبا والدول المتقدمة .. فإنه حب "خالى الخوازيق" .. "حب بلا خوازيق" أو هو " حب نادر الخوازيق"  أحياناً ..فالأحبة فى بلاد الشمال لا يقتنصون من الدنيا إلا كل ممتع وجميل .. الدلع .. والفسح .. والسكس .. والرومانسيات .. الخ
فتجد المحبين والازواج فى اوروبا يعملون طوال العام لجمع مبلغ من النقود .. ينفقونة فى الاجازة الصيفية فى الذهاب إلى الصين لرؤية سور الصين العظيم أو الذهاب لروما لمشاهدة برج بيزا المائل أو الذهاب الى باريس لمشاهدة برج إيفل أو للذهاب الى مصر لمشاهدة طابور العيش وهكذا

لا زال الحب فى مجتمعنا الشرقى يعانى أمراض مزمنة ترسبت عبر آلاف السنين ..وآلاف الصعوبات التى نواجهها يومياً فى توفير قوت اليوم .. وفى طابور العيش .. وفى المواصلات .. وفى الجمعية التعاونية .. وفى البحث عن فرصة عمل .. ومسكن .. وعفش .. وهكذا حتى فقد الحب الكثير من تسامحة وصفاءة وإخلاصة وتبقى فيه الكثير من خوازيق المحبة
أحمد الصباغ

29 comments:

mado80 said...

يا راجل هو الحب من غير خوازيق يبقي حب يا راجل

عاش الحب وعاشت خوازيقه
:):)

تحياتي

Mohamed Hamdy said...

بوست جميل اوى .. ورائع اسلوب المزج بين الكلام الجدى والساخر , البوست كله اشبه بالمقالات الساخره فى المجلات والجرائد , ولن اتعجب اذا وجدته منشورا قريبا

اما عن الحب وخوازيقه فكما قال مادو .. عاش الحب وعاشت خوازيقه , اما من لم يختر هذه السكه فعليه الاختيار بين حياه هادئه خاليه من الحب او حياه الاحباء الممتلئه بالخوازيق

تحياتى

رامز عباس said...

أنا مؤمن بالحب لما الطرفين يكون فعلا مؤمنين بقدرات بعض

انا حبيت مرة بس مخدتش خزوق خالص عارف ليه لان لما اسرتنا انا وشريكه الحب العذري تفهموا الموقف


ولكن اعلنوا كيف تكون حياتنا خاصه انها بتسمع وبتتكلم


وللاسف ضغطوا عليها وانا من يوميها حسيت انهم عملوا كدة لمصلحتها وبتمنالها كل خير


واليكم كلمات رامز عباس

الحب لحظات مشرقة
وكياني مازال يتألم
علي غروب اللحظات
البريئة
التي لم تكتمل بعد

رامز عباس said...

احمد هو انت اللي مألف مطلع القصيدة دى

كوز المحبة أتخرم طرطش علي كمي

يا حبيبي بطل جافاوارحم عذاب امي

فين الخوزوق الذهبي اللي مفورلي دمي

من مزة بنت حلال قعدت في يوم جنبي

ـ-ـ- أحمد عبد العدل-ـ-ـ said...

ههههههه

الحب الصادق والحقيقى الأيام كفيلة باختباره ولا يحتاج للمزيد من الاختبارات

مهم جداً ان ننتهز الفرص الجميلة اللى فحياتنا ونستمتع بيها من كل أوجهها

مش متفق مع حضرتك ان الحب بيضعف فى ظروف زى ظروفنا .. ربما فقط أن ظروفنا تمثل اختباراً حقيقياً لمدى صدق هذا الحب
غير ذلك من الحب يندرج تحت موضوع نشره مهندس أحمد كمال فى مدونة رحايا العمر بعنوان فضيلة لم تختبر

دامت ابداعاتك الصافية
تحياتى ودمت طيباً

قوس قزح said...

حب و خوازيق ؟؟
ازاى الاتنين مع بعض يعنى !!!
اومال لما حد يعمل مقلب فى حد او يوقع بين اتنين يبقى اسمها ايه ؟

دى اسمها توابل الحب :)
و كل واحد بقى بيزود النوع اللى بيحبه
بس انت اهم حاجة بلاش تزود من الشطة :)

Waan said...

أنا جربت الخوازيق دي مرة و متنتهاش
بس برضه الحب من غير خوازيق ميبقاش حب

صعب نتخلص من الأفكار دي
ده وجدان جمعي

Anonymous said...

http://shadow.manalaa.net/node/720#comments
ولا يا صباغ انت مترشح في جايزة بيزو لأفشخ مستخدم انترنت
مبروك يا صاحبي

مهندس مصري said...

لسه يا بني ما جربتش لغاية دلوقت
بس اعتقد عندنا لا يوجد حب خالي من الخوازيق

كرانيش said...

تحيا الوجهات المختلفه

قارنت يا سيدى الفاضل بين الحب فى بلاد الشرق ونظيره فى بلاد الغرب
وقلت انت بعضمه لسانك ان الخب فى بلاد الغرب بدون خوازيق
اتعلم لماذا ؟
لان هناك يا صديقى كل شىء مباح
كل شىء بكل ما تعنيه الكلمه من معان تستطيع انت ان تتوقعها
اعتقد انك لو سافرت الى بلاد التلج هذه ستجد كل شىء يحمل بروده هذا التلج
بعكس هنا
هنا المشاعر
هنا الحب بقوه .وبعنف ايضا
هنا ستجد من يبتسم اليك خلسه عندما تحاول ان تعانق يداك يد محبوبتك خلسه ايضا
ولتلك الاشياء مذاق خاص
وللخواذيق مذاق اكثر خصوصيه


شكرا لك

Anonymous said...

حلو اوي ..بس لية التشاؤم دة كلة علي كدة انت مش ناوي تحب خالص

الله يوفقك وتلاقي حب من غير خوازيق بس وقتها متبخلش بكتابة البوست الجديد عن وجهة نظرك بعد التجربة.


hananyosry.blogspot.com

koukawy said...

من الواضح ان مخترع الخازوق اكن عاشقا شرقيا
ههههههههههههههههه

esraa said...

ههههههههههههه

ياراجل

بقي في الاخر طلعت خوازيق صديقة

إيما ( أم البنين) said...

الامور دي بتحصل فعلا بس أول مره أفكر فيها على غنها خوازيق ...هي فعلا حاجات بتبوظ كل مشاعر حلوه وبتكون مقدمات لقرف الزوج من زوجته بعد وقت قصير من الزواج ويمكن حتى قبل ما يتجوزها
إنت فتحت نفسي يا أحمد للكتابه عن الموضوع ده لأني عندي أمثله كتير عليه ممن حولي ..بس أخلص من الموضوع إللي أنا كتباه ووجع القلب إللي فيه ..ياريت تشرفني وتقراه
تحياتي

yasmine said...

مش عارفة ليه كل اللى علقوا مع الخوازيق
انا بردو بكره الحب الشرقى متملك
لا بجد ايه المشكلة اما حبيبتك تكلم ناس تانية ايه المشكلة زمايلها اصدقائها لأ لازم يبان انه بيغير عليها حتى لو مش فى دماغه ومش فارقة معاه لازم يعمل الحاجات علشان هى متقولش عليه حاجة بحس انه هبل وناس بتضحك على بعض
لا انا مع عدم الحب لو البديل الحب بالخوازيق

عايش... ولكن !!!! said...

احلى ما فى الحب الخوازيق
وبعدين لازم كل واحد يدوق الخوازيق دى علشان يحس بجد بالحب
ولا ايه ؟!!!1

رحــــيـل said...

ههههههه
انت صغت الموضوع بشكل ساخر جدا ورائع بجد

الموضوع فعلا يااحمد كده الحب عندنا لازمن ولابد وحتما يصاحبه تلك الاعراض

اوقات اقول ان المشكله فى الامحبين نفسهم يعنى مثلا لو هما اشخاص اسوياء ومش منفسنين مش هيفكروا كده عشان فى ثقه متبادله واحترام وتفاهم وكده يعنى

بس حب التملك بيسيطر على الجميع بلا شك فى جميع الاحوال والغيره كمان
يانهار
الواحد يعقد فى بيتهم احسن من غير حب ومن غير خوازيق

تحياتى

Rose said...

:) !!!!خوازيق" مصطلح جديد ؟

daktara said...

احب قوي انا موضوع اللوكشة الواحدة ده

خلي بالك ومن الخوازيق ما قتل

انظر حولك
د. خالد عزب

هى فوضى said...

ازيك يا احمد
بص الناس مش بتعرف تحب فبيخترعوا اى حاجة تبوظ الحب دا
لو كل واحد فهم حبيبه بجد وكانوا صادقين مع بعض وتفهموا امور حياتهم
هتكون الحياة افضل وميكنيش فى مشاكل
بوست حلو اوى
واسلوبة جميل

Anonymous said...

احمد
دا فرق الثقافة احنا هنا اخدين على الكذب وان الحب ما هو الا امتلاك ومحو لشخصية احد الطرفين عشان كدة العلاقة بتبوظ بسهولة وهم عارفين ان الحب اتنين وحياة مشتركة مش امتلاك
بجد موضوع ممتاز
للاسف انا علقت باسمى بس التعليق لم يحفظ فعلقت تانى
ياريت تنشر البوست الساخر الرائع دا


نهر الحب

بسمة ولكن.. said...

ههههههههه
هههههههه
.
.
وانا اقول كوز المحبة اتخرم من ايه

وفاء بركات said...

إزيك ياخالو احمد
أنا فطست من الضحك آيه كم الخوازيق ده
الموضوع مش بالفظاعه دى إتكل علي الله
وإتقدم ... فيه مضاد للخوازيق الصديقه في الأسواق حبايه قبل وبعد كل خازوق وكأن ولا حاجه
وبعدين في بلاد الثلج دمهم بارد ميهمش تتكلم مع ده ولاده دول بيخلفو وبعدين بيتجوزا الله مأحفظنا
إحنا ينقصنا شوية صراحه وحبت رحمه وتتحل أزمة الزواج
وربنا يرزقك ببنت الحلال
مستنيه زيارتك ...ياأستاذى

bos bos said...

احمد عندى موضوع فى مدونتى محتاجة رأيك فيه
اخر موضوع عندى لان فيه حاجة بتتعرض ليها مدونة صديقة لينا ولازم نقف كلنا جمبها

z!zOoOo said...

السلام عليكم

أزيك يا خالو يارب تكون بخير

أصلا مصر بقي فيها كل شيء له تمن حتي الحب بتمن وبمقابل وبالقطاره

هي الناس بقي فيها دماغ ولا نفس ولا جيب ولا مراره عشان تفكر في أي رفاهيه

وبعدين لايخلو الحب من الخوازيق

ده شيء طبيعي

انا أول مره أعلق عندك

وصحيح عيز اقولك بجد من غير مجامله

مدونتك جميله جدا وإنت إنسان جميل وروحك شفافه ودمك خفيف

دمت متألقا

لك كل الود والتوفيق من الله

وفي رعايه الله

همس said...

تعرف يا احمد

والله ليك حق

واللى بيفرسنى فعلا

فى كل الخوازيق دى

حكايه الاختبارات اللى بعض الشباب بيعملوها

والله بحس انهم غبى وعبيط واهبل وكمان برياله اللى بيعملها

لسبب بسيط جدا ان البنت متاكده مسبقا بالحورات دى

وممكن يتمثل عليه

ويطفح الموقف
ويحس انه زين ما اختار

وممكن فى الاخر بياخد خزوق

فى شخصيتها واخلاقها دى لو كانت نص كم


ولو البنت فعلا محترمه ونيتها سليمه وصادقه

تعتبر اهانه ليها وممكن تنفضلو

مش بقول اغبياء


سلااااااااموز

الفاتح الجعفري said...

سلام الله عليكم ورحمته وبركاته
ايه ياعمي هتخوفنا ليه بس
عامة الواحد كده كويس
ربنا يحفظنا
:)
وجزاكم الله خير

يا مراكبي said...

بوست رومانسي جدا .. وعنوانه تحفة: خوازيق المحبة

يعني إيه محبة؟

Anonymous said...

Sturdy, organization stomach muscles are not uncomplicated to occur by for a ton of folks.
They do not have to do crunches and sit-ups
all the time.

Also visit my weblog ... flex mini review