خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 12, 2008

مكالمة تليفونية بين الكومى والمدوّن أبو الليل

محمد الكومى بعت لى الرسالة دى

ومضمونها مكالمه بينه وبين المدوّن أبو الليل

الذى ترك التدوين من فترة لظروف صحية سيئة

حــالة بصريــة متدهورة جداً

وتضامن الكومى معه بإنشاء جروب له على الفيس بوك
محبّى مـدوّنـة أبـو الليــــل

وبناءأ على طلب الكومى ومحبى مدوّنة أبو الليل

وتضامناً معه فى أزمته الصحية

ننشر نص المكالمــة

---

مساء الخير


مساء النور

ابو الليل؟



ايوة الكومي معايا؟



ايوة يا فندم ازيك و ازي صحتك



انا الحمد لله تمام و عايز اشكرك جدا على الجروب ده و عياز اقولك انه رفع جدا من معنوياتي و حسسني ان الواحد كان ليه مكانة في قلوب الناس فبلغ شكري للناس اللي في الجروب فرد فرد


و الله دي حاجة بسيطة جدا يا دوبك عملناها كدة لان اللي شدنا ليك صدق كلامك و دي فكرة جاتلي بس و كان الهدف منها نقول للناس ان في واحد كان بيتكلم بلساننا كلنا و باكلام اللي عايزين نقوله و ممكن نتكسف



و الله يا كومي ماتتخيلش سعادتي تفوق الوصف و انا متأثر جدا بالجروب ده


طيب ايه اخبار صحتك يا استاذنا و هل يا ترى في تحسّن ولا ايه الاخبار

للاسف الحالة البصرية متدهورة جد في كلتا العينين و بالكاد ارى
و لكن انهاردة يعني ابتديت مرحلة علاجية جديدة و ربنا يسهل



طيب مجال عملك  ايه او في اي حاجة نقدر نقدمها



انا كنت شغال في الهندسة المدنية و طبعا بسبب الحالة الصحية سبت الشغل من حوالي سنتين

انا يا كومي عايزك تشكرلي جدا كل الناس اللي في الجروب و الله لو اطول اتواصل معاهم لاشكرهم بننفسي

و عايزك توصلهم اني مشتاق لهم و مشتاق للكتابة و مشتاق لابو الليل


طيب ماتحاول ترجع تكتب تاني يا استاذنا



و الله هو انا ممكن ادون صوتيات او فيديو بس ك الفكرة اني في عزلة حاليا و معتكف و بتكيف مع الوضع الجديد لان دي خبرة صعبة جدا اللي مريت بيها بس الحمد لله احنا راضيين يعني


تعرف يا استاذنا كنت قريب في القاهرة و قابلت مجموعة مدونين من مختلف الاطياف و المستويات الثقافية و الفكرية و كل ما اجيب سيرتك او افتح موضوعك اقسم لك بالله العظيم انهم كلهم اجمعوا على الاشتياق لك و لكتابتك خصوصا بعد انتشار ظاهرة التفاهة في التدوين و بعد ما لمسوافعلا انك كنت بتمثل حالة جميلة، ووالله حتى منهم سيدات و انسات محترمات للغاية كانوا بيدخلوا عندك و يعلقوا

و منهم استاذة جامعية قالتلي انا بتحفظ على الفاظه لكن راجل بيكتب بمزاج عالي جدا



و الله ربنا يكرمهم جميعا صدقني يا كومي انا مشتاق لهم للغاية و ارجو انك توصلهم سلامي الحار جميعا

هو انت عندك مدونة ايه يا كومي؟


انا عندي مدونة ليبرالي مصري و دي جديدة و مدونتي القديمة ملك الكبدة



ياااااااااااااااااااااااه هو انت ملك الكبدة انت علقت عندي اخر 3 او 4 بوستات قبل ما ابطل و الله انت ابن حلال انت ظهرت في الاواخر كنت من الناس اللي ناوي اتابعها بس ماحصلش نصيب


لا ان شاء الله في نصيب تشوفني و تشوف اللي احسن مني كمان و احنا و الله دي حاجة بسية جدا عملناها تعبيرا عن شعورنا ناحيتك و تقديرا لصدق الكلمة



انا بشكركم جدا و الله


ممكن اطلب منك طلبين؟



اؤمرني يا حبيبي


انا عايز لما اجي القاهرة اقدر اشوفك



اوي اوي

و ذكر لي عنوانه



ممكن انشر المكالمة دي في رسالة للناس



طبعا وبلغهم ارق تحياتي القلبية و اشتياقي ليهم و تقديري لمشاعرهم النبيلة
---

تمنياتنا لأبو الليل بالشفاء
ملحوظة : الصورة منقولة من مدوّنة أبو الليل

16 comments:

صبرني يارب said...

ربنا يكرمكم يارب
حقيقى لفته حلوه منكم
الواحد يطمن على نفسه يا ولاد لو اتكل علىالله هاتفتكروني بالخير يعنى

ههههههههههههه

تحياتي لك يا صباغ

قوس قزح said...

ربنا يشفيه يارب
و يرد له بصره زى الاول

انا بصراحة اول مرة اسمع عن المدونة دى و لما جالى انفيت على الفيس بوك للجروب ده قلت انه مجرد مدون الناس معجبة بكتاباته
لكن بعد البوست ده ان شاء الله اشترك فى الجروب
و ياريت لو نفكر سوا ازاى نقدر نساعده باكتر من وجود جروب على الفيس بوك


شكرا يا احمد على البوست ده اللى بيقرب الناس من بعض
تحياتى

شمس النهار said...

من سنين كنت متطوعه في النور والامل وكنا بنسجل لهم شرايط بالكتب
وساعات كنا نكتب لهم حاجات
ليه مانكونش فريق عمل متطوع يروح عنده وهو يمليه والمتطوع يكتب
او حتي عن طريق التليفون
النت قرب الناس من بعض
ليه التدوين يتحرم من شخص ناجح زي ده
وهو كمان لما يتواصل مع الناس حالته النفسيه هتتحسن

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
من يرغب في وضع البنر يرسل لي ميله كي ارسل له الكود

أحمد سعيد بسيوني said...

شفاه الله وعافاه

ورده الينا والى مدونته سالما غانما معافى

ماما امولة said...

اللهم اشفه وعافه
اللهم امين
جميل ان نقف بجانب بعضنا البعض
فالحب والاحساس بوجود الناس حول من اكرمه الله بالمرض
يعطي الامل ويسرع في الشفاء ان شاء الله
تحياتي لك يا استاذ احمد وللكومي على هذه اللفتة الانسانية
دمتم بخير

شفقة هانم واحسان بك said...

حلوة منكم اوى دى يا صباغ والله احلى حاجة هلى روح الحب والتعاون والوفاء للاصدقاء
وربنا يشفيه ويعافيه امين يارب العالمين
شفقة

صباح الصباح said...

ربنا يشفية يارب ويقوم بالسلامة

ست البيت said...

الحمد لله على نعمه
يارب رد على من حرموا من نعمة البصر أبصارهم
والحمد الله الذي عافاني مما ابتلى به غيري من الناس
وفضلني على كثير ممن خلق تفضيلا
عموما هو كلامه صعب قوي بس دا اللي كان مخليني مش قادرة اتابع مدونته
وبما أن الموضوع كده
فيا كومي فيه واحدة كانت بتعلق عنده اسمها تمر حنة بتاعت مدونة أيوه خدامة
وصاحبتها صاحبة مدونة سمبتيك
و الله سألتها عليها ولا حس ولا خبر
بجد نفسي حد يطمنى عليها
أهي دي بقى كانت بتكتب كلام جااااااااااامد جدا
وكنت بحب اقرأ لها قوي
اللي يعرف مكانها يبلغها سلامي

(أم البنين) said...

جزلك الله خيرا أخي الكريم
نسأل الله أن يشفيه ويعافيه ويرضيه بقضائه
اللهم اشرح صدره وأنزل عليه السكينة واكتبه عندك من الشاكرين
بارك الله فيكم

بعبعه said...

ربنا يشفيه الو الليل

ويشفي كل مريض

ولفتحه حلوه يا صباغ

وتعالى بعبع عندنا

م/ الحسيني لزومي said...

اخي العزيز
اولا انا سعيد جدا بزيارتك لمدونتي وانا اتابع مدونتك واتابع مجموعتك علي الفيس بوك
ثانيا : لهجة الاستاذ عبد المنعم كانت حاده وارجع الي التعليق
ثالثا: انا لم اجد علي المدونه ما يشير الي عدم ترحيبه باي اعلان
رابعا: مدونة الاستاذ عبد المنعم من المدونات التي اتابعها منذ زمن واضعها في قائمتي المفضله
خامسا: مازلت اكرر انني لااضع اعلان عن شئ شخصي ولكنها تذكره يجب علينا ان نذكر بعضنا البعض بها ولكن عندما استخدم النت وانا مدون للدعوه لمثل هذه الحمله فليس امامي سوي ان ادعوا اصدقائي وغير اصدقائي من المدونين لكي يساعدني من يقتنع بجدوي هذه الحمله من الممكن ان يساعدني
ارجو ان تتكرر زيارتك لمدونتي
مع خالص حبي وتقديري

Soul.o0o.Whisper said...

يااااااااااااااااااه

أولا : بأعتذر عن التأخير بئالى كتير مش دخلت هنا

ثانيا : ربنا يكرمك يا خالو يارب
فعلا شئ جميل إننا نطمن على بعض و نعرف أخبار بعض

ثالثا : ربنا يتم شفا أخونا ابو الليل على خير يارب
و يرد عليه بصره
و يؤتيه خيرا
اللهم آمين

رابعا : جزاك الله خير يا كومى
ربنا يجعله فى ميزان حسناتك يارب



خالص تحياتى

جمعاوي صاحب "عيادة أسنان" said...

السلام عليكم أحمد
بجد بوست والله يبكى القلوب

احمد انا من اول ما بدأت اقرأ البوست وانا بأسال نفسى سؤال واحد

ماذا لو كنت مكانه ؟!!!بجد ربنا يتم شفاه على خير ويرجع لينا بالسلامة

دمت لنا بخير احمد ويلا سلام

t3ban said...

ربنا يشفيه و يقومو بالسلامة
انا من عشاق فوزي و الفلكس
;p

Anonymous said...

بسم الله الرحمن الرحيم



الاخوة الاعزاء



الرجاء الاهتمام بنشر هذه الرسالة .لعل أحد الناس ينتفع بها فيكون لك

الاجر من الله وبارك الله فى صاحب المبادرة

د. أحمد زكى ابو كنيز



والآن، هانحن أمام مبادرة عظيمة أطلقها صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي حفظه الله. مبادرة نور دبي لعلاج مليون حالة من المكفوفين أو شبه المكفوفين ما كان ممكنا سواء بالتدخل الجراحي أو الليزري أو مهما كان على نفقة سموه الخاصة ذهابا وإيابا وإقامة وعلاجا على أرض دبي. والمبادرة تشمل كلا من حالات العمى الكامل وشبه الكامل والمؤقت والدائم والمسلم وغير المسلم والأبيض وغير الأبيض والعربي وغير العربي وكل من تمنى رؤية النور وقد حرم منه. وقد تطوع سموه في هذه المبادرة الطيبة المباركة باغيا وجه الله تعالى داعيا المولى عز وجل أن يتقبلنا وأن يطهرنا وأن يصرف عنا وعن ذرياتنا وعن أهلينا الأسقام والأمراض، وقد بدأت ب مراسلتكم ليكون بمثابة إعلان عام لكل من حرم النور من أبناء بلدي صغيرهم وكبيرهم، ذكرانهم وإناثهم وفقراؤهم والغلابة والذين يحسبهم الجاهل أغنياء من التعفف أن يقوموا بتجهيز ما يلي:

1- صورة جواز سفر المريض ويكتب عليها كلمة مريض + صورة شخصية.

2- صورة جواز سفر لمرافق ويكتب عليها كلمة مرافق + صورة شخصية.

3- تقرير طبي شامل ودقيق صادر عن مستشفى حكومي ومعتمد من وزارة الصحة.

4- رقم هاتف يمكن الاتصال بالمريض أو بمن هو مسئول عنه .

5- ترسل الطلبات مع التقارير الطبية والأشعة وغيره إن وجد مباشرة على العنوان التالي:



دولة الإمارات العربية المتحدة

الشارقة – المدام ص.ب 48132

نور دبي



إن صاحب السمو الشيخ محمد بن راشد آل مكتوم حفظه الله حين أطلق هذه المبادرة الطيبة مبادرة نور دبي وجه سموه بإنشاء هيئة طبية تضم خبراء من كل جنسيات العالم وفريقا منتقى لتلقي الطلبات ومن ثم تعرض الحالات على اللجان الطبية المتخصصة التي تدرسها بعناية ثم توصي باستقدامها كي يتم علاجها. وستقوم اللجان بالاتصال بالحالات مباشرة ودون فرض أي رسوم أو أتعاب أو غرامات بل إن كل شيء مجانا إن شاء الله من أول السفر والانتقال والإقامة والعلاج والعودة سليما معافى إن شاء الله.

فيا كل طفل لم يرى النور

وكل رب أسرة حرم حبيبتيه

وكل شيخ فقد الأمل في الإبصار مرة أخرى

أقول لهم جميعا ، أيا كانت حالاتكم وأيا كانت آراء الأطباء فلعل الله تعالى يكون قد أذن برأي آخر من خلال مبادرة نور دبي التي أطلقها ورعاها صاحب السمو الشيخ محمد بن راشد آل مكتوم حفظه الله والله أسأل أن يعينني على فعل أي معروف لأبناء بلدي وأن يرزقني فعل الخيرات وترك المنكرات وحب المساكين وان يرضى عنا ويرحمنا ' إن أريد إلا الإصلاح ما استطعت وما توفيقي إلا بالله'.