خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 4, 2008

الكيبـــورد الغير شريفة

إعـــلانات مـــــبوبة

مطلوب لأعلى سعر كيبورد غير شريفة تصلح لسب الأصدقاء والإبداع فى تأليف إتهامات باطلة والقيام بتلميحات قذرة وكتابة تعليقات مجهولة ، ويشترط ان تكون متوافقة للعمل مع مدوّن متفرغ لإصطياد أخطاء الغير ، وتأليف قصص خيالية قذرة ووإشعال الفتن ، ودس السموم بين البشر
حيث لوحظ إن الكيبورد التى أمتلكها "بتستعبط" ولا توافق على كتابة كلمات قذرة ، وبها حروف معطوبة مثل حرف القاف والـذين والألف والراء والتاء المربوطة ،  وكلما حاولت كتابة كلمة قذرة بتفصل باور والزراير بتعلق وبتعمل حركات قرعة
وقد قمت بمحاولة شراء عدة كيبوردات  وكلها بها نفس العيب وقمت بإستبدالها أكثر من مرة ، وظننت أن جميع الكبيوردات المتوفرة حالياً من النوع الشريف

و معروض للبيع بأرخص سعر كيبورد معيوبة إستخدام واحد شريف وبيتعالج ، لا تصلح للأغراض الدنيئة ولا تكتب تعليقات مجهولة ولا تجيد تأليف القصص الوهمية القذرة ، ومتوافقة للعمل مع الأطفال والمحترمين

ملحوظة 
حاولت إصلاح الكيبورد فى أحد محلات الصيانة فنظر لى فنى الصيانة شزراً وقال 
دى موش معيوبة .. روح إتعلم القذارة وهى تشتغل زى الفل .. عشان ده عيب يوزر

20 comments:

انا حره said...

حلوه بجد ياصباغ

انا بصراحه معرفش ايه الموضوع ولا اللى بيحصل لانى لا مشتركه فجايكو ولا بيتكتبلى تعليقات سخيفه الحمد لله

بس سمعت عن الحكايه دى وعن ناس طالهم الكلام القذر دا ومش لاقيه سبب بصراحه لقله الادب اللى بتحصل

زوجه said...

السلام عليكم
بوست جميل ومعنها اجمل واحلي
كل سنه والجميع بخير

زوجه said...

انا اوحده من الناس اللي لا بيا ولا عليا بقالي اقل من شهر في عالم المدونات
واتشمت من واحده بتقول انها بلوجر وداخله بغير معروف علشان تتكلم برحتها وقال ايه بيجلها شلل من ردودي واني بحسسها انها لازم تاخد دوا ضغط وسنها
ميسمحش انها تاخد عقاقير ضغط دلوقتي

ليه قلة الزوق في الكلام مش عارفه
ليه متعلمش احترم وجهة نظر اللي قدامي ومش مهم انها مختلفه معايا
ربنا يهدي
انا عن نفسي عملت مودريشن عندي علشان اريح علي الاقل الناس اللي بتزورني من التعليقات السخيفه

جنّي said...

السلام عليكم

الاخ احمد حافظ على كيبوردك النظيفة ولا تفكر في استبدالها باخرى قذرة واترك الاخرين الذين غمسوا انفسهم في التفاهات والسفاهات ولا تنظر اليهم ودع القافلة تسير ولتعوي الكلاب الذين يخوضون في اعراض الناس ..

اصبر واحتسب وسوف يخلصك الله منهم ان شاء الله ..

رندا said...

أسعد الله أوقاتكـ اينما كنتــ
إنه العيد الذي يملأ الأيام والليالي بأقدس اللحظات
والقلوبـ بالبركة والصفاء والإيمان
الله يديم الاعياد، والافراح
وكل عام وانتم بخير

عيد سعيد عليكـ وعلى اسرتك الكريمة

تحياتى

بعبعه said...

شوف يا صباغ

بصرف النظر عن مين زعل مين ومين قال على مين ومين شتم مين

عشان انا مش عارفه اي حاجه اصلا

الا انى شايفه فى موجه من القلق وعدم الاستقرار وهاتفرحوا فينا الاعادي يا هبل

هبل دي لكل الى كان سبب او اداه لمشكله بين المدونين

وفرحتوا كده دلوقتي ؟؟؟؟

وبرضه ارجو من كل واحد اتقاله حاجه ولا سمع حاجه ينفض

ايووووووه وهى الشتيمه بتلزق على راي واحد تنح

وفيها ايه يعنى لما نبقى باردين وتنحين شويه فيها اييييييييه

جعلوني مريض نفسيا said...

فكرة البوست جميله واستكيفت منها

فني الصيانة قال الكيبورد مش معيوبة روح إتعلم القذارة وهى تشتغل زى
الفل .. عشان ده عيب يوزر

ملوحظة القذارة مبتتعلمش في الكبر دي لاز تتزرع في الأنسان من الصغر

لماضة said...

حلو الموضوع ده يا صباغ
فكرته جديده اول مره اقراها عند حد بالصياغه دي
عجبني بجد
تحياتي
وكل سنه وانت طيب

خمسة فضفضة said...

السلام عليكم ورحمة الله وبركاته

ازيك يا احمد كل سنة وانت طيب

هو انت كمان اتشتمت
:)))

ولايهمك يا عم ماكلنا في الهوا سوا

امسح التعليقات او اعمل موديراشن وريح دماغك دي ناس يابني اهلها كانوا بيرضعوها قلة ادب بدل اللبن


ولايهمك الكلاب تعوي والقافلة تسير


------

امبارح كنت باتفرج علي الجزيرة الوثائقية برنامج حكاية ثورة

كانوا بتكلموا عن حصار بيروت وجابوا مخبز اسمه


مخبز الصباغ الآلي


افتكرتك علي طول


كل سنة وانت طيب

واحد مش فاهم حاجة said...

بالظبط كدة روح اتعلم القذارة وبطل اتهامات للكيبورد

عجبنى جدا البوست وعجبنى البانر اللى على الشمال

وياريت كل المدونين يراجعوا مدونات بعض وبوستات زمان

ويفتكروا كانت المعاملة والمناقشة ازاى ودلوقتى وصلت لاية

جمعاوي صاحب "عيادة أسنان" said...

السلام عليكم يا صباغ
بص مش هاقدر افيدكم لانى ما اعرفش طريق حاجة زى كده الا عند ناس ما تقدرش تستغنى عنها ولو لقوا حد زيك هيشتريها هيرفضوا يا باشا

دمت بخير وربنا يكرمك على المعنى الرائع اللى فى البوست ده وكل سنة وانت طيب يا عسل ويلا سلام

كرانيش said...

دع الكلاب تعوى والقافله تسير

والكيبورد مش معيوبه يبدو كده والله اعلم ان العيب فيك زى ما قالك الراجل

قلم رصاص said...

ولايهمك ياصباغ
الجميع معرض لمثل هذه التجاوزات
المهم الاستمراريه في تقديم ماتقدمه دون
النظر للوراء

كل سنة وانت طيب

EmY said...

كل سنه و انت طيب يا صبوغ يا حبيبي
و ماتنساش تجيبلي خروف نونو هديه

والله يا احمد الي بيحصل ده عدي مرحلة اننا نقول عيب دي بقت سفاله و مافيش لا اخلاق و لا ضمير

عالم فاضيه و مريضه و ماصدقوا طريقه يطلعوا قرفهم علي الباقي

Dr. Kafy said...

كل سنة و انت طيب
انت سألتنى عن التحكم فى الخط و الألوان و أنا اللى كان حاصل عندى إنى فى شاشة
new post
كنت مختار
Edit HTML
و هو ده كان سبب المشكلة
طلع فيه جنبها تاب تانية إسمها
compose
لما اخترتها الأمور اتصلحت على طول
أجمل الأمنيات

Marwa Rakha said...

Thank you Ahmed

http://globalvoicesonline.org/2008/12/05/egypt-dirty-sexy-secrets/

و القادم....أجمل said...

بصراحة
بوست رااااااااائع جدا
---------
ليه بنكتب كلام
ملوش هدف
مش هقولك مثلا نقد بناء
بيدفع لحاجة
يعني أنا فيه عيوب كتيرة نفسي أكتب عنها
و عماله أفكر في أسلوب كويس
عشان مجرحش حد
بس لحد دلوقتي مترددة جدا
في الكتابة

يارب يارب يارب
محدش فينا يقع في الشبكة دي
يااااااااااارب

تقديري لك
و كل سنة و إنت طيب
:)

سمو الأميرة سارة said...

بوست جامد خاصة اخر كلمتين فيه .. في الجون يا خال .. انا بس عندى تعليق ع التنويه اللي في الجنب اللي بخصوص الجيكيو فانا فهمت دلوقتي الى حد ما وان كنت مش عارفة ومش حابة انى اعرف سبب كل دا

Rannon said...

انا أول مرة أشوف البوست ده
بس عجبني جدا وبجد رد في الصميم :)

stenzky said...

i just wanna express my admiration for ur sarcasm , sarcasm can be a very powerful weapon but if understood , nobody really listen anymore to be able to judge !