خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 5, 2008

دعــاء عـــيد الأضـــحى

اللهم أرزقنا بلحمة لا نحصيها وزنا
وكُـفـتةً لا نحصيها عددا
وأزدنا من الكوارع جوزاً وفردا

اللهم أنعم علينا بلحمة دون شغتة
وكفتة دون دهـــنة
وسلطة دون بصلة
وخبزاً دون زلطة
وفسحة دون تحرشٍ أو عركة
يارب العالمين

اللهم إكفينا رؤية الفول والطعمية والطرشى خلال العيد
وابعد عنّــا أيام العذاب
وأنعم علينا بمنظر اللحمة الخلاب
وأزكم أنوفنا برائحة الكفتة والكباب

أللهم أهلك المتحرشين وأحصيهم عددا
واجعلهم يجهلون للعيد موعدا
ويظنون إن احنا فى مولد النبى مثلا

اللهم إجعل البنات إنفيزبل فى وسط البلد
واعمى عيون المتحرشين من بنتٍ وولد
اللهم أكسى البنات بالبطاطين واللحاف
وإكفينا شر البناطيل الضيقة
والكات والشفاف

اللهم إكفينا شر أحذية العيد البرتقانى بأنواعها
والبناطيل البنفسحى بأصنافها
والشنط الخضراء بأحجامها
والباديهات ام ترتر بألوانها

أللهم أكفى السُــياح شر أصابع العيال وأقدامهم
ومايسرقه سواقين التاكس من جيوبهم
ولصوص أمتعتهم وأشيائهم

اللهم إنا لا نسألك منع إعلانات موبينيل فى العيد
ولكننا نسألك وقعاً علينا لطيفاً سعيد
وقلل عدد ضحاياها

اللهم إكفينا شلل أفلام العيد الجديدة
والمسلسلات البغيضة
وحنن علينا قلوب المذيعين
وأنعم علينا بمسرحيات إلا خمسة وعش المجانين
وسك على بناتك و المتزوجين
اللهم إعمى عيون المقدمين
عن أفلام الجيل اللعين

اللهم إجعلنا من المتعيـّدين
الذين يحصلون على عيديات من الكبار والمسنين
ولا تجعلنا من المُـعيـّدين
الذين يدفعون العيديات من حباب نن العين
اللهم حنن قلوب أطفالنا علينا
اللهم حبب إلى قلوب الأطفال منظر الجنية الوحيد
والعشرة صاغ الحديد
والربع جنيه الجديد
وإجعلهم يقبلونها بحبٍ شديد
وكــّرِه إلى قلوبهم منظر العشرين
والعشرة والخمسين
وإجعلهم يرفضونها بعنف ..آآآآآآآآآآآمين
أحمد الصباغ

53 comments:

آخر العنقود said...

ههههههههههههههههه
ههههههههههههههه
يا اعيادك ياخال
:)
بجد جميل جدا
بس ماتحاولش انك تكون من المتعيدين
الكبير كبير ياخال
من المعيدين ان شاااااااااء الله
حرام عليك المخاليل طيب

وبراحة ع اللحمة
ها
:)
كل سنة وانت بخير وصحة يارب انت وكل حبايبك

أحمد سعيد بسيوني said...

اللهم اميييييين

كل عام وانت بخير

يا مراكبي said...

والريش ليه مالهاش مكان في الدعاء ده؟ ما بتحبهاش؟

:-D

هتدفع العيدية يعني هتدفع العيدية

يعني دعاءك فيه جزء مش مسجاب

:-D

موءه said...

الهم استجيب لدعاء خالو احمد
و كل عيد وانت طيب و سعيد
يا خالو حمااااااااده

موءه said...

الهم استجيب لدعاء خالو احمد .
ويرحمنا من المهازل ال بنشوفها .
وكل عيد وانت سعيد يا خالو حماده.

همس said...

اللهم امين

وكل سنه وانت طيب يا احمد

جنّي said...

يارب خالو احمد يدينا العيدية

عيد سعيد

سهر الليالي said...

امين امين امين
دعوه من القلب صحيح
جميله جدا
كل سنه وانت طيب
تحياتي
فراشه الشتاء

زهرة الجنة said...

ههههههه
حلو الدعاء يا خالو

كل عيد وانت سعيد يا أحمد
كل سنة وانت طيب
عيد سعيد عليك وعلي كل أسرتك ,اصحابك

ضــى القمــر said...

هههههههههههههه

كل عام وانت بخير يا احمد

واضح أن طقوس الاعياد بتنرفزك جدااا .. هههههه

وادعو الله معك يا اخى

بالخير والصحه لك

كل عام وانت بصحه وسلامه

angel heart said...

هههههههههههههه
بجد دعاء جميل اوي
وانا يضم صوتي لصوتك ويدعي معاك
ان ربنا يجعلنا من المتعيـّدين وليس المُـعيـّدين
اللهم آمين
كل سنة وانت طيب ياابوحميد
وحستعمل كلمة اخر العنقود
بالراحة ع اللحمة
ههههههههههههه
عيد سعيد عليك وعلي كل حبايبك

جعلوني مريض نفسيا said...

كل سنة وانت والعائلة والأمة الأسلامية بخير

ايه البوستات الجامدة دي فيه حالة مزاج عالي في الفترة الأخيرة عندك وعند مدونين كتير ياتري العيد هو السبب لو هو يبقي يارب العيد ييجي كل شهر مش كل سنة

Dr. Flavio said...

كل سنه وانت طيب يا خالو

أعلن تضامني الكامل معاك في الجزئيه اللي بتقول
""
اللهم حبب إلى قلوب الأطفال منظر الجنية الوحيد
والعشرة صاغ الحديد
والربع جنيه الجديد
وإجعلهم يقبلونها بحبٍ شديد
وكــّرِه إلى قلوبهم منظر العشرين
والعشرة والخمسين
وإجعلهم يرفضونها بعنف ..آآآآآآآآآآآمين""

العيال يا خالو .. بيطلعوا عيني

والله كل واحد خال في الزمان ده المفروض ياخد عيديه من الحكومه .. عشان يكفي المخاليل بتوعه ومش يشحت في العيد


كل سنه وانت طيب

hager za3bal said...

ههههههههههههههه

الدعاء جميل اوووووووووووي

كوووووووووووووول سنه وانت طيب ويااااااااااااااااااارب يكون عيد سعيد عليك



♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒

بنت مصريه said...

هههههههههههههههههههههههههه
امين امين امين
يا خال المصريين
يخرب عقلك يا صباغ
ما قولتلكوا تعالوا اعزمكوا على كباب والحساب عليك
هههههههههههههههههههههههههههه
دعاء محدودى الدخل فى عيد الاضحى هههههههههههههههههههههههههههههه

عاشقة القمر said...

ههههههههههههههههه
دعاء جميل اللهم امين

عاشقة القمر said...

كل سنه وانت طيب

مصعب صلاح said...

ايه يا خال انت ناوي ان العيد السنة دي
يكون اي كلام
بالنسبة للشوية بتوع البنات ماشي معاك اما العيدية فلا ابدا
هتدفع العيدية يعني هتدفعها
Peace

nour shahen said...

المرور دا للتهنئه بالعيد

كل عام وانتم بخير... نظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ

قلم رصاص said...

ههههههههههههههههه

والله انت اللي جبته لنفسك بنفسك..انت اسمك ايييييييييييييييييه ؟

خالو أحمد .. سمعتوا يامخاليل
اسمه ::: خاااااااااااااالو

يعني انت من الفئة المجبورة بالدفع ياالحبس يوم العيد هههههههههههههه

عجبني اوي جتة البعد عن فئة العشرين وكرهها الخمسين ورفضها بشده هههههه

بجد رائع ياخالو

كل سنة وانت طيب وعيد سعيد عليك وعلى الأسرة المصرية كلها

صباح الصباح said...

كل سنة وانت طيب يا خال

ونشوفك زين الرجال

ومعاك فلوس عمال على بطال

وتنزل بوستات من التقال

هويدا صالح / عشق البنات said...

كل سنة وأنت طيب يا أحمد
عام سعيد
أنا مسافرة على الصعيد الآن
ويمكن أحتفظ لك برجل خروف ولا حتة من المعزة
:)

اهو ده عيبه said...

ههههههههه
امين يارب
ربنا يسمع منك يا صباغ
وكل سنة وانت طيب

رئـــــيسـة حزب الأحلام said...

هههههههههههههههههه
ماشاء الله اللهم يزيد ايمانك
كل دى ادعية
كل سنه وانت طيب وربنا يفتحها عليك بصوانى الفتة واللحمة
وتحياتى

حنين القلب said...

اللهم امين
وكل سنة وانت طيب وعيد سعيد عليك وعلى اسرتك

همس الاحباب said...

اللهم تقبل منا ومنكم
بس خلى بالك دعائك مش مستجاب
وخصوصا انك هتدفع العيدية للمخاليل غصب عنك
ههههههههه
عيد سعيد عليك
وعلى اسرتك ان شاء الله
وكل سنة وانت بخير

محمد ابراهيم said...

هههههههههههههههههههههههههه
حلو منك الدعاء ده يا خالو
كل سنة و انت طيب و كل المدونين و المدونات بخي ر
و بعودة الايام

تحياتي
محمد

رحــــيـل said...

ههههههههههههههه

امين يارب

ملكش حل بجد

عيد سعيد عليك

قلب الأسد said...

هههههههه مسخرة :)) تجنن يا أحمد تجنن !! و الله يا معلم انت فخر خريجي زراعة القاهرة :) أنا هبعت الدعاء لكل أصحابي بدل كروت المعايدة :) كل سنة و انت طيب و متألق و مبدع

هناء صابر said...

كل سنة وانت طيب يا خالو ..
و خف على الخروف و متكترش فىأكل اللحمة يا صباغ ..!!
نشراك قريبا ان شاء الله

أحمد محمود ميلاد said...

كــــل عام و حضرتك و الأسرة الكريمه بخير و حريه و شكرا جزيلا على التهنئه أقر الله عين حضرتك بخير ما تتمنى

مسعدة said...

كل سنة وانت طيب

م/ الحسيني لزومي said...

تقبل الله منا ومنكم وكل عام وانتم والاسرة الكريمة بخير..وكما عهدناك سباق الي الخير فجزيل الشكر لك علي مبادرتك بالتهنئة

maxbeta3zaman said...

عرفت الآن سر شعبيتك عند المدونين ...قلم ظله خفيف وطرفة جميلة ومبتكره هذه أول زيارة لى عندك مع انى كنت أرى اسمك يتردد فى معظم المدونات التى أتصفحها ...كل الود والتقدير لقلم مبدع لطيف
وكل عام وانت بخير وربنا يبعد عنك كل اللى تكرهه وينولك من الهبر على قد نيتك

البت المشمشية حلوة بس شقية said...

اللهم اميييييييييييييين


ايه الدعاء الجامد ده انا عمالة اقول انا هدعى اقول اي فى العيد الحمد لله ربنا يستجيب ليى
كل سنة وانتا طيب يا احمد

fashkool said...

احمد بك الصباغ .. تحياتى .. كل عام وانت بخير والنبى اما ربنا يرزقك بشويه لحمه وكباب وكفته وما فيهاش دهن ولا شغت وشوية سلطه كمان والنبى ابقى هات حته لاخوك فشكول اللى مدهول ومش لاقى ولا حته لحمه ولا حد بيدى له لحمه .. شوفت البروفايل بتاعى كاتب فيه بحب الكتب التاريخيه وبحب اللحمه .. كل عام وحضرتك بخير ونكون السنه الجايه على جبل عرفات جمعاء

ahmed_k said...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

EmY said...

صبوووووغ

كل سنه و انت طيب يا جميل

ماتنساش تجيبلي خروف ليا نونو علي قدي

عاشقة القاهرة said...

أنا من موقعى هذا أتضامن مع دعائك لأنى بأعانى من نفس المشكلة وبحس أنة عيد أستنزاف من كلة
أهىء أهىء دة عيد جزارين بس
المستفيدين الوحيدين بس يلا
كل سنة وانتم طيببين ومن اللحمة شبعنين ويبعد عنكم عصرالهضم وخلافة

حياة said...

اللهم آمين ياخالواأحمد
كل عام وأنت والأسرة الكريمة
بخير وسعادة
عيد سعيد

د. محمد رضــــا .. هل تراني said...

مع انه هيكون يوم حزين علينا كبيطريين

الا ان كلامك عسيل موت

كل سنة وانت طيب يا باشموهندس احمد

د / مصطفي النجار said...

امين

ماما أمولة said...

ههههههههههههههههههه

اللهم امين


دعاؤك جميل يا صباغ

Coca said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

قلبي قلبي عسسسسسسسسسسسسسسسل يا صنبوغ
ده دعاء هيفضل سنين

كل سنه وانت طيب يا حبيبي وعيد سعيد عليك عيد باللحمه

Raghda Rashad said...

تحفة

بجد تحفة

تحفـــــــــــــــــــــــــة

مهندس مصري said...

ههههههههههههههههههههههههههههههههههههه
:))

Anonymous said...

Currеntly іt sounԁs like BlogΕngine
iѕ the prefеrred blοgging plаtfoгm оut there right
now. (fгom ωhat I've read) Is that what you're usіng on уоur blog?


my weblog; get bigger naturally

Anonymous said...

With hаvin so much cοntent do yоu еver run into any iѕsues οf plagoriѕm οr copyright violation?
My websіte hаs a lot of exсlusive cοntent I've either authored myself or outsourced but it seems a lot of it is popping it up all over the internet without my agreement. Do you know any solutions to help protect against content from being stolen? I'd genuinely aρpreciate it.


My page How To Get Bigger Boobs Naturally

Anonymous said...

I'm really enjoying the theme/design of your web site. Do you ever run into any internet browser compatibility problems? A number of my blog readers have complained about my website not working correctly in Explorer but looks great in Opera. Do you have any recommendations to help fix this issue?

my website - quick way to lose belly fat

Anonymous said...

Hmm іs anyοne else havіng pгoblems
with the images on thiѕ blog loaԁing?
I'm trying to find out if its a problem on my end or if it's the blog.
Any feed-baсk would be grеаtlу аpргeciated.


my ωebѕite ... how to lose belly fat fast

Anonymous said...

At this time іt ѕеems lіke Movаble Tyρe is thе bеst blοgging platform availablе right now.
(frоm what I've read) Is that what you're using on
your blog?

Нere is my blog; how to get taller

Anonymous said...

Greetings! I know thiѕ iѕ κind of оff topic but I ωas ωondering іf уou knew wheге I cоulԁ find a captcha ρlugin fοr my comment
form? Ι'm using the same blog platform as yours and I'm having
problems finding οne? Thanks a lot!

Mу ωebpagе: How To control anxiety

Anonymous said...

When someone ωrites an рaragraph he/she keeps the plan of а
user in his/her brain that how a user can bе awaгe of it.

Therеfore that's why this post is amazing. Thanks!

my web blog; how to get bigger boobs naturally