خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 6, 2008

فرحـــة اللحمـة

لمنظر اللحمة فى قلب الإنسان المصرى فرحة وشوقة تفوق فرحته بجواز ولادهُ ، ومكانة كبرى لا تماثلها سوى مكانة الذهب والماس والأحجار الكريمة ، و "فرحة اللحمة" هى حالة تنتاب المواطن عند رؤية اللحمة بعد غياب شهور طويلة ، تماماً مثل "دوار البحر" الذى يصيب راكباً لم يتعود على ركوب البحر

وهناك حالة "إسفكسيا اللحمة" وهى حالة تنتاب بعض الإشخاص المفاجيع عندما تتاح لهم فرصة أكل لحمة بكميات ضخمة ، وأعراضها احمرار فى العيون وتناحة وإسبهلال وتبريق وتضخم وإحمرار الإذن ، كما إن "جفاف اللحمة" هو أحد الأعراض الجانبية التى تصيب جيوب المواطن المصرى جراء محاولتة شراء لحمة لأولادة .. وتستمر هذة الحالة قرابة الشهر مع أخذ المسكنات والمهدئات

وكعادة الشعب المصرى عندما يعطى كل مناسباته مسميات غذائية فتجد " عيد الكحك " و " موسم الفسيخ" و "يوم العاشورا" تجد أيضا " عيد اللحمة " وهو إسم مجازى يطلقه المصريون على عيد الأضحى المبارك الذى يحتفل فيه جميع طوائف الشعب المصرى برؤية اللحمة

وينقسم الشعب المصرى إلى قسمين .. أغنياء وهم الطبقة الميسورة الحال التى تستطيع أن تأكل اللحمة مرة أول كل شهر  ، و فقراء وهم الطبقة التى تأكل اللحمة فى عيد الأضحى المبارك وربما أيضاً فى مولد السيدة ومولد النبى ، مع إختلاف نوعيات اللحوم المستخدمة فى كل من الطبقتين .. فهناك لحم أحمر نقى صافى خالى الدهن والعظم ، وهناك لحم يتخللة بعض الدهن والعظم ، وهناك دهن وعظم يتخللهم بعض اللحمة

كما إن هناك فئة تأكل العظم ويسمونة "ماسورة" ، وهناك من يكتفى بفواكه اللحوم وهى الفشة والكرشة والسمين والممبار والطحال والكبدة واللسان ولحمة الراس والفتة ، بالإضافة إلى الكفته "الكور" وبتكون عبارة عن أرز يتخلله رائحة لحمة .. وجميع هذة الأشياء تجدها فى محالات " بحّــــة " و " حبايب السيدة " و " العهد الجديد " و " الركّــيب " و "شَــكل" و "أبو السعود" و "ضبّـــو"  فى السيدة والحسين وشبرا وروض الفرج

واللحمة فى مصر - لمن لا يعرفها - هى شئ عجيب ونادر واحدى المكنونات ذات البهاء والسحر والشعوذة ، يراها المصريون عند الجزار فتخلب الألباب وتطير العقول وتخفق القلوب .. ولكنك إنت كنت قارئاً جيداً فى " سيكولوجيا اللحوم" فستجد  أن هناك شعوب "متشحتفة" أكثر من المصريين ، ووصلت درجة إنبهارهم باللحمة حداً لا يوصف .. فتجد مثلا شعوباً تقوم بعبادة البقر وتقديس الطيور وتوقير الماعز وإحترام البط والوز ،  و ربما تجد شعوباً تضع الضانى فى منزلة الأسرار المقدسة

وكما إن هناك "فرحة اللحمة" .. فإن هناك "لحمة الفرحة" .. حيث يعبر المصرى عن فرحته فى المناسبات المختلفة بتوزيع اللحمة .. بإعتبارها شئ غالى ونفيس ونادر ، ويبادر المصرى فى حالات الولادة والطهور والجواز وغيرها من المناسبات السعيدة بالتعبير عن فرحته العارمة بشراء كمية من اللحم وتوزيعها على أقربائة وجيران ومحبية

وإليك عزيزى القارئ بعض النصائح إن كنت مقبل على تجربة أكل اللحمة

أولاً :تماسك وإمسك أعصابك وهدى نفسك عند رؤية اللحمة للوهلة الأولى وعِـــد من واحد لغاية مائة وإجلس على أقرب مقعد

ثانياً : إبلع اللحمة بسرعة وبدون مضغ ، فربماً يصدر قرار وزارى يمنعك من إستكمال الأكل ، أو تدخل اللحمة ضمن قانون الطوارئ أو يتم إستصدار قانون جديد إسمه قانون العكاوى مثلاً

ثالثاً : إن أردت أن تعيش فى مصر حياه كريمة وتأكل لحمة كل شهر فعليك بزيارة الموالد ، وحلقات الذِكر ، وحفلات الطهور ، و إحرص على أن تكون ضيف دائم لموائد الرحمن فى رمضان

رابعاً : يمكنك تناول اللحمة من اليمين للشمال على الطريقة الشرقية ، أو حسب الطريقة الإفرنجية من الشمال لليمين

خامساً : لهواة أكل اللحمة النيه أو النص سوى تجنب ملاعبة الأطفال الأبرياء بعد الطعام

سادساً : إذا أكرمك الله وشاركت فى ذبح ضحية فعليك بحسن معاملة الخروف ، فهو متربى احسن تربية ولا يقل مقاماً عنك ، فهو أكل من نفس العلف الذى صنعت لك الحكومة منه الخبز .. يعنى فيه بينك وبينه عيش وملح


وأخيراً .. أتمنى لكم دوام فرحة اللحمة .. طوال العام
وأيضا أتمنى لكم المزيد من لحمة الفرحة
أحمد الصباغ

40 comments:

محمود الدوح said...

اول كومنت

محمود الدوح said...

ههههههههههههه
اتمنالك من كل قلبى دوام فرحة اللحمة يا صباغ
وتبقى من الشعوب اللى معنهاش استبحس اللحمة

norahaty said...

السلام عليكم ورحمة
الله تعالى وبركاته
كل سنة وحضرتك
والاسرة بألف خير
ياأستاذ احمد

عمرو said...

صدقت و الله اللحمه دى بهجة الحياه و سر السرور و بصراحه كده اليوم اللى بيعدى من غير لحمه ما يتحسبشى من عمرى
مش قادر أفهم الناس النباتيين دول قادرين اٍزاى يعيشوا من غير لحمه ؟؟ أختى نباتيه طول عمرها و تقريبا كده أنا بأعوض نباتيتها :)

نهر الحب said...

مفيش امر وزارى بعدم اكل اللحمة
فى قرار جمهورى بحظرها على المواطن المصرى وذلك لاسباب امنية منها تواطئ اللحم مع عناصر ارهابية
هههههه
كل سنة وانت طيب

امام الجيل said...

كل سنة وانت طيب يا ابو حميد

وربنا يكرمك على المعلومات دى

عيد اضحى سعيد

قصيدة said...

كل عيد لحمة
وأنت بخير
يا خالو
مدونتك جميلة جدا

حـــــ الــجــنــة ـــــور said...

السلام عليكم ورحمة
الله تعالى وبركاته
كل سنة وإنت وأهلك بصحة وخير
عساكم من عوادة
وهنيال اللحمة إن خال عظيم زيك حيكلها بالهنااا والشفاا
كل لحضة ونحن من الله أقرب
عيدك مبارك

حاجــ عيال ــات said...

السلام عليكم
كل سنة وكل الناس طيبين

تدوينة كويسة
جهاد مشالي

طالب ثانوى said...

كل سنة وانت طيب وعيد سعيد عليك


وشكرا على توضيح امعلومات المهمة دى

محمد ابراهيم said...

مقالاتك من الناحية دي بالذات
بتوضح الحقايق بس بطريقة دمها خفيف
كل سنة و انت طيب يا خالو
تحياتي
محمد

esraa said...

كل سنة وانت طيب يااحمد

ويارب يكون عيد سعيد عليك

هى فوضى said...

ماااااااااااااء مااااااااااااااء
مااااااااااااء مااااااااااااااااااااااء ماااااااااااااااااااااااااء


عيد سعيد
وكل عيد اضحى وانت بخير
وان شاء الله العام القادم على عرفات متجمعين

انا حره said...

بحه وضبو وكفته كور

منك لله ياشيخ انت بتجيب الحاجات دى منين

نصيحه كمان اذا واحد اغمى عليه من هول الصدمه لما يشوف طبق الفته واللحمه امانه تنيموه على ضهره وترفعو رجليه وتخلو ام محمد تعمله كبايه ميه بسكر واول مايصحى تحرموه من الاكل عشان يستاهل

كل سنه وانت طيب ياصبابيغوووو

موبيلى باايظ عاااااااااااااااااا

بس خلاص ... said...

السلام عليكم
كل سنه وانت طيب ..اول مرة ادخل المدونة الشهيه دى ..جابتنى ريحة الكباب والكفته على ملا وشى يجعله عامر ولما شفت صورة اللحمه عندك جانى استبحس اللحمه ومش هيخف غير لما تبعت لى تلاته كيلو

جنّي said...

السلام عليكم

والله عندق حق السادات عملها ومنع اللحمة لمدة شهر ..

عيد عليكم سعيد وعلى امتنا نصر وتمكين

تحيتي

حسام وريمان فى هاكونا مطاطا said...

ههههههههههه

كان لازم يعنى تفكرنى بالفسيخ

انا بموت فيه

ده عندى احسن من اللحمه الف مره

كل سنه وانت طيب


وسعيده انى زورت مدونتك

وتعالى ليك خروف هديه من هاكونا مطاطا

مستر اكس said...

ههههههههههههههة بوست اكتر من رائع

وكل عام وانت بخير وعيد سعيد

Soul.o0o.Whisper said...

خالللوووووووووووووووووو



إيه البوست الفظيع دا؟؟؟

كل سنة و أنت طيب




بس كدا هنزعل من بعض
ايه
تماسك وإمسك أعصابك وهدى نفسك عند رؤية اللحمة للوهلة الأولى وعِـــد من واحد لغاية مائة وإجلس على أقرب مقعد


اعد مين يا خالو
دا تكون اللحمة أتنهبت
أتشربت شرب


و بعدين تقولى ابلغ من غير مضغ
مش إذا لقيتها أصلا




لا يا جماعة محدش يسمع كلامه فى النقطة دى


أبدءوا من اللى بعدها



ههههههههههههههههههههههه





كل سنة و أنت طيب يا خالو
و هآخد بتارى بردوا




خالص تحياتى

شفقة هانم واحسان بك said...

كل سنة وانت والمخاليل طيبين
عيد سعيد على الاسرة كلها

همس said...

تصدق نتيجه للبوست دا

ان انا قبل ما اكل اللحمه لازم ولابد اتصور وانا بجبها واتصور وانا بطبخها واتصور وانا فى انتظار انها تستوى

واتصور وانا بحمرها واتصور وانا بحطها فى الطبق واتصور وانا بنيه انى راحه اكولها واتصور وانا بملى عينى منها واتصور وانا بظهر فرحتى بيها واتصور وانا بكولها واتصور وانا بستطعمها واتصور وانا ببلعها ....واستووووووووب

كفايه كدا صور

فقعتنى

وكل سنه وانت طيب يا خالو

daktara said...

كل سنة وانت طيب
عيد اضحي سعيد

انظر حولك
د. خالد عزب

صانعة الحرية said...

كل سنه وحضرتك بخير يا خالو

Hossam said...

hahahahhahahahahhahahah
بجد تحفةةةةةةةةةة
عجبتنى اوى فواكه اللحمة بس ياععععععععععععع مقرفة جدا مع انى بحب البمبار موت
بس الباقى مقرف جدا
وحشتنى جدا جدا جدا وبجد زعلان انك مش بتسال عليا خالصصصصصصصص بس بردة مقدرش ازعل منك
عيد سعيد
سلام

smilyrose said...

مرور بعد غيبة طويلة

كل عام وانت بخير يا احمد

وكل سنة وانت طيب

عيد سعيد

smilyrose

روح الحب الصادق

Jana said...

كل سنة وانت طيب وبخير يا صباغ
ويارب السنة الجاية ان شاء الله على عرفة

maxbeta3zaman said...

يحكى الكاتب المعروف محمود السعدنى (أخو صلاح السعدنى )فى موضوع اللحمة انه كان له صديق يحب اللحمه الهبر أم دمعه وكان يبكى من الفرح بها وهو يأكلها ويتلذذ بطعمها ...وده أول مرة كنت اسمع واحد يبكى من الفرح باللحمه ...أما عمنا نجم فله قصيده شهيرة أظنك تعرفها كان مطلعها
عن موضوع الفول والحمه
صرح مصدر غير مسئول
ان اللحمة تضر الصحة
وتخللى الواحد مسطول
ويختمها بتساؤل غايه فى الظرف فيقول:
إيه رأيك يا دكتور محسن
يا مصدر يا غير مسئول
إحنا سيبونا نموت م اللحمه
وانتو تعيشو ..وتاكلو الفول!!
عم نجم ده له حاجات لا تقل ظرفا عن كتاباتك
وكل سنة وانت طيب

EmY said...

كل سنه و انت طيب

بلاش تجيبلي لحمه هاتلي كبده

mahasen saber said...

كل عيد وانتا بالف خير يا احمد
واسرتك وكل من تحب
بكل خير وسلام
وصحه وستر

عاشقه وغلبانه said...

كل سنه وحضرتك والاسره الكريمه بالف خير

بسنت said...

ايه الوصايا السته دى
انا ماليش فى لحمه العيد خالص
بس عيدك سعيد ان شاء الله
وكل سنه وانت طيب

دعاء مواجهات said...

ههههههههههههههههههههههههه
ههههههههههههههههههههههههههههه

يخرب عقلك يااحمد بجد انت مالكش حل

كل سنة وانت واكل اللحمه

سلام

البت المشمشية حلوة بس شقية said...

انتا جايب حتة اللحمة
دى منين انا عيزاها

GiGi said...

سادساً : إذا أكرمك الله وشاركت فى ذبح ضحية فعليك بحسن معاملة الخروف ، فهو متربى احسن تربية ولا يقل مقاماً عنك ، فهو أكل من نفس العلف الذى صنعت لك الحكومة منه الخبز ..
ماتبكينا على حالنا
كل عام وانت بخير يارب ويارب يستجيب دعاءكويكرمك ويوفقك ويباركلك فى المدونه وتفضل دايما كده يارب

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

ahmEd_H said...

اضحك الله سنك

كل سنه و انت طيب و الى الله اقرب

وفاء بركات said...

السلام عليكم
كل عام وحضرتكم والأسره الكريمه بخير
ودايما سباق بالخير
تحياتي

بذرة امل said...

هههههههههه
مقال رائع ياخال
بجد لذيذ
كل سنة وانت طيب ويااااااااااارب
السنة الجاية نقولك ياحاج احمد
تن شاء الله

مختار الجندى said...

كل عام وانت بخير أرجو ان تكون قضيت وقتا سعيدا فى العبد

أم منة الله said...

كل سنة و انت طيب يا احمد و يا رب كل ايامك اعياد متخلاش من اللحمة و كل حاجة حلوة في الدنيا