خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 16, 2008

خـبز .. وحـشيش .. و جزمـة

عندما طارت فردة الحذاء الأولى كنت بين النوم واليقظة ، وكان النوم يداعب جفونى ، وكنت بين الحين والآخر أرى خيالات وكوابيس كعادتى " عندما يكبس عليا النوم " فقد كنت آتياً منذ دقائق من " قعدة " مع مجموعة من الأصدقاء المحششين ، وأنا أعرف أن تأثير الحشيش قد ينتقل للمدخن السلبى " اللى قاعد بيتفرج على المحششين " .. وعندما لمَحتْ عينى "فردة الجزمة الأولانية" .. ظننت أنها مباراه بين الأهلى والزمالك ..  وأن " أبو تريكة "منفرد بـ "عبد المنصف " وأنى ما أراه هو " أضغاث حشيش " فتهالكت من الضحك وهتفت لصديقى الذى يجلس بجانبى : تصدق إن انا شايف الكوره وكأنها جزمة هأ هأ هأ .. نظر لى صديقى بدهشة فتابعت : وكأن أبو تريكة صحفى وشايل كاميرا .. آه والنعمة .. فنظر لى صديقى بدهشة تانى .. فتابعت : لأ والغريب إنى شايف عبد المنصف " ويكأنه" جورج بوش الامريكانى هأ هأ هأ
قال صديقى فجاءه بإستغراب : ويكأنه ؟؟
لم يكد صديقى يكمل كلمته حتى رأيت " كورة " أو" جزمة " أخرى طائرة فى الهواء .. فبدأت أنتبه حيث إننى لم أرى إعادة الهدف الأول .. وفى الغالب لا يحرز الأهلى هدفاً فى الزمالك إلا بعد الإنتهاء من إعادة الهدف السابق .. فحدقت فى الشاشة وقمت غسلت وشى بشوية ميه وعدت فوجدت " إعادة " غير أنها لم تكن إعادة أهداف وإنما " إعادة أحذية " .. وأن حارس المرمى لا يرتمى لصد الكورة وإنما بيوطى لتفادى الأحذية
وعندما تنقلت بين القنوات الفضائية ونزلت إلى شوارع رمسيس وطلعت حرب ووسط البلد .. علمت أن ما رأته عينى لم يكن " أضغاث حشيش " وإنما يبدو أن هناك عربياً لا يزال غير محشش ، والأهم أنه لا يزال محتفظاً بحذائه بعد أن فقد العرب من كرامتهم وعزتهم وهمّتهم وعروبتهم وأحذيتهم الكثير
كنت أقف فى ميدان طلعت حرب فى تظاهرة التضامن مع "منتظر الزيدى" ..  عندما نزلت ببصرى إلى أقدامى .. ونظرت إلى أصابعى التى خرجت من الشراب المقطوع ثم نظرت إلى الواقفين حولى ووجدت أننا جميعاً بلا أحذية .. فقط أصابع تخرج من الشراب المقطوع
أحمد الصباغ

18 comments:

Ahmed Al-Sabbagh said...

مع الإعتذار لنزار قبانى صاحب قصيدة خبز وحشيش وقمر

smraa alnil said...

طب ويه ذنب طلعت حرب يشم ريحة الشربات

هسال تاني

كتبنا ونددنا واعترضنا وشجبنا
وتظاهرنا

وبعدييييييييييييين

عاشقه وغلبانه said...

هو الحشيش بيعمل كده في الدماغ...؟؟
ههههههههههههههههه
بس بلاش موضوع تريكه والجول ده اصل قبلها بيوم كانت الاحداث مش علي هوانا خالص
خلينا في بوش والجزمه احسن
ههههههههههههههههه

Soul.o0o.Whisper said...

صدقت




ثم ماذا؟؟؟

nour shahen said...

جميل البوست كتبت بأبداع كالعاده يا احمد
والأجمل من البوست الصحفى الرائع اللي حدف بوش بالدزمه والله برافو عليه
وربنا يحميه لأنه شكله اتهلك ضرب

صباح الصباح said...

شرابات شرابات يا خال
المهم ان انتوا ما وقفتوش تتفرجوا واعلنتوا الغضب

بس برضة.. هوة لية دة كل اللى عندنا

السبب هو القمع

šσяšαяαα said...

عااااااااااااا
خلاص وصلنا لمرحلة الشراب المقطوع
فين ايام الصنادل والبوتات والسابوهااااااات
عينى علييييك عييييينى ياعيييينى ااااااه

شحاااااااات وعاوز جزمة وكسر خاطره حرااااااااام

يحرم عليا ادوق النوم والزيدى محبوس ومظلوم

اين الشوز ايها الشعب.. الو الو حووووووول
هنا خدمة سلفنى شوزك لضرب عدوك.. اى خدمة يافندم؟

ايوة لو سمحتى جزمتين مقاس اتناشر لان مقاس عشرة ماعجبش الزبون

هع هع

تقريبا مخى لسع
معلش ياخالو جت فيك بقى
:)

ماتنساش البانر ربنا يخليك للشعب

يا مراكبي said...

أعي جيدا إنتشار الحشيش وحديث الجزمة الشهير .. كلاهما واقعي


لكن هل للخبز وجود في عالمنا الآن؟ أم أن هذه لمحة من الخيال لتخفف بها وقع الحشيش والجزمة؟

وومن said...

اممممممممممممممم

كويس قوي طب وبعدين

هانعلن حرب الجزم ولا ايه ؟

Raghda Rashad said...

انا حاسة ان اللى فرح الناس حاجات كتير

ان لسه فى حد مكتوب و مبعش القضية

او ان واحد مكبوت زيهم خرج طاقة كانت جواه و جواهم...بحبحها عليهم شوية عشان يقدروا يكملوا تخزين الكبت من جديد


المهم ان الناس كلها حاسة انهم هما اصحاب الجزمة مع انهم برضو اصحاب الحشيش

«۩ AhMeD 3LaM۩» said...

صباح الفل يا خال
والنبي متجبليش سيرة الحشيش عشان دا عامل زي العفريت
لما بتجيب في سيرته بيظهر من حيث لا تعلم
اكيد بوش لما روح البيت ومراته واقفه مستنيها قامت قايله
ضربوك بالجزمه يا فالح
ضربوك يابن ال تيييييت
انا متجوزه رئيس الولايات
ولا المتحدث الرسمي لباتا هههه

عموما الصحفي الشاب الرائع عمل الي نفسنا كلنا نعمله وحذاري يا علوج يا اولاد العلوج من جزم المصريين عشان دي مش جزم دي مراكب

بنت مصريه said...

بصراحه تسلم ايده منتظر
بس متبقاش تشيش كتير يا صباغ
لحسن تكون بتتفرج على مجلس الشعب وتضيعنا
وتفتكو فتحى سرور حارس المرمى ههههههههههههه

أكون أو لا أكون said...

انا مش عارفه انا في المكان الصحيح ولا لأ.... ههههههههههههههه هو هنه التعليق على بوست الفنان شعبان؟
آنا لفيت المدونه بحثا عن طريق الكومنتس مش لاقياه... المهم:

آنا بحترم الفنان ده جدا... بيعبر بصدق... كلماته بسيطه جميله وبتعبر عن الواقع...
يعني فنان ميكروباصات ولا جرافات... المهم انه بيقول حاجه كويسه من الواقع...

البت المشمشية حلوة بس شقية said...

بص بقه انا داخلة بصراحة عشان اعلق على بوست عم شعبولا

بصراحة مش خسارة فيك جزمة معفنة
ههههههههههههه
بذمتك مش كل كلمة قالها بجد فى مكانها
هو انا مش بطيقو بس الاغنيه سخسختنى علىروحى منالضحك سلام بقه عشان انا بعلق علىالبوست قبل مانزل الكليه
اوعا كدة من وشى
اخرتنى انتا وشعبولا بتاعك ده

koukawy said...

يا اخي مش كنت قلت اجي اقف جنبكوا بالشراب
هههههههههههههههههههه
بس بصراحه انا جزمي غاليه و خساره في بوش

ابو النجوم said...

صباغ
المهم الجزمه راحت فين
تعرف انا كان نفسى منتظر يكون لابس قبقاب من بتوع شجره الدر لاننا اصحاب الاختراع بتاع الضرب بالقباقيب قبل اختراع الاحذيه يعنى احنا الاصل واصحاب الملكيه الفكريه وكمان متفوقين لاننا فى تاريخنا ناس ماتت بالقباقيب ومنتظر يادوب رماه بالجزمه وماجتش فيه كمان لانه الظاهر متعود على كده

غمض عينيك said...

على رأيك ياخالو
اهو في واحد طلع مش محشش

حواء said...

بس الكورة ماجتش فى الجون يا صباغ انا شفت اللاعب وهو بيشوطها بس كفاية اوى انه كان له شرف المحاولة