خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 11, 2008

هل يجوز التدوين فى العيد ؟

أفتى أحد أصدقائى المفاجيع أن التدوين خلال العيد هو خطأ شائع يقع فيه بعض المدونين
وذلك لأن التدوين يلهى عن أكل اللحمة وأيضاً يؤثر بالسلب على نفساوية المدون لما يراه ويسمعه ويقرأه المدون من أخبار تسد النفس
وعندما قلت له : أن التدوين يندرج تحت بند غذاء الروح الهام جداً لموازنة حالة "غذاء البطن" السائدة خلال العيد
قال : إذا كانت هناك أوقات لصيام البطن فإعتبر العيد هو فترة صيام الروح
ولا هى روحك بتحب "ترمرم" طول السنة؟؟
سرحت قليلاً وتخيلت منظرى وانا واقف على "عربية كُتب" وبطلب كتابين والراجل بيسألنى هتقرا هنا ولا ألفهملك

39 comments:

Soul.o0o.Whisper said...

أول تعلييييييييييق

Soul.o0o.Whisper said...

هيييييييييييييييييييه

لحقت



و الأول مكرر

Soul.o0o.Whisper said...

طب و نأكد على الأول مكرر بردوا



ههههههههههههههههههههههه

Soul.o0o.Whisper said...

طب ألحق بئا أقرأ و آجى أعلق





هه


أتمينا المهمة القومية

ربع ضارب said...

ياريت وانت بتخلى الراجل يلف ليك الكتابين ما تنساش الاضافات يعنى شوية حروف مخللةههههههههههههه بردوا فعلا التدوين مظلوم معاكم فى رمضان يقل وفى العيد بيقل بردوا عموما مبسوطة انى ح[.j jhkn jugdr

ربع ضارب said...

حجزت تانى تعليق هههههههههههههههه

Soul.o0o.Whisper said...

والله يا خالو لو هتسمع كلامه


يبئا هيلفهوملك


أما لو هترمرم

يبئا هتقراهم

هههههههههههههههههههههه







خالص تحياتى

جنّي said...

تدوينة جميلة

وانت شفت اخر التدوين في العيد خلاك تكتب يوميات سيريالزمية ..

تحيتي

كرانيش said...

هو انت ليك اصدقاء مفاجيع يا احمد؟؟

خالد فوده said...

لا يجوز الافتاء من اي كده والسلام <
وبما أني ازهري ورئيس لجنه فتاوي المدونين اللي انا عاملها ولسه محدش بقي معايا اعلن ان التدوين في العيد يجوز نعم يجوووووز
لان والواحد بياكل اللحمه كده الالهام بيجي له بالمواضيع الكتيره اوي<

daktara said...

افتي مفتي الماحي في جميع النواحي
ان التدوين في العيد مكروه
خاصة السياسي منه
ولكن لا ضرر من التصفح
اعاننا الله

مسدس صغير said...

انا مع صاحبك مينفعش حد يدون فى العيد انا عن نفسى اما دونت مرة اثرت عليه جدا وقلت ان خلاص معتش مدون فى العيد تانى.هههههههههه جميل اوى يا باشا البوست ده.

عاشقه وغلبانه said...

التدوين في العيد بيجيب قرحه في المعده
اسأل دكتور مجرب
ههههههههههههههههههههه

كل تدوينه وكل عيد وانت عيب ياخالو

مهندس مصري said...

خليه يلفهم و تقراهم في البيت على رواقة
بس اوعى تضيعهم وسط جبال الكتب اللي عندك
:)

صباح الصباح said...

هههههههههههههههه

لا طبعا الراجل معاة حق

دى لحمة يا خال!

nour shahen said...

ههههههههههههههههه
طيب تصدق عنده شوية حق
لأن فى ناس كتير بتتفنن تنشر موضوع علي العيد يغم فعلا
طيب يأخروا شوية المواضيع دي لبعد العيد وفي ايام العيد يعرضوا مواضيع مبهجه شوية
مهو مش معقول هنرتاح واحنا شايفيين اننا مبسوطين وغيرنا العيد مر عليه حتى مقدرش يبتسم
برغم ان في شعوب بالفعل مبتقدرش تبتسم لا في عيد ولا في ايام عاديه
لكننا بنفضل نبعد عن كل شيء متحلش حتى الأن ونسعد بفرحة العيد
كل سنه وانت طيب متأخره شوية

smilyrose said...

ههههههههههههه
طب ليه كدا

طب والناس اللى ملهاش فى اكل اللحمة

تعمل ايه بقى تغنى ظلموه

وبعدين كتر الاكل بيجيب تخمه

اما غذاء الروح يرتقى بها

سيبك منه شكله اكلاوى

وبيحب الاكل كتييييييييييير

على فكرة ممكن يحصل كدا واحنا بنشترى الكتب
يلهوى ازاى
مش هتبقى كتب بقى

هتبقى



تقبل مرورى

smilyrose

روح الحب الصادق

ست البيت said...

عاوزين لقاء تاني في اسكندرية

اقصوصه said...

loooooooooool

بصراحه سؤال هادف وخطير

ههههههههههههههه

كل عام وانتم بخير :)

البت المشمشية حلوة بس شقية said...

التدخين حرام شرعا
قصدى

التدوين يجوز فى حالات معينة فى ايام العيد
اللى عايز يسمع الفتوى دى بنفسو يسال شيخ الازهر
هههههههههههههه
ايه الكام الرخم اللى انا كتباه ده

يا مراكبي said...
This comment has been removed by the author.
يا مراكبي said...

إنت جيت للي هيفيدك

يجوز التدوين في العيد مع الكراهة

وذلك لإنشغال الناس عن متابعة ما تكتب وكذلك لوجود أشكال أخرى تدعوا إلى خلق متنفس آخر غير التدوين .. هذا والله أعلم

نارديــن said...

في هذه الحالة لعلّ التدوين يُفتى به كأحد الأركان الأساسية للنظام الغذائي لتقليل الوزن
..
سرحت معك .. فوجدتها المكتبة
قراءة ولا استعارة
..
أحب نظرتك المختلفة بجنون/ سخرية للمواقف
..
تحياتي

أحسن تـستاهـل said...

بالنسبة لعربية الكتب
ما تخلينيش اتكلم بأه واقول انها كانت عربية كبدة :)

أحمد،، كل سنة وانت طيب وانا قريت مرة في مجلة تركية اسمها علمني العوم والنبي يا احمد انه يجوز التدوين في العيد مع الكراهه

فعلى ايه؟؟ خلينا في الاحوط وبلاها
ولا هي حبكت
حبكت؟؟

احمد... كل سنة وانت واكل شبعان
:)

مها ميهوووو

قلم رصاص said...

انا مع التدوين في العيد
لأنه باختصار اللحمه كتيره جدا جدا
ومش هتختلص قبل شهر لو بتاكل منها كل يوم يعني ..ههههههههههههههههه

يبقى مش هندون لمدة شهر تقريبا..وانا شخصيا اتعب لو مدونتش طول المدة دي
دا انا ممكن يجيني ساعتها حاله معنويه
على رأي الزعيم
هههههههههههههههههه

تدوينه هايله ياخالو احمد باشا

وياريت تلف لي كتابين مع شوية قصص مخلله
ههههههههههههههه

كل سنة وانت طيب
عيد سعيد عليكم

fashkool said...

بصراحه طول عمرنا بناكل غذاء روح نفسنا مره بقى ناكل عذاء بطن وما بنعرفش ناكل غذاء بطن الا فى العيد .. يا عالم سيبونا بقى عايزين ناكل حتى كل عيد ولا مستكترين علينا الاكل فى العيد يعنى كل سنه مره .. هو احنا مش ناس والا احنا شريط ممغنط ولا سى دى ولا يمكن دى فى دى .. تحياتى يا استاذ احمد وكل سنه وانت طيب

النجم القادم said...

http://ewaatekhaf.blogspot.com/

الجزء الأول من حوار النجم القادم مع القيادى الإخوانى بالبحيرة م . حسني عمر

http://ewaatekhaf.blogspot.com/

فقط وحصرياً مع مدونة إوعى تخاف

http://ewaatekhaf.blogspot.com/

صبرني يارب said...

كل سنه وانت طيب يا صباغ

ونفسيييييي اخد اجازه فكريه

بس ما تجيش الا لو الواحد شال الفيشه شويه تفتكرا لواحد يقدر يشيل الفيشه بتاعة دماغه شويه

رضا بيقولي اهدي الفيشه الوحييييييييده الى لو اتشالت ما تكربش تااااااااااني بتيتا

ـ-ـ- أحمد عبد العدل-ـ-ـ said...

لقد بدر من بعض الزملاء ما يؤكد أن التدوين رجس من عمل الشيطان وأن من يقع فيه فى نهار رمضان عالماً عامداً فعليه صيام شهرين متتابعين بدون حتى ما يتناول وجبتى الافطار والسحور
ههههههههه
مبروك على مقالة الدستور يا خال ودايماً منور كل حته تروحها

محمود الدوح said...

التدوين فى الاعياد حرااااااااااام شرعا
وغير مقبول باى حال من الاحوال وذلك باجماع جميع المدونين
الا مذهب مكتوب للمدونات فانة يحلة ولكن بعد الافطار
هذا والله اعلم

صباغوووووووس
العيد خلص وانت لسه بتسأل

احـمـد عصـام said...

أولا: كل سنة وأنت طيب.
ثانيا: أفتكر أن العيد مش للتدوين العيد لحمه وبس ثم أن الواحد ممكن يدون طول السنه لكن صعب ياكل هذا الكم الهائل من اللحمه في أي وقت تاني.
تحياتي
دمت مبدعا

سيكو said...

لا طبها دى لحمة انت بتهزر

وومن said...

كلا البطة والوزة الفرخة وكل كلا في القاموس بأي شكل

التدوين في العيد زيو زي اي وقت ولن اتوقف عنه بحجة لحمة ولا غير

وطبعا هالف الكتابين علشان امزمز براحتي فيهم في البيت

كل سنه وانت طيب يا صباغ

بسمة ولكن.. said...

ههههههههههههههه
ههههههههههههه
ههههه
مكنتش فاكرة ان فيه حاجة ممكن تضحكنى النهاردة

رامز عباس said...

اولا الف مبروك

لنشر بجريدة الدستور ثانيا


التدوين بقي حياتكم ومنبركم الخاص يعني طبيعي لما يبقالك شعبيه وناس لازم تدخل وتتواصل مع اصدقاء العالم الافتراضي شعبيتك هنا هتفرض عليك الدخول حتي لو فيه شوربـــــــــــــه علي السفرة وناس بتنده وتقول يا احمد

رامز عباس said...

صديقي احمد التدوين في كل الاوقات واللي

اغلبنا مش فهمينه ان المدون الخبري اللي بيغطي الوقفات والاضرابات بيقي زى الصحفي تمام

والمدون الادبي بيكتب طبقا لحسابات النشر بتاعه


والمدون الحقوقي ينشر حسب القضية وتتطوراتها


والمدون المتنوع والاجتماعي زيك بالتاكيد هيلاقي حاجات متميزة يبثها طول الوقت


نهائيا المدونون مختلفون بالميول والطباع وكل واحد فيهم قد يجلس مع كيبورده او خطيبته او زوجته او شلته او اسرته فالامر منوط به وليش بعشق الشاشه الكمبيوترية لاننا جميعا عشقنا هذة الشاشه والا ما اصبحنا مدونون تتجاوز كتابات بعضنا الف كومنت

رامز عباس said...

اسف بس في ملحق بالبوست ده عن البنت دينا عبد العليم التي احبت ثلاث من الاقباط)ولما كان التعليق متصل بها هنا فانا اعلق خاصه ان الموضوع محدش علق عليه


تعليقي: ان الامه المسلمه المصرية اخذت استثناءا متميزا في خطه تغريب المجتمعات العربية

والخطة فلحت ومازالت مستمرة اما الاستثناء فكان عمليه غزو فكرى وثقافي لان الشعب المصري يتميز بصلابته في القتال علي عقيدة وفكر

لذا كانت المعارك تبث في الاعلام والفضائيات والكتب وهكذا في ظل فقر فكري للاجيال التي نحن هي وساعد علي هذا التغيببب قيام حكومات ديكتورية تحب البقاء ولن تجد غضض في ان توالي القائمين علي الغزو الفكري
اما ما علاقة كلامي بقصه دينا


فانا اقول ان الجهل بالدين واحترام المراة والفتاه لنفسها هو ما يودى لمثل هذة الحوادث ففي الغرب تستطيع الفتاه اقامه علاقات عاطفيه وجنسية دون زواج وهنا ليس لمعتقد او ديانه او لون الشخص اي اهميه

لذلك فنحن نسير في ركاب الغرب فلماذا نندهش اذا اتينا علي افعالهم

الم يقل نبي الاسلام _الرسول محمد صلي الله عليه وسلم

اننا سنتبع اليهود والنصاري شبرا بشر وذرعا بذرعا حتي اذا دخلوا جحر دخلناه

المسأله يا صديقي برمتها اننا لا يجيب الا ننزعج من تلك الحوادث فحادثه مثل تلك تناولناها عندما ابرزتها الصحيفة فقط فما بالنا بما لم يكشفه احد

رامز عباس said...

فالحقيقه المرة ان دولتنا كمصريين تضيع في الداخل علي يد العملاء وفي الخارج حيث المتربصون


الذى اصبحوا اصدقاءنا بحكم العادة والغزو الثقافي

وفي غمره انشغال الناس الكويسه بمعارك كلاميه دون حجه



صديقي قضايانا كثرت وانقسم الشعب علي نفسه وجأءت اجيال

لن يكون اما مها سوى نظرية دوراين (البقاء للاقوى والاصلح


صديقي اعلم ان احد لم يقرأ هذا سواك لكونك محرر المدونه وانا اشعر بفخر للنقاش مع انسان متعلم مثلك

تحياتي

koukawy said...

ههههههههههههههههههه
و ابقي زود الحبر شويه