خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 9, 2008

يوميات سيرياليزمية

الإثنين :

الثلاثاء  :
تفعيل عضويتى فى رابطة المصريين السيريالزميين المستغلقين الغامضين
الانضمام لجمعية محبى الفراغ الإنعكاسى
إنشاء جروب " علمنى السيريالزم اللا إحداثى والنبى يا أحمد " على الفيس بوك

الأربعاء :
حضور مؤتمر لمناقشة " غياب كويئنات الزحف الميكروكرومى وتأثيرة الأنطولوجى والميتافيزيقى والكوزمولوجى و الإنبدائلوجى " بمقر مؤسسة "الأنفلات المتجهم " بشبرا
أفكر جدياً فى إنشاء مدوّنة إسمها " حواشى سيريالزمية متئده " لتقديم موضوعات سيريالزمية آخر حلاوة

الخميس :
الذهاب إلى دكتور متخصص فى السيرياليزم والمسالك المستغلقة وقال لى إنى مصاب بالماسوشية والسادية والإنغلاقية والفتشية ومدحنى قائلاً : إنت باينك إنسان آنوى حلزونى 

الجمعة  :
الإنتهاء من الكتاب السيريالزمى الرائع " ظلال الكفتة البنفسجية فى النمذجة الماضوية" وانصحكم بقراءتة
الإتصال بصديقى السيريالزمى "رمزى رمزى رمزى" للاطمئنان على صحتة ودعوتة للقاء سيرياليزمى

السبت :
التحديق فى الفراغ لمدة ثلاث ساعات
التحديق فى اللاشئ لمدة خمس ساعات
التحديق فى العدم لمدة سبع ساعات

الأحد :
شراء مجموعة نادرة ورائعة من اللوحات السيرياليزمية الفارغة الخالية من أى رسوم لتعليقها على حوائط غرفتى المنقطة بنقاط حمراء مع وجود دوائر حلزونية حوالين كل نقطة
شراء بدلة سيرياليزمية آخر حاجة .. تحتوى على مربعات دائرية مموهه ذات لون انبعاجى

الإثنين :
مشاهدة الفيلم السيرياليزمى الحلزونى " الجرجير" للمخرج العالمى يونس لاشين

الثلاثاء :
حضور معرض الفنان التشكيلى العالمى " فالوق ذهنى " وعنون المعرض " السكون المنسلخ " يا عين أمك

الأربعاء  :
البدء فى تأليف كتابى " ثلاثون عاماً من السيرياليزم والفقعة " كتذكار لحياتى الإنبعاجية التى خُـضت فيها العديد من المعارك السيريالزمية فى الهواء الطلق

الخميس
أمى منعتنى من الخروج ، وبتعمل لى كمادات ميه ساقعة
أحمد الصباغ السيرياليزمى

19 comments:

انا حره said...

اكيد دا اثر اللحمه

اتجننت ياصباغ

مكانش يومك والله

ادى اخره الحرمان من اللحمه

رحــــيـل said...

كان عاقل
كان طيب
كان حنين
ههههههههههههههههه
مالك بس يااحمد كفا الله الشر
يالهوى
مكنش يووومك ياصباااغ

smilyrose said...

يا الله

كل دا حصل

من ايه دا

معلش يابنى كلنا لها

ان شاء الله هتعدى على خير

ياما عدت علينا ايام اصعب من كدا

كله بيمر

بس المهم انك بخير

smilyrose

روح الحب الصادق

قلمي said...

اول مره اعدي من هنا الاقي البوست ده !!!!
ههههههههههههههههههههههههههههههههههههههههههههههههههههه

بس بجد موضوع سيريالزمي من النوع السوزومي ((النوع الجامد يعني للي ما بيعرفش لغات ))

الف سلامه عليك بس حق الوالده تعملك كمادات حاجه ساقه حاجه كدا علي قد السيريالزميه الي انت فيها

كل سنه وانت طيب
وان شاء الله العيد الجاي تكون سيرياليزمي سوزومي

EmY said...

و لقد رأيتك و الشفق متبعجرآ
حينها ادرك صدقي اللوزعي
و قيل لي انه لا يتحملس بل كوني انتي بالقبقاب تتلعثمي
من هناك اني أري سفسيكي متلعلعآ
هلم الي و جرجر و جرجرآ

كل سنه و انت طيب يا صبوغ يا حبيب قلبي

عاشقة القاهرة said...

لأيا أحمد ولسة بكرة الدكتور يقولك مبروك جالك سيرياليزم حلزونى صغير وتبقة تربية فى دائرة الفراغ الأنبعاجى وتحشية بكينونات تملئها من الفراغ الأنعكاسى فى بؤرة الضوء ودخلة الفرن وبالهنا والشفا
دى حاجة علة ماقسم عشان اللحمة والعيد وممكن تقديمها مع صينية رقاق بالسيلياليزم

ňįĝŗő said...

لا حول ولا قوة إلا بالله
لا حول ولا قوة إلا بالله

الله يمسيك بالخير يا احمد يا ابن الحاج الصباغ الكبير
كان راجل طويل و الله
يلا
هي الدنيا كده
مابتبقاش على الطويل أبداً

و اللي حصل ده كان سببه إيه يا أحمد ياخويا
انت أكلت حاجة ملوثة ولا حاجة
يا خوفي لتكون كتّرت المرة دي من عند عبده تلوث
أقول
دوغري على أقرب أجزخانة و قوله يديك 5 سمتي متر مكعب " اسبرازومين مؤكسد و ماتنامش على بطنك "
وبالشفا إن شاء الله



يلا سلام

عاشقه وغلبانه said...

هي اللحمه في العيد بتعمل كدا..
ياما قولنا للحكومه امنعها عن الشعب وهي توفرها
نعالجك ازاي احنا بقي دلوقتي.....؟؟؟
سيرياليزم....!!!
لا حول ولا قوه الا بالله

Wael said...

:D

Wael said...

الف سلامة عليك

خد حباية " العاشرة مساءا " او كبسولة " الحقيقة " على الريق وتبقا زى الفل ان شاء الله

كل سنة وحضرتك طيب

إيما ( أم البنين) said...

كل سنه وإنت طيب يا صباغ
تحياتي
على فكره سألتك على الفيس بوك إزاي نعمل جروب ...ياريت تفيدني في الموضوع ده

AhMeD RaDy said...

طيب دا اسبوع فى شهر ... يا ترى بقى الشهر بتقضيه ازاى

يعنى عشان بس نعرف ... الجدول الزمنى

على فكر المدون الله اكبر ماشاء الله جميلة بجد .. استمر ياابو حميد .. ربنا يقويك يارب

سبهللة said...

أسأل الله العظيم رب العرش العظيم ان يشفيك
ولا تعليق على البوست الجميل دة غير ضحكة كبيييييييرة اوى
ههههههههههههه
بجد ضحكتنى جدا خصوصا معرض فالوق ذهنى

mido said...

أول مرة أعلق عندك:)

بعد مقريت مقالك فى الدستور الاسبوعى وشوفت اسمك .

بصراحة مقال جميل و يا ريت تكتب على طول فى الدستور

كل سنة وأنت طيب يا أحمد

Soul.o0o.Whisper said...

مش قلت لك تتغطى كويس بالليل

و ماتتألش فى اللحمة؟؟؟!!!


ها؟؟؟

دى آخرة اللى ما يسمعش كلام سول



والله اللى صعبان عليا طنط
مقعدها جنبك و كمان كمادات مية ساقعة



طب الحمد لله إنها جت على أد كدا


كل سيريالزم و أنت طيب

















يوووووووووووووووووووووووووووووه







كل عيد و أنت طيب












خالص تحياتى

جنّي said...

ايه كل الدراماتيكية اللوجستية .. هي اللحمة بتعمل كل دا ؟؟

بس ولا يهمك ما تكلش سمك ولا بيض ..

وها تبقى زي الفل ..

تحيتي

بسنت said...

ههههه
لا فعلا رهيب
دى اكيد اخره المثقفين فى البلد دى
ربنا يستر علينا
---------------
عيدك سعيد

وومن said...

كل سنه وانت طيب يا خالو

ابقي اتغطي كويس

ههههههههههههههههههههههههههههههه

بصراحة مش عارفة اقولك ايه ؟

هويدا صالح / عشق البنات said...

يا نهار أبيض يا أحمد
كل ده حصلك وأنا في الصعيد ؟
مش كنت تبلغني بسرعة يا ابني كنت رجعت فورا ولحقتك من حالة السريالية اللي أنت فيها دي ؟
طبعا مرت بكل مراحل السريالية
وقلدت بيكاسو في مراحله كلها
المرحلة البرتقالية
والحمراء والزرقاء والبنفسجية
أوعى تكون فوت مرحلة ؟
وإلا لن يكون لك حق إدعاء السريالية أو حتى التجريدية
عيدك كما تتمنى يا أبو حميد