خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Aug 30, 2008

حكايتى مع رمضان

أول حاجة احب اقول لكم كل سنة وانتم والاسرة بخير يارب

ورمضان كريم ويارب يجعله أحلى رمضان مر عليكم

وحبيت أكتب بعض خواطرى عن شهر رمضان

رمضان بالنسبة لى مش مجرد شهر عبادة او صيام فقط

لكنى بعتبرة شهر الخير والجمال والحب والاستمتاع بكل شئ جميل


والحقيقة انا نشأت على بعض المصطلحات الرمضانية الهامة


المسحراتى


صوت المسحراتى وهو بيقول

اصحى يا نايم

وحّد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحّد الرزاق

رمضان كريم

اصحى يانايم وحّد الدايم

السعي للصوم خير من النوم

اصحى يانايم يانايم اصحى

وحّد الرزّاق


وكان الراجل المسحراتى بيصعب عليا اوى

لما عرفت انه بيشتغل شهر واحد فى السنة

وكمان لما بيعدى يسحر الناس من غير ما يخد فلوس

بس عرفت بعد كدة انه بيشتغل شغلانات تانية باقى اوقات السنة

وكمان بيجى فى اخر رمضان وناس كتير بتديلوا فلوس كتير


السحور



ودى الكلمة الغذائية الوحيدة المرتبطة إرتباط كلى برمضان لإن حتى الافطار بنتناولة فى الايام العادية مع اختلاف التوقيت .. رسولنا الكريم عليه الصلاة والسلام قال : تسحروا، فإن في السحور بركة

وعشان كدة – رغم ان فطارى دايما بيبقى تقيل لدرجة انى مببقاش قادر اكل فى السحور – الا انى من صغرى بحب اخد بركة السحور الجميلة



والسحور غالبا بيبقى فول .. نظرا لإيمان المصريين الكامل بقدرة الفول الجبارة على الصمود ضد مجهود اليوم الطويل

وساعات فى أيام العز والبغددة والرخاء بيبقى فى زبادى .. بس انا مش باكل الزبادى الا نادرا


فانوس رمضان



رغم ان الفانوس اساسا عرفت انه ظهر فى مصر فى العهد الفاطمى لما دخل المعز لدين الله القاهرة واستقبلوه اهل القاهرة بالفوانيس للاضاءة

الا ان للفانوس عندى سحر غريب جدا

بحس انى لما بشوف الفانوس بشوف جزء مهم جدا من شريط حياتى

بالذات الفانوس الازاز أبو شمعة

اللى هو أول فانوس أشوفة وانا صغير

بعد كدة بقى فى الفانوس البلاستك او لمبة

وفوانيس على أشكال مختلفة وفوانيس بتغنى كمان

والسنة دى شوفت فانوس على شكل توكتوك


مدفع رمضان



المدفع أصلا ما كوناش بنشوفة

بس كان دايما يتقال فى التليفزيون

مدفع الافطااااار .. إضرب

لغاية ما رحت القلعة .. قلعة صلاح الدين الايوبى

وشوفت أقدم مدفع موجود فى القاهرة


أغانى رمضانية

أمى قالت لى فى أحدى الدردشات الرمضانية على بعض الأغانى اللى كانو بيغنوها زمان واللى انا لحقت منها حبة .. وانا دورت على الاغانى دى واستكملتها


أغنية وحوى يا وحوى

****

وحوى وحوى إياح
وكمان وحوى إياحا
بنت السلطان إياحا
لابسة قفطان إياحا
بالأخضرى إياحا
بالأصفرى إياحا
يا لمونى إياحا
يادوا عيونى إياحا
يارب خليلى سى عثمان
خاللى نينته سى عثمان
لولا سى عثمان لولا جينا يالا الغفار
ولا تعبنا رجلينا يالا الغفار
يحل كيسه ويدينا يالا الغفار
ويدينا ياما يدينا يالا الغفار
يدينا ميتين ريال يالا الغفار
نروح بيهم على بر الشام يالا الغفار



أغنية على عليوة

****

على عليوة ياللى
ضرب الزُميرة ياللى
ضربها حربى ياللى
نطت فى قلبى ياللى
قلبى رصاص ياللى
أحمد رقاص ياللى
رقص على مين ياللى
على شاهين ياللى
وشاهين ما مات ياللى
خلف بنات ياللى
خلفهم متعة ياللى
وجبهم تسعة ياللى
وتحت النصبة ياللى
فاطمة قاعدة على مكنتها بتخيط بدلة دخلتها

يا رب تمم فرحتها بنت العزيز الغالى
لما حوينا لما جينا يالله الغفار
ولا تعبنا رجلينا يالله الغفار
يحل كيسه ويدينا يالله الغفار
يدينا ياما يدينا يالله الغفار
يدينا متين ريال يالله الغفار
نروح بهم على بر الشام يالله الغفار
نجيب رنيئى ومئيئى يالله الغفار
نجيب زئيئى العصفور يالله الغفار
اللى يكاكى فوق السور يالله الغفار
ادونا العادة يالله يخليكو
لبه وقلادة يالله يخليكو
الفانوس طقطق يالله يخليكو
والشمعة خلصت يالله يخليكو


رمضان جانا

****

رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا اهلا رمضان
رمضان جانا اهلا رمضان
قولوا معانا اهلا رمضان
بتغيب علينا وتهجرنا وقلوبنا معاك
وفى السنة مرة تزورنا وبنستناك
من امتى واحنا بنحسبلك ونوضبلك ونرتبلك
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
يوم رؤيتك لما تجينا زى العرسان
نفرح وننصب لك زينة اشكال والوان
فى الدخلة نبقى نطبلك ونهللك اه ونقولك
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
يا مسحراتي دوقلنا تحت الشباك
سمعنا وافضل غنيلنا للفجر معاك
واعملنا هوليلة تلاتين ليلة حلوة جميلة
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا اهلا رمضان
رمضان جانا اهلا رمضان
قولوا معانا اهلا رمضان


الكنافـــــة



الجو الرمضانى


بصراحة من أعظم الأماكن وأقربها لقلبى فى رمضان

حى السيدة زينب

بجد بعشقة وبعشق كل مكان وركن فيه

جامع السيدة زينب الكبير بمآذنة العالية وأنوارة وتراويحة وبخورة وعطرة



الحديقة الثقافية اللى فى شارع قدرى اللى دايما بتقدم كرنفال رمضانى بديع

ابتداءا من فنون الذكر والاناشيد والفنون الابداعية والاراجوز والقعدات العربية والبدوية





العرقسوس


من الأشياء المعروفة عنى داخل محيط أسرتى الصغيرة نهمى الشديد – نهمى يعنى فجعتى – تجاه العرقسوس

حيث يمكننى تناول برميل عرقسوس كامل .. بغض النظر عن انى هقدر أفطر بعد كدة او لا

والعرقسوس أيضا من الأشياء


بتمنالكم أحلى وأجمل رمضان وأسألكم الدعـــاء

وأخيرا
أقولكـــــــــــــم
كــل سنة وأنتم بخير .. كــل سنة وأنتم صائمون .. كــل سنة وأنتم مصلون .. كــل سنة وأنتم قائمون .. كــل سنة وأنتم قانتون .. كــل سنة وأنتم متصدقون.. كــل سنة وأنتم مغفور لكم .. كــل سنة وأنتم معتمرون .. كــل سنة وأنتم قائمون ليلة القدر .. كــل سنة وأمتكم الإسلامية منتصرة
خالو أحمد

Aug 24, 2008

مصر فى قطعة جاتوه..تغطية الحفل

فى واحدة من أروع اللقاءات التدوينية

وعلى ضفاف النيل الجميل ونسمات الهواء الرائع

وفى جو ساقية الصاوى الثقافى الشبابى المصرى الأصيل

تقابل مدوّنو مصر فى حفل توقيع كتابهم الثانى

" مصر فى قطعة جاتوة"

وهو العدد الثانى من السلسلة الرائعة

" مدونات مصرية للجيب"

وهذا الحدث فى رأيى الشخصى ليس مجرد حدثا عابرا وأنما ظاهرة اعتقد - انه مع تنامى وتطور المدونات فى العالم كله – سيذكرها التاريخ كثيرا

شمل الحفل تقديمة لـ أحمد مهنى أحد أصحاب فكرة نشر المدونات

وإيناس لطفى أحد أعضاء فريق العمل

كما تم تقديم أبنـــــاء مصر كنموذج لنجاح صنعة المدونون

وتحدث محمد مفيد وبعض أعضاء أبناء مصر

ثم توالى كلمات قصيرة وتقديم لبعض الأعمال الشعرية

لبعض المدونين المشاركين فى الكتاب الثانى والأول

ثم تم إلتقاط الصور التذكارية والتعارف والتواصل فى جو ودّى بديع

انا قابلت الكثير من المدونين لأول مرة .. بالاضافة الى عشرات من الاصدقاء المدونين القدامى

وبعض الصحفيين والاصدقاء غير المدونين

كما سبق الحفل تسجيل لبرنامج العاشرة مساءا مع بعض فريق العمل وسيذاع غدا الاثنين

كما قمت بتسجيل فقرة لبرنامج شباب بلا حدود للتليفزيون المصرى

ثم بعد انتهاء الحفلة قمت بإصطحاب عشرات الأصدقاء المدونين

لقضاء سهرة تدوينية جميلة فى نادى نقابة المهندسين بالزمالك

----------

وأليكم جانب من الحفلة

----------

لقطات فيديو من حفلة مصر فى قطعة جاتوه

الجزء الأول

الجزء الثانى






ألبوم صور الحفلة على الفيس بوك

الألبوم الأول

الألبوم الثانى

بعض الحاضــــــــــرين :

محمد أبو زيد دكتور حر

محمد يوسف

مهيج الجماهير

ايهاب عمر

ضياء

دكتورة شمس الدين

محمد عبد الغفار فى العمق مكان للحرية

شريف عبد العزيز العدالة للجميع

مصطفى عبد الرحمن - اخر الحارة

بنت القمر

احمد ابو خليل - مدونة البيارق

مصطفى الحسينى - صاحب البوابة

مصطفى ريان

الدكتور بوب من الاردن

الاخ محمد صلاح من فلسطين

دعاء مواجهات

همس الأحباب

رحايا العمر

عجوز وعندى 30 سنة

أحمد سكر

ذكريات أبو خالد

بطوط حبوب

اشرف توفيق اخف دم

شيماء المهدى

عادل نجم

شفقة وإحسان

الشاعر محمد فكرى

مروة جمعة صاحبة مدونة صباح الورد

مها زين صاحبة مدونة إنها الحياة

قلب مصرى

محمد عطية الشاعر

يوميات ام البنين

محمد مفيد

محمد صبحى

البراء اشرف

سارة بنوتة لاسعة

أحمد مهنى

ايناس لطفى

حاتم عرفة

أحمد سلامة

مصطفى مغربى

محمد الغزالى

محمد مدحت

أيه – قطعة سكر

سارة سورسارة

ابن حجر

نضال فلسطين

اسامة مصرى وافتخر

رودى بنوتة مصرية

مهيج الجماهير

محمد مفيد وفريق عمل أبناء مصر

محمد صبحى

ميادة مدحت

وينكى

شمعى أسعد

إبراهيم عادل

هانى جورج

عمرو الطاروطى

علياء حسين

هدى جمال الدين

أحمد سمير الاغلبية الصامتة

محمد حسام - وجهة نظر

عز اليعقوبى

هشام علاء - كلام هشام

مصطفى حمدان

ميرا - امراءة بعقل رجل

عادل نجم

رشا الخشن

حسام يحي

( جارى تحديث القائمة - اللى حضر الحفلة وقرا البوست ده يلفت نظرى فى الكومنتات عشان نحدث القايمة )



شكر وتقدير

لـ الغائب الحاضر : أحمد البوهى

لـ المتألق : أحمد مهنى

لكل اللى شاركوا فى الكتاب والحفلة وكل اللى دعم فكرة مدونات مصرية للجيب

للأستاذ عادل نجم ومجموعة المدونين الأردنين الذين حضروا الحفل

تابعوا تحديث البوست


أحمد الصباغ

Aug 18, 2008

صدور العدد الثانى - مدونات مصرية للجيب


تحب تقابل مدونين مصر ؟

مدونين مصر كلهم هيلتقوا يوم السبت 23/8/2008م

تفتكر ليه ؟؟

كل مدونين وشباب مصر هيحتفلوا بصدور العدد الثانى

من السلسلة التدوينية الناجحة جدا

"مدونــــــات مصــــــرية للجـــــيب"

لو نفسك تشارك مشاركة حقيقة فى نزول المدونين

من شاشة الكمبيوتر الى الشارع المصرى

لو نفسك تلتقى بكل مدونين مصر

وتشوفهم وجها لوجه وتتعرفهم عليهم ووتتواصل معاهم

يبقى معادنا يوم السبت 23/8/2008 من الساعة 7-9 م

فى المكان اللى بنحبه كلنا

ساقية الصــــاوى فى الزمالك

واللى عايز يعرف يروح ازاى

مينى باص 48 و 49 و 102 و 103 كلهم بيعدوا من عند الساقية

...فى ميكروباص المهندسين بيطلع من عبد المنعم رياض ...بينزل فوق الساقيه عدل.

كمان لمحبى الرياضه المشوار من الاسعاف او التحرير سيرا

لا يستغرق غير ربع ساعه مشى معتدل

مستنيكم بكل حب وفرحة بلقاء ناس بحبهم فعلا من كل قلبى

واى حد عايز يسأل عن حاجة المدونة مدونتة

:))

مستنيكم


احمد الصباغ

Aug 13, 2008

المدونة فى الصيانة

المدونة فيها مشكلة مجهولة مش فاهمها
وبنحاول نصلحها
دعواتكم

أحمد

Aug 2, 2008

خالو أحمد .. فى الإذاعة المصرية ومجلة علّى صوتك


�������� �������� �������� ���� �������اااا�� ���������������������� ��������������
�������� ���������� ���������� ���������� ������ ���� ���������������� �������� �������� ������������
�������������� �������� ������ ������������ ���������� ���������� �������� �������� �������� �������� �������� �������� ������������ ����������
���������� ���������� ������������ ���� ���������� ���� ������������ ���� �������� �������� ��������
�������������������� ������������������������������

���������������� ������ ���� ���������� ���� ������ �������� �������������� ���������� ������ �������������� ������
���� ���������� ���������� ��������
���������������� ���� �������� ������
���������� ������ ��������
������������ ���������� ���������� ���� �������������� �������� ���������� .. ���������� ������������

���������������� �������� ������ ���������� ������������
������ �������� �� ������������������ ��������

��

�������������� ���������������� ���������������� ����������������
������ �������� ���������� ���������� ���������������� ���������� ���������� ������ �������� �������� ������������ ��������
������ �������� ������������ ������������ �������������� ���������� ������������
���������������� ������������

�������� ������������