خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 1, 2009

أهم أحداث عام 2009


إنتخابات برلمانية ورئاسية مبكرة فى مصر.. الرئيس المصرى يأمر بحل البرلمان الحالى والتبكير بالإنتخابات ، والمعارضة تشكل 90% من المجلس الجديد الذى يقرر فى جلسة طارئة إجراء تعديلات دستورية على المادة 76 تانى ، والتبكير بإنتخابات رئاسية متعددة شاركت فيها الأحزاب المصرية وجماعة الأخوان المسلمين والتيارات الفكرية والسياسية الدينية ومرشحين من الجامعات المصرية .. ويحدث تداول للسلطة فى منتصف عام 2009

مصر تصدّر قرابة الثلاثمائة مليون رغيف يومياً لدول أفريقيا وأمريكا اللاتينية بعد إنفراج أزمة الدقيق .. والرئيس المصرى الجديد يفتتح "متحف طابور الخبز" فى ميدان التحرير

إفتتاح 10 شركات محمول كبرى فى مصر .. والمنافسة تشتعل بينهم .. وسعر المكالمة وصل للرقم الحقيقى وهو "شلن" لكل خمستاشر دقيقة .. بعد ما كانت 175 قرش للدقيقة أيام زمان ، وتغيير شعار "المحمول فى يد الجميع" ووضعه فى حتة تانية

إنتهاء أزمة الإسكان فى مصر بعد إستصلاح مائة مليون فدان فى الصحراء الشرقية ، ومائة مليون فدان فى الصحراء الغربية ومائة مليون فدان فى وسط البلد "جنب البورصة كدة" وزرعها قمح وفواكه وألبان وجبنة ، وإنشاء مئات الأبراج السكنية بسعر رمزى للشباب اللى عايز يتجوز "خمسة وتلاتين جنيه لشقة خمس أوض وصالة واتنين حمام وريسيبشن" والرئيس الجديد يعلن : لا غلاء فى أسعار الشقق الجديدة

الحكومة الجديدة ترفع شعار "كرسى لكل مواطن فى الأوتوبيس" بحيث يدفع المواطن غرامة فى حالة عدم الإبلاغ عن عدم وجود كراسى فاضية ، ورفضت الحكومة شعار "أتوبيس لكل مواطن" خوفاً من ملل المواطنين
مصر توقف تصدير الغاز لإسرائيل عقب إستمرار المجزرة الإسرائيلية فى غزة حتى آخر يناير 2009 كما تستدعى السفير الإسرائيلى وترسله ومعاه ساندوتشين فى ميكروباص إلى تل أبيب ، وقطع تام للعلاقات الدبلوماسية بين البلاد العربية مع إسرائيل

حماس وفتح وإسرائيل والإتحاد الأوروبى وأمريكا وحلف الناتو ورابطة الأسيان ودول عدم الأنحياز يدعون مصر لمائدة المفاوضات .. ومصر راسها وألف جزمة لتحارب فى حالة عدم إنسحاب إسرائيل الغير مشروط من الضفة والقطاع

الحكومة الإئتلافيه الجديدة فى مصر تعلن أن الحزب الوطنى "حزباً محظوراً" بإعتبارة "عورة" بعد ما حكم مصر أكثر من ثلاثين سنة متواصلة ، وتقفيش أعضاء الحزب فى الشوارع ، ووقفات إحتجاجية وجروبات فيسبوكية للتضامن مع أعضاء الحزب المعتقلين

خروج "أيمن نور" من السجن ، وتعيينه مسئولاً مهماً فى الحكومة الجديدة ، و "جميلة إسماعيل" تلتقى بسيدة مصر الأولى "الجديدة" لبحث أحوال المرأة فى مصر الجديدة

مواطن عربى يلقى بحذائية على "أوباما" فيشعر أوباما بالندم ويقرر الوقوف بجانب فلسطين ضد إسرائيل ومظاهرات فى كل البلدان بعد حدوث "أزمة الحذاء" فى العالم

إنخفاض سعر حديد التسليح وتوافره فى كل محلات البقالة ، وإرتفاع أسعار الأحذية والرئيس الجديد يأمر بالضرب على أيدى تجار الأحذية الذين يحتكرونها ويبيعونها فى السوق السودا

توافر 154721 مليون فرصة عمل جديدة بعد إنشاء 2451245 مصنع جديد فى مصر ، وأزمة جديدة بسبب عدم توافر موظفين وعمال ، وإجتماع طارئ للحكومة المصرية الجديدة لبحث إمكانية إستيراد عمالة من دول الخليج

الحكم بالجلد على مواطن خليجى فى مصر بتهمة "الزعيق بصوت عالى" فى منتصف الليل مما أدى إلى صحيان مواطن مصرى من النوم ، ورغم أن المجنى عليه أشار إلى أنه "كان ظابط المنبه" إلا إن المحكمة حكمت بالجلد والسجن والغرامة على المتهم ردعاً لأمثالة من الأجانب اللى بيزعجوا المصريين

مصر تقطع علاقتها بجمهورية "شون بونجو" وتطرد السفير الـ "شون بونجى" وترحل الجالية "الشون بونجية" إلى بلادها ذليلة .. وذلك نظراً لإساء معاملة قرد مصرى وإحتجازه فى أحد أقسام الشرطة لمدة أربعة دقائق متواصلة بدون أكل أو شرب

محكمة الجنايات المصرية تصدرحكماً بالسجن 140 عاماً على مدرس مصرى مع تغريمة مبلغ 67542541 جنيه وذلك بتهمة "الشخط" فى تلميذ مما أدى إلى بكاء التلميذ ، وقد حاولت هيئة الدفاع عن المدرس تحويل ملف القضية من قضية "تعذيب تلميذ بالشخط" إلى قضية "ملاعبة تلميذ بس بصوت عالى" .. إلا إن التلميذ حلف إن المدرس شخط فيه .. ومظاهرات فى كل مكان تندد بالوحشية التى يتعامل بها المدرسون مع التلاميذ

خبر يتصدر مانشيتات الجرائد المصرية : كسر فى رجل أحد المواطنين فى كفر النملة ووزير الصحة يزوره فى المستشفى ووزير الداخلية يصدر تعليمات بالتحقيق فى الحادث فوراً
خبر جانبى : مقتل خمستاشر فنان وإبن فنان ورقاصة والقضية سجلت ضد مجهول
إقتسام الفوز بالدورى والكاس والبطولات المحلية والعربية والأفريقية بين الأهلى والزمالك والإسماعيلى وباقى الفرق .. والفرقة اللى ما تاخدش بطولة بتاخد ألف جنيه تعويض من إتحاد الكره

بعد جواز كل شباب مصر ، ظاهرة تحرش النساء بالرجال فى الشوارع تنتشر بشدة فى الأعياد ، والحكم بالسجن لمدة تلات سنوات وغرامة 5001 جنية على المواطنة ميرهان هيثم – 22 سنة -  طالبة بتهمة التحرش بالمواطن سلومة أبو مطوة – 35 – سباك

إلقاء القبض على شاب بيشرب "بيريل" وتوجيه له تهمة الشذوذ الجنسى والمياصة والتخنث والقيام بفعل فاضح فى الطريق العام

مصر تنظم لأول مرة "اللوتارى المصرى" ومئات الملايين من جميع أنحاء العالم يتقدمون للهجرة إلى مصر حيث العمل والمسكن والحياة الكريمة الرزق الوفير، ومصر تنضم لـ "الدول المانحة" وتهدد بقطع المعونة المصرية عن الدول التى ترعى الإرهاب

إنشاء 6547854 ألف متحف جديد بالقاهرة والمحافظات بعد عودة الآثار المصرية المهربة ، والحكومة المصرية الجديدة تكلّف كل مواطن مصرى بحفظ "حتة آثار" عنده فى البيت لحين بناء المزيد من المتاحف

المسلمون ينشأون 3000 كنيسة جديدة فى مدن الدلتا والصعيد ، والمسيحيون يحلفون عليهم ما ينشأوا تانى ومفيش داعى يكلفوا نفسهم ويبنون 4000 جامع ، ومدارس إسلامية مسيحية مشتركة تنتشر فى البلاد ، ومسلم يقتل إبنه بعد أن رمى طوبة على إبن جاره المسيحى ، والمسيحى يرد بقتل إبنه حرصاً على مشاعر جاره المسلم

وزارة البحث العلمى تبحث إمكانية تنفس الغاز الطبيعى النقى بدلاً من الهواء الملوث ، بعد توافر كميات ضخمة من الغاز الطبيعى نتيجة لوقف تصديره إلى الأعداء ، وإن الغاز الطبيعى بقى أرخص من الهوا

إدارة موقع بلوجر ترصد ظاهرة عجيبة فى 2009 وهى أن المدونين المصريين أصبحوا يحترمون بعضهم .. ويقول تقريراً أصدرة المكتب الفنى لبلوجر أن معدل الشتائم بين المدونين فى مصر قد إنخفض إلى 973 شتيمة فى الثانية فقط ، وأن نسبة القتل بين المدونين قد إنخفضت إلى 3 قتيل/الدقيقة ، وأن الإحترام قد ساد بين المدونين المصريين بحيث أصبح المدوّن يشتم المدون التانى بالأم فقط بدلاً من السبّ بالدين الذى ساد فى 2008

المجلس الأعلى للصحافة يصدر قراراً بوقف إصدار جريدة قومية كبرى ، حيث رأى المجلس شبهة نفاق فى أحد مقالات رئيس التحرير ، وأحال ملف الجريدة للمحكمة الإدراية العليا ، التى رأت أن رئيس التحرير لم يكن يقصد النفاق وإنما "هنأ الرئيس الجديد بعيد الفطر فقط" .. إلا أن النيابة هاجمت هجوماً شرساً بإعتبار إنه قال "كل سنة وانت طيب ياريس" ولم يقل "كل سنة وإنت طيب أيها الرئيس" مما يعنى تهمة توجيه التهنئة للرئيس بصورة غير رسمية ، وما يشوب ذلك من نفاق وتملق لا يليق بصحيفة قومية
من توقعات مواطن ساذج
أحمد الصباغ
تحديث : إقرأ خواطر مروة مصطفى مواطنة ساذجة أخرى من نفس الكوكب عن أحداث 2009

42 comments:

كرانيش said...
This comment has been removed by the author.
آخر العنقود said...

ياخراااااااااشي ياخال
ايه الرعب ده بجد
وايه التوقعات الجميلة دى بس
يانهاااااااااااار
اصلها ناقصة
:)
ولسه ولسه
ربنا يسترها والله
2009 لسه بيقول ياهادى

حسبنا الله ونعم الوكيل

تحياتى ياخالو

EmY said...

بجد يا احمد انت عسل

بس كده مش مواطن ساذج ده مواطن مش من هنا اصلا ولد و ترعرع في المريخ

كل سنه و انت طيب يا احلي و اطيب و اطول صبوووغ في الدنيا و انت عارف غلاوتك عندي طبعا

ňįĝŗő said...

جااااااااااامد يا صبابيغو
جمييييييلة
يا راجل ده أنا كنت حاسس إني كمان شوية هأقرا خبر إن مواطن ......
ولا بلاش لحسن حد يزعل

المهم

تسلم يا صباغ



يلا سلام

احمد عبد السلام said...

دى اخرة النوم من غير غطاء
اتغطى كويس بالليل

zordeak said...

حلو أوى البوست يا أحمد

فكرته لذيذة

بس عايز أقولك

بعيد عن شنبك

:D

عاشقه وغلبانه said...

وماله ياخويا مش عيب
بوح
اتفضل
فضفض
قول
اتكلم
ماتشيلش في قلبك
قطعت قلبي صعبت عليا ده بس مايمنعش احبك
ضحكتني وانا الحزن هايموتني

قلم رصاص said...

ايه الاحداث الجامدة دي

هههههههههههههههههه

اعتقد انه في المشمش ده يحصل

عموما ياريت دي تبقى باضت لنا في القفص


مشكور جدا ياصباغ على البوست الهايل ده

تقبل تحيتي

آلام وآمال said...

بجد انت عبقري
:D

Tshandny said...

ودي يا جماعة نهاية اي حد مش بيسمع كلام الناس الكبيرة ومش بيرضى يشرب اللبن قبل ما ينام
يجي له الحفريت ويخليه يشوف الاحلام دي بالليل
تحياتي

شباب روش طحن said...

اعتقد أن ده لو حصل الناس حتتحسر علي أيام الزحمة والدكتاتورية وغلاء الأسعار وحيهاجروا لدول القرن الأفريقي بحثا عن طوابير العيش

الشقاء أصبح جزء غريب من الحياة المصرية أعتقد لو راح حتحصل لنا صدمة كبيرة وممكن نتعالج علاج نفسي طويل الأمد كمان

Anonymous said...

لميس عبد الجواد
دائما تقف الحقيقة عارية امام العيون
ولكن لا تنظر اليها كل العيون رغم ذلك ولكن الذى يقف امامها هنا هو الصباغ
زى ماتعودنا دايما كلام رائع لمواطن حسوا ببلدوا عالى جنسيتوا مصرى وعقيدتوا حب مصر وهدفوا تفضل ا دايما رافعة راسها وهى تهمتوا احيانا
رائع جدا يا اروع مواطن ساذج فى الدنيا وياربت تبقى كل السذاجة كدة

محمود الدوح said...

انا حاسس انى المفرووووووووض الضحك
لكن لقيت ان المفروض ابكى على الواقع

شحتفتنى الله يشحتفك
هههههههههههه

كل سنة وانت طيب يا طوووووووووووويل

Anonymous said...

da 3nd omoh ya 2adhaam

يقول أنى امرأة said...

احلى جزء لما الانسان المصرى كان لة ثمن و ادمى

زهرة الجنة said...

حلوة جدا الأحلام دي
لكن يظهر مخدتش بالك من السنة كويس هي مش 2009 هي 20009
وياريت بقي حلم الحزب الوطني يتحقق
دا انا انضم فورا للمطالبة بعمل تمثال ليك ونسميه تمثال صبغاوي باشا
ونخلي مكانه وسط البورصة ((:

كل سنة وانت طيب

رامز عباس said...

هههههههههههههههههههههه
هههههههههههههههههههه
أما أنت طويـــــــــل بشكل


دانا لما قريت التوقعات ليقيتها هتتحقق فعلا وقبل منتصف 2009


يلا بقي شد حيلك

واعمل توقعات لحياتك القادة يعني مثلا


____________
وصرح مصدر مسئول مجهول بإن خال المدونين إتخطف وبالبحث والتحريات تم إكتشافه مختبئا في أحد مطابخ فندق سيتي ستارز يطبخ بامية وتقول فرق البحث ان اشتعال النيران بالفندق وهروع المطافيء الي هناك هو ما كشف عن اختفاء صباغوس الرابع عشر وفي تصريح لوزير الداخلية قرر ان هذا الشاب كان يستهدف عمل حله محشي في اطباق بلاستيك

رامز عباس said...

علي فكرة

كل سنه وانت طيب بمناسبة
العام الهجري الجديد والعام الميلادى الجديد واواسيك لمأساة غزة بينهما

Helene (the Artist Formerly Known as Kate) said...

Happy New Year to you also! =]

مهندس مصري said...

هههههههههه
بوست خيالي جميل يا احمد
ياريت يتحقق و لو جزء منه

فكرتني بأغنية ابو جريشة اللي اسمها انا الشعب

اللي بيقول في آخرها

العيش موجود بكثافة و الطعم كأنه كنافة و اللحمة أهي في التلاجة مش غالية يا ناس و لا حاجة
و الاتوبيس فاضي و رايق و الكمساري مش متضايق و التعليم بالمجان و لا درس و كاني و ماني
دا حلم دول و دول
حلم كل دول
حلم كل الناس
حلم كل الشعب
:)

kochia said...

متاكد ان سنة 2009
مش 3009 يعني ؟؟؟؟

بوست ظريف
كل سنة وانت طيب

smilyrose said...

يا نهار ابيض

دا تاثير السيراليزمية

ولا ايه يا خال


اه يا احمد لو كل

واحد فينا حلم واتحقق حلمه


مكنش بقى فيه عذاب والم


ربنا يحققلك

احلامك

smilyrose

روح الحب الصادق

يا مراكبي said...

أنا عارف إن الجو سقعة جدا في مصر وعارف إنك بتتقلب في النوم كتير وإن الغطاء ممكن ينكشف من عليك وإنت نايم .. كل ده طبيعي ما تقلقش

إنت طبيعي يابوحميد

Raghda Rashad said...

اوعدنا يارب


انا افتكرتك بتتكلم عن الاسرة التسعتاشر و لا حاجة

Zika said...

يا احمد
يا احمد اصحي يا احمد الساعه بقت 9 الصبح
يابني
هاقعد اصحيييك طول النهار ولا ايه

nody_1987 said...

بص ياخالو
كل التوقعات عجبتنى ماعدا
موضوع ان جميله اسماعيل تبقى سيده مصر
لالالالالالالالالالالالالا
مش بحبها
ومرسيه جدا انك راعيت الزمالك فى توقعاتك ربنا يسمع منك بجد
لا اهلاوى اصيل وربنا

تحياتى

ست البيت said...

صحيح إني مش بحب أشتم حد
بس دا مكان ومجال الشتيمة

خالو أحمد
أنت

سااااااااااااااااااااااذج
وعلى نياتك كمان
ومواطن مصري غلبان

صحيح ومندس كمان
أنت مش شايف إن أحلامك دي قديمة ؟
مش كل دا حققناة في 2008
ولا أنت غاوي تضلل الشعب ؟
مواطن خرسيس نرسيس
حرسيس
سؤال يا خالو أفندي
أنت غيرت رقم التلفون ؟

ست البيت said...

طب التدوينة دي عشان خاطرك ولو أنها مش وقتها

http://drmanosy.blogspot.com/2009/01/blog-post.html

البت المشمشية حلوة بس شقية said...

ههههههههههههه
لاء ساذج فعلا

ابقى اتغطى يا احمد والنبى وانتا نايم

وابقى اتدفا كويس

ايه الاحلام دى
بس الحاجة الوحيدة اللى نفسى تتحقق

هيا ال15 دقيقه بشلن

ياااااااااااااااريت

وحكايه المسلم والمسيحى وان المسيحى قتل ابنو عشان المسلم ميزعلش
ان شاء الله فى سنة 2015 كدة

بطل احلا بقه يا احمد وانزل ارض المعركة
قصدى ارض الواقع

enjy said...

اى طفل مش هيشرب اللبن هيجيله هلاوس زى عمو كدة بالظبط.....كل سنة وانت عاقل يا عم

mony said...

ههههههههه


مش هقولك في المشمش
علشان كانو بيقولو كده علشان موسم المشمش قصير

لا

في رغيف العيش ابو شلن



بس هقولك ايه

احلم يا سيدي
ماهي الاحلام ماعليهاش جمرك

LZ Blogger said...

Have a GREAT 2009! ~ jb///

ستيته حسب الله الحمش said...

يالهوييييييي يا سي احمد ده انت مسبتش امنية لمواطن. بذمتك ده اسمه كلام طب احنا دلوقتي نحلم بإيه؟ كل شيء اتحقق في 2009. يا خالو سيب حاجة ل 2010 بلاش البزخ والإسراف ده على الشعب.انت مش خايف تفسد اخلاق الأمة المصرية. بقول الأمة المصرية لأن امبارح حصل لي شيء غريب فكرني بالنحاس باشا؟؟؟؟؟؟؟؟ حيث كنت في المجلس الحسبي "حسبي الله ونعم الوكيل" لقيت موظفه بتقول لوكيل النيابة النونو النونو صغنونو " يا رفعة البيه انا طالبة النهارده إذن" فضلت اضحك لحد ما دمعت زي ما عملت مع مقالك كده. يارفعة البيه؟؟؟؟؟ هو الدنيا رجعت بضهرها كده؟ ياخوفي بدل ما تتحقق امنياتك بتاعة 2009 اصحى الاقي وابور جاز وقله في المطبخ. تحياتي وشكري لزيارتك لمدونتي الله يجبر بخاطرك يا رفعة البيه

AD sabry said...

yesma men pokak rapena

dido said...

السلام عليكم
دي زياردتي الاولي لمدونتك بس شكلها مش هتكون الاخيره
والله كلام جامد جداااااااا
يا ريت يتحقق بس ده احنا محتاجين بتاع خماشر صفحه بقي نكتب فيها
ربي
ما علينا الله المستعان
تقبل مروري والي الامام

dido said...

اه نسيت صحيح ده انت كبير مش ساذج ولا حاجه من خدعك وقالك كده ده انت معلم يا مان

همس الحنين said...

انت أكيد نسيت تقول انك ايدك اتخبطت فى السرير وصحيت من النوم صح متنساش الدعاء لغزة

الجريئة said...

انا مش هقولك برافو و ممتاز ولا هقولك اية الاحلام دي انا سنس صغير بس من يوم ما وعيت علي الاحداث اللي بتحصل و انا بدور علي حد يكون بيتكلم زيك يمكن تكون دي الطريقة الوحيدة الي تفوق الناس و تخليهم يهتموا و بدل ما نقول دي احلام و فوق و اتغطي ناخدها جد شوية لان زي ما بنتريق علي الدول العربية انها مش متحدة احنا كمان شعب مش متحد بنحب الكلام و التريقة و بس لان لو خدنا وقفة و اتحدنا هتمشي مش هنقف نتفرج مع احترامي للجميع و تقبل تحيتي يا احمد

PhAnToM said...

طبعا واجنا داخلين على السنة الجديدة
كل الكلام اللى قال عليه مستر الصباغ تفز بالحرف والكلمة
حتى الارقام
الله على توقعاتك
مصر دايما فى الصدارة يا كبيــــر
تحياتى ليك يا مااان

Anonymous said...

Fascinаtіng blоg! Iѕ your theme cuѕtom madе or did
yοu downloаd іt from somеwheгe?
A ԁesign liκe youгѕ with
a feω ѕimple adјustements ωoulԁ reallу maκe my blog shine.

Please lеt mе κnoω wheгe you got your desіgn.

With thanks

Havе а look at my weblog ... storage birmingham area

Anonymous said...

Do yοu hаve a spam prοblem on thіѕ blog;
I also am a bloggeг, and I wаѕ cuгious about your situation; we have сreated ѕome nice prаcticeѕ and we arе lookіng to exchangе techniques
with other folkѕ, be sure to shoot mе an email if interested.


Cheсk out my ωeblog ... makes boobs bigger naturally

Anonymous said...

Ηеya i аm for the primarу timе here.
I cаme across this board and I find It really usеful
& it helρed me out a lοt. I'm hoping to provide something back and help others like you aided me.

Feel free to visit my site: locksmiths