خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 17, 2009

ملخص زيارة الإسماعيلية



زيارة الجرحى
تم بحمد الله زيارة مجموعة من اخواتنا الجرحى الفلسطينين فى المستشفى الجامعى والمستشفى العام فى الاسماعيلية ، بالإضافة إلى لقاء المدونين والغداء الجماعى

المستشفى العام فيه تشديد أمنى وطلبوا البطاقات الشخصية وقاموا بتضييق أمنى علينا وكانت الحالة الوحيدة فى المستشفى العام فى حالة سيئة وفى العناية المركزة ولم نتمكن من رؤيته ..و مشادات أمنية حدثت مع رجال الأمن لكن إنتهت بسلام

التبرعات كانت مادية وعينية .. مبالغ مالية وملابس وأدوية وعصائر وأغذية وغيرها .. والحالات أسوأ من الجرحى فى الهلال الأحمر أو معهد ناصر

الشظايا إقتحمت أجساد الفلسطينيين ولم تترك عضو فى الجسم إلا مهترئاً .. شاب عمرة تلاتة وعشرين سنة فقد كلية كاملة والكلية الاخرى بها تهتكات شديدة .. وشاب عمرة عشرين عام الشظايا اصابت مخة .. وهو فاقد القدرة على الوعى والحركة والكلام وينظر للاشئ

هناك جرحى فى حالة نفسية وعضوية سيئة جداً ومنهم من رفض الزيارة وهناك حالات فى العناية المركزة وفى حالة حرجة وهناك حالات أصابتها كسور فى جميع الأطراف ومنهم من فقد القدرة على المشى وفتاة عمرى سبعة عشر عاماً تصرخ وتبكى .. لم أدخل غرفتها لكن عرفت أنها مصابة بإصابات شديدة فى قدميها تمنعها من السير وكانت معها أمها

جولة فى الإسماعيلية
هذة هى المرة الثانية التى أزور فيها الإسماعيلية .. لكن الزيارة الأولى كانت فقط للمنطقة الصناعية فى أبو سلطان فى زيارة عمل .. والحقيقة أن الاسماعيلية مدينة مبهرة بحق

وقد لاحظت الآتى فى الاسماعيلية :
1- أن الإسماعيلية توجد بها آلات غريبة الشكل واللون .. مستطيلة وبها دوائر ملونة بألوان غريبة يطلقون عليها إسم إشارات المرور

2- أن الإسماعيلية بها كائنات ذات حراشيف خضراء تشبه البشر فى الملامح لكن تتميز بصفة غريبة جداً على سكان كوكب الأرض من أهل القاهرة بإنهم يحترمون ما يسمى بإشارات المرور

3- أن الأسماعيلية بها أماكن فسفورية ذات حراشيف خضراء بردو.. عجيبة المنظر تشبة الشوارع عندنا لكنها تختلف عن شوارع مصر بأنها نظيفة ولا توجد بها قاذورات أو مجارى طافحة وتسمى هذة المناطق الغريبة "شوارع نظيفة" ويروى فى كتب الأثر أنه شوهد قديماً فى القاهرة شوارع مشابهه وقيل إنها قادمة من الفضاء

4- إن الاسعار فى الاسماعيلية رخيصة بدرجة لا توصف لدرجة انك ممكن تاخد تاكس تلف بيه الاسماعيلية خمس مرات والسواق يعزمك على الغدا ويجوزك بنته وتدفع له اتنين جنيه شاملة اجرة التاكس وتمن الغدا ومهر العروسة

بعض الذين حضروا الزيارة
محمد الشاعر - أحمد سعيد  - مروة عبد الفتاح  - سمية السيد – شفقة هانم –إحسان افندى - نسمة هى فوضى - إيناس نهر الحب - شريف عصام سيبو فى حالو – ناصر روكا – نسمة الوكيل – علا – رضوى – دينا – آيه – رحاب الفواخرى – رودى عادل – همس مفروسة اند متغاظة – داليا اهو ده عيبه – دعاء ربع ضارب – ساره واخوها ومامتها - ...
 
بعض من صور اللقاء


محمد الشاعر


أحمد سعيد


إحسان بيه


غداء جماعى


المستشفى الجامعى

مدينة منظمة

آخرون كتبوا عن اليوم

12 comments:

إيناس حليم said...

انت عارف يا صباغ، اعلانك عن الرحلة ده سببلي كابوس غريب جدا يومها كنت هكتبه في مدونتي بس اتكسفت
:)))
حلمت اني تايهة في الاسماعلية بدور عليكو و مش لقيه حد و معرفش ايه اللي وداني لوحدي و لا اي حاجة, قلت اكلم انتيمتي من بور سعيد تيجي تلحقني ( متعرفش ايه العلاقة يمكن اقتناعي ان بور سعيد و السويس و الاسماعيلية لزقين في بعض )
المهم في الحلم كان راجل عجوز بيضربني و واحدة أخدت مني موبايلي بالعافية آل ايه و عايزة تجوزني أبوها .. اي كلام في اي كلام
المهم اني صحيت متغاظة منك و خلاص
:)))
و الله مش بهتش انا حلمت بكدة فعلا

ro7 said...

والله جزاكم الله خيرا
ويارب يكون اللي عملتوه
حجة ليكم يوم القيامة امام الله سبحانه وتعالي
في وقفتكم
بجانب اخوانا الفلسطنيين
ثبتهم الله واعز جندهم

سحلوب الكُـشُـكْ said...

واضح جداً يا أستاذ أحمد إن حضرتك شخص خيريً النزعة , فوتوغرافيّ التوجّة , قاهريّ الطبع , طفوليّ التأثّر .. مبتهج الأسارير منشكح
مش كده ولا إيه؟

دي أول زيارة لمدونتك و ده الإنطباع اللحظي اللي انطبع في خلايا المخيخ الداخلية المسئولة عن حفظ الإنطباعات اللحظية المنطبعة

سيبك انت .. المهم انت كويس؟

السلام عليكم

t3ban said...

يا رتني كنت معاكم
يا رييت اي حاجة بعد 3/2/2009
ابقو قولو
بجد نفسي اعمل حاجة غير البكاء و متابعة عدد الشهدا و الجرحي

Anonymous said...

بجد برافووووووووووو عليكم يا جماعة كان نفسى اكون معاكم بس الايام دى عندى امتحانات فى الكلية \\بسمة مسلم http:\\hamssat.blogspot.com

مهندس مصري said...

الله ينور يا أحمد

و شكراً على المفضلة
و قلدتك و حطيت - ميلينج ليست - قائمة بريدية زيك
:)

mohammed alsha3r said...

كان يوم جميل بوجودك ياخالووو

تسلم على الصور

safa7_karmooz said...

حمد الله بسا من العودة ...وجزاكم الله كل خير عن اللى عملتوه

بس فعلا الاسماعيلية واخر مرة رحتها كان من 3 سنوات وملقتش راجل غلبان يسمى عندنا بعسكرى المرور ^_^

صيدلانيه طالعه نازله said...

انا اول مره اجى هنا بس فعلا ربنا يجازيكم كلكم خيرا على الخير اللى قمتم بيه و اللى عملتوه من قلبكم مش عشان منظره و صور و كاميرات
بارك الله فيكم و كان نفسى ابقى معاكم بس بجد كنت معاكم بقلبى لبعد المكان

بذرة امل said...

بصراحة كان يوم جميل
وفعلا اسماعيلية بلد نظيفة اوى اوى جدا بشكل فظيع

وومن said...

اية دة وكمان صور

ماشي يا صباغ يتغيظوني يعني طب مش هاروح معاكم حتة تاني

ههههههههههههههههههههه

يهنزر طبعا كانت هاتطلعلي عين وابقي معاكم يومها بس مفيش نصيب

بس برافو يا شباب عملتم اللي عليكم ربنا يجعلها في ميزان حسناتكم يارب

موءه عسليه said...

جزاك الله خير يا مادا انت وكل من شاركك ف زياره اخواننا الجرحي و بجد الصور حلوه اوي وربنا يوفقك يا قمر ويجعل اعمال الخير ف ميزان حسناتك باذن الله