خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 11, 2009

تذكرة السعادة


كنت دائماً أحرص على إقتناء موطئ قدم فى مترو الأنفاق أثناء رجوعى من العمل فى وسط البلد إلى المنزل ، وكنت عندما أجد كرسى فاضى فأننى أتجاهل محطة النزول .. وأنزل فى نهاية الخط .. فقد علمتنى مصر أن كرسى فاضى فى اليوم الأبيض ينفع فى اليوم الإسود
وهذة المرة صعد المفتش إلى المترو وسأل عن التذكرة فقدمت له تذكرتين فنظر بدهشة وسأل .. فقلت له حتى إذا ضاعت تذكرة تنفع الأخرى .. فقال : وماذا لو ضاعت التذكرتين؟ .. فإبتسمت فى خباثة وأخبرته إن معى إشتراك سنوى وطلعته من المحفظة ليتأكد بنفسة .. فلطمنى بالقلم على خدى وإتهمنى بأننى سبب أزمة التذاكر وأزمة الخبز وأزمة فلسطين .. عندما علم أن إسمى "أحمد" إتهمنى أيضاً بأننى سبب أزمة الحديد وقال "عز" الطلب كدة  .. وإصطحبنى فى نزهة إلى القسم وعمل لى عدة محاضر بعدة تهم منها إحتكار تذاكر المترو والإساءة لسمعة مصر وتهريب مساعدات لغزّة
وعدت إلى المنزل وكسرت الحصالة وبعت خاتمى الصفيح ورهنت الساعة ثم إشتريت "سيخ حديد" طولة سبعة متر .. وفى اليوم التالى ركبت المترو لكن بدون تذاكر وإنما بـ "سيخ حديد" وسط صدمة وإندهاش الركاب
وعندما رآنى المفتش .. إبتسم فى رضا وقام بتعيينى رئيس لجنة سياسات المترو
من تهيسسات مواطن جتله ضربة وطن
أحمد الصباغ

17 comments:

محمود الدوح said...

هو دا

شباب روش طحن said...

الأدب مش حلو وأسألني انا

في كل حاجة لازم يكون معاك سيخ حديد

المترو الطيارة القطار ولو ركبت صاروخ حتي لازم برضه

شباب روش طحن said...

الأدب مش حلو وأسألني انا

في كل حاجة لازم يكون معاك سيخ حديد

المترو الطيارة القطار ولو ركبت صاروخ حتي لازم برضه

حروف (دلو مرة ثانية وجرح ثاني سابقا) said...

انا مش فاهمة الغرض من القصة او ما وراء السطور؟؟؟؟؟؟؟؟؟؟
ياريت تجاوبني لاني مفهمتش دمت بالف خير

Foxology said...

ههههههههههههههههههههههههههههههههه

وعلى كدة بأة انت بترجع من شغلك فى لعب الدرامز ولا ايه ؟؟ :))

تحياتى

إيناس حليم said...

:))))))))))
بجد انت مش معقووول
اسلوبك في القصة ممتع جدا و شكلك بتحب المختصر المفيد :)
ربنا يوفقك
يا أحمد

Anonymous said...

يابنى انت مش عضو فى جميعه جيل المستقبل وعاوز تعملى فيها معارض من باب خدونى معاكوا لاخرق نفسى

ريهام العربي said...

هههههههههه

حلوه

مصــــري said...

تسلم يمينك ياخال

نفس اللخبطة اللي كانت موجودة في مقالك المميز "فيلم سكس عربي".

لخبطة تخلي الواحد يجمع مابين الأحداث بطريقة ظريفة جدااااااااااا.

دمت مبدعاً
أسامة

Che said...

ههههههههه
اول ما قريت كلمه سيخ حديد افتكرت الاعلان بتاع " اسياخنا طولها كام .. اسياخنا طولها صح " .. و اخيرا عزيزى احمد احييك على انك عرفت الطريق الصح للبلد منين

رحــــيـل said...

ههههههههه

مش عارفه اضحك ولا ابكى
بس زى مابيقولوا هم بيكى وهم يضحك
وهم ياجمل وهمبورجر
واه كله تهيس

بس انت دايما تهيسك مختلف جدا

تحياتى لك

م/ الحسيني لزومي said...

حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

عاشقه وغلبانه said...

شكرا ياخالو
هههههههههههههههههه

همس الحنين said...

فعلا ناس متجيش غير باسياخ الحديد صحيح

سوبيا said...

حلوة اوي

عاشــــــ النقاب ـقــــة"نونو" said...

شر البلية

قلم رصاص said...

لا تعليق