خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 12, 2009

آسر ياسر .. ليست الأخيرة


هذة المرة كانت الضحية زميلة وصديقة لنا .. مدونة عرفنا عنها كل صفات الإنسان المحترم المثقف جميل الطباع .. وكانت الضحية الثانية .. لا .. ليست الثانية .. ربما تكون الضحية الألف .. أو المليون .. لكنها الثانية التى تحولت قضية التحرش بها إلى قضية رأى عام
عندما تمشى الآن فى شوارع مصر تجد مئات اللافتات التى تستجدى الشباب بالحفاظ على المرآة التى ربما تكون أمك أو أختك أو بنتك .. نترحم جميعاً على الزمان الجميل .. الذى كان يتطوع الشباب والرجال فيه بحماية البنت حتى تعود إلى منزلها .. نترحم على زمان الرجولة .. فى زمان "بيريل" .. نترحم على زمان الأمان .. فى زمن ضاعت فيه كل قيمة جميلة
الموضوع لن يحل فقط بالحكم على المتحرش بعدد من السنوات .. لكن الحل الجذرى أعمق وأبعد من هذا بكثير .. دراسة الظاهرة .. معرفة الأسباب بدقة .. حل المشكلات التى نتتج عنها حالات الهياج الجنسى فى شوارع مصر المحروسة
ظاهرة التحرش الجنسى .. فى رأيى المتواضع هى نتاج مراحل طويلة من الضياع الاقتصادى والتردى الإجتماعى والإنهيار الأخلاقى .. وليست وليدة الصدفة .. وإنما هى تمثل نهاية المطاف الآدمى .. الذى يتحول فيه الإنسان بكل رقيه وقيمه وتفضلة على باقى الكائنات .. لحيوان مفترس خالٍ من النخوة والجدعنة .. وعندما يخلو الرجل المصرى - مخترع الجدعنة - من الجدعنة .. فإن المشكلة كبيرة .. وكبيرة جداً .. أعتقد أن أسر لن تكون آخر الضحايا كما لم تكن نهى رشدى آخر الضحايا .. هذا لإن الحبس والسجن والغرامة ليسوا حلاً جذرياً
نقف جميعاً مع آسر حتى آخر القضية .. نتضامن معها للحفاظ على حقها وعلى حق كل بنت تمشى فى شوارع مصر
و .. تضامناً مع آسر ياسر
أحمد الصباغ

16 comments:

أسوور said...

زيارتك مدونتى شرف لى
وتدوينك عن موضوعى يزيدنى قوة

تحياتى لمدون ناشط لا يكل ولا يمل

يوسفيات..محمد يوسف said...

طبعاً وحيث إن الموديراشن شغال على ودنو -أو ودن حد تاني- فأنا مش عارف إذا كنت أول كومنت ولا لأ

غالباً لأ

يلا مش قضيتنا


بالنسبة لحوادث التحرش اللي بيقولوا إنها بتنتشر ف الآونة الأخيرة فهيا بتفكرني بالسرطان

إزاي؟؟

بيقولك إن الطب لما اتقدم ظهر مرض السرطان

طبعاً السرطان كان موجود وإحنا كنا نايمين على وداننا أو ودان الموديراشن

مركّز معايا ولا تهت؟؟؟

طيب

حط بقى التحرش مكان السرطان وحط بدل الطب الإعلام والتحضر والإنفتاح المجتمعي ...إلخ

التحرش كان موجود .. والـ... كانوا موجودين وبيتحرشوا بس إحنا كان نايمين على وداننا أو ودان الــ..أييه؟

أيون.. الله ينور

طلعت مركّز


زمان كان البنت أو الست يتحرشوا بيها فأهل الشارع بس اللي يعرفوا

اما دلوقتي فالكل بيعرف..(إعلام)

زمان كانت البنت تكتم ف نفسها

دلوقتي بتدي الـ... على دماغو وبتحبسه..(تحضر)
طبعاً الكلام اللي فات ينطبق على التحرش الفردي... أما حالات التحرش الجماعي أيام الأعياد وكده فهيا فعلاً الظاهرة

إيمان said...

آسر ياسر ليست فعلا الأولى ولن تكون الأخيره
فلقد أصبح التحرش يأتى من رجال الأمن حتى الأطفال تصدر منهم بعض الكلمات الخادشه للحياء ...
أما عن السبب فهذا أمر شرحه يطوووووووول
فالأسباب كثيره ... ومثيره للغثيان أيضا
ومهما حصل ... بحبك يا مصر والله العظيم بحبك

Anonymous said...

بضم صوتى ليك يا احمد لاننا بجد فى زمن اخر الرجال المحترمين واحنا على شفا حفرة من الانفجار لان لما التحرش يبقى علنى وقضية متكررة فى حياتنا يبقى دى بجد المصيبة وساعتها كلنا حنغنى امتى الزمان يرجع يا جميل قصدى ياللى كنتى مصر\\بسمة مسلم

GHARAM said...

كلنا مع آسر

الرابطة وبناء الأمة said...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

esraa said...

وعندما يخلو الرجل المصرى - مخترع الجدعنة - من الجدعنة

للأسف بقي في ناس كتير كده

أتمني انها تفضل ثابته علي موقفها وماتتنازلش عن حقها

همسات دافئه said...

ليست الأخيرة!!!
والله ممكن
لو حاكموا واحد بس فى ميدان عام حكومة رادعه قدام البشر كلهم
لو كل بنت وأهلها -بالأخص-طالبوا بحقها ومفضلوش يقولوا سمعتها و منظرها
لو السيده الى صورتها على باب كل محكمة وشايله الميزان معصوبة العينين فعلا
ممكن تكون الأخيرة
تحياتي ليك
شيماء حسن

أية الشقية الشعنونة said...

ربنا يستر عليها وعلينا جميعا

بامانة موضوع التحرش ده بقا ظاهرة غبية وغريبة

حتى الأطفال بقوا بيتحرشوا وبيقولوا ألفاظ وبيقلوا أدبهم

المهم النهاية هتكون فين

وهل هيكونوا عبرة فعلا ؟؟

أم انه لا حياة لمن تنادى

تحياتى
سلام عليكم

Desert cat said...

صح يا احمد كلامك كله صح
آسر ليست الاولى ولن تكون الاخيرة السجن والغرامة اصبحوا ليسوا رادع للمتحرش
اعتقد انه يجب ان يكون العقاب بدنى
.. كان زمان اللى بيعاكس بيحلوا له شعره وكان بيمشى وسط الناس بعاره
انا شايفه ان المفروض المتحرش برضه يتعمله علامة مميزة
بس انا خايفه احسن يستغلوها ويعملوها موضه اصل فى الحالة دى اكتر من نص رجالة البلد هيمشوا بعلامات

A long distance said...

المشكله دي زادت عن حدها اوي
احنا محتاجين ندوات لتوعية الشباب والبنات
وتوجيهم للطريق الصح
وتبقى الندوات دي
من ناس كبيره اخلاقها حلوه
ناس يحتذى بهم في الاخلاق
وتبقى الندوات دي في الجامعات
وتتعرض في كل وسائل الاعلام
حمله لازم تتم توصل لكل كبير وصغير

اسماء جمعه بنت الشمس said...

يا خالو يا خالو محدش يستغرب قسما بالله بنشوف مناظر واحنا رايحين الجامعه تدمع لها العين من العجز الى بيبقى فيه البنات
ومين الى بيعمل كده رجاله معديين احيانا الخمسين والله بشعر شايب الموضوع مش موضوع شباب بس والله كمان الاطفال الصغيرين والموضوع بتاع المتحرش الصغير انا كتبت عنه بوست لأن دى ظاهره صعبة جدا الاطفال الصغيرين الى بيعملوا حركات مش كويسه فى البنات ويجروا
انا نفسى اعمل حاجه لو عالكلام اتكلمت كتير لو عالرد حاولت اغير بس هغير ايه ولا ايه دى فساد فكر شباب وشيٌاب واطفال
لو شفت دموع بنت واقفه تبكى فى الشارع مش عارفه تعمل ايه هتحس بالنار الى فى قلبى من الاخبار دى
انا عن نفسى بمشى فى الشارع مرعوبه ابص ورايا لعيل كده ولا كده يعمل اى حاجه بدال ما عينى تكون على عربيه تطسنى
والله ببقى من جوايا عايزه اعيط
انتصار نفسى عالبنت هى دى المتعه الى بيحسها المتحرش
طب الطفل ده ايه متعته
فين الاهل
بقولك ايه يا خالو انا مخنوقه ومش عارفه اعمل ايه الى هيجيب سيرة الموضوع ده تانى هعيط

Anonymous said...

السلام عليكم happy valantine dayلكل المدونيين ويارب تكون كل ايامكم حب وسلام بالرغم من ايمانى بأن الحب علطول من غير زمان ومكان بس مفيش مشكلة مادام دعوة للحب الشريف مش الكرنيش وامثاله ويعيش الورد ان شاء الله يمكن لونه يطغى فى يوم ويرجع روعة مصر\\بسمة مسلم

بذرة امل said...

كلنا متضامنين مع آسر
أجمل حاجة عملتها فعلاً أنها ما خفتش
وكبرت الموضوع وعملت محضر

Hossam said...

Oh my god
فى المهندسين كان الموضوع دى بجد قلة تربية وكرامة
بس انا عايز افهم ازاى تنشروا موضوع بالصور
على فكرة فى امريكا واوربا ممنوع نشر اى صور لاصحاب الحوادث دى
تحياتى
سلام

أبو براء said...

أهم سبب وهو مكان الجرح اللي حضرتك أثرته ... الموضوع مش تنفيذ عقوبة ولكن إية السبب فى التحول الخطير دة ؟

وجهة نظري .. الإعلام الإعلام الإعلام كفاية حرام