خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 18, 2009

جريدة المدوّنات .. ماذا يحدث لو كانت مصرية ؟

جريدة المدوّنة المطبوعة الأمريكية. أول صحيفة محتواها من المدوّنات
لو كانت هذة الجريدة فى مصر .. لإنفتح ألف "بؤ" على مصرعيه  .. تندد بتقييد حرية التدوين .. وبرفض طباعة المدونات .. وبرفض "التنظير" فى التدوين .. و لرُفعت الحملات والشعارات ولصممت البانرات ضد الجريدة التدوينية الجديدة
ولإمتلأ الجايكو بمليارات الجايكوهات التى تسخر من محرري الجريدة .. وتخلع عليهم الألقاب مثل "آلهة التدوين الجُدد" .. ولقب "أصنام التدوين الصحفيين" .. ولقب "مدونين من ورق" .. وتنشأ جروبات على الفيس بوك مثل جروب "أوقفوا جريدة المدوّنة فوراً" .. وجروب "طظ فى جريدة المدونة" .. وجروب آخر بإسم"طظين فى جريدة المدونة" على إعتبار إن طظ واحدة مش كفاية ..  وحاجات حلوة كتير.. وربنا يزيد ويبارك

16 comments:

نور said...

ههههههههه

خلاص .. كويس انها مش موجودة يا أحمد

محتاجين تغيير شامل في ثقافة الأمة وبنيتهم التحتية علشان نعرف نعمل كده ... او نستحمل

دمت بخير

محمد ابراهيم said...

اول تعليق
ثواني و راجع

محمد ابراهيم said...

هو بص بالنسبة للموضوع ده في فرق كبير
اولا انه في امريكا ممكن لو رسمت الرئيس الامريكي علي شكل قرد محدش هيقولك انت بتعمل ايه
لكن لو رسمت المحافظ في شكل مبهدل
الف مين هيعمل معاك الصح

تحياتي
محمد

مخبر قمل دولة said...

بالعكس انا عن نفسي باتبسط جدا كل اما توصل حاجة من المدونات للصحافة او في كتب
لان دا بيعلي صوت التدوين اكتر واكتر
وبجد انا مش عارف الناس اللي بتعترض بتعترض ليه مادام الموضوع هيتنشر باسمك وفيه اشارة لمدونتك
يعني كمصلحة عامة هيوصل صوت المدونين لناس اكتر
وكمصلحة شخصية هتبقى زي اعلان له للي مابيدخلوش مدونات

عباس العبد said...

بالعكس
يا ريت يبقى فى جريدة للمدونين .. على الأقل مش حيبقى فى انتهاك لحقوق ملكية المدون .. لأن النص اللى حيتاخد منه حيروح لشىء مفهوم الهوية .. حيبقى من المدون للمدون .. لكن الفكرة متبقاش دار نشر تنزل بالبراشوت على المدونات تاخد اللى هى عايزاه و تقولك اصلنا بنشهر المدون او بنوصل المدون للناس .. او بنعرف الناس ماهية التدوين .. او اى خزعبلات و شعوذات من اللى بتتقال علشان فى الأخر صاحب دار النشر ( سواء الشروق او غيرها ) يستفيد من يغمة و من الفتة .. اللى فى الأخر هى المفروض تعب المدون ..
---

مهندس مصري said...

هي دي مصر يا عبلة
قصدي يا أحمد

عاشــــــ النقاب ـقــــة"نونو" said...

ههههههههههههههه
فكرك
الالقاب دي بس والبنرات دي بس

Kareem Brakat said...

ونسيت تذكر بيان شيخ الازهر بان جردية المدونات هي بدعة وكل بدعة ضلالة وأن من قرأها متعمدا وهو يعلم ان محتواها من المدونات فهو آثم وتجب معاقبته إما بالجلد ثمانون أو قراءة مقال أسامة سرايا بتاع يوم الجمعة وطبعا انت عارف المذنب هيختار إيه
تحياتي

نوري said...

هههههههههههههه
بص خلينا نمشي معاك
ونقول انها فعلا بقت موجوده
اعتقد انها بعد عدد واحد
او اتنين بالكتير
الحكومه هتشمعها بالشمع الاحمر والاخضر والبنفسجي كمان

بس بيتهيألي ان الباب الي كتاباتي ممكن تنزل فيه
هيفضل مفتوح
ده انا غلباااان
ومبتكلمش في السياسه

نياهاهاهاهاهاها

بست وشز فور يو

dr.Roufy said...

فعلا ياريت يبقى فيه جريدة موثقة للمدونين بدل السرقات والاقتباسات الى عيني عينك
ياريتنا نعرف نمارس الحرية واحترام الملكية الفكرية كما يجب
تحياتي

أحمد سعيد بسيوني said...

بجد فكرة جميلة وجريدة مميزة

ياريت تتطبق عندنا في مصر

دمتم

حال الناس said...

انا عن نفسي بتمني تكون فيه جريدة للمدونين لان ده هيوصل صوتنا اكتر
والناس هتقدر تحكم علي المدونات من خلال رؤيتهم لكتابات الجريدة
وانا شايف ان شئ طبيعي ان يكون في امريكا جريدة للمدونين لان النظرة هناك للمدونين شكلها افضل من هنا وممكن تلاقي وصف اكتر من اللي انت قلته لو حصل واتعمل جريدة في مصر

RiddleR said...

احمد غطي الخبر دا:
القاء قنبلة على قهوة في المشهد الحسيني

mohamed ghalia said...

ههههههههههههههههههه
ليه بس كل ده
متنتظرش النقد قبل متعمل
صدقنى يا صباغ احنا الى بنجبر الناس على احترامنا
دمت بكل الواد
من زمان نفسى اتعرف عليك

z!zOoOo said...

السلام عليكم

أزيك يا خالو صباغ

يارب تكون بخير

طيب يعني هو ايه الجديد

ماهو سياسه القمع في كل شيء

هتييجي يعني علينا كمدونين بجمله يعني

ثم الناس الي معروفه في الصحابه مبقاش الخوف منها قوي

لأنها أصبحت كمخطط معرفو او تم حفظ نهج الكاتب

لكن لو فيه جريده تدوينه

شوف شباب مدونين قد إيه

وعقول قد ايه وافكار قد ايه واراء قد ايه

يوووووووووه بالعبيط

شوف بقي كل النس هتلحق تكبح جماح الافكار ديه ازاي

او هتلحق تحفظ طريقه التفكير ازاي

ثم كمان متعرفش شعبيه الي بيكتب

ولا صداه للمتلقي

أتمني اكون فيدت برأيي

وأتني تكون في أفضل حال

وفقنا الله وإياكم لما يحبه ويرضاه

في رعايه الله

dalia said...

جريدة مرة واحدة يا خالو تعالي شوف حصل لجريدة الشروق ايه علشان قامت بكتابة آراء بعض المدونين اللى نشروها في مدوناتهم ، شوف يا سيدى بعض المدونين مش عاجبهم ان الشروق تنشر موضوعاتهم رغم انها تنسبها اليهم وبتكتب اسم مدوناتهم وعملوا جروب على الفيشس بوك ضد الشروخ بدل الشروق ، طبعا كل مدون حر بس انا شايفه ان اهتمام الصحافة بالتدوين شيئ ايجابي ودليل على وجود وعي بهذا المجتمع الضخم الذى يضم الالاف الشباب ولازم نشجع الصحف ديه والا اصبحنا مجتمع يهاجم الصحف عمال على بطال
ولا انت رأيك ايه