خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 27, 2009

الزملكاوية والأطباق الطائرة

إدعى أحد المواطنين اليوم أنه شاهد "زملكاوياً" يسير فى الشارع بين الناس .. وأكّد المواطن "بُرعى الحدق" فى حديث له لوكالة ناسا لعلوم الفضاء .. أنه متأكد من مشاهدته لزملكاوي يسير حياً .. وإنه لا لم يكن سكيراً أو مريضاً
يذكر أن "الزملكاوية" هو إصطلاح إستخدم فى القرن العشرين للإشارة لمشجى نادى كان معروفاً وقتها بإسم الزمالك وكان يرتدى اللون الأبيض حسبما يروى معظم المؤرخين
وأكد الدكتور "جون فرانك مارك دولار" عالم الفضاء والأطباق الطائرة أن التفسير العلمى الوحيد المقبول أن هناك خلايا زملكاوية كانت محفوظة فى إحدى تلاجات المعهد العالمى لحفظ الجينات والخلايا بولاية اكسبنيف الأمريكية وربما قام أحد المواطنين بإستخراج هذة الخلايا وزرعها فى "أصرية" فأخرجت زملكاوياً حياً يمشى ويسير بين الناس .. وسبحان الله مبدع الأكون
من جانبه قرر السيد وزير المتاحف إقامة متحف يسمى "متحف الزمالك" لوضع المقتنيات التى تم العثور عليها من آثار مشجعى الزمالك مثل مطوة قرن غزال يعود تاريخ صنعها إلى ما قبل الهزيمة الثلاثية والسداسية للزمالك .. بالإضافة لبعض عينات من أدوية استخدمت فى الإنتحار يعود تاريخ صنعها للفترة ما بعد مباراة الزمالك مع مركز شباب بنى عبيد
كما أن هناك مواطن آخر إدعى أنه شاهد هذا الزملكاوي وكان يشمت فى الاهلى .. وهو الأمر الذى أثار أندهاش وأنبهار جميع وكالات أنباء وجرائد العالم والمحطات الفضائية وما اعتبرته مراكز البحث العلمى إكتشافاً علمياً مزهلاً
وأخيراً .. لا نملك إلا أن نسبح الخالق .. الذى أبدع مثل هذا الكائن الزملكاوي العجيب .. الذى كان فى العهد السحيق يقاوم الهبوط لدورى المتاعيس وفى نفس ذات الوقت لازال يملك أنفاساً ليستطيع الشماتة فى النادى الأهلى
وإلى لقاء فى نشرة أخبار علمية أخرى
أحمد الصباغ

34 comments:

مهندس مصري said...

هههههههههههههههههههههه

محمد ابراهيم said...

no comment
مش عارف اقول ايه يعني
اقول اتفرجوا علي ماتش امبارح يعني و لا ايه بالظبط ؟
مش عارف
عموما
كل واحد بدماغه

تحياتي
محمد

dr.Roufy said...

:))

صحيح العلم بيتقدم يا جدعان
هههههههههههه
كله كوم وموضوع الأصرية دا كوم
ولا عصر ماقبل الهزيمة السداسية

بجد تحفة
اسلوبك رهيب يا خال

Beram ElMasry said...

الاخ العزيز احمد الصباغ
السلام عليكم ورحمة الله وبركاته
اللهم لا شماته ، وربى قادر ان يحي العظام وهى رميم وانت نسيت ولا اللى فات مات (زملكاوى النزعه اهلاوى العضوية )
لك تحياتى والسلام عليكم ، ولا سلام مع اليهود

mostafa rayan said...

حبيب هارتي
طبعا الاهلي فوق الجميع ولولماكناهلاويا لوددت ان اكون اهلاويا بس انت كدةهتفتح على على نفسك باب جامدقوي من بقايا مشجعي هذا النادي المنقرض
بس ولا يهمك كلنا معاك
إلآ بصحيح يا ابوحميد هواصلا اصلا في حاجة اسمها نادي الزمالك
سلاموز يا جميل

Kareem Brakat said...

رهيب والله يا خالو بجد
البوست جامد
لا وبيقولك كمان إن في محاولات لإعادة إحياء هذا النادي المنقرض على طريقة حديقة الديناصورات وده بفضل جهود العالم الروسي مرتضي منصوروف

reem said...

ليه بس كدا ؟ انا صحيح زملكاوية تبعا للزوج اكيد لكم بجد الوست دا موتنى من الضحك
بجد اسلوبك حلو اوى بس خف على الزمالك شوية

*البت المشمشية *حلوة بس شقية * said...

الاسماعيلى غلب الاهلى 1/صفر
ههههههههههههههههههههههههههه

قلب ينبض بالحب said...

هههههههههههههه يافقري تيب روح اسخبى في أى حتى أحسن يجيلك وفد من الكائنات الزملكاوية يغتالك دمت بكل الخير ياخااااالو

يا مراكبي said...

على فكرة .. أنا امبارح شفت واحدة زملكاوية على الفيس بوك

شكلهم رجعوا من تاني اليومين دول

t3ban said...

مهما حصل حفضل زملكاوي
و متقلقش مفيش العن من كدة

nody_1987 said...

لو كانت دامت لغيرك ما كانتش جت لك ياسى احمد

وبعدين مهما حصل ومهما جرى
هايفضلوا الزملكويه ورا ناديهم
رغم انف الحاقدين

حسام غانم said...

تؤ تؤ تؤ

فيه حد يقول كده عالزمالك العالمي ؟!!

faissl said...

تصدق فكرتني بالدكتور مصطفى محمود
يا سلام فعلا سبحان الله شوف شوف شوف بيمشي ازاي.. بالضبط كأنه بني آدم هذا الكائن الزملكاوي العجيب، لأ ده كمان فيه دراسات بتقول لك انه ممكن يقف ويجري كمان، وعملوا عليه دراسات وهو نايم كان بيحلم بالأهل وهو ماسك حاجة مدورة مش عارفها.. ده طبعا هو شايفها كده ككائن زملكاوي لكن احنا كبني ادمين عارفين ان اسمها درع دوري.. شوف شوف حقيقي ويخلق ما لا تعلمون..

boshra mohamed said...

كان ليهم حق والله اللى رشحوك كأبضن مدون فى المسابقة بتاعة بيسو

ايوشة said...

ههههههههههه قطيعة تقطع الكورة وسنينها اكلت دماغ الناس
ولا يكون هزيمة الاهلى السبب الناس بقيت ماشية تكلم نفسها
بس موضوع انقراض الزمالكاوية مش بالساهل كده
اسلوب حضرتك حلو جدااااااا ليهم حق فعلا كل الناس تحب مدونة حضرتك

EmY said...

حرام عليك بقي يا صبوغي انا زملكاويه راعي شعوري يا اخي

و اهو الزمالك اتهزم يا مينز و الاسماعيلي الجامد اوي كسفكم يارب تتهدوا بقي

كلها عشرين تلاتين سنه و الزمالك يقف علي رجليه تاني و محدش يعرف يكلمنا

خمسة فضفضة said...

السلام عليكم ورحمة الله وبركاته

هههههههههههههههه

لا جامده جدا

اول مره علي فكره اعرف ان ليك في الكوره يا خالو

Soul.o0o.Whisper said...

امممممممممممممم

حلو البوست


بس مش شايف ان السخرية لاذعة شوية
خاصة فى بعض الالفاظ؟؟؟


على العموم ماليش فى الابيض و لا الاحمر
و لا النحاسى حتى
هههههههههههههههههههههههه






دمت بود

صباح الصباح said...

واللة يا خال الواحد بقالة كتير ما سمعش اخبار عن الكائنات الزملكاوية

انا كنت واحد منهم على فكرة بس كان اخرى ايام ايمن منصور فى عصر ما قبل الاسرات

صبح صبح يا خال

ليلى فى عالم ادم said...

plz take a look on my new post and tell me what you think

إيناس حليم said...

Ahmed Al-Sabbagh يقول...

كلماتك جميلة
ومدونتك راقية
احطها فى الريدر عندى واتابع تدويناتك
كل التحية لابداعك
احمد

Ahmed Al-Sabbagh يقول...
إيناس ليه ما تخليش قائمة المدونات واى قوائم تانية فى السايد بار اللى على اليمين
وحطاها تحت
؟؟

لو حباها كدة اوك
لو مش عارفة تخليها على جنب قولى لى

****************

بص أنا طبعا مش من حقي خالص اني اتكلم في حاجة زي دي بس للأسف أنا من النوع اللي لما بدايق مش بعرف أداري خالص وعايزة منك تفسير مش اكتر
ده لو كان عندك وقت ترد عليا

انا بالصدفة والله ببص ملقتش انك حاطط مدونتي عندك عشان تتابعها زي ما بتقول ودي حرية شخصية طبعا بس ليه قلت من الأول انك حاططها

هل انت كنت شايفها كويسة وبعدين غيرت رأيك
أنا يهمني أعرف الاجابة مش أكتر
ومش لازم تنشر التعليق لو مش عايز
ممكن تبعتلي الاجابة على الاميل
وياريت تهتم زي منا بهتم وبتابع المدونة بتاعتك
انت كدة كدة طبعا مدونتك تستاهل جدا انها تتابع من غير حاجة
بس أنا كمان أستاهل انك ترد عليا

شكرا

Ahmed Al-Sabbagh said...

إيناس حليم

طبعاً ليكى حق تتسألى وتستغربى
وده أنا اشكرك عليه لأنه نوع من الاهتمام اللى يسعدنى ويشرفنى
ضايقنى بس بعض الكلمات زى لو عندك وقت ترد .. اللى حسستنى بإنى شخص سئ

التفسير بقى هو ان الريدر عندى متخلف
فعلا متخلف وانا اصلا من حوالى شهر مسحت كل المدونات ورجعتها تانى وحذفت المدونات المتوقفة واللى اتقفلت
عشان احل المشكلة دى

لكن للاسف لقيت ان فى مدونات بعض الاصدقاء اللى بتظهر لى فى الريدر مش بتظهر فى البلوج رول فى المدونة عندى

ولاسبيل الا انى استعين بأهل الخبرة عشان يحلوا المشكلة دى

الحاجة الأخيرة
إنى متابع مدونة حضرتك
بعلق بس لما هكون هضيف على الموضوع شئ
لكن التعليق لإبداء اعجابى الشديد بكتاباتك بحاول ألا أطلقه
وأكتفى بالتعامل مع النوع الأدبية الرائعة .. كـ لوحة فنية لا يجوز التعليق عليها أو وصفها
عجبنى موضوع سحر البدايات وشعر الحمامات
:)

محاولة أخيره انا مسحت مدونتك من الريدر وضفتها مرة أخرى أتمنى إن المشكلة تتحل

إيناس حليم said...

شكرا يا أحمد لاهتمامك و آسفة اذا كان كلامي ضايقك بس أنا زي ماقلتلك لما بدايق مش بعرف أسكت وده عيب يمكن بيخليني أظلم ناس كتير زي ما ظلمتك كدة :)
عموما حصل خير وأشكرك على ردك ونا مش قصدي انك انسان سيئ ولا حاجة بالعكس اللي يتابع المدونة بتاعتك يعرف قد ايه انت انسان بتحس بهموم الناس وبتحب تشارك اصحابك و الناس كلها افراحهم و احزانهم.. و الانسان اللي كدة طبيعي انه يبقى انسان كويس

وعلى فكرة أنا مكنتش عايزاك تبدي اعجابك بمدونتي ولا حاجة بدليل ان اول و آخر تعليق منك كان من زمان أوي
أنا بس زي ما قلتلك لاحظت بالصدفة عدم وجود مدونتي ولأني انسانة انفعالية زيادة عن اللزوم استغربت وسألتك

عموما حصل خير
وانت انسان جميل يا أحمد

ربنا يوفقك

بدراوى said...

ههههههههههههههههههههههههه


ههههههههههههههههههههههههههههههه



ههههههههههههههههههههههه


عالية اوووووى

طب مفيش متحف الحفريات
يعنى نقول و ديه حفرية توضح قدم اللاعب
جمال حمزة

و ديه حفرية توضح يد اللاعب شيكابالا
اما اشار بيده إشارة كدة مش و لابد

ههههههه
بس بيقولوا انهم اكتشفوا وجود بعض المياة الجوفية فيه صخرة كوكب الأرض

و تبين بعد ذلك ان المية ديه نتيجة خراطيم المية اللى كان بيطفوا بيها الإستاد بعد ماتش الأهلى و الإسماعيلى

إلا صحيح الزملكاوية دووول بيأكلوا طبيعى زينا و لا الأكل بتاع نيل أرمسترونج لما طلع للفضاء و أعد يضرب اكل فى حبوب كدة

يقال أن مرات ارمسترونج لما هو غاب فوق يجى تمناشر سنة ضوئية

رعقت بالصوت
و قالت تلاقيه يا حبة عينى
شاف زملكاوى فوق
ههههههههههههه

شفقة هانم واحسان بك said...

بأتابع كتاباتك كلها تقريبا يا أحمد
بس زي ما قلتلك قبل كده
إنت مالكش حل في اللون الساخر
وكمااااااان طلعت أهلاوي كبيــــــر
حقيقي تشكر على البوست ده يا زميلي

إحســان الأهلاوي

هويدا صالح / عشق البنات said...

أحمد
شد ما ضحكت على ما كتبت
برضو يا أخي الأهلوية دول ليهم حاجات تغيظ ومتعصبين جدا
وبصراحة عندهم عنصرية النازي هتلر
يعني ناقص يقولوا هو مش زملكاوي بس طيب
هاهاهاها
على فكرة أنا أهلوية بالقهر والغصبان
طبعا لا أحب الزمالك
وبرضو لا أحب الأهلي
حد يحب الحزب الوطني
الأهلي ده زي الحزب الوطني
ههههههههههههههههههههههههه

حسن مدني said...

شوف ياخال

أنا راجل زملكاوي من قديم الأزل، من أيام ما كان الزمالك بيجيب أجوال. وبيقدم كرة قدم جميلة

بس حقيق ضحكت كثير في هذا المقال.
وياسيدي قادر كريم ربنا يحي العظام وهي رميم، والأيام دول يا صاحبي

تحياتي

اسماء عوني said...

نياااهاهاهاهاهاهااها
عووووو واهاهاهاهاهاها
عوووووووووووو هوهوهو ههبهبهبهب
استني
ضحكه رقيعه بقي
هيهيهيهيهيهيهي
والله انت مشكله
رهيب والله رهيب
لا والمهم واحد داخل بيقولك شوفتوا ماتش امبارح
علي ماتش الاسماعيلي
هيهي هعهعهعهع
ماتخليكوا في حالكوا يا جدعان
ههههههههههههه

Hossam said...

مممممممم حاسس انك غلط
لان مش من حق اى حد انه يكلم عن اى حد بالطريقة السخرية دى حتى لو كان ايه
يتهيئلى اى زملكاوى هيشوفك مش هيسيبك فى حالك يا ساتاذ
وحشتنى جدا
تحياتى لك صديقى
سلام

Anonymous said...

فعلا تستحق جايزة بيسو لأبضن مُدون عن جدارة و استحقاق
استمر حتبقي كويس و حتتحول لبيضة كبيرة في الآخر
:)))

Anonymous said...

خنيق بجد يا بضان

Anonymous said...

Ӏ cοuld not resiѕt cοmmentіng.

Very well written!

Herе is my ωebpage :: walmart garden center

موقع اخبارى said...

موقع اخبارى
اخبار محلية
اخبار عربية
حوادث
اقتصاد
اخبار دولية
اخبار الاقتصاد
اخبار الرياضة
اخبار الفن
اخبار التكنولوجيا
فيديوهات اخبارية
اخبار المرأة
اانتخابات مصر
مجلس النواب
فعاليات
اخبار عاجلة
قنوات اخبارية
بث مباشر
كواليس
مواقع اخبارية
اخبار
اخبار نت
اخبار السياسة
موقع اخبار
اخبار مصر
اخبار رياضية
اخبار الحوادث