خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 9, 2009

أول مدوّن على سطح القمر

لم أكن أتخيل أنه يمكن تصوير القمر نهاراً بتلك الكاميرا العادية ، فتظهر هذه التضاريس واضحة على سطحة .. الحقيقة النتيجة كانت مشجعة تماماً ، وظهور هذا الكم من التضاريس يشجعنى أكثر أن أقوم بمحاولة تصوير "واحدة ست" .. اللحظة التى قمت فيها بتكبير الزووم إلى أقصى حد والتأمل فى تلك التضاريس جعل عدة أسئلة تقفز إلى ذهنى .. ياترى ما هى تلك التضاريس .. هل هى جبال وهضاب وبحيرات .. وربما مواقف ميكروباظات .. هل توجد بيوت على سطح القمر .. أم أن الناس هناك ينامون فى الشارع .. أو لا توجد ناس على الاطلاق .. هذه الإحتمالية الأخيرة لا أصدقها غالباً .. وإذا كان لا يوجد بشر على سطح القمر .. فمن يقوم الرؤوساء بسرقته هناك .. مسكين الرئيس القمرى لا يجد شعباً يسرقه .. وإذا كان لا يوجد رجال على سطح القمر فبالتأكيد أن المساكين هم النساء.. يوجد كمية رهيبة من العوانس على سطح القمر .. أما إذا لم يكن هناك نساء على سطح القمر فبالتأكيد أن هذة التضاريس عبارة عن كمية رهيبة من الرجال إجتمعت لتشاهد أفلام بورنو .. وتشرب مخدرات .. وأكيد هم يعانون من فراغِ رهيب
هل توجد أجهزة كمبيوتر على سطح القمر .. وهل يوجد مدونون .. نحن لدينا مدوّنة "بنت القمر" .. ومدوّنة "أصحاب القمر" ومدوّنة "قمر الصحافة"  .. لكنهم يدوّنون من على سطح الأرض .. تخيل معى لو أن هناك مدوناً يكتب من على سطح القمر .. وينقل لنا صور وتدوينات عن الأحداث هناك .. والتى غالباً لن تخرج عن أعاصير وذعابيب وسيول وأمطار ..
العجيب أن هذة الصورة بالنهار وقبل الغروب بقليل .. قمت فقط بتقليل إضاءة الخلفية .. وأننى عندما حاولت تصوير القمر بالليل باءت معظم محاولاتى بالفشل ..
المهم .. أنا سعيد بهذه الصورة رغم بدايئتها .. يبدو أن كلام محمد حمدى قد تحقق وأن بارانويا التصوير قد أصابتنى .. فقد إلتقطت هذا الأسبوع كمية كبيرة بها من صور لا بأس بها .. من قصر محمد على .. وقصر عابدين .. وأماكن أخرى .. خلال ورش تصوير ومحاضرات عملية ونظرية حرصت على الإنضمام لها
لكن لا زالت تلك التضاريس والجبال تحيرنى وتلغزنى كثيراً .. السقوط الأخير فى دائرة التهييس واللسعان .. كان عندما أتانى هاتفُ من داخلى يؤكد أن أسامة بن لادن مختبئ فى تلك الجبال
والله يرحمنى ويحسن إليَّ

أحمد الصباغ

30 comments:

كرانيش said...

الله يهديك ويرضيك

اسامه ابن لادن فى القمر
والرؤسا مش لاقيين شعب يحكموه
ولا فى عندهم نانسى وروبى
والكمبيوترات عندهم فى ازمه
عشان كده مفيش مدونين نشطين
....

حلوه الصوره
وحلو اهتمامك بالتصوير
وحلو اكتر نشاطك فيه وحضورك للورش بتاعته

صباح الصباح said...

سلامتك يا خال كنت بعقلك

ههههههههههههههه

Zika said...

ايه يا صباغ
وناسي كمان انك صورتني
وده اصلا يعتبر شئ ايجابي للسي في بتاعك بعد كده
:P
اولا الصوره حلوه جدا
وبالنسبه للتدوين من علي سطح القمر
انا كان ليا اصلا نظره في حوار الكائنات اللي بتعيش عالقمر
اكيد اكيد اكيد الناس دي عندهم قهاوي زينا
وعايشين زينا
وكل حاجه بس الفرق بيننا وبينهم
انهم مش بيعملوا حمام
عشان كده القمر شكله حلو
والارض بقت زباله

mohamed ghalia said...

انت بجد فنان ياصباغ فى التقاط الصور
يمكن يجى يوم ندون من سطح القمر مين عارف
بص انت احلم ومتشغلش نفسك
مش معقول حتى هنبطل نحلم
وركز فى فكرة الجريدة
دمت بكل الود
محمد غالية

mahasen saber said...

انتا الكاميرا لحست دماغك وعملتلك دماغ زى دماغ حمدى بس ادمغه حلوه استمروا الى الامام ايها الشباب الرائع المذبهل من تضاريس القمر
ههههههههههههه

mahasen saber said...

صباغ ادينى الكاميرا دى لفه اما اشوف هتبدع معايا وتجيب القمر واليى فيه على ملا وشهم ولاا لا

بس بجد عاجبنى تنميتك لهواية التصوير عندك قوى والصوره تحفه
بجد انتا شاب وشخصيه ثريه ورائعه

ابن حـجـر الـعـسـقـلانـى said...

طب و الله يا صباغ أنا شايف على القمر اللى انت مصوره دة صورة واحدة قاعدة و ابنها فى حجرها

بدراوى said...

احمد خالو
يا صباغ

هههههههههههههههههههههههههههههههههه

افتكرنى لما قولتلك صور القمر

هههههههههههههههههه

فيه قبيلة البدراوية
عايشة فوق
بقالها
50
سنة قمرية
ابقى صورهم

ههههههههههههههههههه

رحــــيـل said...

احمد ازييييييييييييك

اخبارك ايه؟

حاسه ياحمد ان بعد كده هيوصل معاك التهيس لمجرات درب التباه كله
يعنى مش بعيد نلاقى تدوينة عن المريخ ومدنين المريخ

على فكره جميله هواية التصوير جدا رائعه

يوسفيات..محمد يوسف said...

بس وطي صوتك

مش ناقصين القمر كمان يضرب

لاحظ إن أمريكا حاليا إيديها بتاكلها

bos bos said...

احمد

على فكرة الصورة اكتر من رااااااااااااائعة زى ما قلت لك

وعلى فكرة بارانويا التصوير أصابتنى انا كمان معرفش حصلى إيه بجد وخصوصا بعد ما بدأت أطلع صور كويسة نوعا ما طبعا مش زى صور حضرتك أحنا هنيجى إيه جمبك
ولكن أحب أقولك انى انا كمان اصابتنى حالة من الهوس للتصوير ولان كاميرا الموبايل مش عملية للمواضيع دى قررت اشترى كاميراااااااااااااااا علشان انافسك بقى هههههههههههه طبعا لا يمكن هقدر انافس ملك التصوير بس ممكن ندخل فى مباراة مع بعض يالا بقى هنعمل ايه بس
هههههههههههههههههههه
وتخيل من كتر الهوس اللى جالى كنت من يومين خارجة اعمل تحقيق عن المولد النبوى وصورت 150 صورة طبعا فيه حاجات طلعت مهزوزة والاضاءة مش كفاية وده عيب الموبايل دايما ولانى كنت عارفة كده فكنت مابفوتش حاجة الا واصورها لدرجة ان الناس استغربوا وكانوا شوية وهيحدفونى بالطوب هههههههههههههه ولان الزحمة كانت رهيبة فماكنتش بعرف اقف ثابتة وانا بصور وكل شوية اتحرك لكن الحمد لله عدت على خير وماحدش داسنى تحت رجله
ههههههههههههه

وهنيئا لك على هذا الهوس الذى أصابنى وبسببه هقترض قرض حسن لشراء كاميراااااااااااااااااا

هاهاهاها

رامز عباس said...

هههههههههههههههههههههههههههه
هههههههههههههههههههههههههههههه
أنا مش قادر أمسك بطني من أبداعاتك

بس مقولتليش يا صباغ

هو القمر معلهوش معاقين اتصل بيهم يتضامنوا مع معاقي كوكب الارض وبخاصه مصر بلدنا


متبصليش كدة
ااه كل حاجه ههحشر فيها المعاقين فنحن جزء من كل شيء

عن اذنك اعمل مدونه قمرية علشان اتواصل مع نشطاء القمر علي البلوجر والفيس بوك القمري

رامز عباس said...

هو كل معلق الاقي التعليق مبينزلش علي طول ليه لعل المانع خير


المهم اشكرك علي الخدمه اللي ادتهالي واللي عرفت اتعامل معاها والحمد لله


وانا فخور انك بتلاحق الاحداث والورش عكسي


تصقد يا صحبي مهرجان للتنمية البشريه يرفض حضوري قال ايه انا مبسمعشي ومينفعش اروح وانا مبسمعششي اتمني ترد عليا بعد متنزل التعليقات

بذرة امل said...

ههههههههه
على فكرة ياخال
لو امريكا سمعت بتقول عن أسامة بن لادن مختبىء فى جبال القمر
لأعدت رحلة إلى القمر مخصوصة للبحث عن أسامة بن لادن

مهندس مصري said...

وش واحد مبتسم نص إبتسامة ممزوجة بحزن خفيف

romansy said...

صوره القمر المره دى مختلفه شويه عن الصور العاديه ممكن علشان فى مدونتك وبكاميرتك
فكره اننا ناخد صاروخ ونعمل تجمع هناك ونختار فريق جواله ومستكشفين يشوفوا الجو الغريب دا ويعرفوا ان كانت دى تضاريس ولا ايه وهنلاقى اسسامه بن لادن ولا لا

أكون أو لا أكون said...

الصوره جميله جداً... أنا أول مره أرى التضاريس على سطح القمر بهذا الوضوح...!!!
حقا صوره رائعه...

dr.Roufy said...

فكرتني بايام زمان
لما كنت صغيرة
وافضل ابص لتضاريس القمر وافتكرها عين وبق ومناخير
وكانت فعلا منطبعة بالصورة دي ولوقت طويل في ذهني

واضح اني دلوقتي هاغيرها واقتنع بنظرية موقف الميكروباظات بتاعتك لكونا أكثر واقعية
:))

mohammed alsha3r said...

تسلم ايديك يااحمد

عن جد صورة معبره

سوبيا said...

بدائيه ايه بس يا صباغ

الصورة جميلة جدا
وماتقلش جمال عن البوست
تسلم عدستك

أسوور said...

احمد الصباغ
زعيم المدونين

انا بأشكيلك الهجوم علية اللى بدأ من ساعة ما حضرت حفل توقيع انا انثى

بيقولوا يا سيدى باللفظ انى كنت لابسة زى بنات الفيديو كليب

وانى كالكاسيات العاريات .. المائلات المميلات

وانى استاهل .. وان كل اللى شافنى يوم حفل التوقيع قال .. انهم عندهم حق يعملوا كدة وانى استاهل

يا ترى مين اللى بيقول؟؟؟

التوقيع دايما مجهول

طيب انا كدة بصراحة بقيت عندى شكوك فى كل اللى كانوا حاضرين

انا قاطعت لقاءات المدونين قبل كدة بسبب قلة الأدب .. وجيت الحفل .. والظاهر كانت غلطة

وتخيل بقى يا احمد لما الضربة تيجى من جوة .. تخيل احساسى ايه وانا عارفة ان فى ناس ضحكت فى وشى ثم اكلوا لحمى ميتا فيما بعد

ولا عزاء للسيدات فى هذا البلد
ولا حتى فى دولة المدونين

تحياتى

*SosSoOo* l'o'l said...

اتشرفت بدخول مدونتك ويا ريت تشرفنى بالزيارة

إبـراهيم ... معـايــا said...

صباغ .. أنا من زمان لم أتوقف عند نصٍ لك بهذا الجمال ، إيه رأيك بقى :)

بعيدًا عن جمالية الفكرة أصلاً الكتابة المره دي طالعةبإحساس ف جاية (حقيقي مش مجاملة) حــلوة قووووي

وبعدين تصاويرك بشهادة الشهود غير عادية .....
جوووو أون يا مـــان

Rannon said...

صورة حلوة قوي
والبوست كمان جميل
وبعدين ماله التصوير.. بارانويا بارنويا وانت يعني بتعمل حاجة وحشة لا سمح الله :)

أنا كمان بحب التصوير جدا(صور وأتصور :)

الكلمة نور وبعض الكلمات قبور said...

وداعا للانونيمس
بعد البهدله فى مدونات الناس والرد كانونيمس وكل حد يقولى ياانونيمس كانى عار على الانترنت ونفسى واهلى قررت اعمل مدونه وامسح العار واكتب اللى يعجبنى وابقى اخر فل

مهندس مصري said...

أسوور
======
يا ستي مش شرط يكون حد من اللي حضروا الحفلة
ما تغطية الحفلة فيديوهات و صور نزلت على النت في المدونات و الفيس بوك
ممكن يكون حد ما حضرش الحفلة
بل ممكن يكون حد من بره مصر أصلاً
من أي مكان في العالم

ثم لو واحد من اللي حضروا الحفلة

ليه تآخدي الكل بذنب واحد
ممكن يكون ما كلمكيش أصلاً و ممكن يكون شافك من بعيد بس
و حرام تظلمي الكل بذنب واحد
إن بعض الظن إثم

و ارجع و اقول رغم إن لبسك مخالف لتعاليم الدين الإسلامي اللي بيأمر بالحجاب

لكن مفيش حاجة إسمها تستاهلي

التحرش جريمة و ليس لها أبداً ما يبررها
و اللي يقول تستاهل يبقى حمار و مش فاهم لب الدين الإسلامي الحقيقي

و بأقوله المفروض تدعوها لطاعة ربنا بالحكمة و الموعظة الحسنة
لكن كده هل إنت بتدعوها و لا بتشتمها و تكرهها في الدين و المتدينين
دا لو إنت متدين و ده أشك فيه بشدة

لإن المتدين حيغض بصره و لا يمكن تصدر منه كلمة زي تستاهلي دي

ربنا يشفي أصحاب النفوس المريضة

و على فكرة الحجاب مش حتة قماش على الراس

الحجاب هو ما يغطي جسم المرأة كله ما عدا الوجه و الكفين و يكون واسع لا يصف الجسم تحته و يكون غير شفاف و ما يكونش ملفت للنظر

ربنا يهدينا جميعاً

بسنت said...

مش عارفه سمعت الحكايه دى قبل كدا ولا لأ
ان امريكا بعد اكتشافها حيث انها كانت مهجوره وبها مساحات صحراويه هائله بجانب الهنود الحمر كانت مكان لنفى السجناء وافراد العصابات
مش عارفه صدقها من عدمه
بس افتكرتها لما ذكرت يا ترى مين اللى عايش على القمر

احسن حاجه فى القمر انه بعيد علشان يدينا الفرصه للتخيل

بس لازم تكون عارف ان ممكن الناس او الكائنات اللى هناك تكون بردوا بتفكر وتدون بس بطريقه مختلفه

كفايه كدا احسن واضح ان الواحد بدأ خياله يوسع

صوت من مصر said...

ياعم احمد ممكن تحجزلي معاك في الصاروخ الي جاي عشان نفسي اشتري من هناك موبايل سمعت انه ارخص من هنا 100 جنيه

طعمية سخنة said...

هههههههههههههههه
حلوة تصور واحدة ست
طيب شوفلك حاجة هاي ديفنشن
و شوف الصور بتبقي عاملة ازاي بالعدسات دي

شيماء الجمال said...

جميل جميل ..استمتعت جداً بقراءة التدوينة