خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 26, 2009

إستاكوزا بالمهلبيــــة


هل جربت السقوط فى دوامة مياه ضخمة فى قلب محيط تبتلع الحيتان والعبّارات والأشياء والإنسان .. وأنت وحيد بلا طوق نجاة ؟
هل جربت يوماُ أنا تحاول اللحاق بقطار يسير بسرعة ألف ميل فى الثانية وأنت يحدوك الأمل فى أن تلحق هذا القطار وأن تسبقه ؟؟
بلاش دى
هل جرب يوماً أن تدخل برأسك فى خلاط مطبخ ( من اللى بيعصروا فيه الطماطم ) وأن تكون رأسك فى مكان الطماطم .. هل جربت شعور الطماطم داخل الخلاط ؟؟
طب بلاش دى بردو
هل جربت شعور "اللباية السوداء" داخل البطيخة ؟؟ وهى محاطة من جميع الجهات بالبطيخ بحيث لا تستطيع الحركة او التنفس طوال حياتها .. وعندما تبدأ فى الحركة والحياه والتنفس يكون ذلك لحظة إنتهاء حياتها "متفوفة" إلى سلة الزبالة
صدقنى ليست المشكلة فى أن يكون الإنسان "لبّاية" .. المشكلة لو كان متفوفاُ
أحياناُ كثيرة أشعر بإننى لباية .. لكن ما أصعب أن ترى نفسك متفوفاً
هل جربت شعور إنسان تائه فى صحـــراء واسعة جرداء لا زرع فيها ولا ماء .. ولا بشر ولا صديق ولا حبيب ولا صدر أم حنون يضمك ويسقيك الماء البارد .. وإذا فكرت فى أكل شئ رطب فإن أقصى طموحاتك هى قطعة من الصبّار "الورور" طازة بشوكه .. وإن صادفك الحظ الجميل فستجد بركة من الماء المالح "الصايص" .. وستكون مُطالباً فى هذه اللحظة بأن تعود إلى بيتك سائراُ على أقدامك وإلا فالموت الزؤام .. سواء بأن تكون وجبة عشاء لذئب عائد من العمل إلى مراته وعياله .. أو بأن تكون هدية عيد أم من شبل إلى مامته إنثى الأسد !!
هل جربت أن تسقط فى بلاعــة الأزمات .. أوتقع عليك مياه غسيل الذكريات المريرة وأنت تسير فى طريق موحل .. أو يتم حبسك لمدة ثلاثين عام فى مقلب زبالة الماضى ؟
هل جربت أن توهب عمرك لحبيبك .. وأن تعشقه ويعشقك وتذوب فيه حتى النخاع .. فتصبح عيونه هى عيونك التى تراه بها .. وأذنه هى أذنك التى تسمع بها .. ويصير روحاً شفافة ترسم حياتك ومستقبلك .. ونبضاً يسرى فى كل ذرة من ذرات جسدك .. ثم تفترقا .. ويصبح عليك أن تكمل باقى حياتك بدونه ؟
إذا كنت كذلك .. فلا تبتئس
فهناك شخص أخر يشاركك هذا الشعور
لكن لابد وأن تبتئس عندما تعلم أن هذا الشخص فى طريقه إلى الجنون
إنسان فى طريقة للجنون
أحمد الصباغ

26 comments:

bos bos said...

إذا كنت كذلك .. فلا تبتئس
فهناك شخص أخر يشاركك هذا الشعور
لكن لابد وأن تبتئس عندما تعلم أن هذا الشخص فى طريقه إلى الجنون

انا الآخرى أصبحت على حافة الجنون فأهلا بنا فى ملتقى المجانين

عاشقه وغلبانه said...

انا تصورت روحي الطمطمايه في الخلاط حسيت بدماغي بتتخبط
يااااااه
صدعت

يخربيت دي نشببيهات يا احمد

انت مكتئب ولا ايه...؟؟
اوعي تكون مكتئب
ازعل موت

Abdou Basha said...

قطعت قلبي يا عم
خير
ايه اللي حصل؟

mohamed ghalia said...

إحساس مؤلم فعلا ياصباغ
المهم إننا نحاول نخرج منه بسرعة
دمت بكل الود
دمت فى سعادة

حياة said...

ضربت على الوتر الحساس فهذا الاحساس الذى ينتبنى ها الايام خصوصا فى اللبة عندما تحس بانها تحررت من البطيخة تلاقى نفسها متفوفا فى الزبالة الله عليك تشبيه بليغولكن هل يصا بنا ها
الاحساس للجنون فعلا

تحياتى

mahasen saber said...

هو الكلام ده فيه حزن ولاا انا اليى مبحسش

مالك يا صبغ

ده انتا ليك عندى علقه كبيره تنزل الزعازيع ومتقوليش عشان اوجب معاك

mahasen saber said...

يا رب تكون بالف خير

my dream said...

احاسيس كلها صعبه
بس الغريبه ان اغلبنا بيحس بيها
طب انت جربت تحس ان روح خرجت منك ووقفت تتفرج عليك يمكن تضحك عليك يمكن كمان تبكي بس المشكله انك عايش وهي بتتفرج عليك
طب انت فهمت حاجه
يلاه مش مشكله ماهي استاكوزا بالمهلبيه
تحياتي
مروه

daughter of egypt said...

ازيك....يا صباغ

عجبتني حتت البطيخ ديه قوي
انا عن نفسي جربت ابقا زي اللباية

وتشبيهاتك حلوة قوي

تقبل مروري

وومن said...

ياااااااااه كل دة شايلة في قلبك وساكت

طب الحمد لله أن الواحد مش لوحدة بس لباية دي صعبة قوي

وغريبة كلامك قوي بجد عارف ليه علشان اللي يشوفك مش ممكن يصدق ان كل دة جواك

ربنا معاك ومعانا

Habiba said...

ياربى

ايه ياصباغ ده كله
الف سلامه عليك من اللى بتقوله ده كله

حاول بس ماتشوفش فى الخلاط السكاكين وشوف لون الطماطم
وحاول تشوف البطيخه بلونها واللبايه بطعمها وبلاش احساس انها اخرتها هتتف

بلاش تشوف نص الكبايه الفاشى وبص عالمليان

اما احساس الذوبان والحب فربنا بيبقى شايل الاحسن مش كده؟؟؟

يا مراكبي said...

إيه الموضوع الكئيب ده؟

مش عوايدك خالص .. ده إنت طول عمرك متفائل مهما كانت الأسباب

مهندس مصري said...

هو ده ملخص سنتين تدوين ؟
إنك حتجنن

هو فيه إيه ؟
ياريت تفهمني على الإيميل و طمنني عليك

إيناس حليم said...

:(
مالك يا أحمد؟
معلش هي الدنيا كدة
ناس بتخلي ناس تانية تعيش في جحيم
وناس تالتة هتخلي الناس الاولانية تعيش في جحيم

مش مهم
المهم ان كل الاحاسيس اللي قلتها دي تحتمل ماعدا احساس الطماطم في الخلاط دي
صعب اوي

ربنا يريح بالك

afewgoodmen said...

ونبضاً يسرى فى كل ذرة من ذرات جسدك .. ثم تفترقا .. ويصبح عليك أن تكمل باقى حياتك بدونه ؟إذا كنت كذلك .. فلا تبتئس فهناك شخص أخر يشاركك هذا الشعور لكن لابد وأن تبتئس عندما تعلم أن هذا الشخص فى طريقه إلى الجنون
=========================
عزيزي متابع لك من فترة طويلة واريد ان اخبرك بسر دفين انك ايضا لست وحيدا

انا معك قلبا وقالبا

ولكن عزيزي

جميعا جربنا السقوط في دوام الحياة

وجميعا ندور في الساقية

ونسكن تلك البطيخة

وشعرنا باللباية السوداء والبطة السوداء

جميعا أكلنا من مرارة ورود الصبار

وشربنا الماء الصايص

ما يقودني معك الي الجنون هو الافتقاد والفراق المسبب دائما بأسباب واهية الملفق بالامشاعر والصداقة التي لا تمت بصلة لها


ابتئس معك ولكنني صدقا لن أ ذهب الي الجنون لاني احيانا اهوي العقل

وربما اعلي مراحل العقلانية ان نصاب بالجنون

عويوي هل وصلت للنهاية

ان كنت وصلت فابدا من جديد

في صحراء اخري وبطيخة اخري

وفتاة اخري وساقية اخري

حتما ستتغير المفاهيم

تحياتي الدائمة لك ولقلمك

ارجوك لا تبتئس فالحال هنا اسوأ بكثير

Oss said...

أوووووووووووووووووووول كومنت لأووووووووووووووووووووول مرة

Oss said...

ماطلعش
أول كومنت
:S
نسيت إنك عامل كونترول
:s

"لكن لابد وأن تبتئس عندما تعلم أن هذا الشخص فى طريقه إلى الجنون "

ابتئس اكتر
فى ناس كتير سبقوك
وحققوا سكور عالى فى الجنون

kochia said...

سلامتك من الجنان
غير الطريق لو كان الطريق ده مؤدي للجنون
انحرف عنه واسلك اخر

تحياتي

بت خيخة وأي كلام said...

هو انا ماجربتش احساس اللباية
لكن في فترة من الفترات كنت طماطماية مضروبة فى الخلاط
وفيه كمان وقت مر عليا كنت فيه بطاطساية بتقطع صوابع وبتحمر فى الزيت

افلام عربي said...

إيه الموضوع الكئيب ده؟
معلش هي الدنيا كدة
ناس بتخلي ناس تانية تعيش في جحيم
وناس تالتة هتخلي الناس الاولانية تعيش في جحيم

dr.lecter said...

اه جربت ده كله

جربته بقالي 25 سنه

بس الحمد لله علي كل حاجه

انا راضي بنصيبي

عاشقة القمر said...

جامد جدا .. جامد بجد يعني بعيدا عن كم الاكتئاب اللي فيه بس حلو اوي .. والتشبيهات فيه مالهاش حل .. تحفه

قلوب الإخوان said...

عزيزى كلنا هناك
كلنا هنا
كلها مهلبيه

Jana said...

حين ألهم الله سبحانه سيدنا يونس عليه السلام بالذكر والتسبيح "لا اله الا انت سبحانك انى كنت من الظالمين"
فنجى وخرج سالما من بطن الحوت
لم يشعر حينها انه "مبصوقا" ولم يؤلمه أو يهينه لفظ الحوت له
وإنما استشعر رحمة ربه ونجاته من مصير معلوم
فإذا تأملت قليلا فيما رأيته أنت ضربات قاسية من القدر.. فلن تجد نفسك كاللبة المبصوقة ..وانما ستستشعر مثله رحمة ربك وكم كان القدر لطيفا بك ..حين نجاك من مصير مجهول
.....
كم كانت بليغة أوصافك ..
من بلاعة الأزمات ومياه غسيل الذكريات
فلتجفف نفسك من أثرها اذن
ولن تجد نفسك على شفا الجنون
وقريبا ستتغنى مثل عبد الوهاب
ولقد برئت من الهوى ومن الجنون
:)

لا تنس
لا اله الا انت سبحانك انى كنت من الظالمين

خالص تحياتى يا صباغ
عذرا فضلت الرد فى المدونة بدلا من الفيس هذه المرة
:)

Anonymous said...

ايها القلب الحائر لما العذاب مادام فى القلب نبضا وام وحياة لما نعيش الماضى وحده وننسى الحاضر الا تستطيع تقليب الصفحات ام عجزت امام حبا راسخا كالجبل يزلزلك ولا يتحرك ان اردت الحب فعد من اجله ولا تنتظره خلف القضبان فالحب يعنى التضحية وليس الجمود اخى العزيز اطفى الانوار واغمض العيون عسى ان تجد نفسك بعيدا عن المحبات والمحبون والا فالعذاب اولى بك واولى واولى

Anonymous said...

هل جربت تستشير الدكتور احمد عكاشة ؟