خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 29, 2009

ساندوتش كـهربة بالسلطة

ما أغرب الشعور الذى أحسسته لأول مرة عندما قيل أن الكهرباء سوف تنقطع عن مصر .. جاءتنى مكالمة تليفونية فجاءة من صديق يحذرنى فيها من إنقطاع التيار الكهربى عن مصر من الساعة الثامنة ولمدة ساعة .. وتدعونى لتجهيز الشموع وأخذ الإحتياطات وإغلاق الأجهزة .. حيث أن "النور هيقطع" .. وبالطبع أصابتنى حالة ذعر .. رغم أن إنقطاع الكهرباء فى الحالات العادية هو خبر سعيد بالنسبة لى .. فرصة لا تعوض للإسترخاء والهدوء والأنتخة وتأجيل كافة الإلتزامات الداخلية والخارجية .. وفرصة لتأمل ضوء الشموع وتشغيل موبايل أو راديو ببطارية على أغنية "كفاية نورك عليا" التى أعشق جمالها فى الضلمة
إلا إن هذه المرة إنتباتنى حالة فزع وأنا أترقب - مع ملايين المصريين - بين اللحظة والأخرى إنقطاع النور وإسدال أستار الظلام على الكون ..  وسيصبح من المحال الخروج إلى شوارع المدينة الغارقة فى ظلام دامس
هرولت بحثاً عن شموع وكبريت .. ثم أغلقت التليفزيون والكمبيوتر .. ثم جهزت كميات ضخمة من الطعام .. ساندوتشات جبنة .. وسجق .. وبطاطس .. مع الباذنجان المقلى والفلفل .. وطبق خضار وأرز .. وطبق سلاطة ضخم .. على كام خيارة .. ثم ضرب موز باللبن فى حنطور عينه .. وزجاجة مياه كبيرة .. وأربعة أرغفة
ثم أعددت كوباً ضخماً من الشاى الكشرى أبو نعناع .. ولابد أن أشحن الموبايل هذه الدقائق المتبقية لإستمع للراديو .. هذه المرة لن أستمع إلى "كفاية نورك عليا" كفاية الغُلب إللى أنا فيه
قمت بإضارة كافــة أنوار المنزل حتى نور "الدبليو سى" .. ونور المطبخ .. وأنوار الصالة .. والبلكونة .. وكافة لمبات منطقة جنوب شرق القاهرة التى تقع فى منزلنا .. وذلك للإستمتاع برؤية النور قبل حلول الظلام الدامس .. وجلست أنظر فى ترقب..
ولأول مرة فى تاريخى أنتظر إنقطاع الكهرباء .. دائماً كان إنقطاعها يفاجئنى فيبدو مبهجاً مع صيحات الأطفال فى الشارع وفى البيوت هيييييييه مع الإنقطاع..  وهييييييه مع عودة التيار الكهربى
الآن كافة الشعب المصرى يتنظر إنقطاع الكهرباء .. هذا كان إعتقادى .. ترى هل سيقولون هييييه هذه المرة ؟ أم أن أصوات البنات ستتعالى بالصراخ لحظة إنطفاء النور ؟
طب ماذا سيحدث فى المنشآت الحيوية ..  المفاعلات الذرية مثلا – على إعتبار إن مصر فيها مفاعلات ذرية – هل سيقطعون الكهرباء عنها ؟
هل من الممكن أن يتوقف نظام التبريد فى المفاعل النووى وينفجر كما حدث فى تشيرنوبل !!
لا .. لابد أنهم سيكفون بإطفاء الأنوار فى المفاعل فقط  مع إستمرار وضع فيشة المفاعل فى الكهرباء
وستأتى الصحف القومية غداً بمانشيتات ضخمة  ... " مصر أولاً .. تعليمات من الرئيس بعدم قطع الكهرباء عن مفاعل كفر الشيخ النووى حرصاً على مصلحة مصر" ....  مع صورة ضخمة للرئيس وهو يجلس بجوار شمعة .
ثم تأتى جريدة الدستور بدورها فتكتب " إبن الرئيس يطفئ النور عن مصر"
وتقول جريدة النبأ " أسرار جنسية وراء إطفاء النور فى مصر"
وتقول مجلة روزاليوسف "الإخوان والمسيحيين..أهم أسباب ظاهرة أنقطاع الكهرباء"
وتقول جريدة وشوشة "لماذا تحب هيفاء وهبى الرقص فى الضلمة ؟؟"
وتقول جريدة المصرى اليوم "قطع الكهرباء عن مصر إستجابة لحملة المصرى اليوم للإسترخاء فى الضلمة"
وتقول جريدة البديل "إنقطاع كهرباء مصر وعشرات الضحايا"
وتقول جريدة اليوم السابع "نحن ننفرد بنشر قصة الفتاه التى أحبّت أربعة فى ساعة من الظلام"
وتقول جريدة المال والعقار "مليار دولار مكسب العالم فى ساعة ظلام"
فُـقت من أفكارى فجاءة .. فوجدت الساعة الثامنة والنصف .. ولازلت الشقة مضاءة كوقت الظهيرة .. فإندهشت لعدم إنقطاع النور فى الثامنة .. واتصلت بصديق فأخبرنى أن إنقطاع النور إشاعة .. وأنها دعوة عالمية لترشيد الكهرباء وإطفاء الانوار خلال هذه الساعة .. وعليك أن تطفئ النور بإراداتك !
إبتسمت وأنا أنظر إلى أنوار المنزل المضاءة جميعاً
وضربت ساندوتش جبنة
وأغلقت الأنوار
وإستسلمت لنوم عميق

أحمد الصباغ

34 comments:

Meekness !!! said...

يخربيت كده يا صباغ
جامده بجد
هههههههههه

نفس ما حدث وحياتك




بتابعك
بس من بعيد


زيزي

esraa said...

التوقيت الحقيقي كان من 8 ونص ل9 ونص
انا كمان طفيت النور
أهو نعمل حاجه للأرض الغلبانه معانا دي

خمسة فضفضة said...

السلام عليكم ورحمة الله وبركاته

ازيك يا خالو

كل الحاجات دي عشان ساعه هاينقطع فيها النور امال لو كان هاينقطع يوم بحاله كنت اكيد عملت ازمه في الامن الغذائي القومي

الحمد لله انها طلعت اشاعه

هههههههه

سلام

ebn roshd 777 said...

اسلوبك حلو اوي يا عم احمد
معلش عندي خوال كتير مشيها عم
والاحلي التهييس اللي انته هيسته عن المفاعلات النوويه دي
بس نفسي اعرف ايه علاقه كل السندويتشات دي بالضلمه؟؟

mahasen saber said...

ده كله عشان الكهربا هتقطع نص ساعه امال لو كانت راسمه على بيات

هههههههههه بس بجد ده احلى بوست قريته فى قطعان الكهربا

مبدع يا صبغ دايما

هات حته من الحاجات الكتير اليى انتى حاطتتها دى

الفقيرة إلى الله أم البنات said...

اول مرة اعلق عندك
بس بوست رائع
انت حسستنى اننا داخلين حرب ولازم تستعد بالمؤن

عارف مشكلتنا فى مصر بنقلق من التحذير
بس لما يقع الامر طبيعى ..مش بنعمل كل الاحتياطات دى
على كل حال بالهنا والشفا
وياخوفى من فاتورة الكهربا تكون الساعه دى اللى مش هيطفى النور هتتضاعف الاستهلاكات

سوبيا said...

جاااااااااااااااامدة
مش البوست
البوست مذكر
انا اقصد دماغك
بجد بوست حلو
بس انا واحده من الناس
موصلتلهاش الاشاعة اساسا

بس المانشيتات
تموت من الضوحك
بس نسيت
اهم حاجة
في ضربة شمس
كساب هايقول ايه
علي اساس انها الصفحة المناسبة للي احنا فيه ساعتها

دمت بخير كده ودمااااااااااااااااااااغ

ست البيت said...

جامدة
اتصور انا كمان وصلتني الاشاعة بس كنت عارفة انها برغبتك
يا عم الناس بره مصر عقلهم لساه بخيره احنا في مصر الفول والفول ووووووووس
لخبطوا عقول المصريين

بس برضه جامدة
يا بني انت متنفعش غير كاتب ساخر
وشاعر ساخر
و...
ساخر ساخر
وبقولك ايه
كتر من البوستات دي لأنها مبهجة
كفاية الواد البوهي
بعتلي قصيدة و3 قصص قصيرة كآبة على الاخر

يا لا
دمتم جميعاً بحفظ الرحمن

إيناس حليم said...

هههههههههههههه
ههههههههههههه
مش معقولة نفسك الساخر ده يا خالو
حلوة اوي كفايه نورك عليا دي
ههههههه
جامدة
بس عموما هما كانو قايلين انهم هيقطعوها عن الاماكن الأثرية زي القلعة وبرج القاهرة والاهرامات وكدة
وقطوعوها فعلا وكان شكلها تحفة في التلفزيون

السنة الجاية بقى يا خالو وعليك خير
يلا خلي هيفاء تهيييييييص
:)

كيــــــــــــارا said...

ههههههههههههههه

عارف انا مش سمعت عن الموضوع خالص


وعرفته بعدها بيوم

عاشــــــ النقاب ـقــــة"نونو" said...

ههههههههههه
بجد تدوينة هايلة
وخيال خصب
ضحكت بجد بس اطمنك ان فيه نظام بارع فذ متقدم متطور متهورللحفاظ على مفاعلنا النووي وكافة منشاتنا النووية وحتى محلات الفول والطعمية
وبالهنا والشفا
تحياتي

مصعب صلاح said...

نفس اللي حصلك حصل لي يا خال
الحكومة بتشتغلنا

ضد الظلم said...

ارض مين وبتاع مين ويطفو نور ايه اهم حاجه الموضوع ده مش فى بورسعيد السمك فى التلاجه ياعم ويبوظ ال نطفى النور ال بس حلوه تعليقات الجرايد دى جامده بجد

تحياتى
ابو العربى

dr.lecter said...

ههههههههه مسخره بجد

انا عرفت بعدها بساعتين كنت في الشغل وشفت الجزيره وقلت اكيد طبعا مش هنقطعها

كويس اووي اننا قطعناها عن ابو الهول والقلعه

*البت المشمشية *حلوة بس شقية * said...

هههههههههههههههههه
لاء جامدة
جامد يا صباغ


اسلوبك جميل اوى يا احمد

Rehab Mostafa said...

كل ده علشان النور هيتقطع ماهو ياما اتقطع عننا.. بس بصراحه الفاجأه أرحم من كده
أنا ماكونتش سمعت الاشاعه دي (زي اشاعة الموبايل كده) المهم لما سمعتها الساعه 10 ونص بقى قولت لأ لأ مصر مش ممكن تعمل زي اليابان ولا حتى ف موضوع قطع الكهرباء
بصراحه أصلاً ماصدقتش بس يمكن لو سمعتها قبل 8 كنت صدقت بنسبة 51% :)) مش أكتر

Esraa Hamed said...

ههههههههههههههه
البوست تححححفة بجد

عجبني جدااااا توقعك لمانشيتات الصحف
:))

بت خيخة وأي كلام said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا عاجبنى مانشيتات الجرايد اوى

ههههههههههههههههههههههههههههههههههههههههههههههههههههههههههههه


انت مجرم يا صباغ

تحياتى ليك

reem said...

بجد بوست رائع
ههههههههههههه
موتنى من الضحك
عجبنى اوى حكاية الفيشة بتاعة المفاعل دى هههههههههههه
والمانشيتات تجنن

انت رائع ومدونتك رائعة
تحياتى

يا مراكبي said...

دماغ جامدة جدا .. ههههه

بس فيه تصحيح: المفاعل مش في كفر الشيخ

المفاعل في مكان سري في أنشاص ما يعرفوش غير 30 مليون نسمة بس

ههههه

Blank-Socrate said...

جميله قوى يا صباغ
:)
تحياتى

hager za3bal said...

اقولك..

هات حته من الساندوتش :D

Soooo said...

عجيب أمركم أيها المصريون .. تؤمنون بخرافات لا يؤمن بها غيركم

مقتبسه من فيلم مافيا

ودي على جزئية مفاعل كفر الشيخ
ثم ان مفاعل كفر الشيخ اصلا شغال بحجارة اينرجايزر .. يعني بيشتغل اطول لمدة ست ساعات
اطول من مفاعل سرس الليان طبعا

---

واحشني ياقط




سلامووووووووز

Soooo said...

طب انا عايز اشتم حبه

انت ازاي تقول على هيفاء وهبي انها بتحب ترقص في الضلمه
علمك علمك علمك .. يفاء وهبي لما بترقص بتنور اي ضلمة




سلامووووووووز

Soooo said...

ثم ازاي تقول ان في واحده بتحب اربعه في الضلمه
ماتحب زي ماهي عايزها
انشالله تحب شعب مصر كله
انت مع مين يا حضرت


فعلا
عجيب أمركم أيها المصريون




سلاموووووووووووز

Soooo said...

هي كانت عجيب أمركم .. ولا غريب أمركم
اصل انا مش فاكر الفيلم قوي




سلامووووووووووز

dalia said...

أهلا صباغ انت كده حتزعلني وفين جريدة الشروق بقه ولا انت واخذ منها موقف
تحياتي

To Visit My said...

بلوق الخاص بك بشكل جيد جيد جيد......

سومه...مجنونه فى بلد عاقل said...

هههههههههههه تخيل بقى انا بقالى خمس سنين بدرس فى كليتى حاجه اسمها حفر وطباعه يدويه بنعمل اللى كانوا بيعملوه زمان قبل اختراع مكن التصوير والكهرباء بنحفر زنك ونطبعه يدوى باعتبار فيشه العالم اما تتشد احنا بقى نبقى طباعين
:))
تصدق بالله انا ما عرفت موضوع النور غير فى العاشره مساء يعنى بعد ما الهوليله خلصت خالص

سما الحب said...

دي كانت استعدادات لكدبة ابريل واللا ايه
بس حلوة تصور
وكل ده اكل حطيته قدامك
الله يسعد ايامك
تحياتي

كرانيش said...

قال يعنى النور ما بيقطعش باليوم واحنا عادى بالنسبالنا الامور ماشيه تمام وفل الفل
فعشان كده هيحزرونا ان النور ياعينى هيقطع ساعه وعشان محدش يتخض

هم يبكى وهم يضحك

احسن ما عجبنى فى الموضوع بجد بجد
المانشيتات
كل على شاكلته
فعلا بيتهيالى ان الموضوع لو كان بجد
كان ده بالظبط اللى اتكتب


تماااااااااام

Soul.o0o.Whisper said...

ههههههههههههههههههههههه

تحفة البوست بجد


طب حكاية كفاية نورك عليا مفهومة
و الاسترخاء و الانتخة مفهومين

انما



كل





دا









اكللللللللللللللللللللللللللللل







ليييييييييييييييييييييييه





ماكنتش ساعة واحدة

هههههههههههههههههههههههههههههههه



على كدا عندكوا مجاعة فى البيت دائمة


و إلا مانشتات الجرايد

بجد جامدة





ههههههههههههههه





معلش إنى متأخرة بئالى فترة مش دخلت

خالص التحية

hoba.a7la klaam said...

هههههههههههه جامده جدا نفس اللي حصل معايا جريت كلت ومستنيه النور يقطع في الاخر اكتشفت انه بالاراده قولت كويس في حاجه هنعملها من نفسنا بس اكتشافي كان متاخر شويه وطفينا وبسس

Anonymous said...

To Honеѕtlу enjoуіng giving pleaѕure to your Collaborator is
thе enquiry ariѕeѕ whetheг tantric massage does not battle with Shari'a and Islamic teachings?. Are your ankles herbal medicine.

My blog - Web site