خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 14, 2009

!وأخيراً .. أوقفوا ختان الذكور


عندما برز التحرش فى المجتمع المصرى كما يبرز فحيح الأفعى من قلب ظلام الشقوق .. وقفنا جميعاً ضد التحرش ، ومتضامنين مع المتحرشات وضد المتحرشين وكان لإغلب المدونين موقف واضح وقوى .. لإن التحرش ببساطة فعل يتنافى مع كل معانى كلمة الإنسانية ، ولإن المتحرشن بهن هن إخواتنا وأهلينا ولسنّ فتيات من كوكب آخر .. ونحيّنا جانباً كافة الظروف الصعبة التى تقف حائلاً ضد الزواج ، لإنه المتحرش ببساطه هو إنسان متجرد من الإنسانية وليس فقط إنسان يمر بظروف صعبة .. لإننا للإسف جميعاً نمر بظروف صعبة ومنيلة بستين نيلة ..
ثم فوجئت وفوجئ معى العشرات بإن حملة التضامن ضد التحرش تحولت إلى حملة "البنت تلبس اللى هى عايزاه وما حدش له دعوة بيها " .. و " البنت إنشالله تقلع ملط برده ما حدش دعوة بيها" .. ولم أشغل بالى كثيراً فمثل هذه الحملات على إعتبار إنها الزوبعة التى تبقى فى فنجان .. أو توابع الزلزال .. وإكتفيت بأن حقق تضامنّا صداه وكتب المصرى اليوم وكتبت جرائد أخرى وكتبت مروة رخا وكتب من كتب عن تضامن المدونين ضد التحرش ، وإعتبرت إن هذا خطوة موفقة .. على خلفية إيمانى الشديد بإن تصحيح الأوضاع الخاطئة لا يأتى فرادى .. فلا يمكن مثلاً ترسيخ عادة النظافة العامة لشعب لا يمتلك سلالات قمامة فى شوراعه ، فأن ما حدث فى قضية نهى رشدى من حكم بالسجن على المتحرش كان مثلجاً لصدورنا وبداية جيده لعهد ينبذ سلوك التحرش ..
ثم برزت قضية ختان الإناث على السطح فكان لها من الدوىّ ما كان ، وكان لها من الضجيج ما كان .. وسرعان ما تطور الموضوع فأصبح ختان الإناث مكروهاً .. ثم حرام .. تم بدأ تجريمه ، ثم أصبح اليوم جريمة كاملة يعاقب عليها القانون .. على الرغم من أغلب أهل الريف يلقون بمثل هذه المستجدات جانباً .. ورغم إختلاف علماء الدين والطب على كراهته وحرمانيته .. إلا أن المجلس القومى للمرأه كرم الله وجهه رأى بانه حرام وجريمة .. لا بأس .. لن يفرق مع الشعب الغلبان أن يحلل الختان أم يحرم .. أو على الأقل لن يفرق معى فقد أنعم الله عليّ بما أظنه نعمة .. وهى الذكورة..
ثم فجاءة وعلى حين غرة وفى غفلة من الزمن وقد توقفت الساعة عن الدوران وجدت من يعبث بذكورتى .. أسف لا أعنى هذا المعنى الأبيح الذى برز إلى مخيلتك .. لكننى وأثناء جولة فيسبوكية إعتدت أن اقوم بها كل عدة أيام .. فوجئت بأن هناك حملة كبرى تم تدشينها للدعوة إلى وقف ختان الذكور وفوراً !!
ليس هذا فقط بل إن الجروب مدعم بالصور والرسومات التوضيحية التى تبين فظاعة جريمة ختان الذكور !!
طبعاً .. لن أخوض فى تفاصيل أخرى لإننى لست بعالم دين .. لكن يكفى بأن أقول أنك إذا حدثت أول شيخ أو عالم دين تقابله فى طريقك عن وقف ختان الذكور فى مصر فانه بالتأكيد سوف يتخلى عن وقارة ولربما ينصحك بإعادة الختان ..
 أرحمونا يرحمكم الله
حلّوا عن سمانا نحن الشعب الغلبان الذى كاد أن يطلب من الأرض أن تنشق وتبتلعه
السيدات اعضاء المجلس القومى للمرأة
والسادة أعضاء المجلس القومى للرجل
حِلّو عنّا ..
المصريين أصبحوا يأكلون النفايات والمخلفات ..
الأكياس البلاستيك الذى نضع فيها طعامنا تصنع من مخلفات البمبارز والأولويز والسرنجات واكياس الدم ..
رغيف الخبز الذى ناكله مخلوط بالصراصير والخنافس والتراب والزفت
ختان إيه اللى نوقفه للذكور ..
على أى نص دينى تستندون ؟
على أى قاعدة علمية تستندون ؟؟
أم أنكم تعاطفتم مع الرجل فأردتم مساواته بالمرأة التى مُنع ختانُها ؟
هل إنتهت قضايا حقوق الإنسان فى مصر ، وأصبح للعضو الذكرى الحق الوحيد فى المطالبة بوقف ختانه ؟
السادة والسيدات أعضاء المجلس القومى للمرأة والرجل والطفل وكل المجالس القومية لكافة الكائنات الحية ..
عشان خاطر النبى،
أرحمونا يرحمكم الله ..
 أحمد الصباغ

18 comments:

safa7_karmooz said...

عفارم عليك

ينصر دينك يا شيخ خليييييييييفة

بقالى يومين وشايف الحملة الجديدة دى

رغم معرفتى الدينية على حد علمى انه يجوز للفتيان غير البنات ودى كلها معروفة

بس تقريبا هى جت "بالمرة فى السكة" من منطلق يلا وعن ماحد حوش

mido said...

المجالس اللي أنت قلت عليها مجبتش سيرة ختان الذكور . ده مدون غريب الأطوار مقتنع بكده و بيطالب بمنع ختان الذكور و انضم ليه عدد قليل من المؤيدين و منهم ناشطة ضد التحرش !

mosooz said...

السلام عليكم...اخى أحمد
انا صدفة برضة لقيت هذا الجروب الفيس بوكى الذى يدعى لى وقوف ختان الذكور
وهذا ناتج طبيعى لما يحدث من امور ..اى ان عندما يخرج اناس لوقف ختان الاناث
ويخرج اناس ليقولون الحجاب مش ضرورى
والكل يتكلم فى امور ..قد تم الاتفاق عليها بين علماء المسلمين من زمااااااان جدا ...فيطلع علينا واحد يقول امنعو ختان الذكور..كمان شوية تلاقى واحد يطلع يقول الصلاة مش فى المسجد مش مهمة

وتكلم فى اساس الدين..والغريب ان الكل يتكلم فى امور يتعلق للدين ..والله انا حاسس ان هما ناس فاضية وعايزة تعمل شهرة ليها ..او عايز تخالف الناس وخلاص..ماشى على نظام"خالف تعرف"

تحياتى ليك ولقلمك

م/ الحسيني لزومي said...

61عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

عباس العبد said...

ما هى دى المشكلة اللى بنرغى غيها من سنوات و اتنبح صوتنا و محدش سامعنا
مشكلة الهيصة و الدماغ البايظة
ما هو لو كان موضوع نهى رشدى عدى و محدش عمل هيصة مكنش طلع علينا مخاليل الختان دول
الهيصة يا اخوانا و العقل الجمعى
أى حاجة فيها هيصة و ناس بتعلى صوتها و ناس كتير , تعرف علطول ان نهايتها مش ختيان
نهايتها " خصيان " و ربنا يستر

بدراوى said...

نوال السعداوى
من انصار منع ختان الذكور

على فكرة ختان الذكور طبياً مطلوب اصلاً
بعيداً عن الرؤية الدينية للموضوع
حاجة تخلف ده اللى ناقص يقولك اوعى تعملوا ختان للذكور

Ahmed Talk said...

والله مش بعيدة تمشي وتبقي جريمة هي كمان

وعلي راي المثل الي يعيش يا يشوف والي يلف في الفيس بوك يشوف اكثر طبعا

Anonymous said...

هههههه
ناس بتحلل الحرام وتحرم الحلال
كل البلد دلوقتي بقت مفتيين
ناقص يقولوا ان الرجاله ضرر على البيئه وواجب قتلهم اذا كانوا مختنين قبل كده
هههههه
وعجبي

Yasmine Madkour said...

لا تعليق .. أنا شوفتها و قفلتها لإني يستفزني الجهل !!!

الجاهل لو يقعد ساكت يبقي أفيد من إنه يفتي .. و مش كل من قدر يبقي كلمته مسموعه يقول اللي علي مزاجه !!

يا مراكبي said...

!!!!!

مواطن مصري said...

انا مع حملات توعية الشعب الختان فعلا لية أضرار على صحة البنات


و بعدين على رائي ميدو المجالس مجبتش سيرة ختان الاناث


انا احترم مجهود مجلس حقوق الطفل و المرأة

Dominique Arnaud said...

For your information, this link regarding the french movie "Cut!":
http://www.circoncision-film.com/component/content/article/53.html

Best regards

عاشقه وغلبانه said...

ده من منطلق المطالبه بالمساواه
اصل الايام دي الرجاله هي اللي عايزه تتساوي بالستات
يادي النيله
الشباب مخه ضرب
الفيس زفت ده ياما هايورينا
كل ما واحد تطق في دماغه فكره يروح عامل جروب
والهبل اللي بينضموا من غير تفكير كتيييييييييييير

ربنا يهدي

فتاه من الصعيد said...

هههههههههههههههههه
طيب ايه دخل ختان الذكور بالمجلس
القومى للمرأه
ربنا معاكم
دمت بخير....تقبل مرورى

جبهة التهييس الشعبية said...

اخصصصصصصصصصص الله يقرفهم

احسن
بارب كل البنات اللي الجروب ده يتجوزوا رجالة كده زي ماهم عايزين

المهم

انا كنت جاية لك عشان الموضوع ده

http://www.almasry-alyoum.com/article2.aspx?ArticleID=211104&IssueID=1406

انت خريج زراعة
فيه انفلونزا بتيجي للنباتات؟

Diyaa' said...

معلش معلش
أوعي تاخد في بالك يا شيخ
ما هو ده اللي ناقص
بعد كده يقولوا لا لختان الشواذ
أصل دول تقريباً ليهم ختان تالت

Sepak Bola said...

I think additional updates and can be returning. I actually have filtered for qualified enlightening substance of this calibre in the course of the past varied hours. Bandar Bola Online

Akhadiwi Rajie said...

Very nice post, i certainly love this website, keep on it
Cordis.europa.eu
Urgames.com
Yellowbot.com