خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 23, 2009

ألف شجرة لمحمد علاء مبارك

أنا طبعاً مش هــّدعى إنى إتقهرت من الزعل لما حفيد الريس مات.. لكن حزنت نفس الحزن اللى بحزنه لما أى حد أعرفه بيموت .. نفس الشعور .. لا دمعة زادت ولا دمعة قلت ..ومفهوم الشماتة لا تجوز إطلاقاً فى الموت . .لكن طبعاً القيادة الحكمة لا تترك فرصة إلا وتحرق اللى جابونا.. يعنى إيه تخصص حديقة بإسم محمد علاء مبارك ويعنى إيه ألف شجرة بإسمه ؟؟
طب والأطفال إللى ماتوا فى العبّارات وفى الدويقة غيرهم من ضحايا الإهمال الحكومى .. ما إتخصصلوهمش ليه حتى حزمة جرير

8 comments:

بدراوى said...

يا حبيبى
أخبار اليوم بتقولك
ان تعاطف الشعب مع محنة الرئيس
يعد مبايعة شعبية جديدة للقيادة السياسية
!!!

هههههههه
و انت زعلان عشان شجرة

يعنى حتى جلال الموت بيستغلوه سياسياً

Amany said...

الله يرجمه بجد وانا زعلانة عليه جدا بس دى بلدهم وبيعملوا فيها اللى هما عايزينه بس فعلا المفروض مع كل الضحايا اللى بيروحوا كان فكروا انهم هيبقوا مكانهم فى يوم من الايام

أحمد سعيد بسيوني said...

اية يا عم صباغ التفكير ده

ده لو كل طفل قتيل اتزرع له 1000 شجرة مش هنلاقي مكان نسكن فيه في الغابة دي

Bella said...

الواحد حزن الحزن العادي خاصة وان الطفل مالوش ذنب ولا شماتة طبعا في الموت

لكن صراحة كمية النفاق التي صاحبت التغطية ومازالت سببت الضيق للكثيرين وعلى طريقة الدبة اللى قتلت صاحبها حولت تعاطف الناس لضيق وانزعاج خاصة واخبار من عينة الف شجرة والكلام ده تحرق الدم فعلا

اما بالنسبة لضحايا العبارة ولا قطار الصعيد ولا الدويقة فالجرجير اصبح سلعة استراتيجية وصعب يزرعوا الكمية دي كلها على ارواح الضحايا يااحمد خصوصا والعداد شغال والطرق السريعة متكفلة بزيادة عدد الضحايا كل يوم

ح يلاحقوا منين ولا منين على حزم الجرجير

خليك واقعي

ست البيت said...

بص يا أحمد فيه مثل وقح شوية بيقول
أنت عاوز تجيب اي حد بيموت لحفيد الريس؟
لأ انت اجيد جرى في مخيخك حاجة

طب انا ارضي ضمريك اللي كل نقر وضحاضير ومطبات
اللي ماتوا في العبارة دول كان جده ريس ؟
باشا؟
اتعلموا في مدارس انجليزي ولا خريجيين جامعة أمريكية
طب دخلوا ثانوية انجليزية
دبلومة ؟
بيفطروا الصبح ايه ؟
طبعا زي مصر كلها ما بطفطر بجنيه طعمية والأخبار

طب حفيد الريس اسمه محمد علاء الدين محمد حسني مبارك
قولي اسم واحد ولا اثنين من اللي ماتوا تحت صخرة الدويقة
ما فيش
يبقى تلم الدور وتروع تغرز شجرة جنب بيتكم ولا في ايتها حته وسميها شجرة حفيد الريس

Heba Zakaria said...

ربنا يرحمه و يصبر أهله ولا شماتة فى الموت
بس و الله حاجة تشل تفقع المرارة
انا ساكنة جنب المقابر اللى ادفن فيها الطفل و عاوزة أقوللك الشارع كان ضلمة و محفر و كله تراب و زبالة و ماشاء الله فى 3 ايام بس اتوسع الشارع و اتصلح و ركبوا عواميد نور و بيضوا الجزيرة اللى فى النص و حطوا قصارى زرع فيها خضرة و ورد و كل يوم عربية تيجى ترش الشارع و اهى بتنقطلنا نقطتين فى شارعنا بالمرة
و اشى أمن مركزى و بودى جاردات و عربيات شرطة
و سجاد مفروش فى الشارع
مش عاوزة أقول مصائب قوم عند قوم.. احنا لينا الله
و لا حول ولا قوة الا بالله

أم أحمد المصرية said...

بعد الترحم علي امواتنا و اموات المسلمين كنت بس احب اسأل سؤال بريءهو

مين اللي دافع ثمن الالف شجرة

Anonymous said...

nefsi aktob bel 3arabi ya jama3a, 3ashan atfashshshshsh!!!!!
bas lel asaf el 3'orba betemna3na 7atta min el 7aq da!!!
anyway, allah yer7amo we yer7am jamee3 amwatna...
falastinya wa afta5er!!!!