خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 30, 2009

رسالة توضيح عن موضوع أمتحان هندسة المنصورة



وصلتنى على الإيميل هذه الرسالة بخصوص موضوع سؤال الراقصة فى إمتحان هندسة المنصورة التى تناقلته الصحف وكتبت عنه فى المدونة .. ووجدت أنه من واجبى توضيح ونشر هذه الرسالة لما فيها من إفادة وتصحيح خطأ صحفى
السلام عليكم ورحمه الله وبركاته
اولاً : أحب أهنئ حضرتك على مدونتك المحترمه بجد عجبتنى المدونه على الرغم من إنها اول زياره ليا وإن شاء الله مش هتكون الاخيرة
 
ثانيا : هدخل فى الموضوع على طول انا لاقيت ان موضوع راقصه كليه الهندسه جامعه المنصورة انتشر على النت بشكل سخيف جدا واللى يضايق واللى خلاه سخيف اوى هو الصحافه وطبعا الناس اللى بتنشر الموضوع مع كتابه تعليقات تضخم الموضوع اوى وتديله اكبر من حقه وبامانه بتوضح جهل اللى نشر الموضوع  وبما انى خريجه حاسبات ومعلومات جامعه المنصورة  هوضح لحضرتك الموضوع واتمنى ان حضرتك تقوم بتوضيحه لكم اكبر من القراء
 
ده كان نص السؤال
Write a Java program simulating adancing girl having adancing suit with different attractive  colors
 
بمعنى : اكتب برنامج بلغة الجافا لعمل محاكاة لراقصة ذات بدلة رقص بألوان مختلفة جذابة
السؤال علمى بحت
وده كان رأيى استاذ مساعد بقسم علوم الحاسب وانا هنقله لحضرتك لانه فعلا وصف الامر بدقه اكتر من اللى انا كنت هكتبه
 
السؤال جيد جدا لانه لتنفيذ هذا البرنامج يتطلب من الطالب معرفة مهارات كثيرة جدا تستحق التاكد من معرفة الطالب بها( زى انه يعمل حركه الراقصه ... وانه يدى للبدله الوانه مختلفه). ولكن كان الاجدى من السيد الدكتور مراعاه وضعه الاجتماعى و حرمة الجامعه وكونه مثل أعلى امام طلابه.  فكان الافضل أن يختار مثلا كورة تتحرك ، طفله تجرى ، وبنفس الالوان المبهرة!! ولاداعى لاثارة الفتن وخصوصا انه يحاضر الشباب والفتيات
 
وجزاكم الله خيرا
وأتمنى الا اكون قد اثقلت عليكم
 
فى رعايه الله وامنه
  =============  
ألف شكر لصاحب / صاحبة الرسالة على التوضيح وخالص تحياتى


أحمد الصباغ

13 comments:

روش طحن said...

مدونة اى فون العرب

عاشقه وغلبانه said...

ماهي المشكله مش في كون السؤال علمي بحت ولا ادبي صرف
المشكله في اختيار المثال
حبكت يعني رقاصه وببدله زاهيه الالوان

ماقلش كمان البدله مفتوحه ولا مطابقه لللمواصفات...؟؟

د. ياسر عمر عبد الفتاح said...

هوه طبعاً سؤال علمي
لكن غريب أوي

يعني كان شاف فكرة تاني
بجد مش ظريفة

Charisma Queen said...

هوه احنا ليه بنشوف كل حاجه مبتذله كل حاجه فتنه فتنه , معلش ده تلكيك
معني كده ان اي قصيده لنزار فتنه و اي فيلم لشاهين فتنه, وبعدين انا في حاسبات و شايفه السؤال علمي , بغض النظر عن الراقصه الي هي مش موجوده اصلا و احنا الي هنعملها و يقولك فتنه !
امال لو نزلو فيديو توضيحي هيبقي ايه الحال , لا بس الدكتور فعلا موضحش دي راقصه بلدي ولا ايه مش يمكن تكون باليه و نضربلها تعظيم سلام?
طبعا لازم نحترم ثقافات الناس بس التشنج ده لازم يتغير في مصر بالذوق بالعافيه باسئله امتحانات بقي ب اي طريقه
لانه ان دل علي شئ فيدل علي ازدواجيتنا في زمن الفيديو كليب و التحرش الجماعي و ال ايه لا لا لا بلاش فتنه في الامتحان كده هنسرح و مش هنجاوب , محافظين اوي يا عيني

رؤية said...

جميل جدا التوضيح دا
لانه جاء فى وقته
ووضح الامر

تحياتى

sameh said...

أهلا أحمد أردت فقط بتذكريك بأنه يوجد مدون مصري بطل وشريف أسمه تامر مبروك كشف فسادا لشركة مملوكة لمجموعة من الهنود القرود و حكم عليه بغرامة مالية كبيرة جدا قدرها أربعون ألف جنيه هل سنتركه وحده ولا نتضامكن معه اعلن تضامنك معه وأرفض هذا الحكم فهو اليوم وانت غدا

sameh said...

أهلا أحمد أردت فقط بتذكريك بأنه يوجد مدون مصري بطل وشريف أسمه تامر مبروك كشف فسادا لشركة مملوكة لمجموعة من الهنود القرود و حكم عليه بغرامة مالية كبيرة جدا قدرها أربعون ألف جنيه هل سنتركه وحده ولا نتضامكن معه اعلن تضامنك معه وأرفض هذا الحكم فهو اليوم وانت غدا

ست البيت said...

وألف شكر أنا كده كده ضد البوست اللي انت نشرته اساسا
ايه الدعاو
http://marwa-mostafa.blogspot.com/2009/05/blog-post_31.htmlي المغرضة دي يا خالو ....

Desert cat said...

احنا شعب ما بيصدق اى مصيبة علشان يقلب البنزين ويولع النار ويقعد يلطم جنبها
بصراحة السؤال مش فيه اى حاجه غلط يعنى
والله حاجه غريبة

Anonymous said...

http://rebellious-girl88.blogspot.com/

Romancia said...

ااااااااااه كدة صح انا بقول بردو ازاى شكرااا بجد للتوضيح اعتقد اننا ظلمنا الدكتور... شويه يعنى

عصفور المدينة said...

وهذا كان تعليقي على أحد المدونات التي نشرت الموضوع
وبصراحة باحس ان المواضيع بتاخذ شكل الهوجة
=================

السلام عليكم
حقيقة رغم اعتراضي على اختيار السؤال من قبل الدكتور لكن وطبقا لتخصصي فهذا السؤال لا يطلب من الطالب أن يرسم راقصة
يوجد في البرمجة فرع اسمه
Object Oriented Programming
هذا الفرع يعامل كل شيء في الدنيا على أنه "كائن" يمكن تغيير خصائصه وإصدار الأوامر له وووو

المهم المطلوب من السؤال ليس ذلك وإنما عمل "كائن" برمجي يتم إصدار له الأوامر وتغيير الخصائص الذي هو بدلة الرقص أو الأفعال التي تصدر عن الراقصة وفي هذه الحالة سيتحول كل شيء من ذلك إلى وحدة برمجية

والمطلوب هو
simulation
لهذا الكائن وهو
"فتاة ترقص" وهو اصطلاح يبدو أنه منقول من مادة غربية ووهو يختلف في سياقه عن الراقصة المفهومة لدينا

كل هذا أيضا مع إقراري بعدم توفيق صاحب السؤال ولكن واضح جدا أن الضجة المصاحبة ليست بحجم الخطأ والذي يفهم حجمه الطبيعي أي متخصص في البرمجة المفترض بما فيهم الطلاب

يعني ممكن نقول مثل هذا السؤال يكون اكتب برنامج يحاكي مثلا الأراجوز
وفي هذه الحالة كان سيكون مضحكا وأقرب للتوفيق

مع تحياتي

ضــى القمــر said...

السؤال غريب .. فعلا
لكن صراحه الاعلام ما بيصدق
خلى منه فضيحه وكارثه والحقوا .. والف حاجه
ليه بنهول الأمور .. لكن مش نعترض على السؤال لكن بهدوء ومش بزياده فى العناوين اللى تقلق دى
شكرا ليك يا احمدعلى اضافة التوضيح
تحيتى لك