خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jul 23, 2009

مصـر اليوم فى ثورة

إنهاردة عيد ثورة يوليو .. كـل عــام وإنتـم تنعمــون بالعــدالة الإجتماعية السليمة والمفعصّــة ، و تنعمون بالقضاء على وحش الإقطاع ، وتجلسون فى حجر الفساد ، وتهنأون بالقضاء على الإستعمار الخارجى ، وتأنتخون تحت ظل الإستعمار الداخلى ، وتفرحون بالقضاء على سيطرة رأس المال ، وتعانون من تحكمه وسطوته وإستبداده وسرقته ونهبه وظلمه وإحتكاره ، وتسعدون فى ظل جيش وطنى قوى نرى أثاره فى تشجير الشوارع إذا مر الوزير وكورسات لغات مخفضة بالإضافة إلى "بفتة" القوات المسلحة المتميزة والرخيصة ..
قامت الثورة وطردت الملك "الكخة" وأتت بالرئيس الحلو الجميل ، ومتعتنا الثور إمتاعاً ، وظبطتنا تظبيطاً ، وثبتتنا تثبيتاً ، وعشنا أزهى عصور الديمقراطية ولو لا تصدقنى فهذه السطور التى أكتبها على الملاً هى خير دليل ..
نعم .. رفعت الثورة شعار إقامة حياة ديمقراطية سليمة ، وقام الرؤوساء بعد ذلك بتنفيذ الشعار على حسب فهمه له فمنهم من "نفخ" الشعب ولبسه ديمقراطية ومنهم من "تحاور" مع الشعب ولبسه الديمقراطية ، ومنهم من "نفــّض" للشعب ولبسه ديمقراطية أيضاً.
ونحن بين "النفخ" والتحاور" و"التنفيض" نعيش كما البهلوان على الحبل ، أو كالبرص على الحائط أو كاللباية فى قلب البطيخة المظلم .
كانت صورة الرئيس يعانق المواطن الفقير الكحيان هى شعار الثورة ، ثم صارت صورة المواطن الكحيان شعار الوطن الذى ظل كحياناً وظل الرئيس رئيساً كما هو عبر أزمنة جيولوجية طويلة ..
ولقد نقلتنا الثورة من عصر الحرملك إلى عصر تبادل الزوجات ، ومن عصر القطن طويل التيلة ، إلى عصر رئيس الوزراء طويلة التيلة وبدون قطن ، ونقلتنا من عصر فساد الملك و"صلاح" الشعب إلى عصر فساد الرئيس و"صلاح" نصر ومن عصر كان فيه الوطن "عامر" بالتغيرات السياسية إلى وطن عبد الحكيم "عامر" وشعراوى جمعة وشمس بدران وزكى بدر وكمال الشاذلى وأحمد عز وممدوح إسماعيل
صديقى العزيز .. تنسم هواء الحرية ، وتأمل آثار ثورة يوليو من حولك وحاسب تخبط فيها وإعلم أن تجارة "الأثار" محظورة ، أما زوجته "الإثارة" فمسموحة فى الأفلام وفى تصريحات الوزراء وجلسات مجلس الشعب وزيارة نابليون ولورانس وأوباما.
إرفع رأسك يا أخى .. بس مش أوى لتخبط فى السقف
أحمد الصباغ

9 comments:

شريف القاضى said...

فعلا مقال متميز يا صباغ بالتوفيق دايما

فتاه من الصعيد said...

أعرض على أي مشكك في مزايا الثوره

وأذا كان ليها أخطاء .... فتغفر لها المميزات

وديمقراطيه ما قبل الثوره ديمقراطيه الطبقه الراقيه ..... حيث ليس من حق الفقراء الادلاء بأصواتهم


فبلاش تصدقوا كل اللي بيجي في المسلسلات ...... وعهد عبد الناصر من أفضل العهود ..... على الأقل كان لمصر هيبه وما كنش بيخاف من أي دوله

ومشاكلنا الحاليه مشاكل فساد سياسي منستشري وملوش دعوه بالثوره

مواطن مصري said...

احمد بعد ازنك انا هاخد التدوينة دي بمناسبة االانقلاب العسكري


مع ذكر المصدر و اللينك و الاسم

عاشقة الفردوس said...

ومن عصر القطن طويل التيلة ، إلى عصر رئيس الوزراء طويلة التيلة وبدون قطن ،

:))

لله المستعاااان


هنرفع راسنا اوووي ماتخافش
ماهو مبقاش فيه سقف خلاص \
:(

لقد خلقنا الله احرارا said...

مش اول زيارة لمدونتك
لكن اول تعليق
تدوينه جميله جدا
تسلم ايديك
عجبنى جدا كلامك عن صورة المواطن الكحيان
ربنا يوفقك

مهندس مصري said...

صدقت
معاك حق في كل كلمة

يا مراكبي said...

أنا مش عارف ليه الناس فاكرة ان اللي احنا فيه ده هو امتداد للثورة اللي مر عليها نصف قرن .. ده عصر وده عصر تاني خالص .. والمعطيات اللي كانت هناك مش هي نفسها المعطيات اللي بدأنا بيها العصر ده

العصر اللي احنا فيه اقرب ما يكون لعصر السادات وابعد من عصر عبدالناصر

وعصر السادات ده بعد كتير عن قصة الثورة والاشتراكية والقومية العربية الحاجات دي وراح لسكة مختلفة تماما

Raٌna said...

والله معاك حق
ربنا يرحمنا

ست البيت said...

ماهو السقف دا سقف الحريات
واللي حيرفع رأسه قوى ممكن يخبط في السقف دا ولا يمكن السقف يقع على دماغه