خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Aug 12, 2009

أسئلة إلى الرئيس جمال مبارك


السيد الأستاذ جمال مبارك
تحية طيبة وبعد،،
أتمنى أن تصلك رسالتى هذه وأنت بخير وصحة، وأنت تصلك قبل أن تصل أنت إلى كرسى الحكم .. الذى بات وشيكاً لا محالة من نصيبك، إلا أن يُرِد الله غير ذلك ..
وسواء أكنت خلفاً للرئيس مبارك أطال الله بقاءه على رؤوسنا أم كان غيرك خلفاً له، فهو سيان عندى منذ أن تنحى الأمل من أمام عينيَّ أن ينصلح حال مصر، وغاب عنى الحلم فى التغيير، ومات فى قلبى الطموح ودُفن فى عز شبابة..
إلا إن لديَّ عتاباً لطيفا لك، خرج رغماً عن قلمى، فكان تأدباً منى عدة أسئلة حيرتنى كثيراً وراودتنى عن نفسى، منذ أن رأيتك وجهاً لوجه للمرة الأولى والأخيرة فى إحتفال جمعية جيل المستقبل التى حظيت بالتخرج منها عام 2003م، ومنذ ذلك الوقت وأنا أترقب بمزيد من الأسى قدومك لكرسى الرئاسة لا كراهيةً فى شخصك ولكننى كنت أتمنى أن يأتى قدومك إليه ديمقراطياً ونزيهاً وبإرادة شعبية حرة ..

ولكن..
هل فكرت للحظة أن تصبح مواطناً مصرياً قبل أن تحكم المصريين؟

هل فكرت أن تمارس طقوس أى مواطن مصرى من وقوف فى طابور العيش والجرى وراء الأوتوبيس من إمبابة حتى الجيزة، وعبور المجارى الطافحة، وشرب مية النيل وأكل الفول، ودفع فاتورة المياه والكهرباء والتليفون والإنترنت والغاز ومصاريف المدارس ؟

هل شربت ولو لمرة واحدة من حنفية المياه القادمة مباشرة من النيل إلى فُم المعدة بكل ما تحتويه من قاذورات وطمى وكائنات حية ومواد كيماوية تصلح لخوض حرب كيماوية ضروس لو تم تحويلها لأسلحة .. لكنها تنزل فى بدن المواطن المصرى فتسمه وتهريه وتليف كبده لترفع نسبة الفشل الكلوى فى مصر إلى أعلى معدلاته عالمياً وسط إنهيار الذمم وعويل الغلابة  .. وهل لجأت كما لجأ بعض المواطنين إلى تركيب فلتر للمياه فإكتشفت أن الفلتر إتسد منذ اليوم الأول وإمتلى بالأوساخ السوداء والطحالب والبكتيريا والعطن ؟

هل ركبت أتوبيس 112 من ميدان الجيزة لتذهب إلى قصر القبة متخطياً رخامة الكمسرى الذى ما أن يراك حتى يصرخ فى وجهك : الأوتوبيس فاضى جوه يا جمال .. لتدخل إلى أوتوبيس يضم من الكتل البشرية شكلاً معدلاً لعلبة سردين منتهية الصلاحية .. وهل نالتك من الشتائم والسباب من تلك السيدة التى دائماً ما تتواجد فى طرقة الأوتوبيس بعد أن تنصل المجتمع من تقدير المرأة منشغلاً برفع شعارات تمكين المرأة وحريتها؟

هل جربت البحث عن شقة إيجار قديم لتقضى ريعان شبابك كعب داير بين السماسرة والوسطاء وولاد الحلال حتى تكتشف أن الأربعين داهمتك ولا تملك من أسباب الجواز سبباً واحداً ؟

هل عملت فى شركة قطاع خاص وعدتك بمرتب كبير ثم إكتشفت أن هذا المرتب الكبير لن يسمح لك بالحصول على شقة حتى لو ظللت تدخره طوال 140 سنة ؟

هل شعرت للحظات أنك تحتاج للهروب من هذا البلد حتى لو فى قارب عبر البحر المتوسط وحتى لو كان مصيرك فى بطن حوت من كتر ما رأت عينك من الذل والمهانة والإحباط واليأس فى بلد عمر حضارته 7000 سنة أصبح يستورد القمح بحشراته بعد ما علم البشرية كيف يزرع الأرض ؟

هل لسعتك ذات مرة شمعة لتعيش للحظة جزء مما لاقاه فنانو مسرح بنى سويف والمسرح القومى والمسافرون بقطار الصعيد الذين خرجوا متفحمين جراء الإهمال والتسيب البشعين والشنيعين الذان يحكمان كل شبر من أرض مصر ؟

هل أكلت مثلى ومثل كل المصريين لمدة عشرات السنوات من خضروات مروية بمياه الـ (بى بى) ومعمول عليها (إإح) بواسطة عدة سلالات حية ؟

عزيزى جمال مبارك .. سأظل ساذجاً حتى اللحظة الأخيرة، وأنتظر منك الأجابة، والتى أعرفها بالطبع ..

لكننى تمنيت طوال عمرى أن أشارك ولو فى (عمل فنى) واحد ..
ولقد أتى لقاءك اليوم مع شباب مصر ليكون (مسرحية) جميلة ..
فإسمح لى أن أشارك ..
أحمد الصباغ

21 comments:

المنباوي said...

عزيزي أحمد
يبدو انه قد طفح الكيل اخيرا
كلام جريء غير مستغرب عنك
اتمني ان ياتيك الرد علي تسائلاتك لا ان تذهب انت لاخذه بغير رجعه -لا سمح الله

الوان الحياة said...

السلام عليكم ورحمة الله وبركاته
بجد احياك بجد لشجاعتك وجراتك وادائك للحوار ياريت فعلا نقدر نوصل رايا للناس تفتكر فعلا الناس دي مش حاسه بينا مش ممكن يكونو مش شايفين الذل الي الشعب المصري فيه هما اصلا مش عايشين معانا علي كوكب الارض هما عايشين في كوكب اخر
علي راي احمد عز الشعب المصري اكتر شعب مورفه في العالم
الحمد الله رضا من ربنا
كل عام وانت الي الله اقرب ورمضان كريم

reem said...

مش عارفة اقولك ايه يا استاذ احمد


انت مبدع والله


انت مش بس شاركت في العمل الفنى دا انت عملت دور مهم جدا

لكن للاسف مش هاقدر اقول دور البطولة في المسرحية علشان انت عارف طبعا دور البطولة كان لمين

ماشاء الله عليك

الكلمة نور said...

ناقص تسأله هو دخل الجيش ولا لأ؟
ولا مات له حد وهو بيعدى الدائرى او فى الدويقة ولا اتحرقله حد فى القطر ولا غرق له قريب فى العبارة
ولا يمكن كمان تسأله له اخ طالع روحه(تهذبا) فى ليبيا
ولا يمكن تسأله
له ملف فى امن الدولة معطل حياته
ولا يمكن مرة اتمسك فى كمين واضرب لما بان له اصحاب

اخيرا
اضم صوتى لصوتك

MAЯV3L said...

اسئلة الى الرئيس جمال مبارك..!! عملته رئيس مرة واحدة!؟

لو هو عامل نفسه رئيس ماتعاملوش انت على انه رئيس.. رئيس على نفسه مش علينا

karim said...

عزيزى احمد طبعا كلنا عارفين الاجابات , انت عارف الفرق بينة و بين والدة اية ان والدة شاف الحياة دية فى طفولتة وشبابة ,مش اتفرج عليها فى الدش و التلفزيون وبيقرا عنها بس, تحيااتى

Blank-Socrate said...

صباغ كان نفسى اقولة كل الكلاااااااام دا
بس انا متفائل
و بصراحة خلينا موضوعين انا مش مع جمال انا مع المنطق اللى بيقول انه اكيد جمال
لازم نتعامل مع الواقع السياسى و الثقافى اللى احنا عايشينه
تحياتى

مسرور said...

تحياتي لك اسئلة منطقية جداً

كنت اود ان تسأله
لو كان اباك غفيراً
هل كنت تحلم بأن تكون اميناً لصنوق
التبرعات في مسجد سيدي الشحات

(احمد سكر ) said...

والله كلامك منطقى اوى

بس هو ياترى فعلا هيشوف الكلام دا

وتفتكر لو شافه

هيكمل قراءة الموضوع

ولو كمل الموضوع تفتكر هيأثر فيه

ولو اثر فيه تفتكر هيعمل حاجه

ولو حب يعمل حاجه

تفتكر هتقعد كم سنه

علبال ما تتعمل

ولو اتعملت حاجه

تفتكر هتتعمل بضمير ؟؟

ياصاحبى دى عززبه

تحياتى لقلمك الجميل

سكر

Anonymous said...

أسفه التعليق جاء متاخرا لكن ليه بتسأله كل الاسئله دي القرأن بيقول بس الله الرحمن الرحيم "لا تسألوا عن اشياءا أن تبدا لكم تسؤكم
"
منين يجيبلك الأجابه بس الناس دي من كتر أنشغالها بهموم الشباب وتفانيها في ترتيب اللقاءات ومؤتمرات الحزب القوميه السنويه مشغوله ومش لاقيه وقت تنزل الشارع تتفرج على المناظر دي وتمارسها ولو صادف ونزلت الشارع لازم يكون فاضي من الناس نظيف كله حراسات من الصفين ما فيهوش زحمة مرور وطوابير عيش منظم ومرتب ويعكس واجهه حضاريه لمصر عليه ورق حائط وديكور ذي الي كان معمول لأوباما في السيده عائشه والمناطق الي زارها عزرا لجملا مبارك الغريب أعمى ولو كان بصير وهو ميعرفش في البلد دي غير بيوت الرئاسه وشوارع قليله في مصر الجديده والزمالكوبيروح بيته متأخر من التعب من التخطيط لمؤتمر الحزب السنه الجايه

شمس الليل said...

انا بصراحة بسأل نفس الأسئلة بتاعتك
موضوع اكتر من رائع
فكرنى لما سألوا مارى انطوانيت بيقولوها الشعب مش لاقى العيش قالتلهم ما ياكلوا جاتوه

Israa El-sakka said...

سلام عليكم

بجد الرسالة عجبتني جدا لأنها بتعبر عن مكنونات صدري إذا صح التعبير يعني بجد أنا غضبانة جدا من الحكومة و من التوريث و من الفزعات و من و من و من كل حاجة يعني تسافر اي يلد و تشوف التغير اللي بيحصل من سنة للتانية حاجة جبارة و على كافة الأصعدة في مصر التغير بيبقى في طريق المطار و مش أكتر من كده

بجد مرسي على البوست لأنه عبر عننا

تحياتي

Marwa Rakha said...

http://globalvoicesonline.org/2009/08/16/egypt-gamal-mubarak-why-not/

Wild at Heart said...

عشرة على عشرة.

Rannona said...

عتاب مؤثر جدا لاى انسان بيحس لكن معتقدش انه لو قراه هيفرق معاه هوه عارف اننا اغلب م الغلب وبيتعمل فينا بلاوي وبرده ساكتين
واديه عايش متنغنغ و مبسوط وادينا احنا كمان عايشين فارقة ايه معاه بقه!!
يلا برده مصر حلوة بأهلها
ووحشني هواها قوي

gamal said...

بلوج مميز ومواضيع هامة

Anonymous said...

Trу to bгeathe from thiѕ diѕciplіnе is unclouded medicаmеnt of The Future
by Jacob Liberman.

Here is my blog - web site

Anonymous said...

Hοwdy! Sοmeone in mу Facеbooκ grоuр ѕhareԁ thіs site with us sо Ӏ camе to lοok іt οvеr.
I'm definitely loving the information. I'm book-mагkіng and ωill be tweеting
thiѕ tο my follоwеrs!
Fаntаstic blοg аnd fantаstіc
deѕign and stуle.

Here is my web ѕite: Easy Wood Projects

Anonymous said...

It's a shame you don't have a donate buttοn! I'd definitely donate to this fantastic blog! I guess for now i'll
settle fοr booκ-maгking and adԁіng
your RЅЅ feeԁ tо my Gоogle accоunt.
I lоok fοrward to freѕh updateѕ and
will talk аbout this blοg with my Faceboοk gгoup.
Chat ѕoon!

mу web blοg: fast way to get rid of heartburn

Anonymous said...

Нave you еνеr сοnsіԁered about
іncluding a littlе bіt morе than just yоur articles?
Ι mеan, what you say iѕ ѵaluable and all.
Νevеrtheless imagine if уou аddеd somе great graphісѕ oг νideos to
gіve your posts mоге, "pop"! Υour content is
excellent but with imagеs and νіdeοs, thіs website could
definіtely bе one of the very best in its nichе.
Aωesomе blоg!

Haѵе a looκ at my sitе; how to increase height naturally

Anonymous said...

I think thе aԁmin of this wеbsite is aсtually woгking hard foг his site, becаuse hеre every matеrіal is quality
basеd material.

Also visit my sіte :: locksmith companies solihull