خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Aug 16, 2009

أن يدفن المرء بجوار مارلين مونرو


كنت أتصفح موقع "إى باى" التجارى العالمى بحثاً عن جوز شربات مقلمة، فوجدت إعلاناً عن بيع المدفن المجاور لمدفن مارلين مونرو مقابل 500 ألف دولار ، وفهمت أن الست صاحبة القبر أصابتها ضائقة مالية وتم تثمين القبر فقدروا ثمنه بهذا الرقم الضخم، لإن السيد الأستاذ المتوفى سيدفن بجوار الست مارلين مونرو ذات نفسيها والتى ماتت منتحرة عام 1962م ..
الأسوأ والأغرب أن السيدة ذات السبعين ربيعاً كتبت فى الإعلان " فرصة فريدة لتمضية الأبدية بجوار مارلين مونرو" .. لست أدرى لماذا إقشعر بدنى وأنا أقرأ الخبر، ربما خوفت من أن أضعف وأضحى بالنص مليون دولار وأمرى لله ..
أنا أفهم أن الإنسان يسعى لمجاورة نجمته المفضلة وهى على قيد الحياة، على أساس أن من جاور السعيد يسعد، لكن أن يجاور البنى آدم واحدة ميتة وهو أساساً ميت وأن يدفع نص مليون دولار فى تلك العملية الإنتحارية، فهذه خيبة تقيلة لا حد لا، ليس فى مقدورنا نحن كشرقيين تخيلها ..
أما إذا فكر أحداً فى شراء هذا القبر فأحب أن أضيف إليه خبراً قد يفيده وهو أن جاره الآخر سيكون "هيو هيفنر" صاحب مجلة بلاى بوى الذى أشترى القبر المجاور عام 1992م بخمسة وسبعين ألف دولار .. يعنى هيهيص هيهيص
ولا حول ولا قوة إلا بالله
أحمد الصباغ

9 comments:

amrelmeligy1001 said...

هههههههههههه لا جامدة بس خليهم يهيصوا احسن واحنا نتفرج
:D

amrelmeligy1001 said...

الحمد لله انا مش عاوز اهيص هههههه :D

كيــــــــــــارا said...

لا حول ولا قوة الا بالله

هو هيكون في ايه ولا في ايه

اصحاب العقول في راحه

كل سنه وانت طيب

رمضان كريم

محمد سعيد said...

أصحاب العقول في راحة
!!!

مي said...

اللى معاه قرش محيره ياخد قبره جنب مارلين مونرو
كل سنة وانت طيب يا مبدع
تحياتى

reem said...

احم
بغض النظر عن موضوع مارلين مونرو
الاهم ..حضرتك لقيت جوز الشرابات المقلمة ولا لا؟!

smilyrose said...

طب والله كويس

بس اوعى تعملها وتضحى

مالها مدافن اللواء

ولا ابوزعبل

ولا اى مكان فى بلدنا

المهم نلاقى مكان

والله فعلا اصحاب العقول فى راحه

لورنس العرب said...

انا فاكر في اوائل التسعينيات صدر تصريح -لااتذكر صاحبه لأني كنت صغير
قال ما احلى جهنم لو مع مارلين


اهو ده نفسه يهيص في جهنم

Alchemist said...

فعلا اللي معاه قرش محيره يشتري (قرش هو بيجيب حاجة دلوقتي هههه) بس فعلا يا دوك دي حاجة غريبة دي ناس عقولها في التلاجة