خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Aug 11, 2009

حى على الجهاد الإلكترونى


كلما فتحت الكمبيوتر أو دخلت الحمام أو وقفت فى طابور عيش تأتينى إيميلات ورسائل تحثنى على الجهاد الإلكترونى بغلق هذا الجروب ونشر تلك الرسالة ووتوصيل ذاك التنبيه، حتى تأكدت أنك إذا أردت أن تهلك شخص وتضيع وقته وجهده فعليك بعمل جروبين تلاتة تسب فى دينه وتنتقد مبادئه وتسخر من مقدساته .. وسيب الباقى على الشخص ذات نفسه
فستجده يشحذ الهمم ، ويدعو الناس لمقاطعتك ويقيم الحملات المنظمة لمقاطعة الجروب اللعين الذى أنشاءته على الفيسبوك ، ويلعن سنسفيل جدودك على السبحة ، وأنت تمارس شُرب النسكافيه ضاحكاً .. وهكذا لم يتبقى من فكره وجهده وعمله فى الحياة سوى حبة إيفينتات وبانرات وجروبات مضادة
وقد بلغ إستخفاف الأعداء بنا مبلغه ، لدرجة أننى أقسم بالله أن رسائل تفطس من الضحك تأتينى من مئات الأصدقاء يومياً والجميع يتعاملون معها بجدية وحزم وهمة مثل الرسالة الشهيرة إن الموبايل هيطلع فيروسات فى وشك لو رديت على رقم زيرو خمستاشر ومش بس كدة .. يتوعدك مرسل الرسالة بإنك ان لم ترسل الرسالة لخمسة من أصدقائك يبقى يشيل ويحط عليك وهتروح فين من لعنة الله يوم القيامة
مبدأ الداعين إلى حملات للرد على هجوم الهاجمين هو الخوف من إفتتان الناس بما يقوله الكفرة والملحدين وأعداء الدين ، لكن الحلول المنطقية كثيرة جداً ولا تتضمن التفرغ لرد الجروب بجروب ورد الإيميل بإيميل ، وإنما التفرغ للدعوة إلى الدين الصحيح وتعريف الناس بتعاليم الدين السامية .. وقتها فلن يجد الساخرون من المقدسات ولا زبون واحد يستمع إليهم ..
فاكرين نظرية الحمار والجزرة ؟ لمّا الفلاح حط الجزرة قصاد الحمار عشان يفضل ماشى؟
أصدقائى الفيسبوكيين والإنترنتيين والمدونين الأعزاء
بلاش نهتم بالجروبات والرسايل من النوع الجزر .. وإلا هنبقى حمير
أحمد الصباغ

7 comments:

جاد الربيع said...

صديقي، أنا ممتن ليك جداً على الموضوع دة، أنا أصلاً محروق دمي من سنين،

موضوع الزيرو دة شكله واحد متضايق من شركة اتصالات معينة، و بالنسبة لرسايل الموبايل فمتستغربش إذا كانت الشركة نفسها بتستغل الناس و طريقة تدينهم الغريبة في تحقيق أرباحها

أحييك

جاد الربيع said...
This comment has been removed by the author.
ستيته حسب الله الحمش said...

كلام عاقل في زمن فسفس هستيري
تسلم ايدك

fwitema said...

ايون ايون اخيراااا حد قال ايلي كان نفسي فيه من زماااان

بجد احييك جداااااا علي البوست ده

هو ده ايلي كنت بحاول اقوله لناس كتير بجد

انه مش هي دي الطريقه الصح لنشر الاسلام الصحيح للناس

انه مثلا مش اقعد ابعت ايميل فيه عنوان سايت عليه كلام تشويه للاسلام
يقوم الناس كلها تزوره اكتر و اكتر لحد ما الرانك بتاعه يزيد و يصبح في الصداره فيجي كل من يبحث عن شئ يخص الاسلام يظهر له السايت ده

ابقي انا كده عملت عكس ما كنت انا عايز خاااالص

بجد شكراااا جداااا انا مبسوطه جداااا بالبوست دااااااااا
fatma salem

Rain_Drops said...

أنا بفكر ندور عن سبب سلوك العامة دا في كتب علم النفس ، لإنك لو لاحظت هتلاقيه مش مقصور على المصريين ولا العرب بس

ضكتور جدا said...

عندك حق والله
بقت حاجة صعبة جدا جدا
وعلى رأي واحد بيقول
لو جاتلك رساله من دول اجعلها تقف عندك

karim said...

معك كل الحق سيدى, ولكن تعالى نفكر بالعكس وهى العقول التى تهتم بتلك الاشياء هاتلاقيهم كتييير جداا ودة يديك مؤشر ان بلدنا دايما فى تخلف مستمر, مفيش حد بيفكر كل بيقلد و يبعت و خلاص, تحياتى