خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 16, 2009

متى يبدأ التحـرش فى مصـــر ؟

يبدأ التحرش فى مصر عشية ليلة عيد الفطر المبارك، حيث تقبل أفواج المتحرشين من كافة أنحاء مصر المحروسة إلى وسط البلد أفواجاً من كل فجٍ عميق، حاملين على أكتافهم كبت الأيام الثلاثين الماضية، وتاركين ورائهم صلاوات التراويح والتهجد والقيام، وصيام الشهر الكريم.

وتتدفق جموع المتحرشين عبر ميادين التحرير وطلعت حرب مروراً بشوارع وسط البلد الرئيسية والفرعية، فى حالة نشوة متحرشين بكل ما يحمل فى إسمه تاء مربوطة حتى لو كانت (سيارة) وبكل ما يضم نون النسوة، وبكل فستان أو بلوزة أو جيبة وبكل ما يحمل فوق رأسه شعراً طويلة (حتى لو كانت مقشة معدية) ويتم ذلك فى تناغم عجيب، وخبرة عالية لا ندرى كيف ومن أين تم إكتسابها، رغم أن التليفزيون المصرى لم يقدم حتى الأن برامج مباشرة لتعليم التحرش.

على ناصية شارعنا.. وقف خمسة من رواد التحرش فى مصر، يحلمون بليلة العيد، ويرسمون أمالاً عريضة لقضاء ليلة تحرشية عالية المزاج، ويسترجعون فى تلذذ ذكريات العام التحرشى الماضى، وراح كلٌ منهم يستعرض قدراته ومهاراته فى التحرش بكفاءة لا يضاهيه فيه متحرش.

بينما على الفيسبوك قام شباب مصرى آخر بإنشاء جروباً عالمياً لحملة "عيد بدون تحرش" وترفع الحملة شعار "هعيد وهفرفش بس مش هتحرش" وربما يجهل هواة رياضة التحرش كيفية الجمع بين "التعييد" و"الفرفشة" مع "عدم التحرش".. حيث أصبح التحرش عبر أكثر من عشر سنوات ماضياً جزأً لا يتجزأ من كينونة العيد.. وصار العيد بدون تحرش لديهم ماسخ.. مثل الطبيخ بدون لحمة.

رياضة التحرش فى مصر.. جزأ لا يتجزأ من الواقع الماسخ المُمسّخ الباهت الضائع التائه العجيب المؤسف الذى تحياه مصر فى تلك الفترة السوداء من عمر الزمان.

فإن مصر كما تأكل الخضروات الشهية.. مروية بمياه – لامؤاخذة – المجارى، كذلك فإن مصر أصبحت فى السنوات الماضية تعيش العيد الجميل مرصعاً بحوادث التحرش المخزية.

أصدقائى الأعزاء..
أعلم أن المتحرشين لا يقرأوون غالباً ما أكتب، وربما لا يدخلون على الإنترنت أساساً إلا للتحرش الإلكترونى، ولهذا حديث أخر، وأظن – وليس كل الظن إثم - أن قراء هذه السطور لا يتحرشون، لهذا – ولهذا فقط – لن ألبس ثوب الحكمة وأدلوا بالنصائح، لكننى سأتمنى لكم:
عيد بدون تحرش

وكل عـــام وأنتــــم بخـــــــــير..
أحمد الصباغ

13 comments:

سومه...مجنونه فى بلد عاقل said...

ازيك يا صباغ كل سنه وانت طيب بس متهيالى بعد البوست الى فات اللى انت كاتبه مش حيبقى فى تحرش الصين حتحللهم المواضيع بنات وولاد
والله هم يضحك وهم يبكى
هو احنا حنوصل لحد فين؟؟
يعنى حنفضل ننحدر لحد امتى انتوا كل يوم بتشجعونى انى فعلا اتوجه لمستشفى المجانين اعيش هناك ومسمعشى اى خبر عن اللى بيحصل فى العالم دا
ربنا يستر على الجميع يا رب وعلينا
المشكله انا بشعر اننا مبنعملشى شىء غير الدعاء والمشكله الاكبر انى مش شايفه شىء نقدر نعمله غير الدعاء
سلام الله يطمنك

أبــــو ضـــيــاء said...

ههههههههههههههه
بجد عندك حق
بس عندي استفسار, هو للدرجة دي شوشو بيوسوسلنا قبلها بشهر وبرضه بنفضل على وسوسته وهو متسلسل, انا بستعجب لبعض نظره
ولا يمكن العيب فينا ونفوس الشباب خلاص بقيت سوده

dr/shiko said...

والله هي فكرة حلوة "عيد بدون تحرش" وكان التحرش ده بقي مكتوب علينا في كل عيد .. حاجة مستفزة للغاية .. اين دور الامن والدولة واين شهامة الشعب واين تعاليم ديننا واين تقوي الشهر الكريم .... حسبي الله ونعم الوكيل

Marwa Rakha said...

http://globalvoicesonline.org/2009/09/16/egypt-bloggers-call-for-a-fun-filled-harassment-free-eid/

Ms3a_miso said...

ماهو ده موسم تزاوج ذكر المصري

شوكولاتة said...

الوضوع بقى غريب جدا يعني العيد والتحرش بقو زي الفيل والنملة كده
والموضوع مابقاش في القاهرة وبس لأ بقى في كل مكان الشباب بقوا غاويين الأماكن الزحمة موت
من سنتين كده واحد عاكس واحدة صاحبتي فشتمته بصلها وقالها إيه ياحلوة ده احنا بنعيد
شفت العجب

كل سنة وأنت طيب
تحياتي

الازهرى said...

التحرش يبدأ فى المنازل عندما لا تعلم الأسره أبنائها
(من الجنسين )
ان الدين الصحيح يأمرنا أنلا نتعرض للغير وأن هناك أخلاق لا بد أن نتعامل بها فيما بيننا وبين مجتمعنا
وأن نحترم أعراضنا كما نحترم أعراض غيرنا
وكل تلك الأمور التى تبنى المجتمع السليم

بس أنا لى سؤال يا أحمد
هو ليه الكل مقتنع إن التحرش بيكون من الذكور ضد الإناث فقط ؟

اقصوصه said...

كل ام وانتوا بخير:)

أميرة الرومانسية said...

كل سنة وانت طيب
تعرف ان من كتر اللي بيحصل في العيد انا بطلت اخرج في العيد من باب بيتنا اصلا
مش عارفة لامتي هتفضل الاخلاق في انهيار كدا
ربنا يهدي شباب المسلمين جميعا

زهرة said...

مدونتك شيقة وموضوعاتها مختاره

احييك عليها

واسمحلى بالمتابعه الدائمة

ahmed said...

ازيك يا صباغ كل سنه وانت طيب بس متهيالى بعد البوست الى فات اللى انت كاتبه مش حيبقى فى تحرش الصين حتحللهم المواضيع بنات وولاد
والله هم يضحك وهم يبكى
هو احنا حنوصل لحد فين؟؟
يعنى حنفضل ننحدر لحد امتى انتوا كل يوم بتشجعونى انى فعلا اتوجه لمستشفى المجانين اعيش هناك ومسمعشى اى خبر عن اللى بيحصل فى العالم دا
ربنا يستر على الجميع يا رب وعلينا
المشكله انا بشعر اننا مبنعملشى شىء غير الدعاء والمشكله الاكبر انى مش شايفه شىء نقدر نعمله

ali said...

كل سنة وانت طيب
تعرف ان من كتر اللي بيحصل في العيد انا بطلت اخرج في العيد من باب بيتنا اصلا
مش عارفة لامتي هتفضل الاخلاق في انهيار كدا
ربنا يهدي شباب المسلمين جميعا

zaid said...

ان الدين الصحيح يأمرنا أنلا نتعرض للغير وأن هناك أخلاق لا بد أن نتعامل بها فيما بيننا وبين مجتمعنا
وأن نحترم أعراضنا كما نحترم أعراض غيرنا
وكل تلك الأمور التى تبنى المجتمع السليم