خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 21, 2009

تبرع ولو برنجة



يأتى عيد الفطر ويأتى شم النسيم وتأتى معه الرنجة والسردين ويأتى الليمون والبصل الأخضر فتنتابنى نشوة المشتاق وأهيم على وجهى فى الأرض ولا يسع الكون سعادتى وفرحتى، فلا ترى عينايا من المكنونات سوى الطبق التى تتمدد فيه الرنجاية كعروس النهر الذهبية، ويرصعها الليمون بلون الأصفر المخضر، وويقف البصل الأخضر بشواربه كالأسد، وتبدو الرنجاية كملكة متوجة يحيط بها الحرس يميناً ويساراً..

وغالباً ما ينتهى المشهد بوجهى ملطخاً بآثار المعركة، تعرفنى بسيمايا من أثر الرنجة والسردين، نشواناً هيمان.. لا أبتغى من الدنيا سوى كوباية شاى كشرى خمسينة ، لكى أحبس بها، وسط دهشة وصدمة الأسرة المسكينة، وإمتعاض أطفال العائلة من هذا الـ "خالو" المجنون، ودعوات أمى بالشفاء العاجل.

أصدقائى الأعزاء جداً..
من اللطيف أن يعيش الإنسانُ العمر مرتدياً كرافتة "شيك" وبدلة أنيقة، وأن يمارس الحياة بالشوكة والسكينة، ومرتدياً ثوب الوقار مع إبتسامة الرسمية.. لكن من الأجمل أن "يلغوص" الإنسان فى خضم بحر الحياة، وأن يعيشها بتلقائية وسذاجة، فالحياة لا تأتى لا مرة واحدة، والرنجة لا تأتى إلا مرتين..

أحمد الصباغ




22 comments:

أبــــو ضـــيــاء said...

انا قلت الحق اول كمنت هنا زي مالحقته عالفيس
وكل سنة وانت طيب

حمدى جعوان said...

كل سنه وانت طيب ياعم احمد وكل سنه وانت ملغوص مع الرنجه براحتك

ضكتور جدا said...

كل عام وانت بخير
وممكن عادي تاكل الرنجة ف اي وقت!!
ولا ايه ؟
ايه

Desert cat said...

يععععععع
يعععععععع
يععععععععع
بقولك كدا وانا على وجهى آثار الرنجة والفسيخ استاذنك يا خالو اروح اغسل ايدى وارجع اكمل الكومنت

مهندس مصري said...

كل سنة و انت طيب و ما تكترش من أكل البصل الأخضر علشان الريحة
:)

أميرة الرومانسية said...

اسلوبك حلو جداااااااااااا وانت بتحكي قصة شوقك الملتهبة بالرنجة
علي فكرة انا كمان بموت في الرنجة بس الرنجة بس ولا سردين ولا بصل
كفاية كدا عليا
كل سنة وانت طيب

سارة بندارى said...

ههههههههههههههههههههههههه

كل رنجة وانت طيب مستر أحمد

سارة بندارى said...

ههههههههههه


كل رنجة وانت طيب مستر أحمد

Anonymous said...

أ / أحمد كل سنة و حضرتك طيب البوست حلو ـوى و التعبيرات اللى بتستخدمها فى الكتابة ممتازة خلتنى أتخيل فعلا شكل الطبق كأنه قدام عنيا . و بالهنا و الشفا و عيد سعيد . يا رب السنة الجاية تكون محقق كل أحلامك . سلام
نشوى الكاشف

ساسو said...

يااااااااااااه علي الرنجه وطعمتها
ووصفك ليها مفيش اجمل من كده (انا من عشاق الرنجا )
كل سنه وانت طيب يا استاذ احمد

Miss. Sosa said...

بالهنا والشفا يا خال :)
كل سنة وانت طيب

Angel said...


أ/ أحمد الصباغ

كل سنة وحضرتط طيب
وأتمنى تكون قضيت عيد سعيد

Angel love

عاشقة الفردوس said...

:))))

يا مراكبي said...

أمال هتعمل ايه في موضوع الفتة اللي باللحمة الضاني اللي هيهل الموسم بتاعها بعد شهرين دي؟

:-)

قهوة بالفانيليا - شيماء علي said...

خالو بتاع المخضروات
:)
كل سنة و انت طيب بقى
موسم الرنجة خلص :)

قهوة بالفانيليا - شيماء علي said...

خالو بتاع المخضروات
:)
كل سنة و انت طيب بقى
موسم الرنجة خلص :)

well said...

بالهنا والشفا

سبهللة said...

حقا تدوينة أكثر من رائعة
كل سنة وانت طيب يا خال
وادام الله عليك نعمة الرنجة مرتين فلا السنة

nona said...

كل سنة وانت طيب
وانا هتبرع بكيلو بحاله مش رنجاية بس
وفسيخ كمان لو عايز
كل الاكل بيتاكل عادى بس فى حاجات الواحد ميستطعمهاش من غير عك
ههههههههههه
زى المانجة والرنجة والفسيخ

walaa ahamed said...

انا كمان بحب الرنجه والفسيخ قوى ومش بقدر اقاومهم

walaa ahamed said...

انا كمان بحب الرنجه جدااااااا بس باكلها فى اى وقت كل مااشتاق لها

Anonymous said...

انا كمان بحبها قوى