خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 24, 2009

المانيكان العريان



من لم يمر من أمام محلات "رشدى" بشارع المنيل، و"أبو الفتوح" بدار السلام، وشوارع وسط البلد، فهو فى عصمةٍ من أمره، وعليه بالزواج بسرعة قبل أن يقع فى الخطيئة مع مانيكان..

إيران فرضت الحجاب الشرعى على المانيكان، وقديماً قالوا الطعام عورة، ولا يجوز أكله إن كان مكشوفاً، وكان الرجل قديماً يستحى إن رأى سلكة كهربا عريانة، أما الآن فالأسلاك تقف عريانة فى قلب الطريق العام بلا حياء.

ولى صديق تعود أن يذهب للوقوف أمام محلات رشدى يوم الخميس، قبل أن يفتح الله عليه ويعمل فى محلات أبو الفتوح، وكانت عفاف جارتنا تقتنى مانيكان فى منزلها من بقايا نكسة 67 ولم تتزوج عفاف حتى الآن رغم أنها مخطوبة من قبل النكسة ثم علمنا أن المانيكان رجالى، وأن خطيبها قد هاجر إلى ليبيا بعد حرب أكتوبر التى تم تحطيم مانيكانات البلد فيها..

وإذا طُبقت هذه القرارات فى مصر، فسنسمع أن الشرطة "الذكية" قد قامت بالقبص على خمسة مانيكانات بتهمى التعرى، وجارى إجبارهم على الإعتراف.

وحيث أنهم فرضوا الحشمة على المانيكان فى إيران، وفشلنا نحنُ فى فرضها على البنى أدميين، فيمكن للمواطن العادى أن يكتفى بمشاهدة حفلات بورتومارينا دون اللجوء لمانيكانات محلات رشدى.

واليوم جاءنى صديقى فى قمة الفرح وبشرنى بخبر سعيد فقد إستطاع أن يمتلك مانيكان تمليك.. إشتراه من محلات أبو الفتوح.

أحمد الصباغ

21 comments:

حمدى جعوان said...

تصدق ان صاحبك دا بخته حلو ولازم تفرحله
انا بقالى كتير بدور على مانيكان .. ايجار جدد حتى

أبــــو ضـــيــاء said...

آه والله , وبصراحة صعبانين عليا الشباب العطشانه

محمد ابراهيم said...

ههههههههههههه
هي جت علي مانيكان يعني من وسط البلد
طب ما ينزل العتبة و يشتري دستة مانيكانات
علشان لما يزهق من مانيكان يلاقي غيره عدل
سلام يا بلد المانيكانات

تحياتي
محمد ابراهيم

مواطن مصري said...

هههههههههههه ايرات غزت الازهر


و الله عالم طلعت المريخ و ناس عاوز تلبس المانيكان

و عاوزنها نكسبها

الفراغ said...

تصدق انى من مكان تانى خالص غير اللى انت بتقول عليه
ورغم ذلك يوجد شقه فى الطريق العام لها بلكونه
حاطين فيها وهم قاصدين متعمدين مع سبق الاصرار والترصد ..المانيكانات عريانه
اول مره اشوفهم عدتها وقلت يمكن على مايسلموهم للمحلات
لكن بعد كدا تاكدت انهم حاطينهم للاسف لاسباب اخرى
والله كل ماعدى قبل المكان بشويه اودى وشى الناحيه التانيه من الطريق

ياسيدى من لايستحى فليفعل مايشاء
ياسيدى النظره الاولى لك واللى بعد كدا فى النار هو وعينه
ياسيدى العين تزنى قبل الجسد
ياسيدى فيرحمنا الله من هذا الزمان
ياسيدى انشرهذه
:وشاب نشأ فى طاعة الله

الجواز و سنينه said...

بص انا معاك ان فكره الحاجاب دى غريبه شويه
بس كمان مش يكون الفاترينه مالايانه لانجرى و ده كمان مش ظريف
ماللى عايزه تشترى تدخل تتفرج و تشترى
مش لازم الاذى ده
كمان موضه جديده بيعرضوا بيها البوكسر
تلاقيهم ملبسن المانيكان بانطلون و فاتحين الزراير و مبينين البوكسر
طيب ايه الاسلوب المستفز ده
اكيد إيران مش وصلت للقرف اللى بنشوفه عندنا
بس إذا لم تستحى
و عجبى على كل حد عامل فاترينه بورنوا

دعاء said...

و الله أنا أعرف محلات قبل ما يغيروا الهدوم اللي على المانيكان بيحطوا ستارة كبيره على زجاج المحل كله

ممكن يكون حياء و ممكن لزوم الدعاية و التشويق بس في كلتا الحالتين
المار في الشارع لا يتأذى بهذه الأشكال
و فعلاً
زي ما الأخت قالت
إذا لم تستح فافعل ما شئت

كيكى عوووووو said...

طب والله خبر زى الفل

كراكيب said...

وانا اللي استغربت علشان مرة كنت ماشية في وسط البلد ولقيت ولاد ماسكين كاميرات وبيصوروا المانيكات اللي في محلات الهدوم
شوف الدنيا!!
عموما اكيد المانيكانات الصيني هتنزل بسعر ارخص لانها متهربة من الجمارك وغير موافقة للشروط لان عينيها ديقة وشعرها ناعم

ومن الفانوس كرومبو الى المانيكان ابو عيون ديقة حتى الوصول مستقبليا إلى الاهلي والزمالك الصيني ان شاء الله
وعجبي!!


miro el niro kwaniroo

العيسوى الصغير said...

انا شوفت مانيكان عريان ماسك سجارة بانجو بقوله مش عيب تشرب حشيش قالى يعنى مش عيب انى اقف عريان فى الشارع و ازازة البيرة دى هى العيب


معلش اصل انا كمان مانيكان عريان

أميرة الرومانسية said...

والله عندك حق يا أحمد انا بتنرفز جدااااااااااااااااااا من مثل هذه المحلات
ايه قلة الحياء ديه انا مش عارفة وليه كدا اصلا ما يكتبوا علي المحل لوحة انه يوجد ملابس حريمي بالداخل ويخلص الموضوع علي كدا ولا لازم العرض بالشكل المخزي ده

سبهللة said...

هههههههههههههه
شر البلية ما يضحك

SAYED SAAD said...

احمد صحيح نسيت تقول هو المانيكان صناعتة اية علشان من كتر ما قريت كلمة صنع في الصين مبقتش عارف البلاد الصناعية التانية اسمها اية

تحياتي
سيد سعد

أم بتول said...

الستر واجب حتى ولو على مانيكان
زمان الكفار الى كانوا بيعبدوا الأصنام ما استطاعوا أن ينحتوا منها عريانا
لأنهم حتى و هم كفار كان العرى خزى و عار
"" اللهم استرنا فوق الأرض و تحت الأرض و يوم العرض عليك ""

شاب مفقوع said...

نحن شعب بدأت تنساب العفة من بين ثنايا عقله مثلما ينساب الماء من المصفاه

شيئا فشيئا ننسى ما يسمى بالحياء

وشيئا فشيئا نتحول إلى قوم لا يعرفون من العفة الا اسمها ومن الشرف الا رسمه

الطهر فيهم بدعه والفجر فيهم سنة

تحياتي لك

سمراء said...

في فيلم احكي ياشهرزاد
قالت الرائعة سوسن بدر جمله في معناها
المشكلة ان مصر بقت محجبة
حجاب الشعر مش مشكلة علشان قماش
لكن حجاب الدماغ حديد
زمان البنات كانوا بيلبسوا حزام العفه حزام حديد
لكن هي ملبستش حجاب العفه هي كانت عفيفة فعلا


اشكرك
سمراء

واحد من العمال said...

المشكله مش فى الحجاب على الرأس والجسد المشكله فى إن العقول تتحجب وتبطل تفكر وتقارن وتتحجر
وبعدين المانيكان عريان كان أو متغطى المشكله ان محلات اللانجيرى وحتى بعيد عن المعتقد منظر مستفز وليس حضارياً بالمره

تحياتى

Anonymous said...

Thегe are versatile advantages that уou coulԁ thеir
minds to the benefits of fecundity and Tantrіc Massаge treatment and
realіze that both forms of music, ωorking Togethеr, can achieve astonishing results
for hοi polloi. Bу all ωay, refraіn
from aсquiring decіsivе valuеs o'er feminine ones and teaches our children that powerfulness is everything.

Here is my web-site - web site

Anonymous said...

Hey wοuld уou mind lettіng me know which webhost you're utilizing? I'vе loaded your blog in 3 ԁifferent web brοwsеrs anԁ
I must sау this blog loads a lоt faster then most.
Can you suggeѕt a good hοsting provider at a honest price?
Chеers, I apρrеciate іt!

My ωeblog; alarm systems

Anonymous said...

Hаvе you ever thought about аdԁing a little bit morе than just your artіcles?
I mеan, whаt уou say is valuable and
all. Nevertheleѕs thinκ about if
you addеd some great visuals οr videoѕ tο giѵе yоur poѕts more, "pop"!
Your contеnt is excellent but with ρics anԁ vіdeoѕ, this ѕitе coulԁ definitеlу be onе οf the most beneficiаl in its niсhe.

Amazіng blog!

Feel fгee to ѵisit my web-ѕitе - Keeping Control Of Anxiety

Anonymous said...

Wonderful blog! I founԁ іt while browѕing
on Yаhoo News. Do уou haνe anу tips on how to get liѕted in Υahoо
Νews? ӏ've been trying for a while but I never seem to get there! Cheers

Here is my homepage :: how to lose belly fat