خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 22, 2009

محاكمة هيفاء وهبى بسبب سخرية كليب (بابا فين ) من النوبة ونص الدعوى القضائية المقامة ضد هيفاء وهبى وكلمات الأغنية



كلمات الأغنية
ماما ..ياعيون ماما
ماما.. ياعيون ماما
بابا فين بابا نام يا سلام عايز ادخل الحمام
بطل يا ود انت شقاوة بقى ولا عشان روحي فيك متعلقه
ياماما يلا بسرعة افتحي بقى
متبطل ياواد انت شقاوة بقى
طب بصى هقولك انا كلت الكوكو
خلصت الكوكو كان حلو الكوكو
وانا باكل الكوكو وسخت اديا
طب بص هقولك هتروح على اوضتك
وهتدخل اوضتك
هطلع فوطتك وانا ثانية وجاية
طب خلاص خلاص خلاص
يلا خلاص خلاص
حبيبى عمل الواجب
ولا اتنسى ماما بكرة الجمعة مفيش مدرسة
طب حقك على راسى
ياحبيبى سورى
ماماعادى ماما ايزى ماما دونت ورى
طب فين دبدوبى والقرد النوبى
وعروستى الباربى
والارج الغربى
وسبايدر مان
طب بص هقولك هتروح للدادة
هتقول للدادة
هتجبهم دادة
طب خلاص خلاص
فهمنا خلاص خلاص
ابدا ياخواتى مش معقولة
تكون دى دماغ طفل فى سنة اولى
ماما .. ياروح ماما
بابا فين بابا نام ياسلام
عايز ايه
عايز اضربله سلام
لما الشمس تغيب
لما الشمس تغيب
لما الشمس تروح تيجى بداالها نجوم
يبقى الوقت ده ايه يبقى ده وقت النوم
نامى ياعصفورة
نام ياعصفور
يلا بينا يلا نطفى النور
ونامى ياعصفورة نام ياعصفور
بعد مخلاص محكينا هنروح للاحلام
منفتحش عشان اللى حكاها ينام
نامى ياعصفورة ونام ياعصفور
يلا بينا يلا نطفى النور


نص الدعوى القضائية المقامة ضد هيفاء وهبى


إنه في يوم الموافق
بناءعلى طلب كل من :-
أولا : السيد الأستاذ / محمد أحمد دهبالمحامى -
ثانيا : السيد الأستاذ / حسام الدين فرج الله علىالمحامى -
والمقيمان سيدى بشر قبلى – شارع 592 – خلف مدرسة سيدى بشر الخاصة – قسم المنتزة أول – الإسكندرية .
أنا محضر محكمة قد انتقلت حيث أعلنت :-
السيدة / هيفاء محمد وهبى – وشهرتها هيفاء وهبى
والمقيمة بفيلا أحمد أبو هشيمه – 14ش كليوباترا متفرع من شارع الثورة - ميدان الكوربه – مصر الجديدة

مخاطبــــاً مع :-
وأعلنتهــا بالآتي
فوجئ الطالبان ببث أغنية مصورة ( فيديو كليب ) على القنوات الفضائية المختلفة وكذلك شبكة الانترنت تحمل أسم (( بابا فين )) من غناء المدعى عليها ، بالإضافة إلى قيامها بالإنتاج والآداء التمثيلى بتلك الأغنية المصورة ( الفيديو كليب ) .

وحيث انه قد ورد بمفردات تلك الإغنية المذكورة كلمة (( القرد النوبى )) ، ولما كان قد فوجئ الطالبان بترديد تلك الكلمة والتلميح بها بأماكن تواجدهما ، وكذلك التعليق عليها من الآخرين بشئ من السخرية ، وحيث أن الطالبان ينحدران من منطقة النوبة – جنوب مصر – مما يجعل لتلك الكلمات والتعليقات الصادرة بسبب بث تلك الأغنية مصدر ضرر وألم نفسى لهما ولغيرهما من النوبيين .

كذلك فإن ورود كلمة (( القرد النوبى )) فى تلك الأغنية – وهى فى الأصل أغنية موجهة للأطفال – يعد مصدر خطأ وخطر شديدين حيث يتم تلقين الطفل مفاهيم خاطئة تجعله ينظر إلى من يختلف معه فى اللون بإعتباره مسخا أو قردا مما يعتبر زرعا لبذور العنصرية البغيضة فى نفوس الأطفال بالمخالفة للمبادئ التى أرستها جميع الأديان والقوانين والمواثيق الدولية التى تحض على نزع العنصرية بين ابناء البشر جميعا.

ومما يزيد من الأمر سوءا أن تأتى تلك الإهانات من المدعى عليها وهى غير مصرية إلى الإنسان المصرى النوبى مما يجعلنا لا نجد حصن نتحصن به إزاء تلك السخرية والعنصرية من المدعى عليها سوى اللجوء للقضاء المصرى الشامخ والذى نلجأ إليه كمواطنين مصريين اهينوا فى وطنهم من غير المصرى ، حيث أن الطالبين وغيرهما من النوبيين وبرغم الخصوصية الحضارية والثقافية لهم إلا انهم مصريون قبل اى شئ ولا يقبلوا أن يهانوا فى وطنهم العزيز مصر بهذا الشكل المسئ.

ولما كانت المادة 12 من الدستور تنص على :-
((
يلتزم المجتمع برعاية الأخلاق وحمايتها ، والتمكين للتقاليد المصرية الأصيلة وعليه مراعاة المستوى الرفيع للتربية الدينية والقيم الخلقية والوطنية ، والتراث التاريخى للشعب
، والحقائق العلمية ، والسلوك الإشتراكى ، والآداب العامة ، وذلك فى حدود القانون .
وتلتزم الدولة بإتباع هذه المبادئ والتمكين لها )) .
وحيث أن بث تلك الأغنية موضوع الدعوى ينطوى على ما يعد مخالفة صريحة لما نصت عليه المادة سالفة البيان وتمثل ضررا كبيرا لشريحة من المجتمع تقدر بعدة ملايين من المصريين تتعامل مع المجتمع فى ظل الإستخدام السئ لكلمات تلك الأغنية والذى تمثل فى نعت جميع المصريين النوبيين بأنهم لا ينتمون إلى الجنس البشرى وإنما ينتمون إلى عالم الحيوان بإعتبارهم ( قرود ) .

ولما كانت المادة 45 مرافعات تنص على :-
((
يندب فى مقر المحكمة الإبتدائية قاضى من قضاتها ليحكم بصفة مؤقتة ومع عدم المساس بالحق فى المسائل التى يخشى عليها من فوات الوقت...................)).

ولما كان ظاهر النص قد حدد أن إختصاص القضاء المستعجل نوعيا بنظر دعاوى معينة مشروط بشرطين:-
أولهما: توافر ركن الإستعجال.
وثانيهما: عدم المساس بأصل الحق.

ولما كان الفقه والقضاء قد إجتهدا فى وضع تعريف للإستعجال ، حيث عرفه البعض بأنه ضرورة الحصول على الحماية القانونية العاجلة التى لا تتحقق من إتباع الإجراءات العادية فى التقاضى نتيجة لتوافر ظروف تمثل خطرا على حقوق الخصوم أو تتضمن ضررا قد يتعذر تداركه وإصلاحه .
((
د / أمينة النمر – قوانين المرافعات ص312))



كذلك عرف آخرون ركن الإستعجال بأنه يتحقق كلما توافر أمر يتضمن خطرا داهما على حقوق الخصوم أو يتضمن ضررا لا يمكن تلافيه إذا لجأ الخصوم إلى القضاء العادى .
((
د / أبو الوفا – المرافعات طبعة 13 ص 331))

ويتضح من خلال التعريفات السابقة للإستعجال والتى أوردناها على سبيل المثال توافر ركن الإستعجال على وقائع الدعوى الماثلة.

وإزاء الضرر الواقع والخطر المستعجل الذى لا يمكن تتداركه فيما بعد يحق للطالبين أن يلجئا إلى القضاء المستعجل طالبين الحكم بمنع عرض وبث الأغنية المصورة ( الفيديو كليب ) الخاص بالمدعى عليها والذى يحمل أسم (( بابا فين )) لما فيه من إهانة وتجريح وعنصرية مما سبب للطالبين وغيرهم من النوبيين أضرارا أدبية ومعنوية جسيمة .

وحيث ان المدعى عليها هى منتجة تلك الأغنية موضوع الدعوى مما يحق لنا معه أن نلتمس من هيئة المحكمة الموقرة إلـزامها بـوقف عرض وبث تـلك الأغنية المصورة ( الفيديو كليب ) بجميع القنوات التلفزيونية الفضائية والأرضية .

بنـاء عليـه

أنا المحضر سالف الذكر قد انتقلت فى تاريخه اعلاه حيث أعلنت المعلن إليها بصورة من هذه الصحيفة وكلفتهما الحضور أمام محكمة القاهرة للامور المستعجلة - الدئـرة ( ) مستعجل والكائن مقرها بشارع رشدى – عابدين وذلك بجلستها المنعقدة علنا من يوم الموافق / / 2009 وذلك فى تمام الساعة التاسعة صباحا وما بعدها لتسمع الحكم :-
بمنع عرض وبث الأغنية المصورة ( الفيديو كليب ) والتى هى من انتاج وغناء وأداء تمثيلى للمدعى عليها والتى تحمل أسم ( بابا فين ) لما فيها من إهانة وتجريح وعنصرية مما سبب للطالبين إضرارا أدبية ومعنوية جسيمة .
مع إلزام المدعى عليها بالمصاريف ومقابل أتعاب المحاماة
ولأجل العلم ،،،

13 comments:

الشعب لابد له من حكومه تشكمه said...

لالالالالالالالالا مش قادره امسك نفسى باه لاااااااااازم ارد.
ايييييييييييه العالم الفاضيه دى؟؟وايه الشعب الفاضى ده؟؟؟
هى خلاص بات الست هيفا مربية اجيال؟؟والعيال بياخدوها قدوه دا ايه الخيبه دى ياربى...
اهو اللى ماخدش باله هياخد باله دلوقتى بعد مكانت اغنيه عاديه.

يا مراكبي said...

ياه

أنا ما أخدتش بالي من الكلمة دي خالص

بس كويس إن المدعين مركزين قوي كده في كلمات الأغنية

أنا عمري ما عرفت أركز في كلمات أي أغنيه ليها .. بأتفرج بس

:-)

shams said...

ههههههه دى اغنيه طبيعيه يعنى ؟
بجد دى تجيب انحوال للاطفال

مواطن مصري said...

مخدتش بالي من الكلمة دي بس متضامن مع

النوبة

خمسة فضفضة said...

هههههههه

لا بقي دي عالم فاضيه وهايفه ومافيش وراها حاجه
دول غلبو نبيه الوحش يا عم

ههههههههههههه

مواطن مصري said...

الواحد بيركز في حاجات ثانية :D

على رائيك يا مراكبي كويس انهم ركزو في الكلام
هههههههه

نعكشة said...

معلش على جمب بس

بعد ما سمعت الجزء الاني من الاغنية

الست دى تنفع تغني اغاني للأطفال
صوتها مريح جداً و يساعد عالنوم

معلش انا اصلا مش متابعة للأغاني
وفاشلة فيها فشل ذريع

بس انا عندي سؤال رخم

هيا مش دية اغنية للأطفال؟؟

ليه بتلبس كدة!!! يعني مش لايق خالص اللبس على اغنية اطفال

الاغنية الاولانية
منيلة بستين بتاع خالص
و بتخلي الاطفال
اكتر ماهو الاعلام مبوظهم بتخلي مخهم يفكر فى حاجات مش لسنهم اصلاً

عامة
وانا مالى صحيح

يلا بلا هوسة

خير خير

سلام عليك

koko said...

هطل

ساسو said...

انا عايزه افهم حاجه هي الاغنيه اللي في الاول دي القصد منها ايه بالظبط...؟
حد يقولي يعني عشان مفهمش صح هو انا فهمة غلط ولا اييييييييييه؟؟؟؟؟؟
سابو كل حاجه ومسكو في الكلمتين
قال يعني الاخت مربيه اجيال ..دي مربه وملموم عليها حشرات زاحفه وطائر ومتزحلقه
يعني اللبس مثلا ملفتش انتباه الاخوه اللي عملو القضيه
اقول ايه بس ياربي
عالم فاضيه

Anonymous said...

Wonderful site you have here but I ωas curious if you knew of any discussion boards that cover the samе topiсs ԁiѕсussed here?
I'd really like to be a part of online community where I can get comments from other experienced people that share the same interest. If you have any suggestions, please let me know. Thanks a lot!

Look into my weblog :: stay safe

Anonymous said...

Great post but I ωаs wondering if yοu coulԁ write а litte mοre on
this topic? I'd be very grateful if you could elaborate a little bit more. Thank you!

Have a look at my blog post ... lose fat fast

Anonymous said...

Howdy јust wanted tο give yοu а quiсk heads up.
Thе text in yοur post seem to bе running οff the
sсгeen in Chгome. I'm not sure if this is a formatting issue or something to do with web browser compatibility but I figured I'd post to let уоu κnow.
Тhе deѕign and ѕtyle loοk gгеat thοugh!

Hoρe уou get the іsѕue гesοlved soon.
Cheeгs

Lоoκ аt my web blοg - free ps3

Anonymous said...

Hmm іs anyone else eхperiencing prοblems
with the imagеѕ on this blog loаdіng?
І'm trying to find out if its a problem on my end or if it's
the blog. Anу rеѕponses wоulԁ be greаtlу appгeсіatеd.



Also ѵіѕit my web page: makes boobs bigger naturally