خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 22, 2009

الحملة الشعبية العربية لتصالح مصر والجزائر – تصالحوا



الحملة الشعبية العربية لتصالح مصر والجزائر – تصالحوا

لعب الإعلام فى الجزائر ومصر الدور الأكبر فى إشعال نيران الفتنة والكراهية والعداوة بين الشعبين، وقام المتعصبون والمتطرفون بترجمة هذا الدور السئ إلى واقع أسوأ، ورفع الأخ السلاح الأبيض فى وجه أخيه، وحرق الأعلام وضرب وسحل الأخر.

ووقع الشعبين فى الفخ وتناصبا العداء، وقام الإعلام فى كل بلد بتقديم الصور والفيديوهات التى تفيد بأن الطرف الأخر مجرم وبربرى، وبدأت الأصوات فى البلدين بمقاطعة الأخر ومنع الفنانين والمثقفين والناشرين من إرتياد البلد الآخر، وتغيير أسماء الشوارع التى تذكر البلد الآخر.

لا ننكر أن هناك مخطئون ومجرمون، ولا ننكر أن الإختلاف وارد، لكن العداء مرفوض، فلو إختلفنا دعونا نختلف برفق وبدون إهانة ولا نكون من "إذا خاصم فجر" وأن نكون موضوعيين..
مثال: رأيت على صفحات الإنترنت فيديو لرجل مصرى يرقص ببدلة رقص شرقية، وفيديو آخر لشاب جزائرى يرقص ببدلة رقص شرقية، وكتب كل طرف على الفيديو الذى يمتلكه : هؤلاء هم رجالهم..

وعند مطالعة الصحف الإسرائيلية ستجد إبتسامة التشفى والشماتة مرسمة بوضوح على وجه الإعلام الإسرائيلى..
يقول الله فى القرآن : ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ – فصلت 34
ويقول الله فى الإنجيل : من ضربك على خدك الايمن فادر له خدك الايسر
وهما دعوتان غاية فى التسامح والإيثار وتقديم الخير للأخر..

مطلوب مبادرة إعتذار بين البلدين، وأدعوا كل ذوى البصيرة والغيرة فى البلدين إلى المشاركة فى محاولة للوصول إلى الصورة المناسبة التى يمكن من خلالها إزالة أسباب العداء، لكن على الأقل نتوقف جميعاً عن العداء المهين، وتركيب الصور التى تصور الأخر فى شكل خروف العيد، وإزالة صور حرق الأعلام، والتوقف عن السباب والعداء.

إذا إتفقت مع فكرة المبادرة فشارك بالتوقيع فى صفحة (الديسكيشن بورد) وساهم فى تطوير الفكرة بالمقالات والأفكار والصور والمعلومات.

أحمد الصباغ


14 comments:

karim said...

ياعزيزى احمد انا لااريد ان اولعها نار, بس كل الدلائل الحالية تشير الى تدخل دول اخرى تريد ازاحة وجود مصر من هناك منهم طبعا قطر ز قطر يعنى اسرائيل, المهم صعب قوى بجد كدة خلاص مش علشان ناس اضربت و كدة لا , علشان فى نية عندهم للتغير

بلياتشو said...

قال الله تعالى فى كتابة العزيز (وإن ) طائفتان من المؤمنين اقتتلوا فأصلحوا بينهما فإن بغت إحداهما على الأخرى فقاتلوا التى تبغى حتى تفىء إلى أمر الله فإن فاءت فأصلحوا بينهما بالعدل وأقسطوا إن الله يحب المقسطين) صدق الله العظيم

ودول ناس مصرين على مافعلوة ومصرين على اننا مصرائليين
اعتقد الاية واضحة جدا

وان كان فى ناس فى مصر معندهمش كرامة وعلى استعداد يتضربوا بالجزمة القديمة عشان يتقال عليهم سياسين والناس تعجب بلباقتهم ومحنكين فالناس دى ليس لها الا
الجزمة القديمة فقط !!!!!

فلا نامت اعين الجبناء
ولانى ديموقراطى وبحب الراى الاخر فدة ردى .
.
.
.
.
.
اتفوووووووووووووو

رئـــــيسـة حزب الأحلام said...

بص عداءنا للجزائر لا هيودى ولا هيجيب بس لازم واقفة مع الناس دى ونفهم ايه سر الكرهه والحقد دة ممكن يكون كل دة تعصب كروى بس مش للدرجة
بس لو فى ضغينة لازم نعرف سببها وعلى فكرة انا عندى احساس ان العرب كلهم بيكرهونا ولازم الاعلام يقف واقفة فى محاولة معرفة القنوات الفضائية اللى بتشوهه مصر وتتهمنا بالعمالة لازم نعرف اللى حصل دة كان سببه ايه ولا نغفل دور اسرائيل وهدفها القوى لتفتيت الدول العربية واحنا فعلا فى طريقنا للتفتيت وهذا هو المخطط الصهيونى واهى امريكا خفت عننا وشوف بقى العرب هيعملوا ايه
تحياتى

كيكى عوووووو said...

انا ضد الى يقولك اقطع العلاقات وموتوا الجزائرين الى هنا والناس المحترمة الاعلامين الى قالت ع شعب الجزائر اوسخ كلام....الى حصل لازم مايعديش كدة طبعا لانهم فئة او جزء من شعب الجزائر مينفعش نعمم..بس لازم نسحب السفير بتاعنا من هناك ويكون فى اعتذار رسمى لمصر

كيكى عوووووو said...

ثوانى*** عشان كلامى ميكنش متنقاد لانى فى الاول قلت انى ضد قطع العلاقات انا بس اقصد نسحب السفير لفترة احتجاج مش اكتر

شروق ..مدونة تحت العشرين said...

صدقني يا أستاذ أحمد و الله الموضوع مش قصة ماتش و إعلام جاهل و السلام ده كره و حقد في قلوب أكتر من 70% من العرب
أكيد حضرتك عارف اللي حصل سنة 2002 لما الجمهور الجزائري كان بيهتف بإسم السنغال و بيحدف علينا طوب
كان ساعتها الإعلام بردو هو السبب !!
دول شعب متعصب أصلاً ماتشتهم المحلية بيموت فيها ناس و ده مش ذنبنا أن طبيعة أخلاقهم كدة

لو حضرتك متابع المنتديات المصرية و الجزائرية هتعرف أن من أول ما القرعة إتعملت و بان إننا في مجموعة واحدة و هما بيشتموا في أهالينا من قبل ما الإعلام يطلعلوا صوت

بلاش نسيبنا من الكورة خالص
أيام موضوع غزة
كانوا بيشتموا الشعب المصري بأقذر الألفاظ و بيتهمونا بإننا بلد ال80 مليون خائن و عميل و سمونا مصرائيل
و لاحظ حضرتك إن أنا بقول "الشعب المصري " يعني ياريتهم بيشتمو الحكومة حتى كنا بلعناها

آسفة لو كلامي مش مترتب بس الواحد زهق فعلاً إحنا ليه باقيين على ناس إحنا مش في بالهم ليه إحنا اللي كل مرة نتضرب و إحنا اللي نبدأ صلح
كل بنى آدم ليه طاقه

ممكن أكون مزوداها بس أنا عايشة حالياً في السعودية و عارفة قد إيه الغالبية العظمي من العرب بتكرهنا أنا السنة اللي فاتت كنت بدرس في مدرسة سعودي و شوفت بعنياالحقد و الغل و عيشته بنفسي في أكتر من موقف من أكتر من جنسية عربية مش بس السعويين (بإستثناء السودانيين بصراحة )
و شوفت إزاي أننا كنا كمصريين طيبتنا و حسن نيتنا بتتاخد على إنها ذل ليهم و إحنا مكناش فاهمين و فهمنا على آخر السنة إن الناس دي مبينفعش معاها إلا المعاملة بالقوة و بالمثل و العين بالعين و السن بالسن
"""و البادي أظلم """



غير كده إحنا مش ناقصين بهدله بره و جوه

اسكندراني اوي said...

احمد ...اكيد ان اختلاف الراي لا فسد للود قضيه
واعتقد انك من المؤمنين بهذا ايضا
انا ضد الفكره دي لا للتهدئه لا للمهادنه لا للخضوع
ناخد حقنا الاول وبعدين نشوف نهدي ازاي
اللي حصل ده منظم ضد مشجعينا ولا يمكن السكوت عنه ولا يمكن اغفاله
الامر مش مجموعه مشجعين اعتدو على مجموعه مشجعين
لا لا لا
بالفعل فكره التهدئه في هذا الوقت لا يمكن قبولها

اشكرك لسعه صدرك ولوقتك

مهندس مصري said...

أنا معاك ان الموضوع لازم يتلم
و لازم يكون فيه تحقيق مستقل في اللي حصل
لكن ما ينفعش نشتم شعب الجزائر كله و بعدها نقول بيكرهونا ليه ؟
فيه متعصبين جزائريين عملوا جريمة ضد مشجعيننا في السودان
لكن ما ينفعش نعمم و نشتم شعب الجزائر كله
ربنا يهدي الجميع

عاشقة الفردوس said...

إقتباااس
Blogger مهندس مصري said...

أنا معاك ان الموضوع لازم يتلم
و لازم يكون فيه تحقيق مستقل في اللي حصل
لكن ما ينفعش نشتم شعب الجزائر كله و بعدها نقول بيكرهونا ليه ؟
فيه متعصبين جزائريين عملوا جريمة ضد مشجعيننا في السودان
لكن ما ينفعش نعمم و نشتم شعب الجزائر كله
ربنا يهدي الجمي


:::::::::::::

موافقة مهندس مصري ومبسوطة بكلامك

وأزيد على كلام مهندس مصري بإن للأسف الإعلام هناك في الجزائر وخصوصا جريدة الشروق (اللي طلعت تحت تحريك صهيوني ) خدعت الشعب وفهمتهم ان مشجعي مصر قتلو ولادهم واعتقد انه رد فعل طبيعي من اي همجي في اي بلد


انا قلت رد فعل طبيعي لاي همجي في اي بلد


تحياتي

واحد من العمال said...

برافوووووو
يجب أن يحدث الصلح قبل أن نطالع بالصحف وبالبنط العريض الخبر التالى

أسرائيل تعرض التوسط بين مصر والجزائر لرأب الصدع

ودمت بخير

اقصوصه said...

الله يعين :(

ahmed said...

ياعزيزى احمد انا لااريد ان اولعها نار, بس كل الدلائل الحالية تشير الى تدخل دول اخرى تريد ازاحة وجود مصر من هناك منهم طبعا قطر ز قطر يعنى اسرائيل, المهم صعب قوى بجد كدة خلاص مش علشان ناس اضربت و كدة لا , علشان فى نية عندهم للتغير

ali said...

أزيد على كلام مهندس مصري بإن للأسف الإعلام هناك في الجزائر وخصوصا جريدة الشروق (اللي طلعت تحت تحريك صهيوني ) خدعت الشعب وفهمتهم ان مشجعي مصر قتلو ولادهم واعتقد انه رد فعل طبيعي من اي همجي في اي بلد

zaid said...

أنا معاك ان الموضوع لازم يتلم
و لازم يكون فيه تحقيق مستقل في اللي حصل
لكن ما ينفعش نشتم شعب الجزائر كله و بعدها نقول بيكرهونا ليه ؟
فيه متعصبين جزائريين عملوا جريمة ضد مشجعيننا في السودان
لكن ما ينفعش نعمم و نشتم شعب الجزائر كله
ربنا يهدي الجميع