خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 12, 2009

محفظتى ضاعت



بصفتى مغفل قديم، ينافس أعظم الحمير تغفيلاً وبلاهة، فإننى أعلن وبكل سعادة ذلك الخبر المأسوى المؤسف أنه – والحمد لله – محفظتى قد ضاعت.

لا يمكن أن يعيش الإنسان بدون خوازيق صغيرة تنغص عليه حياته، ناهيك عن الخوازيق الكبرى التتى تنكد عليه عيشته وعيشة اللى جايبينه.. وحياة الإنسان بدون خوازيق أشبه بسير القطار على القضبان سيراً مستوياً وهادئاً ورتيباً ومملا، أما الحياة بالخوازيق فيا محلاها.. أشبه بسير الأتوبيس فى شوارع القاهرة ساعة ظهرية متخطياً المطبات الصناعية والطبيعية وعابراً لقارات المجارى الطفاحة.

واليوم قد أطلت عليا الخوازيق فقد ضاعت محفظتى بكل محتوياتها..

عدتُ ليلة أمس مخموراً أتطوح - بفعل أكلة فول ساخنة بالزيت الحار والبصل الأخضر عزمنى عليها بعض الأصدقاء على أحدى عربات الفول المبهجة -  ودخلت المنزل، وحاولت إستعادة وعيى بكوباية شاى كشرى، لكن لا محالة فقد كان تأثير الخمر المدمس أقوى تأثيرا، فاستسلمت للنوم وعندما أتى الصباح، أتى وهو يحمل لى مفاجأة من العيار الثقيل بأن المحفظة غير موجودة بالمنزل.

واكتشفت أننى مواطن بدون محفظة..
ولا بطاقة شخصية..
ولا كارنيه..
ولا إندكس..
ولا حتى كارت ميناتل يثبت شخصيته ويضمنه لدى أقسام الشرطة..
لقد أصبحت مثل المطاريد..
مواطن بلا هوية..
بالأضافة إلى فقدان مبلغ لا بأس به..
لقد شهدت ليلة أمس دخولى المتجر لشراء الجبنة واللانشون والزيتون والخبز ثم شراء كارت شحن وكان ذلك فى الثانية صباحاً، وأذكر جيداً أننى أخرجت النقود من المحفظة، ولم احتك بأى بشرى بعدها، لذا فتأكد فقدانها وعدم سرقتها.

وانتابنى اليوم شعور موحش بالكآبة والتوتر والقرف، آلان علىّ أن أبدأ رحلتى السعيدة مع السجل المدنى لاستخراج بطاقة، ومع المكتبة والجمعية والنادى لاستخراج كارنيهات بديلة.

كما أن صوراً لأشخاص عزيزة قد فقدتها، منهم من أعيش فى كنفهم الآن وأستطيع أن أأتى بصور بديلة لهم، ومنهم من أصبح مستحيلاً أن أحصل على صوراً أخرى لهم.

بورترية على ورقة صغيرة كنت قد رسمته لصديق لى منذ سنوات، أعتز به للغاية قد فقدته إلى الأبد..

عملات ورقية صغيرة تحمل إهداءات من أغلى البشر قد ذهبت مع الريح..

قدر الله وماشاء الله فعل، والحمد لله..

تذكرت وانا أنعى محفظتى موقفاً طريفاً حدث منذ عشرات السنوات حينما كتب الراحل مصطفى أمين مقاله بعنوان : ملعون أبو المَحافظ – جمع محفظة .. فتسبب له المقال فى مشكلة كبيرة مع سيادة المُحافظ.

أصدقائى الاعزاء.. إذا كنت تمشى فى الشارع وصادفت شخصاً كئيباً يسير مطأطأ الرأس وبلا محفظة، إبتسم.. أنه أنا

ولا أرانا الله مكروه فى محفظةٍ لديكم..


أحمد الصباغ

23 comments:

محمود الدوح said...

الحمد لله
انا عامل حساب يوم زى دا من خمسين سنة
يعنى قبل ما اتولد ب 27 سنة
وقررت انى مشيلش محافظ طول عمرى
وان الصور اخيها فى البيت فى علبة او البوم صور
والورق والاهداءات برضة مع الصور
انما الفلوس والبطاقة والكارنية فدول هيبقوا خفاف قوى على الجيب اللى من غير محفظة
وبعدين انا لو شيلت محفظة مش هلاقى مكان احطة فيها
عشان مش بحب احط حاجة فى الجيب اللى الورا الا احيانا فلوس لانها مش بتاخد مساحة

وعندى جيب بحط فيه الموبايل وجيب تانى بحط فيه علبة المناديل
والاتنين بياخدوا مساحة

وعندى سبب وجية تانى انى معملش مشاكل مع المحافظ

سلااااااااااااام

تحس انى فى شماتة فى سلام بتاعتى
لا متحسش
اتأكد
:)

موناليزا said...

طب ما تروح تسأل عليها فى المحل اللى كنت فيه
وفى الاماكن اللى كنت فيها عموما
وقول الدعاء ده"اللهم يا جامع الناس فى يوم لا ريب فيه رد عليا ضالتى"
وبإذن الله هتلاقيها
ولاد الحلال كتير ومين عارف يمكن تلاقى حد جايبهالك لغاية عندك طالما بطاقتك فيها

bos bos said...

معلش يا أحمد قدر الله وما شاء فعل
أنا حاسة بشعورك ده جدا لأنها حصلت ليا مرة وأنا فى الكلية ومحفظتى أتسرقت بقى
وضاعت كل حاجة من كارنيهات لبطاقة لصور شخصية لحاجات كتيرة قوى زعلت عليها
وفلوس أكيد وكان مبلغ معتبر برضة بالأضافة الى فلوس واحدة صاحبتى كانت حطاهم معايا
بس ما زعلتش على الفلوس ولكن زعلت على كل حاجة ضاعت خاصة صورى وصور ناس تانية كانت معاها
ولفيت لفة حلوة برضة علشان أعمل البطاقة والكارنية تانى واللذى منه

معلش الحمدلله

bos bos said...

أنا علقت تعليق طووووووووويل وبعد ما عملت
puplish
معرفش حصل إيه للصفحة ومعرفش التعليق وصل ولا لا
على العموم لما هتنزل التعليقات هعرف التعليق وصل ولا لا
ولو ماكانش وصل أعتبره وصل بقى

:-P

لا لا هبقى أكتبة تانى

الشعب لابد له من حكومه تشكمه said...

قلبى معااااااااااك..
نحن السابقون وانتم الاحقون:(

انا فاهمه احساسك كويس اوى حيث انى تعرضت لعملية سطو ,
سرقه حضرتك وفييييين حداكو فى قاهرة المعز وانا بدرس فى عين شمس,,
واتسرقت المحفظه وكان فيها البطاقه وكارنيه الجامعه, وصور عزيزه,وفلوس وذكريااااات كتيييير.دا غير الموبايل.:( اتقلب هو كمان.

والحمد لله كان معايا فى جيبى 10 جنيه للسوبر جيت ارجع بيهم المنصوره والا كان زمانى متبهدله اخر بهدله.

وقالولى لازم اعمل محضر:(
ودخلت لاول مره فى حياتى قسم شرطه,قسم الازبكيه وقالولى لازم اعمل محضر لان البطاقه ممكن يتعمل بيها مصيبه وتترمى بطاقتك بكل بساطه هناك..
جيت عندكو بايت سوابق:))

يلاااا ما اراكم الله مكروها فى محفظه اخرى لديكم..اييييييييييييه دنياااااااا...

وادعى ربنا حد يلاقيها ويبعتلك حتى البطاقه على عنوانك

اقصوصه said...

loooool

حرام

احس بإحساسك

البطايق هي اللي تتعب نفسيا

سالفة مراجعة الدوائر الحكوميه

لاستخراج بدل فاقد

شغلانه!

بس يلا كله بثوابه

وما يضيع عند الله شي :)

DomDam said...

ربنا يعوض عليك يا عم أحمد
انا كمان من أسبوعين و انا في الحج محفظتي ضاعت، بس الحمد لله بعد 4 أيام رجعت تاني، واحد ابن حلال لقاها سلمها للمرور و المرور جاب رقم موبايلي من رقم إقامتي و كلموني.
مين عارف، يمكن محفظتك ترجعلك، حاولت تدور عليها في آخر أماكن كنت فيها؟

karim said...

لاتحزن صديقى حصلتى من سنة و نص وبردوا كنت لسة ساحب فلوس علشان كان معايا ميعاد, المهم ان تكون محفظتك فيها تليفون لييك, علشان دلوقتى بيقلبوا المحفظة من الفلوس و حاجة من اتنين لو ابن حلال يسيبهالك عند البي او يجبها ويقولك لاقتها كدة نافى عن نفسة سرقتها او فعلا وجدها كدة, او بالطريقة تلاخرى وهى التى حدثت لى يضعونها فى ظرف ويضعوة فى صندوق البريد و اما ترسل على عنوانك او يقوم احد من البريد بالاتصال بك ةرجعتلى كل اوراقى بعد شهر من المعاناة التى سوف تعيشها لكن, كانت لى مصلحة فاصبحت لااخشى شيئا لانة اصبح عندى من كل بطاقة اتنين وكل الاوراق اللازمة اتنين اتنين

Wanda said...

باقية هى المحافظ القادمة عندكم :-))انشاء الله

عادى متشلش هم كده و ابقى المحفظة الجاية متحطش فيها كل حاجة كده

والدى بيشيل الفلوس فى محفظة صغيرة بلاستك ثانية جانب المحفظة الرئيسية جرب تعمل زيه

فاتيما said...

معلش يا صبابيغوووو
إن شاء الله واحد إبن حلال يلاقيها
و تلاقيه بيكلمك عشان ياخد الحلاوة
و يقول مكنش فيها فلوس و كانت مرمية ع الأرض و بتاع
و لو محصلش .. متزعلش
إحنا شخصيا هنروح م الدنيا
جت ع المحفظة تنقهر عليها
الاحباء ف قلبك و عيونك باقيين
و ما ضاع ضاع لأنه
لم يكن مكتوب له أن يظل
على جنب كدا بعد ما قدمنا واجب العزاء ف المحفظة
منكن سعادتك شوية تفاصيل
عن يوم الجمعة
عشان لو حد سألنى مبقاش محرجة !!

ست البيت said...

هو مرة الموبايل ومرة المحفظة
خوفي خوفي لا تضيع نفسك المرة الجاية
البوست اللي فات كفيل بضياعك للأبد
والمحفظة دي قرصة ودن
تحياتي

candy said...

حاسة بيك :(
موقف ماحدش يقدر مدى فجيعته إلا اللى مر بيه

بس أحلى حاجة انا طلعت بيها من الموقف دا أنى حيست بحرية ،وأنى مش خايفة أفقد حاجة لما اتصالحت مع نفسى وعرفت أنى الحاجات الغالية على قلبى مكانها قلبى مش المحفظة

زبكدة مش هافقدها أبداااااا

P A S H A said...

أحمد بيك الصباغ

مساء الفل يا هدندزة ... يا سيدي فداك ولا مليون محفظة ... المحافظ بتروح وتيجي يا ابو حميد لكن الفلوس لأ .... وصدقني لو لقيتها هاخد الفلوس اللي فيها وابعتهالك بالدي إتش إل ... إلا هي كان فيها كام بالأمانة ؟ ... لو أكتر من سبعة جنية وربع ... يبقى ليك حق تتقهر ...... الكتاب مستنيك يا معلم وبإذن الله ربنا يذكرني أجيبه لك يوم الجمعة - إذا قدرت آجي - هيييييييييه دوووونيا
سلام يا صاحبي

maaz said...

مقال دى تسسلم

مهندس مصري said...

كان الله في عونك في الموال الكبير ده
قضا أخف من قضا

Anonymous said...

من اعمالكم سلط عليكم ان اللهه يمهل ولا يهمل ولسه ياما هنشوف

ahmed said...

الحمد لله
انا عامل حساب يوم زى دا من خمسين سنة
يعنى قبل ما اتولد ب 27 سنة
وقررت انى مشيلش محافظ طول عمرى
وان الصور اخيها فى البيت فى علبة او البوم صور
والورق والاهداءات برضة مع الصور
انما الفلوس والبطاقة والكارنية فدول هيبقوا خفاف قوى على الجيب اللى من غير محفظة
وبعدين انا لو شيلت محفظة مش هلاقى مكان احطة فيها
عشان مش بحب احط حاجة فى الجيب اللى الورا الا احيانا فلوس لانها مش بتاخد مساحة

وعندى جيب بحط فيه الموبايل وجيب تانى بحط فيه علبة المناديل
والاتنين بياخدوا مساحة

وعندى سبب وجية تانى انى معملش مشاكل مع المحافظ

ali said...

مساء الفل يا هدندزة ... يا سيدي فداك ولا مليون محفظة ... المحافظ بتروح وتيجي يا ابو حميد لكن الفلوس لأ .... وصدقني لو لقيتها هاخد الفلوس اللي فيها وابعتهالك بالدي إتش إل ... إلا هي كان فيها كام بالأمانة ؟ ... لو أكتر من سبعة جنية وربع ... يبقى ليك حق تتقهر ...... الكتاب مستنيك يا معلم وبإذن الله ربنا يذكرني أجيبه لك يوم الجمعة - إذا قدرت آجي - هيييييييييه دوووونيا
سلام يا صاحبي

zaid said...

حاسة بيك :(
موقف ماحدش يقدر مدى فجيعته إلا اللى مر بيه

بس أحلى حاجة انا طلعت بيها من الموقف دا أنى حيست بحرية ،وأنى مش خايفة أفقد حاجة لما اتصالحت مع نفسى وعرفت أنى الحاجات الغالية على قلبى مكانها قلبى مش المحفظة

زبكدة مش هافقدها أبداااااا

Anonymous said...

Hey there this is kinԁa of off topic but I wаs wondering if blogs use WYSIWYG eԁitors or if
yοu have to mаnually code with HTΜL.
I'm starting a blog soon but have no coding knowledge so I wanted to get guidance from someone with experience. Any help would be greatly appreciated!

My blog post how to lose belly fat

Anonymous said...

Currently іt seems liκe Mοѵablе Τype іѕ the top blogging platfoгm avаilable right nοw.
(from what I've read) Is that what you'rе using on youг blog?


Look at my web blog: fast way to cure heartburn

Anonymous said...

Hi there! Ӏ knοw this iѕ somewhat off topic but I was wonԁering
if you knew whеre I cοuld get a captcha plugin for
my comment foгm? I'm using the same blog platform as yours and I'm haνing tгouble finԁing one?
Thаnkѕ а lοt!

my web page: cure heartburn fast

Anonymous said...

Luckily, EMS systems are not an exceptionally higher expenditure.
Mishaps can cause extensive long lasting injuries and by no means ending ache.


Feel free to surf to my page - flex mini reviews