خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 5, 2010

جوجل يترجم بالمقلوب لصالح إسرائيل


إضغط على الصورة للكتبير
خبر مفاجئ وسئ بعدما كنا نظن بحيادية جوجل
افتح موقع جوجل للترجمة
واكتب جملة
إسرائيلى يقتل فلسطينيا
ستجد ان الترجمة هى
Israeli killed by palestinians
فى حين لو كتبت اى جنسية قتلت اى جنسية اخرى
فستتم الترجمة بصورة عادية

25 comments:

Ana keda said...

يا حلولى

يا حلولى كمان مرة

حتى جوجل الراجل ده كنت متوسمة فيه خير انا جربتها ناو والله دى حاجة تكسف اشتروه هو كمان :(

المشكلة ان اليهود بقالهم فترة بيغيروا كل التاريخ على مزاجهم وبيزيفوا حقايق كتير وسمعت ان فى مدارس اجنبيه كتير التاريخ العربى كله فى حجات كتير محذوفة منه
واهو ناو جوجل

يا قلبى لا تحزن والتقيل جاى ورا شكله

Marwa Kamal said...

لا ، الحمد لله
جوجل اللي عندي ليس عميلا لإسرائيل

ترجمها صح

Israeli kills Palestinian

Glgnhof said...

try to translate this in google translator and tell me WTF?? is that


henry killed a Frenchman

Anonymous said...

فعلا وده عادي
لأننا عارفين ان اسرائيل بتمتلك في جوجل

بس الترجمه الصح بتنزل لما بتكتب
الفلسطينين قتلوا بأيدي اسرائيل

TAFATEFO said...

ده خطأ في عملية الترجمة ولا انحياز ولا غيره .. والصورة في البوست السابق مش للأعمال الهندسية المصرية (أو ما تسمى الجدار الفولاذي) ولا حاجه

جرب تترجم
إسرائيلي قتل فلسطيني .. هيترجم قتل باعتبارا مصدر وهتكون israeli killing of palestinians بمعنى قتل الإسرائيليين للفلسطينيين
جرب إسرائيل تقتل فلسطين
إسرائيل تقتل فلسطينيين
وهكذا

اكتب إسرائيلي قتل واعمل contribute a better translation ,خليها kills

Zika said...

مش مفهومه
مش منك .. من جووجل

مهندس مصري said...

هي حاجة تقرف
بس لما جربت الجملة دي
إسرائيلي يَقتل فلسطيني
ترجمها إلى
Israelis kill Palestinian

ترجمها صح لما حطيت فتحة على حرف الياء في كلمة يقتل
إنما بدون تشكيل بيترجمها ضد الفلسطينيين

بطوط حبوب said...

حاجه غريبه فعلا
انا جربتها بالعكس وترجمها صح
فلسطينى يقتل اسرائيليا
Palestinian kills Israeli

دى غريبه جدا

العيسوى الصغير said...

جربت و فعلا

و غبى لو جيت ترجمها لعربى تانى مش بيعكسها بقا لا

بيعملها

الإسرائيلية قتلوا بأيدي فلسطينيين

Ahmed Al-Sabbagh said...

تفاتيفو

اصراحة يا استاذ تفاتيفو انت دايما بتبهرنى بتعليقاتك ومعلوماتك الموسوعية الغزيرة اللى ساعات بتكون كتير عليا .. ده كتير بجد

عـلا - من غـزة said...

والله انا كمان لما شفت الصورة وما صدقتش وجربت بنفسي التباديل المختلفة وفتحت تمي ازبهلالا بالنتيجة
بس ممكن بدل ما نهري وننكت في حالنا انا نعمل
contribute better translation
على الاقل نفسيا الواحد يحس نفسه عمل اشي

تحياتي

أم .. بوبه said...

غريبة ومحدش يتخيل إن ممكن ده ينفع أصلا إنه يتعمل

لا حول ولا قوة إلا بالله

bos bos بسمه عبدالباسط said...

وإيه فى حياتنا مش ماشى بالمقلوب علشان ده يبقى ماشى صح

ليهم حق يعملوا أكتر من كده

أُكتب بالرصاص said...

المشألة مش تحيز ولا حاجة ،
إحنا نكتب الكلمة صح وهو هايترجمها صح

نكتب الألف بتاعة إسرائيلي بالهمزة المكسورة ، والراجل مش هايقصر ، هايترجمها صح الصح

Anonymous said...

اعزائى،
دعونا نبتعد عن نظرية ان اليهود متحكمون فى الدنيا و اننا لا حول لنا و لا قوة. إذا دققتم فى الصورة المرفقة فستجدون أن جوجل يتيح للمستخدمين إمكانية تعديل ترجمة عبارات معينة عن طريق رابط "ساهم بترجمة افضل" و التى قد تتبنى ترجمة مختلفة لعبارة معينة إذا قام عدد معين من الناس بتقديم نفس الترجمة.

Anonymous said...

ات ضد الجدار ولا ايه يا خالو
جدارك في أرضك
يحتار عدوك فيك

مواطنين غم كتكم الهم
عاوزين ايه تاني
اكل وبتاكلوا
شرب وبتشربوا
جواز وبتتهببوا
مش تشيلوا المئولية شوية
يا دي الكسووووووووووووووووف
أكيد عقلي فوت
بقلك ايه يا خالو تفتكر فيلم الملك الأسد كان بيتكلم عن حد نعرفه ؟
الا قولي انا مدونتي مقفولة صحيح
يعني تيجي تدخلها يقولك غير مسموح غير للمؤلف
ابقى جربها وقلي بس من بره مدونتك
د/منوسي

أحمد عاطف said...

السلام عليكم

انا طبعا اول مرة اتشرف بالرد في مدونتك لكن دا لا يعني اني اجهل بمدى روعتك

العزيز احمد الصباغ

اكتب الجملة كالتالي

اسرائيلي يقتل فلسطيني بدون همزات او كسرات او فتحات

ستجد الترجمة كالتالي

Israeli kills Palestinian

ليس دفاعا عن جوجل ولكن بثقة تامة اقول لك انه حقا موقع محايد جدا ولابعد الحدود

تحياتي لك يا غيور

Che Ahmad said...

جوجل مش بيترجم من دماغه
جوجل عنده قاموس بيترجم منه
بس بيبقي كاتب تحت اقترح ترجمة افضل
ولو اكتر من شخص اقترحوا ترجمة مختلفة للموجودة عند جوجل لنفس الكلام بنفس الترجمة بيعتمدها الموقع تلقائيا

ليس إلا !!

faissl said...

اشتغالة اسرائيلية يا صباغ
مش اشتغالة وخلاص، اشتغالة اسرائيلية
جرب اللينك ده وانت تعرف
http://translate.google.com/?hl=ar#ar|en|%D8%A5%D8%B3%D8%B1%D8%A7%D8%A6%D9%8A%D9%84%D9%8A%20%D9%8A%D9%82%D8%AA%D9%84%20%D9%81%D9%84%D8%B3%D8%B7%D9%8A%D9%86%D9%8A%D8%A7
أما ليه بقول لك اشتغالة اسرائيلية تحديدا
لأن فيه موقع اسمه جيش الدفاع الإلكتروني الإسرائيلي كان طلع اشتغالة على تويتر من كام يوم
قال لك موقع تويتر موقع صهيوني وطالب العرب بمقاطعة تويتر ومقاطعة هاشتاج #Gaza
اللي كانت الناس عاملاه لدعم غزة
ومستغله ان فيه ناس ح تنشر بلا تدقيق كعادة العرب

محمود الدوح said...

انا بعتلهم تصحيح للترجمة
ودا خطأ الكترونى بحت
ومظنش ان جوجل تقصدة

وكمان اللى يثبت صحة نية جوجل انها عملت جوجل بنطاق الاراضى الفلسطينية

http://www.startuparabia.com/wp-content/uploads/2009/08/googleps-screenshot.gif

دا لينك لصورة من النطاق

مهيج الجماهير said...

احمد باشا .. ازيك ؟؟
على فكرة الموضوع طلع غلطة هايفة جداً
لأن انا بستخدم ترجمة جوجل على طول و ساعات بتحصل معايا الحركات دى
الجملة اللى انت كتبتها كانت كالآتى

اسرائيلى يقتل فلسطينى

و دى ترجمتها فعلاً

Israeli killed by Palestinians


لكن لو انت كتبتها كالآتى

اسرائيلي يقتل فلسطيني


لاحظ ان فى الجملة الأولى حرف الياء هو اللى مش تحته نقطتين لكن فى التانية حرف الياء اللى فى آخر الكلمة هو اللى تحته نقتطين

فى الحالة التانية هتلاقى الترجمة كالآتى

Israeli kills Palestinian


جرب كدة و قولى

tafatefo010 said...

أعتقد ان حضرتك دلوقتي صدقت انه مش تحيز إسرائيلي لبرنامج ترجمة .. أتمنى ان حضرتك تصدق ان الصورة ف البوست السابق مش للأعمال الإنشائية (أو ما يعرف بالجدار الفولاذي) على الحدود المصرية اللي هي تحت الأرض والهدف منها منع الأنفاق

كل عام وسيادتك بخير

محبة الرحمن said...

انا جربت لقيتها صح

يمكن خافوا من حضرتك وصلحوها

akeedba7ebha said...

يا جماع انتوا مش واخدين بالكوا هى مش لفلسطين وبس لا انت لو جربت تحط كلمه تانيه غير فلسطينى عتلاقى معانها بردوا انه الاسرائيلي هو الى اتقتقل مش لفلسطين وبس

بس هما خلاص شالوها انا مش عارف اجيبها تانى

Safa said...

على فكرة مفيش الكلام ده .. بتترجم صح
Israeli kills Palestinian