خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 2, 2010

إلى أحمد سوو

قد إيه حاسس بسعادة غامرة
مش عشان كلامك اللى يوزن تقله دهب فى حقى 
ومش عشان انت ابن منطقتى وجارى اللى بلجأ له فى اى لحظة بكون محتاجه فيها
ومش عشان اتخرجنا من مدرسة واحدة ورضعنا من (إجرام) واحد
ومش عشان اللى قال الكلام ده فنان حقيقى فاهم فن حقيقى وكلامه العادى بيشنع فن وحياة
ومش عشان انت شخصيتك محبوبة ولها قبول عند كل اللى يعرفوك

ولكن 
عشان دول كلهم 
وعشان فى عز ما الواحد شاف ناس ما يستحقوش ياخدو لقب ناس 
ألاقى حد زيك .. اعتقد إن لو ليا أخ ولد من أمى .. لا كان قال عنى الكلام ده .. ولا كنت أعزه المعزة دى .. ولا كان شاف تفاصيلى بالطريقة دى زى ما انت شوفتها 
صحيح انا فرحان بالكتاب جداً
لكن مش هكدب لو قولت ان فرحتى بالكتاب هى جزء من فرحتى إن فى ناس لسه نضيفة وبيضا من جوا 
واللى عاجبنى أكتر ان كل الاحداث اللى ذكرتها متسجلة بردو فى دماغى وفاكرها لحظة بلحظة.. ومش بس دى .. لكن أغلب قعداتنا مع بعض فاكر تفاصيلها .. وده لاننا عمرنا ما قعدنا ساكتين .. ياراجل ده احنا ما رحمناش القطط .. ده انا مش هنسى ابدا يوم ما كنا فى المعادى وكان فى قطيع كلاب بيطارد كلب شايل فى بقه عضمة .. وانت وقفت تترقب الكلب هيعمل ايه.. وكإنك كنت متوقع .. وبالفعل الكلب راح مهوهو عليهم .. وراحت العضمة واقعة من بقه .. وراحت الكلاب واخده العضمة وطلعوا يجروا 

انا بعتز بيك جداً يا احمد 
وبعتز اننا ولاد منطقة واحدة
وهقولك حاجة يمكن انت ما تاخدش بالك منها .. إن تشجيعك الدائم ووقوفك جنبى فى حاجات كتير كانت دايماً سبب لحاجات كتير انا بعتبرها نجاح وتوفيق من الله..

ابن منطقتك واخوك 
احمد

13 comments:

سبايدرمان spiderman said...

روح حلوه بينكم انتوا الاثنين
انا قريت التجونه التانيه
و قريت كلامك دلوقتي
رحكوا حلوه قوي ^_^

faissl said...

فلتسمح لي خيخة العظيمة بشوية اقتباس من عندها:
..واللي فات ده كله
نخرج منه
بحاجة واحدة بس
اني مش ح اجي عندكوا المعادي
لأني
بخاف م الكلاب
وان انتوا الاتنين بجد
واحشينني جدا
ورغم قصر المدة اللي قضيتها معاكوا
إلا إنكم
فرقتوا معايا
تحياتي
صاحب فحماية أي كلام :)))))

مبروك يا كبير الصباغين وإلى الأمام دايمن دايمن على طوول :)

bos bos بسمه عبدالباسط said...

وبعدين معاكم هو الواحد هيفضل يلف ورا كل واحد شوية ويعيط حبه

بجد الروح دى بقت نادرة جداااااااااااا وبفرح لما بلاقيها لسة موجودة فى وسط عالم الكره والنفسنة والقرف اللى بقى موجود ده

ربنا يحميكم ويديم صداقتكم طول العمر

ويوفقكم

ستيته حسب الله الحمش said...

ربنا يديم بينكما الحب والود يا احمد
ومليون مبروك على الكتاب
ويارب دايما من نجاح لنجاح
ربنا يوفقك

reem said...

الف الف مبروووك يا احمد على الكتاب

بجد ربنا يحميكم انت وسووو

وربنا يديم عليكم الصداقة والمحبة

قريت البوست عند سووو وفرحت اوى ان لسا في ناس كدا

نضيفة زى ما قلت

انت وسووو يا احمد من الناس اللى بئا وجودهم نادر في هذا الزمان

ربنا يوفقك ولتانى مره الف مبرووووووك

على باب الله said...

ربنا يديم المحبة و الأخوة الجميلة بينكم
و ألف مبروك على الكتاب - رغم أنها جت متأخرة شوية

اقدم عاصمه فى الحب said...

السلام عليكم

احلى حاجه فى الدنيا الاصحاب
ربنا يديم المحبه بينكم ولا يبعدكوا ابدا عن بعض وتفضلوا صحاب لحد اخر العمر
بحترم اوى الصحاب اللى بجد واللى بالشكل ده
ودى واحترامى :)

همس الاحباب said...

الف مليون مبروك يا صباغ
وعقبال النسخة المليون
وان شاء الله نشوفك يوم حفل التوقيع
تحياتى

أم .. بوبه said...

ربنا يديم عليكم الصداقة والأخوة

وحلو أوى موقف الكلب ده

وربنا يوفقك وألف مبروك على كتابك ربنا يزيد ويبارك

مهندس مصري said...

انا فخور بأني اعرف ناس محترمة زيكم
بجد فخور بيكم
ربنا يخليكم لبعض و يخليكم ليا
ألف مبروك يا أحمد
و عقبال ما نفرح بيكم دايماً يارب

Anonymous said...

وأنا مبسوطه وبعتز جدا وفخورة أن أنتو الأتنين أصحابى وأعز أصحابى

سهر الليالى

Anonymous said...
This comment has been removed by a blog administrator.
Anonymous said...

وجون وجون وجووووووووووون حلوة يا سوو