خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 20, 2010

مذكرات كلب ضــال


(1)
السبت
"هاو هاو.. يا فتاح يا عليم يا رزاق يا كريم.. حَبَك لمّ الزبالة دلوقت"
إستيقظت من نومى كالمعتاد فى ملقب الزبالة على لبش "مجدى الزبال" الذى يأتى كل صباح ليفعل ما كنت أفعله أنا فى المساء، وهو الشمشمة فى الزبالة للحصول على اى لقمة.
"صعبان عليا مجدى"
من كثرة تعبه فى الحصول على اى حاجة تبل الريق من زبالات المناطق الشعبية الكحيانة اللى أساسا جاية من بيوت مافيهاش أكل، تعلّم أن يسير خلفى فى الخرابة، وأكون أنا مرشده، تقريباً حاسة الشم عنده تعبانه زى كل البنى أدمين.


الجمعة 
"هاو هاو.. سمعت إن واحد اسمه البرادعى جاى من بلاد برة عشان يترشح فى الانتخابات"
سألت الكلاب الضالة يعنى إيه انتخابات، قالولى دى حاجة بيعملوها البنى ادمين عشان واحد يجي يزورها ويحكمهم، ويرجعوا يقلوا أدبهم علينا ويقولوا ريس إبن كلب.


الاربعاء
"هاو هاو.. وحياة أمك يا كلبة انتى ما انا سايبك"
كل ليلة فى ذات الميعاد تأتى تلك الكلبة الحسناء، لتنبح أمام الخرابة على صديقتها التى تقطن فى الخرابة اللى جنبنا، وتثير أعصابى بملامحها الفاتنة، ومرة حاولت مغزلتها فرفعت زيلى لها، فما كان منها إلا أن نبحت ولمّت عليّ كلاب خرابات المنطقة.


الخميس
البنى أدمين متلخبطين..
وسمعت طراطيش كلام إن فى بنى آدم مهم عيان.. ومسافر بلاد برة يتعالج.. بيقولوا ألمانيا .. يااه .. نفسى أشوف الكلاب فى ألمانيا عايشين إزاى .. أكيد طالما الناس المهمين هنا بيروحوا ألمانيا يتعالجوا يبقى الكلاب هناك بتهيص عضم طول السنة.


الاثنين
اجازة الحلاقين..
لذا اعتبرها فرصة جيدة للرقود أمام دكان "موسى الحلاق" فهذة المنطقة مستخبية واستطيع أن أنام فى هدوء فى نفس الوقت اراقب الطريق، بحيث أرى الواد (شغتة) صبى الجزار متسللاً بالعضم وبقايا اللحوم، فأنبح عليه وحين يجرى خائفاً تقع منه عضمات تقمن صلبى.


الثلاثاء
اجتماع المنطقة..
حيث نلتقى فى خرابة مغاورى، وهى الخرابة الملاصقة لدكان بقالة صاحبه رجل غلس اسمه مغاورى، كلما رآنا استقبلنا بجردل مية ساقعة، ولم نسلم منه إلا عندما وقفنا جميعاً وقفة رجل واحد، فأصبح يتحاشانا قدر إمكانه.
والاجتماع لبحث احوال الكلاب الضالة فى المنطقة، وما آل إليه الحال، ومناقشة خطة العمل فى الفترة القادمة، وهى فترة اجازة صيفية، يحلو لعيال المنطقة ربط الكلاب بأحبال ويسومونهم سوء العذاب، وكأننا كلاب من قريش.


الاربعاء
الحال زفت..
والبلد ناشفة، والجميع يجلسون لبحث أحوال النشفان الذى أصاب البلد.
المواطنين على القهاوى، والكلاب فى الخرابات..
قال كلب: يجب أن نصل بأصواتنا إلى جمعيات الرفق بالحيوان..
كلب ثانى: يا شيخ اتلهى.. ده موظفين جمعية الرفق بالحيوان، لو شافونا هيعملونا ساندوتشات.
كلب ثالث: طب والعمل، ما هى الدنيا ناشفة وما عدش فى اكل ولا حتة عضم او شغتة.
كلب رابع: وانا مراتى والدة سبع كلاب ومش راحمينّى من الهوهوة
الكلب الأول: أنتوا ساكنين فى انهى خرابة؟
الكلب الرابع: اللى على ناصية شارع خساية
الكلب الأول: طب ده انت جنبك "كلوْة الجزار" ما تعيش حياتك معاه.
الكلب الرابع: "كلوة" إتجوز ومراته خلفت له توأم وأعلن إفلاسه الغذائى.


الجمعة
إستطعت بحمد لله اقتناص تلك العضمة التى رماها لى "اورمة الجزار" والفرار بها، إلا أن كلاب المنطقة لاحقتنى حتى لحقت بى، فوقفت فى صمود أحمل العضمة فى فمى وجميعهم ينبحون، وأنا أرتعد فى صمت، لكن مرت الكلبة الحسناء وشاهدتنى فى هذا الموقف فعملت نفسى شهماً ونبحت.. فسقطت العضمة من فمى وهجموا عليها وأخذوها.!
"هاو هاو.. الله جاب الله خد الله عليه العوض.. كان لازم اعمل فتك واهوهو"


أحمد الصباغ

9 comments:

sony2000 said...

هههههههههه
حلوه اوي بجد المذكرات دي
بيرصد الحياه اليوميه لمجتمعه
واهو ممكن فالمستقبل يستفاد برضه
تقبل مروري وتحياتي

esraa said...

حتي كلابك يامصر

E-commerce said...

انت ممكن تضع اعلانات على مدونتك وتربح منها الاموال كما انا افعل فى مدونتى ادخل مدونتى وسوف ترى الاعلانات ممكن انت كمان تضع اعلانات وتربح اموال http://international-e-commerce-e-commerce.blogspot.com/
وهذا اللينك اربح الاموال ووضع عداد عالمى فى مدونتك
http://friendfinder.com/go/g1214733
ولما تعمل اعلانات تخش على مدونتى وتضغط على الاعلانات واربح الاموال وانا ادخل على مدونتك واضغط على الاعلانات وتربح الاموال

Dr Dreaming Moslima said...

الله ينور .. حلو كتير هذا الاسلوب الساخر

حتى الكلاب مش اترحمت من وجودها فى مصر .. اومال البنى ادمين يعملوا ايه ..

الله المستعااااااااااااااااان

تقبلوا مرورنا وتحياتنا

دمتم بخير

علاء سالم said...

السلام عليكم

حلوة اليوميات دي والله
وفكرتها جميله

طوبه فضه وطوبه دهب said...

ههههههههههه وانا اسيب الكلاب فى الشغل الاقيهم على المدونه هو البيطرى دا ورانا ورانا اسلوبها حلو اوى تسلم ايدك

عرفة فاروق عبد الله said...

السلام عليكم

جميل جدا يا احمد

خيالك عالى قوى

حبيت اعمل اسقاط على الشعب المصرى

مجتمع الكلاب

انسب اسقاط

بالطبع استثنى نفسى واياكم معشر

المحترمين

كل الود

سومه...مجنونه فى بلد عاقل said...

الاسبوع مش السبوع

سومه...مجنونه فى بلد عاقل said...

منك لله بوظتلى ايام السبوع والخرايط والخطط اللى كنت عاملاها:))