خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 10, 2010

عيد ميلاد المدونة الثالث

زى انهاردة منذ ثلاث سنوات، وبالتحديد ليلة 10 مارس 2007 جلست إلى الكمبيوتر أحتسى الشاى الكشرى بعد طرقعة ضهرى عدة مرات والتثاؤب بعنف كاد أن يتسبب فى تشقق المبنى وتكسير النوافذ، تعثرت فى موقع (بلوجر) الشهير، الذى يتيح لك إنشاء صفحة إلكترونية تسمح لك بالثرثرة والغباء والفضفضة والتعايش فى الهيلولة المطلقة.

وبالفعل..
مارست كل أنواع تلك الثرثرة والغباء والمناكشة ومصافحة العيون وملامسة القلوب ومضاجعة بنات الأفكار ومداعبة الشفايف بالابتسامات وكل أشكال وألوان الشخبطة والتداعى الحر والإنبعاج الكينونى على تلك المساحة السرمدية الإلكترونية، حتى بلغت تلك المدونة الرضيعة من العمر أرزله، وتمّت ثلاث سنوات، وتدخل العام الرابع والغيرة تملأها إعتقاداً منها أن بريق أغلفة الكتب أروع من بريق صفحات المدونات الإلكترونية، ولكننى أرى أن لكل مساحة رونقها وروعتها، والجميل أن يرتشف الإنسان رحيق كل مساحة يطأها سواء بقلمه أو يكيبورده.

فإلى مدونتى التى إحتملتنى ثلاث سنوات دون أن تجأر بالشكوى..
كل عام وانتى تتحملين ثرثرتى فى خير..

21 comments:

احاسيس آيوشه said...

كل سنة وانت والمدونة بخير

sony2000 said...

كل سنه وانت وكل اللي حوليك ومدوتنك بالف صحه وخير
ولااااا تخاف
مدونتك موش هتذعل منك او تأجر بالشكوي
لانها لو ماكنتش بتحبك ومخلصه ليك ولكلماتك كانت مشيت واتفقلت من ذمااااااااان
ومن حيث الغيره فدي طبيعه ربنايه
هههههههه
موجوده فكل تاء مربوطه علي وجه الارض
وفين التورته بقي الست ادوااااااااار؟؟؟
وعقبال عيد الميلاد ليها المليون بأذن الله
تقبل مروري وتحياتي

الشعب لابد له من حكومه تشكمه said...

كل سنه وانت ومدونتك طيبين ومنورين بلوجر وعقبال منبارك كده وهى عروسه وعندها اولاد واحفاد وتلاقى حفيد احمد باشا الصباغ يقول انا جدى اللى كان عنده مدونه خالو احمد الصباغ انت مييييييييييين؟؟؟

كل سنه وانت منور انت والبلوج بلوجر :)

dr.lecter said...

كل سنه وانت طيب يااحمد الواحد سعيد بمعرفتك

عصفور المدينة said...

كل عام وأنت بخير يا احمد

Baskouta said...

كل سنة والمدونة بخير
كل سنة وانت معانا
تحياتي البسكوتية

SAYED SAAD said...

كل سنة وانت طيب يا صباغ ومدونتك طيبة

وجه جديد د.أحمد عثمان said...

كل سنة و انت طيب يا خال

مع اصرارى said...

كل سنة وانت طيب ودائما إلى الأمام

يا مراكبي said...

ثلاث سنين؟

لحقت؟

بجد؟

ده الأيام بتجري بسرعة جدا سبحان الله

كل سنة وانت والمدونة طيبين

اقدم عاصمه فى الحب said...

السلام عليكم

كل سنه وهى طيبه يا عم ويا رب تكمل اربع سنين على خير
:)
ودى واحترامى

مــحــمـود نــشــــأت said...

بالتوفيق الدائم باذن الله

ست البيت said...

ومليون سنة في صحة وعافية
والعام اللي جاي بالستر إن شاء الله
واللسان الطويل في الحق
والكلمات البراقة التي تعيد للغة ثراها في تلك المساحة التدوينة في الفضاء الكيوني

rovy said...

كل سنه و أنت طيب و بخير دائما يارب و مدونتك نجمه تتلألأ فى سماء التدوين ..

تحياتى لك

Anonymous said...

على الرغم أنى مش فى المود بس فتحت النت مخصوص علشان أدخل أهنيك بعيد ميلاد المدونة

كل سنه ومدونتك بكل خير وعقبال مليون سنه ويكونوا كلهم نجاح وتألق وخير

ويارب تحقق كل ما تتمناه وأكتر منه بملايين المرات

Anonymous said...

كل سنة و مدونتك في إزدهار و تقدم
كل سنة و انت طيب يا بطل


رضوي أحمد

dalia said...

فعلا أجمل حاجه أن تلمس بيديك شيئا جديدا التجربة أفضل من لا عمل
أشوفك السنة الجاية في بوست جديد ولا أقول في عمل خيري جيد أحسن
تحياتي

Sarah el eskafy said...

كل سنة والمدونة بتعلى لفوق وقراءها يعدوا ال7 مليون
مش كنت قلتلى كنت جبتلك معايا جاتوهاية واحطلك فيها 3شمعات وشيكولاتة من ام بسكوتة دى
زعلتنى والله

حياة said...

كل سنة والمدونة المتميزة في تألق وابداع
وكل سنة وانت بخير وصحة وسعادة
الله يوفقك
تحياتي وتقديري

بسمـــة مســـــلّم said...

السلام عليكم كل سنة تمر عليك وعليها يارب تكون احلى والى الامام ان شاء الله

يوميات مضيف فى الطيران said...

الف ...الف مبروك
كنت اول من طالعت من المدونات
ولا زلت كل يوم اتابع مدونتك
وشجعتنى لان ابدا فى التدوين
كم هو جميل ان تبدا وتستمر
وتنجح وتصدر كتابا
للامام دائما