خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 6, 2010

أحمد بتاع زمان

لا يمر يوم ولا ساعة إلا وأسمع كلمات التحسر على (أحمد بتاع زمان) وأيامه الحلوة، وطباعه الجميلة، وبقه اللى بينقط سكر، وكل الحاجات التى تجعلنى على وشك اللطم والصويت على حالى الذى تحول من (أحمد بتاع زمان) إلى (أحمد بتاع دلوقت).

أمى دائماً تمصمص شفتاها وهى تتحسر على (أحمد بتاع زمان) أيام ما كنت منظم وهادئ ومهتم بالأشياء لدرجة توهمك بأننى كنت ملاكاً بجناحين، وأقسم بالله إننى عمرى ما كنت منظم فى يوم من الأيام، كل الحكاية إننى – زمان – كنت أضع الشرابات فى درج التلاجة، أما الآن فأضعها بين الكتب فى المكتبة، وكنت أرمى ملابسى فى الطرقة، وصرت الآن أضعها فى المطبخ، وعندما إخترعوا الموبايل؛ كنت أأخذ ريموت التليفزيون معى بدلاً من الموبايل، وعمرى ما كنت هادئ فى يوم من الأيام، كل الحكاية إننى فى الصغر تعودت أن أنام بالثلاتة أيام والأربعة، فيظنون أننى شخص هادئ، رغم إنهم لو تأملوا قليلاً لوجدونى – حتى وأنا نائم – أرفص برجلى وألعب ملاكمة وأشخر وأصفر.

أما الآن فالنوم قليل جداً، والسهر يومياً حتى الصباح، وبعد العودة من العمل بالكثير ساعة قيلولة، لذا فمن الضرورى – خلال عشرين ساعة من اليقظة - أن أستعمل حنجرتى وأطرافى وأعضائى ومواهبى بمعدل أكبر من السابق حتى لا تضمر، فالعضو الذي يستعمل يكبر ويبقى حلو، والعضو الذى لا يستعمل يضمر ويتنيل بنيلة.

أصدقائى ينظرون لى فى حسرة وهم يقولون فين (أحمد بتاع زمان) اللى كان بيعزمنا على الغدا دون أن يهتز له رمش، وهم كاذبون فى أصل وشهم، ولم أعزم كائن بشرى على الغداء قط، كل الحكاية أن هؤلاء الأصدقاء كانوا زمان لا يتورعون عن أن يتكفلوا بأكلى فطاراً وغداءاً وعشاءاً، وكنت أزهد أحياناً فى ساندوتش، فأتركه لهذا أو ذلك، فيأخذه فرحاًن رغم إنه – إبن العبيط – هو الذى دفع ثمنه.

خالتى حزينة على حالى ما أن رأتنى حتى سألتنى: فين (أحمد بتاع زمان) اللى كان لما يشوفنى ييجى يقعد فى حجرى، طبعاً أخبرها أنه بعد وصولى إلى المترين طولاً بنجاح، فمن الصعب أن اجلس فى حجر سيدة لا يزيد طولها على الـ 140 سم.

حتى عمى الذي أزوره كل ست ساعات وكإنه مضاد حيوى بمجرد أن رآنى حتى إبتدرنى قائلاً يا احمد نفسى ترجع (أحمد بتاع زمان) وتيجى تزورنى وتسأل عليا، طبعاً الرد الوحيد المناسب أن أواصل إلتهام التفاح الموجود على السفرة فى نهم – مصدراً صوت خشششش - لعله يحس بالأسى من زيارتى له.

أما المخاليل الأعزاء – ولاد وبنات أخواتى – فيرون أننى صرت شخص أخر تماماً، يكتفون بقول (فين أحمد) بتاع زمان أو بتاع أى زمان، لإنهم يرون فى شخصى الكريم حالياً الهدوء والتهذيب واللطف والمعاملة الرقيقة؛ مقارنةً لما كنت أفعله بهم فى السابق، حيث كنت أمارس تعليق الأطفال تحت سن ثلاث سنوات فى النجفة، ووربط خمسة عيال من أرجلهم بالحبل معاً وتركهم يوم بليلة، وهكذا فهم يرون أننى أصبحت مملاً شخص (نوت إنترستنج) وهكذا.

الجميع يتحسرون على (أحمد بتاع زمان) رغم أننى أتحسر على سلامة نظرهم؛ فلو دققوا فى وجهى الكريم، لوجدونى (أحمد بتاع زمان) طبق الأصل، بغباوته وتلقائيته، وطيبته ووهيلولته، وفجعته وجوعه، وحنانه (الذى يفوق حنان الأم)، وغباءه الذي يفوق غباء الحكومة، بحبه للحرية وبغضه للتقيد بحاجات ملهاش لازمة.

عزيزى أحمد بتاع زمان..
عشان خاطر النبى يا شيخ ترجع تانى.

أحمد الصباغ 
رسم : منى حمدى زيدان

7 comments:

Anonymous said...

تفتكر المشكلة فيك ولا فى الناس ولا فى التغيرات اللى بتحصل للأنسان وتخلى طباعه تتغير غصب عنه وتتحول للعكس

ولكن لو الناس بصت جواه شوية هتلاقية هو هو نفس الأنسان ولكن ساعات أفتقادة لحاجات معينة بيغيره

وساعات طموحه الكبير وخوفه على مستقبله بتخليه يبان متغير قدام الناس

وساعات ضغوط وحاجات تانية كتيرة بتبقى عليه وتخليه يبقى بالشكل ده

ولكنه هو هو نفس الأنسان ولكن محتاج للى يفهمه ويطمنه حتى لو كان بمجرد كلمات بسيطة

وهو كمان محتاج أنه يحرر نفسه من قيود حطها بمزاجه على نفسه

محتاج يحرر مشاعره ويعيش حياتة

محتاج لحاجات كتيرة ممكن يكون مفتقدها ولكنه مش قادر يعملها ولا يوصل لها

بس المشكلة أنهم مش فاهمين أن ورا الهدوء والمعاملة الطيبة دى بركان نفسه يطلع ويثور

dr.lecter said...

فين احمد بتاع زمان؟

Anonymous said...

جميل اووي البوست ده ... واضح ان احمد بتاع زمان كان راضي الكل رغم ان احمد بتاع دلوقت برضه نجم ... ربنا يوفقك ديما .. نبال

أبو حميد said...

قولهم مقولة اللمبى الشهيرة
أنا رياض باشا بتاع زمان وبتاع كل زمان
تحياتى

nanaalol said...

ما شاء الله عليك يا خال ، كتاباتك ممتازة و طبيعية جدآ بحس أنك بتوصف حالك من غير فزلكة و لا و كلمات مكعبلة كتير
أحسنت أيها الفتى

مهندس مصري said...

أنا برضه واحشني أحمد البسيط بتاع زمان
مش معنى كده انك اتعقدت دلوقت
بس حاسس انك اتغيرت شوية
مشغولياتك كترت يا عم :)

roney ahmed said...

تنظيف خزانات بالمدينة المنورة وهى مؤسسة ذات مسئولية متخصصة فى مجال شركة تنظيف الخزانات بالمدينة المنورة مع التعقيم. تقوم بعملية شركة تنظيف للخزانات العلويه بالمدينة المنورة ونقوم بعملية تنظيف الخزانات الارضيه بالمدينة المنورة . لدينا
تنظيف خزانات بالمدينة المنورة
الكثير من الطرق لتنظيف الخزانات منها طرق يدويه وطرق ميكانيكيه تنظيف الخزانات بالمدينة المنورة يدويه حيث يقوم العامل بالنزول الى الخزانات ويقوم بتنظيفه جيدا اما الطريقه الميكانيكه عن طريق استخدام افضل المكانس النفاسه للخزان ويتم وضع احسن المواد المطهره لهذه المكانس حتى يتم تطهير الخزانات بالمدينة المنورة من البكتريا تطهير الخزانات بالمدينة المنورة كذلك يوجد نوعين من الخزانات خزانات كبيره ذات فتحه كبيره تمكن العامل
شركة تنظيف خزانات بالمدينة المنورة
من الدخول داخل الخزان وتطهيير الخزان بالمدينة المنورة من الداخل وتنظيف الخزان وازاله البكتريا عنه النوع الاخر من الخزانات خزانات صغيرة الحجم يتم توجيه خرطوم مياه ذات قوة دفع عاليه جدا تمكن من تنظيف الخزان بالمدينة المنورة كاملا. تعد شركة تنظيف خزانات بالمدينة المنورة من افضل الشركات الموجودة بالمدينة المنورة حيث تقوم بتنظيف مثالى للخزانات باستخدام احدث الآلات وافضل مواد التنظيف المستوردة و المصرح بها و التى لا تؤثر على الصحة كما تقوم تنظيف خزانات بالمدينة المنورة بتنظيف جميع انواع الخزانات العلوية و الارضية الخراسانية و الفيبر و الاعتماد على افضل فريق عمل لتنظيف خزانات كما تقدم الشركة خدماتها بجميع محافظات المدينة المنورة مثل خيبر و مهد الذهب و العلا و تمتد لتشمل باقى المناطق المجاورةعزيزي العميل احرص على تنظيف خزانك بانتظام كل فترة للتأكد من سلامة المياه التى تستعملها
تنظيف خزانات بالمدينه المنوره
حيث ان معظم الامراض تحدث نتيجة المياه الملوثة لذلك يجب الاستعانة بشركة تنظيف خزانات مضمونة مثل شركة تنظيف خزانات التى تقوم بتنظيف الخزانات الجديدة و المستعملة طبقا للائحة الاشتراطات الصحية كما تقدم الشركات خدمات اخرى باسعار تناسب جميع الطبقات اتصل الآن و حافظ على صحتك و صحة اسرتك